Ka Nupepa Kuokoa, Volume LXIII, Number 24, 12 June 1924 — HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA. [ARTICLE]

HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA.

"Aka, aole ou makemake e hoike mai la'u o la paha ea? Ke hookuu aku nei au ia oe e Everetc no ka mea, ke ole au e koho hewa elike me ka'u e hoohuoi nei, no ka mea no ia e pili ana i kekahi hana hooipoipo/o ia paha ea?" wahi a ka makuahin© o ka ninau ana mai me ke kuoo o kona nanaina. No keia ninau a ka makuahine, pii ae la ka ula ma ko ke keiki mau papalina, a kc inaina pu iho la oia iaia iho no kona. koi paakiki loa ana i ka hoi, no kona ike ana iho ua ahuwale kana noahuna. i "A pehea iho la kou manao ina oia ka'u hana i manao ai e hoi?" i ninau ae ai o Everete i ka makuahine me ka leo koikoi, me ka hoike ana ae ua paa loa kona manao e hoi"Owai ko ka hale au la i makemake a i iini loa ai e ike akv?" "Aole mea hookahi; he makemake wale no ko'u e hoi a hookolo aku mahope o ko Annie Dale meheu, ina e klki ana e loaa ia'u, a i ole kona moolelo paha. Ke mahao nei au he pili 0 Geofere Dale Hunatere iaia ma kekahi ano, a no ia moolelo au e makemake loa nei e maopopo!" wahi a ke keiki, me ka nui o ka leo. "O, he noonoo hupo wale no kena ou! Heaha ka pomaikai e loaa mai ana ia oe mai ia moolelo mal, ina no ka loaa aku nei ona ia oe? O, e Everete, ua maopopo ia'u ke kumu o kou makemake ana e hoi i ka home, ua haulehia oe i ke aloha i kela kaikamahine, ia Gelade Hunatere, a ua lili oe ia Geofere!" "Pela anei kou manao?" "Ae f Pela. Ua loaa ka manao koho ia oe ua nalowale o Annie Dale mamuli o kekahi hewa i hanaia eia, a o keia Geofere Hunatere, me he mea la o kana keiki paha ia, a he keiki oia 1 hanauia mai ma ke* ano manuahi. Ua manaoio oe, ina nei no ka hiki ia oe ke hooiaio aole e hiki ana ia Miss Hunatere ke mare me Geofere, ma ia ano e hiki ai e lilo mai o Gelade Hunatere nau. he hana a'u e ike mua aku nei aole loa e ae mai ana o Miss Hunatere e mare me oe." Me ka haka pono aku o ko Mrs. Mepelasona i na maka o kana keiki i kamailio aku ai oia iaia me ka wiwo ole, a i kana nana aku me he mea la ua hiki loa iaia ke heluhelu aku i na ineahuna a pau iloko o ka noonoo o ke keiki ia manawa. "E kuu makuahine, o kou ike i na meahuna iloko o'u he kupanaha, a ke manaoio nei au he wahine hiki maoli no oe ke heluhelu mai i ka manao o kekahi mea, a no ka mea, oia maoli no ka mea iloko o ko'u noonoo e noho aku la," wahi a Everete 0 ka pan*e ana mai me ka huna ole. I ka hala ana o kekahi minuke iaia o ka noonoo ana, alaila 1 hou mai la: "Ae, he mea pono io no na'u ka hoike ana aku i ka mea oiaio loa ia oe, ua hele maoli au e noho aku la a kohu pupule i ka ua mea o ke aloha i kela kaikamahine, a no ka makahiki ae nei a oi ka loiii ana o keia makemake iloko o'u e lilo oia i wahine na'u. Ua hoohiki au ma na ano apau e hana aku me ka maalea ame ke akamai loa e hiki ana ia'u, i mea nona e lilo mai ai na'u me ia ike maopopo no nae iloko o'u ua lilo mua kona aloha ia Geofere, kela keiki i lilo ai i pohaku e palaha a e okupe ai au mamua o ko'u alahele mai ka manawa mai no o ko'u halawai mua ana me ia. "E hoi ana au i Rikimona, elike me kau i koho mai nei, no ka huli ana aku ia A nnie Dale, a i ole i kona moolelo paha mai ka manawa mai o kona nalowale ana, a ke manaoio piha nei no au e loaa no ia'u ka moolelo o Geofere Dale a kaua e kamailio nei o kana keiki ia. Ina he keiki oia i loaa ia Annie Dale ma ke ano manuahi, ke nianaoio nei au aole o Gelade Hunatere e ae ana e mare me ia, a o kona lilo no ka hoi ia ia'u