Ka Nupepa Kuokoa, Volume LXIII, Number 22, 29 May 1924 — E MALAMAIA ANA HE EA'IHUAKA'I [ARTICLE]

E MALAMAIA ANA HE EA'IHUAKA'I

No ka hoomanao ana i ka La Kaupua, e malamaia ae ana he ka'iliuaka'i e na pualikoa ame mau ahahui, ma ke kakahiaka o ka la apopo, mailoko aku o ka pa'lii, nouka o ka ilina o Nuuanu, a malaila e malamaia ai he haiolelo, ame kekahi mau hana e ae i kupono no kela la. E hoomaka ana ke ka'i ana o ka huaka'i ma ka hora eiwa me ka hapa o ke kakahiaka ma kela la, uiai ka pa'lii aku no ke alanui Mila, a hoea i ke alanui Beritania, alaila ka'i ma kela alanui aliiki i k« alanui Papu, pii iuka ma ia alanui ahiki i ke alanui Kuakini, alaila iho ilalo a hoea i ke alanui Nuuanu, a ka'i pololei aku nouka o ka ilina ma Nuu-" anu. O na mahele e komo .ana ma keia kaihuakai, o ia na puali koa kiai laliui, ke kula a'o koa o Honolulu haumana o ke Kula Kamehameha, na koa i komo iloko o na kaua lehulehu, ka Ligiona Amerika, na Keiki Koa, ka ahaliui Odd Fellows, na Keiki o ke Kaua Kipi o Amerika, ame na kaikamahine, ka Puali Hoola ame ka Ahahui Moose. E hoomaka ana na hana mauka o ka ilina, nia ka hapalua o ka hora umi o ke kakahiuka, malaila ae ana ka bana puhiohe o ka pualikoa 55, no ka paani ana i kekahi mau mele kupono loa no na hana lioomanao o ka lu.