Ka Nupepa Kuokoa, Volume LXIII, Number 22, 29 May 1924 — HE HOOMAIKAI NUI. [ARTICLE]

HE HOOMAIKAI NUI.

E Mr. Lunahooponopono o ka Nupepa Kuokoa; Aloha oe a nui:—E oluolu oe e hookomo iho ma kahi kaawale o kekahi mau kolamu, no makou ia. kolamu; i ike mai ai hoi na kamaaina puuwai hamama a loko maikai palena ole, o ka aina Kaika'uhaa a ka malihini. Ma ke kakahiaka Poalima, la 11 0 Aperila, i hele ai makou i Kau, ao ka wehe ahamele ana. Hiki i Waiohinu, hui me Miss Lily Auld, a nonoi aku iaia i wahi e weheia ai ka makou ahamele. ■ Holo Joa makou no Naalehu, a hui makou me Mr. B. Apiki, kuka iho la makou me ia no ka Hall o Naalehu; haawi mai oia i na kokua ana ia makou. Holo loa no Pahala, oiai makou e holo ana nomua me ka maopopo ole, aohe wahi mea o makou j ike mua ia Kau. O ke Kiakaa wale no ka 1 iko. Ia makou i kokoke aku ai i ka Halewiliko o Pahala, pa ana kahea a ke Koolauwahine, Mrs. Kaimi Hoopii. Aloha; komo mai, a hoomanao ae la no hoi i kekahi mau mele himeni kahiko penei: Owau mai kau e hea mai ai, E hea i ke kanaka e komo maloko. E hanai ai a hewa e ka waha, Eia no e ka uku o ka leo. Malaila makou i hookipa aloha ia ai me ka maikai, na ai a lawa; a pau ka makou ai ana, hoomakaukau ka makou wehe ahamele; a ua noiia aku la- no hoi ka oluolu o ka lunanui o Pahala, a ua haawi mai la oia i ka Hall me kona lokomaikai. puuwai hamama ia makou, me ka uku ole hookahi keneka. O ka hana ana ia a. ke aloha, 0 ka hu'e pau i ka waimaka, Good byc pu kaua, Oiai ke aloha ua lai. Mamua o ka hoomaka ana o na hana liimeni, hui mua iho Ia he mau kanaka hana alanui no kai o Punaluu, a lele ka laua la mau dala $4.00, a ma ka hora 7:30 p. m., ua piha mai la i ka poe maka'ika'i; a ua nui ka hauoli o ka poe i. mai ma ia po; a ma ka hora 12 o ia po i pau ai na hana; a ua huki kela, a huki keia e hoi ma ko lakou wahi e inoe ai. Pela ilio la ko lakou lokomaikai ma ia po i hookipaia ai makou; a ma ke ao ana ae o kekahi la, me ka manao, a pau ka paina kakahiaka me na kamaaina, alaila huli hoi mai, a kono hou no ko makou alakai (pailaka) e pii nouka o Kapapala no ka ike ana i na hoahanau e noho ana malaila. Ma ka eleu o keia alakai o makou, aohe lua elike ai; ahiki makou i Kapapala, ua apo mai lakou ia makou m« ke ohohia nui. Mamuli o na hoakaka, ia manawa i hui ae ai lakou me ka wahine a ka lunanui o Kapapala; a haawi mai la i kekahi papaaina nui i hele a luluu i na meaai na wakou; a ia makou e nanea nei, ua kuupau aku la no makou i ka himeni ana.; a ua nui ka hauoli o lakou ia manawa; a i ka pau ana o ka makou paina ana, o ia ka wa i kuupauia ai na mele apau, a ua nui ka hauoli 0 ka wahine a ka lunanui ame ka j poe apau o Kapapala; a ua haawi mai la lakou ma ke kokua ana ia makou. Ua haawi mai la o Mrs. Hariata loane $10.00 a o kekahi poe no hoi ho $2.00, $3.00, ahiki i ka $5.00 na ka wahine a ka lunanui. Aloha, aloha a nui e Kapapala; a haalele makou ia Kapapala hora 11 a. m., a oi; hoi hou no Pahala, no ka hooponopono ana i na wahi paiki Ai makou. 1 ko makou hiki aoa mai i Pahala, hui hou me Moees Kawaha, haawi 1 kekahi mele aloha mawaena o lakou ame makou; a i ka makaukau ana o makou no ka huli hoi mai, ia manawa i haawi hou mai ai o Moses Kawaha he $10. Haalele ia Pahala hora 3 p. m., me ka uhai tu no o ko makou ala kai Mrs. Kaimi Hoopii. Aliiki makou i Honuapo, a hui me na kamaaina, a kuka liilii no hoi no ka wehe ahamele ma Naalehu; a huli hoi aku la no Naalehu, a hui iho la makou me Mr. B. Apiki, ke kamaaina o Naalehu, me kona lawe pu i na hoolilo o ka Hall no ia po; a ma ka hora. 7:30 p. m., i weheia ai. Ua piha me ke ohohia no na mele a lakou i lohe a i; a pau ma ka h ora 12. Konoia mai makou « Mtb. Julia B- Apiki, ame Mr. B. Apiki, a hooaumoe ma ko laua home. Mahope iho o ka pau ana o ka ai ana i ka lokomaikai o na kamaaina, Mr. ame Mrs. B. Apiki, ame ko makou alakai Kaimi Hoopii. Nui ko makou mahalo ia oukou e na kamaaina apau 0 Kau i hookipa mai ia makou. Owau no, annie chas. au, Kapoopoo, Kona Hema.