a owau ke hoohauoliia ana." He helehelena kaumaha loa ko ka makuahine i kona manawa i lohe aku ai ia mau hoakaka a ke keiki o ka hoike ana aku la i ka mea oiaio, a i mai la: "E Everete, kuu keiki, ke manao nei au, pela ko'u ike a hoomaopopo aku ma kau mau mea a pau o ka hoakaka ana mai la, ke kukulu la oe i ke kahua o kou hale maluna o ke one, o kou mau manaolana apau e lilo ana i mea hooko ole ia, no keiakumu, ina ua aloha oiaio kela kaikamahine i kela kanaka opio, a ua lilo hoi kela keiki i mea waiwai nui i ka manao o kela kaikamahine, e mare aku ana oia iaia, a ina aole pela, alaila ua huhewa loa keia mau hoakaka ana a'u imua ou no ka manao paa o kela kaikamahine. " "Me ko'u nana ole aku ia ua paa loa kuu manao e hoi no ka home a hoomaka aku i ka ninaninau ana no ko Annie Dale wahi o ka noho ana ame kona moolelo piha," wahi a Everete me ka piha loa i ka huhu. "E hele aku ana no oe e hull iaia, aka nae, elike ana ia hele ana aku au e huli me ka hahai ana mahope o ka nene ahiu, a ke kauleo mua aku nei au ia oe mai huli oe no ka mea, aohe waiwai a pomaikai e loaa mai ana ia oe ma ia huli ana aku." "O oe ka hoi ko'u mea nana e papa mai, aole hiki ia'u ke alo ae. Heaha la hoi auanei, i huli no hoi paha au a i loaa ole kekahi moolelo e pili ana no Annie Dale, nani nele ana hoi ia ua huliia, he oki loa hoi ka noho pu iho me ka huli ole aku i kekahi mea. "Eia hou, mahope au pupule ke noho palaualelo elike me keia, e pono au e hana i kekahi mea. o lilo loa aku auanei o Gelade mai a'u aku no ka manawa hopena ole," wahi a ka Everete pane me ka haalulu o na lehelehe. He helehelena kaumaha loa ko Mrs. Mepelasona ia manawa. Ua aloha oia i kana keiki elike no hoi me ke aloha o kekahi poe makuahine e ae i ka lakou mau keiki ma keia ao, aka nae, ua hiki ole iaia ke uumi iho i ka noonoo ana ua aloha kana keiki i kela kaikamahine ma ke ano naaupo, a e hoao ana oia e alana aku i kona mau hauoli a pau o ia mua aku no ka hahai wale ana no mahope o ke aka waiwaiole. Aole ona manaoio iki e hiki ana i kana keiki ke hana aku i kekahi hana ahiki i ka lilo ana mai o Miss Hunatere iaia. Ua ike oia mē ka maopopo loa ua lilo ka helehelena ui o Miss Hunatere a kana keiki i ike ai me he akua lapu la e hahai mau mai ana iaia, ma ka manawa ana o ka maalo ana ae mamua o na opio i ka manawa a laua e hele ana maloko o ka hale hoikeike o na mea kahiko o ke Kula nui o lale. Ua ike aku no hoi oia ma ke ano o ka Miss llunatere nana ana ae iluna i na maka o Geofene ma ka manawa a laaa e makaikai ana i na mea kahiko o ke kula nui o lale ua aloha oia ia Geofere me kopa uhane apau, a aohe nana e hookaawale

ia pili aloha ana a laua, koe wale no ka Geofere mau hana hewa a Miss Hunatere i makemake ole ai, e hoohuiia ae ana laua ma ka mare i kekahi la e hiki ole ai ke hoohewahewaia aku. I 'ka hala ana o kekahi mau minuke i ka makuahine o ka noonoo ana i aku la : "E Everete, ke noi aku nei au ia oe e hoopau loa ae i kena noonoo hupo ou," me ke kau ana aku i kona lima ma ka lima o ke keiki. "He noonoo hupo kaa nei!" wahi a ke keiki me ka piha i ka huhu. "Heaha kau mea i ike ai no ia mea? O oe i ike ole la mea he aloha iloko o kekahi kanaka elike me a'u no kekahi wahine oia anei kau e kapa mai ai ia'u i ka hupo?" Xaholo ae la ka ula ma na papalina o Mrs. Mepelasona, a mahope haikea ae la, elike me ke keokeo o na lihilihi e kau ana tna kona a-i, haalulu ae la kona mau lehelehe, a hiolo mai la na waimaka ma kona mau papalina, a i mai la i ke keiki: "Ma kau mau olelo a'u i lohe aku la ua hoike maoli mai oe ! kou ano