Ka Nupepa Kuokoa, Volume LXIII, Number 23, 5 June 1924 — ELUA MAKAHIKI HOOPAAHAO KA HOOPA'I [ARTICLE]

ELUA MAKAHIKI HOOPAAHAO KA HOOPA'I

0 ka hopena o na hihia a ke aupuni, e ku-e ana i na'Pake e hookomoia mai nei i Hawaii nei, a hoea loa aku no Amerika, mamuli o na hana hoopae ma-lu, a kekahi puulu kolohe, o ia no ke kauia ana aku o ka hoopa'i hoopaahao o elua makahiki maluna o Liu Bak, a i ikeia hoi ma kekahi inoa e ae o Liu Yin Fun, a ma kekahi inoa' okoa ae o Lau Yau Ho, ma ka Poakahi nei, mahope ili'o o kona ae okoa ana aku i kona pili i ka hewa, imua o ka Lunakanawai Federala William T. Eawlins. Mahope iho o ka noho hana ana 0 kela Pake maloko o ka halepaahao 1 kona hoopa'i, no na makahiki elua, e kipakuia ai oia mai Hawaii aku nei, me ka hoihoiia no Kina, kona wahi i holo mai ai, me ka manao e noho ma Hawaii nei, malalo 0 kekahi pepa hookupa makaainana Amerika apuka. Ma na oleloike e pili ana i ka hihia o keia Pake, ua uku aku oia he elua kaukani dala Mekiko, i kekahi Pake ma Kina, ma ko ano o ke kumukuai ia o kekahi palapala hookupa makaainana, i hoopukaia no kekahi kaikamahine Pake i hanau ma Hawaii nei. Ma o Kela palapala hookupa makaainana la nae, i loaa pono ai ka hana apuhi i lawelaweia, no ka hookomo ana mai i keia Pake, no ka mea ma ka huli pono ia ana aku o na mea oiaio e pili ana i kela palapala, i ikeia ae ai, he kaikama- | hine ka »mea nona kela palapala j hookupa makaainana, aole he keikikane. i O keia ka hihia mua loa, a ke aupuni e ku-e ana i na Pake i hookomoia mai ma ke ano kolohe a apuhi i ke aupuni; he nui e ae ria Pake e paaia mai nei, malalo o keia ano hookahi ,no ka hooloheia aku. o ko lakou mau hihia. Mahope o ka unuhiia ana aku o na kumu hoopii imua o keia Pake, elike me ia i loaa i ke kiure kiekie, ua ae okoa ae la oia no kona pili i ka hewa, a me ka hoohakalia ole iho, 1 hookau mai ai ka Lunakanawai Federala Rawlins i ka hoopa'i maluna ona, elike ae la me ia maluna. Ma ka manaoio o na luna oihana federala, aia ma kahi o ke kaukani Pake i hookomo malu ia mai iloko o keia Teritore, malalo o na palapala hookupa makaainana apnka, i kuai hooliloia aku ia lakou, e.kekahi puulu o ka poe kolohē, aka ke n(jte mai nei nae kela mau luna oihana, i ka hookolo mahope o ka meheu o ka poe kolohe, me ko lakou manao paa, e hoea mai ana no i ka wa e wi ai ko lakou niho.