Ka Nupepa Kuokoa, Volume LXIII, Number 22, 29 May 1924 — KA LA KAUPUA [ARTICLE]

KA LA KAUPUA

Ma ka la apopo, ka la 30 o ka mahina o Mei nei, e hoomanao ae ai na makaainan apuni keia Teritore ia la, ma ke ano he la no ke kau ana i na pua maluna o na he-kupapau ma kela ame keia pailina. ' He hana keia i lawelaweia mai kinohi mai, e na makaainana Amenka maluna o na he-kupapau o na koa i molia aku i ko lakou mau ola ma na kahua kaua, kela mau koa, no lakou na koko makamae. i hookaheia no ko lakou aina ame ka noho kuokoa ana. Elike nae me ka pee ana mai o ke aw o ka manawa, ua lawe mai na makaainana o keia Teritore i ka hana kaupua, ma ke ano ? o kekahi ia o na hana kupono loa, e malamaia me na manao hiipoi, maluna o na he-kupapau o na mea aloha, i haalele mai i keia ola ana. a ma keia la, e komo ana kakou apau, iloko 0 ka hana kaupua, ma ka hoohiwhiwa ana i na he-kupapau, he hoike. ma ka aoao o ka poe e ola nei, no na hoomanao aloha no ka poe i kuu ka luhi mai na inea ae. o keia ola ana. He mea i haawiia aku ai na mahalo ana iloko o na makahiki ae nei i hala, no ke ku i ka nani ame ka u'i, o na hoohiwahiwa ana a kekahi poē, i ka lakou mau he kupapau, me na pua, ame na lei, mai na pua maoli a na pua pepa; mai lilo nae ia mahaloia mai, i kumu e hookomoia aku ai na manao hookelakela ma keia hana, o lilo auanei kela hoomanao aloha, no ka poe i hala ma kela ao i mea liilii, a lilo Ka mahaloia mai i mea ano nui. I ka malama ana i ka hana kaupua, he mea pono e lawelaweia kela hana me na manao kui'o maoli, ma ka lawe ana mai i na pua kupono, a mau lei kupono paha, na mea hiki ke loaa; aole me kela manao e hooi ae i ka nani ame ka u'i, imua p ka kekahi; a mai hoolilo i na dala mahuahua no ke kuai ana 1 na pua oi ae o ka u'i, me ka manao pela iho la e hoikeia ae ai ke aloha no ka poe i moe ma na ilina;.aka e hoolilo ma ka mea kupono, no ka mea aia no he mau mea i oi ae ka waiwai e hooliloia keki mau dala mahuahua, no ka pono o ka poe e ola tiei. He mea oiaio, o na hoomanao ana no ka kakou mau mea aloha i hala aku ma kela ao, he hana hiki ole ia ke hoopoinaia; a ma keia hana kaupua, he wahi lihi wale no ia o na hoike ma ko kaleou aoao no lakou; ua oi aku nae ia mamua oka nele loa. Nolaila a hoea mai i ka la apopo, he hana na kela ame keia ohana, he mau mea aloha ka lakou i haalele mai i keia ola ana, ke komo pu ana aku ma ke kau ana i kekahi wahi hoailona, maluna o na he-kupapau. i mau mea hoomanao, aia no iloko o ko kakou noonoo apau, kela haawina kilakila o ke aloha no lakou.