Ka Nupepa Kuokoa, Volume LXIII, Number 19, 8 May 1924 — MAKEMAKE IA MRS. KAHANU WOODS I KOMITE [ARTICLE]

MAKEMAKE IA MRS. KAHANU WOODS I KOMITE

No ka makemake, e kohoia mai o Mrs. J. Frank Woods, a i kamaaina hoi i ko Ha%vaii nei poe, ka wahine kane-make a ke Keikialii Kalanianaole, i komite lahui wahine, i hoomakaukauia ae ai kekahi palapala noi, no ka waihoia aku imua o ke Komite Lahui 11. W. Shingle, no kona waiho aku i kela inoa, no ke kohoia mai i komite lahui wahino no Hawaii nei, ma ka nianawa e noho mai ai ka ahaelele Repubalika wae moho - peresidena ma Amerika. 0 ke ano o kela palapala noi, e noi okoa aku ana ka poe no lakou na inoa i kakauia malalo o l<%la palapala, ia Mrs. Woods, « ae mai oia e waihoia aku kona inoa e lee komite lahui mai Hawaii aku nei, imua o ka ahaelele e noho mai ana ma Cleveland, ma ke ano i komite lahui wahine. O ke kumu nui i manao ai ka poe, i kakoo i kona inoa, no kela kulana, 0 ia no ko lakop manaoio, o Mrs. Woods, ka mea i maa a i kaniaaina 1 na hana politika kuloko, a ma ka aina makua, a hui pu iho hoi me kona noho hoaloha me na luna oihana ma Wakinekone, iloko o na makahiki he 20 o ka paa ana o ke Keikialii Kalanianaole i ke kulana elele lahui mai Hawaii aku nei. Nui wale ka poe ko'iko'i mai na kane ame wahine o keia kulanakauhale i kakau i ko lakou mau inoa malalo o kela palapala noi, a iwaena o kela mau inoa o ka inoa kekahi o Kiaaina W. R. Farrington, ke Kakauolelo Eaymond C. Brown, ka Lunahooia Treadwaj', R. M. Dunean ame kekahi poe ko'iko'i .e ae he nui/ Mahope koke iho o ka hookuu ana o ka ahaelele Repubalika aku la i hala, i ala ae aLkekahi noonoo iloko o na Repubalika, no ke noi ana aku ia Mrs. Woods oiai no oia ma Kapalakiko, e ae mai no ka waihoia aku o kona inoa imua o ka ahaelele wae peresidena ma Amenka, aka nae no ka hoomaopopo o kekahi poe he Demokarata ko Mr. Woods aoao kalaiaina, ua kakanalua lakou i ka ae mai o Mrs. Wooda i kela noi.

Ua hoohuli hou ka noonoo o na Bepubalika i ka inoa o Mrs. J. M. Dowsett, kekahi o na wahine ko'iko'i o keia kulanakauhale i komo kino iloko o na hooikaika ana no ka pono koho baloko o na wahine ma Hawaii nei, a iloko no hoi o ia manawa hoolealii, i oili pn ae ai ka inoa o ke Kamaliiwahine Kawananakoa, me ka hooikaika o kekahi

poe Repuballka, e Jilo oia ke komite lahui -wahine. Mamuli na« o keia mau inoa «kolu, ua manao kekahi mau alakai o ka aoao Eepuhalika, e loaa ana no he hooponopono inaikai ana, ahiki i ka unuhi ana o Mrs. Woods ame Mrs. Kawananakoa i ko laua mau inoa, a koe hookahi ka inoa o Mrs. J. M. Dowsett, na keia mua aku nae e hoike mai i ka mea oiaio.