Ka Nupepa Kuokoa, Volume LXIII, Number 20, 15 May 1924 — Pakele na Ola Lehulehu I na Pohaku a ka Pele Kiolaia na Pohaku me ka Lehu i ka Lewa ma ka Manawa i Pa-hu ai o ka Pele ma ka Poalua Aku Nei [ARTICLE]

Pakele na Ola Lehulehu I na Pohaku a ka Pele

Kiolaia na Pohaku me ka Lehu i ka Lewa ma ka Manawa i Pa-hu ai o ka Pele ma ka Poalua Aku Nei

HILO, Mei 13.—Ua hoopakeleia na ola he nui ma keia auwina la, mamuli o ka ike mua ana o Thomas E. Boles, ka lunanui o ka paka o Hawaii i ka pilikia, ma kona papa ana i na kanuka mai ka liele ana e nana i ka luapelo o Halemaumau, he mau minuke helu wale no mamua ae o ke pa-hu ana o ka pele me ka ikaika, me ke kiola ana i na pohaku nunui no ka niamao o 2000 kapuai. Ua kiolaia aku ka lehu pele he 1800 i ka lewa maluna ae o ka lhapele. No elua minuke ka loihi o kela pa-hu ana ae o ka pele me ka ikaika. Ewahi poe, me ke komo pu o kekahi kanaka kakau nupepa ame ka mea pa'ikii i pakele maliunehune na ola mai ka make mai, i na pohaku e haule iho ana me he mau pakaua la, no lakou Vo kaumaha mai ka hookahi a i ka 300 paona. No elua manawa i hoohinaia ai

ka Lunanui Boles ilalo mamuli o kela pa-hu ana o ka pele. Ua lioohinaia o Belknan ilalo o ka Hilo Herald- Tribune, mo ka loaa ana o ka eha iaia, pela pu o L. E. Phillipa, he luna mahiko. Maluna o ke kaa otomobile o James' Webstēr, ka lunanui o ka mahiko o Pepeekeo, me Mrs. Farnk Cody ame ka wahine lawelawe kahi i noho ai, iwaena o kela pilikia, aka ua pakele nae lakou me ka poino ole. Ua pakele pu o Prank Wilaon ka lunanui o ka Hilo Gas Company. Pakele mahunehune wale iho no ke ola o Frank Cody, ka mea e pa'ikii onioni ana no ka Hui Mokuahi Holo Pili Aina, iaia e hoao ana e hoopakele ae i kana mea pa'ikii i ka wa i pa-hu ai ka pele. Ua. oi aku i ka 1000 kapuai ka hohonu o lea lua pele. O ka elima keia o ke pa-hu ana ma kela ln, he emi nae ka ikaika o kekahi mau pa-hu' ana.