Ka Nupepa Kuokoa, Volume LXIII, Number 23, 5 June 1924 — HE HOALOHALOHA NO KUU KEIKI MANLEY DEDRICK WASTON. [ARTICLE+ILLUSTRATION]

HE HOALOHALOHA NO KUU KEIKI MANLEY DEDRICK WASTON.

Mr. Sol. Hanohano, Lunahooponopono o ka Nupepa Kuokoa, Aloha oe:-*-E oluolu oe e hookomo iho ma kahi kaawale o kau pepa, i ike mai ai na ohana ame na makamaka ame na hoaloha, ua haalele mai i keia ola ana ka'u keiki i aloha nui ia, Manley Dedrick Waston. He mau la pokole wale no kona ma'i ana, a ma ka la 23 o ka wanaao o ka Poalima, mahina o Mei i hala aku, i.pauaho mai ai oia i keia ola ana, ma Kalaupapa, Molokai. Ua hanauia mai oia ma Kahana Koolauloa, Oahu, ma ka la 27 o Dec. makahiki 1906; nolaila ua piha iaia na makahiki he 17 me na mahina 4 ame 5 la. Iloko o. hookahi makahiki a oi o kona ola ana, mai kona hanauia

ana mai, i haalele mai ai kona makualiine iaia, āme kona mau kaikuahine .elua, o Lillian ame Emma Waston. Mai ko maua puhaka aku me ka'u wahine 4 keiki, 2 i 1/iweia aku, koe iho 2 kaikamahine e ola nei. Nolaila ua luhi wahine ole ia e a'u oia, ahiki i ka aneane ana o na makahiki 14. Hookaawaleia oia mai a'u aku, mamuli o ka ma'i hookaawale ohana. Auwe ka luuluu no kuu keiki aloha o! Kuu luhi i luhi hookahi :ii, nuwai o nele ke aloha, ua pili pu ia me a'u ma na wahi apau a'u i hele ai. Aloha wale ia pua opuu, i hoōmaka, ae e mofiala, ua mae koke iho la uael E Kalaupapa e, ua pau ko oukou ike hou ana i. na maka opiopio o kuu keiki, e kaalo ae ana i ko oukou maka, ke noho nei au. me ka luuluu me ke kaumaha, aka ua hoomahaia no hoi au iloko o ka Haku lesu, 110 ka mea ke moe la oia ilok,o o ka Haku lesu, no ka mea, ke ike nei au, i kekahi la, e hui hou ana no au me ia ma keia kino, ma kela ola ana, a e lioni aloha ana'hoi au me ia, me ka 'u mau keiki apau, ame ko lakou makuahine, mahope iho o ka la nui weliweli o lehova ka nui. Ke mahalo aku nei no hoi au i ka poe apau i hele aku i kona hoolewa ame ko lakou mau kokua ana. Owau no me ka, haahaa, NELSON P. WATSON, Colburn St. Honolulu,

TkIANLEY DEDRICK WATSON