Ka Nupepa Kuokoa, Volume LXIII, Number 20, 15 May 1924 — E HAAWIIA NA KOKUA E PONO AI. [ARTICLE]

E HAAWIIA NA KOKUA E PONO AI.

Ma na ahamele Pnnee Lei Lani i wehe ai maloko ibo nei o keia kulanakauhale, a ma na mokupuni, ua hoohauoliia aku ka manao o ka poe i lohe i kana himeni ana, i ka maikai; ame ka nani maoli o kona leo, o ka oi loa aku, ma na mele Hawaii. Ua hoohauoliia aku na ahahui, na kalapu, ame kekahi mau anaina i konoia ai oia e himeni imua o lakou; aka aia nae he heluna nui o na makaainana o Hawaii nei, i hiki ole ke loaa kela pomaikai nui, o ka lohe ana i kona leo nani, mamuli mai o ko lakou kulana nele, a me kekahi mau kumu lehulehu e ae. He hana kilakila loa, na kekahi poe kuonoono o kakou, ka haavvi ana ae i na kokua i ka Prince Lei Lani, me kekahi huina dala mahuahua, no kona haawi i mau aha himeni akea, i wahi e lohe ai na mea apau i kona himeni ana mai i na mele, i kaulana ai oia he puukani no Hawaii nei. Me ka hooikaika maoli no i hoomanawanui aku ai oia, aole he mau kokua mahope aku o kona kua, ahiki i ka loaa ana o ka ike ame ka makaukau himeni iaia, a ma ona la. elike no hoi me Kaohu McKenzie, ua hookaulanaia ae o Hawaii nei ame ka lahui Hawaii, ma o laua la ma ka himeni, a ua pomaikai kakou, i ka loaa ana o kela mau kalena kiekie loa iaīa. I loko o ka pule himeni aku nei i hala, ua hooko aku ka Prince Lei Lani i na kono i waihoia aku imua ona, no ka hin eni ana ma kekahi mau wahi o keia kulanakauhale, o ka poe i lohe i kona leo, hookahi olelo nui ma ko lakou mau lehelehe, o ia no ke ku i ka nani, ame ka lealea o ka pepeiao i ka hoolohe aku i kela leo ona; i pana'i kupono loa ma ka aoao o koonei poe, he pono e haawiia he kokua iaia ma ke dala. no kona w«he aku i mau ahamele akea, me ka uku ole, no ka hoolohe ana o na mea apau iaia. - -