kiekie a haakei me ke kakana pu o kau mau olelo. Pehea la ke 'koikoi o kau mau olelo h'aakei a hoino paha ia'u aole loa ia he mea e hiki ai ke hookaawale ae i ke aloha mailoko ae o kuu puu\vai«nou, e kuu keiki," me ka haalulu o kona leo o ia kamailio ana ae ana. "O, ina pela. e mama, e huikala mai oe ia'u," wahi a Eveete, me ka hoehaehaia o kona lunaikehala ia manawa; "eia no ke kumu, ua aneane loa au elike me kekahi mea i hoohehenaia no ka noonoo ana iho aole e lilo mai ana o Gelade ia u, a 1 kela kanaka opio aeahaukae a makilo i nele i kekahi inoa maikai ka hoi e lilo aku ai ka mea a'u i aloha ai, me kona hsao ole mai e hana i kahi mea a ua lilo aku la nae ko Gelade noonoo ame kona puuwai iaia." "Alaila, ua hoopalauia anei laua?" "Ae, oia ka mea maopopo loa ke olelo ae, elike me ia a'u o ka !ohe ana mai ko Gelade waha ponoi mai." "Alaīla, he noonoo lapuwale ka kou, e Everete; me la lohe pono mai ia no ka hoi ou ua hoopalauia laua, aloha wale aku la no nae oe i kela kaikamahine i hoohiki mua iaia iho a lilo na hai," wahi a ka makuahine o ka nuku ana ae, me ka hulili o kona mau maka. O Everete Mepelasona pu kekahi i piha i ka inaina ia manawa. a no ka hiki ole iho la iaia ke uumi i kona inaina i mai la: "Aohe oe i maopopo, a ke hoike aku nei au ia oe i nei manawa. ma na ano hana apau, e lilo mai ana paha kela kaikamahine ia'u a aole paha. e hooikaika aku ana au i mea no laua e hookaawaleia ai. Ua hoowahawaha loa au ia Geofere ma na ano a pau, nolaila aole loa au e ae aku ana e lanakila mai oia maluna ma kahi a'u e ike ana i ko'u lanakila ole. Me keia mau huaolelo hope kokolo aku la oia mailoko aku o ka rumi, a ma ia po iho kau aku la oia maluna o ke kaaahi no ka Hokele Vue de la Eau ma Verekinia ka pahuhopu a hoea aku la ilaila ekolu la ma ia hope iho, loaa aku la ka makuakane oia hookahi wale no ko ka hale, me na kauwa he hapa kakini e lawelaWe mai ana nona. Ua hookipaia aku la oia e ke Konela Mepelasona, me ke aloha oiai nae ua hookahahaia aku oia no ka ike ana mai o ke keiki hookahi wale no ka i hoi aku aole hoi ka makuahine pu me ia, a o kekahi, he manawa hauoli loa hoi ia ma Nupota, he nui na aha hulahula e haawiia ana, a he lehuleliu no hoi na wahine opio e launa mau aku ai, he poe lehulehu i hoea ae ilaila no ka hoomaha a no ka hoohauoli ana ia lakou iho me na i ea huihui o ia wahi, hoi ia mai la nae. "Ua ike oe, aohe loihi o ko'u manawa o ka noho ana ma ka home nei i na wa aku la i hala, nolaila, hakalia 110 a pau ko u j noho aT i ke kula, o ka hoi mai no i ka home nei j ka mea kaunui a ko'u noonoo," wahi a ke keiki o ka pane ana aku; "ua ku-e o_ mama i kuu hoi koke mai. aka ua olelo aku au iaia o oe ke holo aku ana no ke pani ana ma ko'u wahi." Hapai ae la ke Konela Mepelasona i kona mau poohiwi iluna no nei mau olelo aku la a ke keiki. Aohe ona ohohia i na nanaina hoohauoli aohe no ona makemake i ke komo pu aku iloko o na aha hulahula me kana wahine. "'Aohe au i hiki iki i Nupota no kekahi mau makahiki lehulehu i hala ae nei." wahi ana, i ka manawa ana i haawi mai ai i kona pola no ka hoopiha liou ia ana ae me ke kope no ke kolu 0 ka manawa, no ka mea, e ai ana laua i ka aina kakahiaka ia manawa. "He mea oiaio e hoohauoliia ana oe ke holo aku ilaila i nei manawa; no Nupota ua loli loa ae ia kulanakauhale i nei manawa mamua o na la i hala aku, a he wahi no hoi ia i piha me na hale nunui a nani ke nana aku. E pono oe e holo aku ilail oiai o mama e noho ana malaila, a i ka manawa e pau ai o ko olua makemake hoi like mai." wahi a Everete o ke noi ana ae 1 ka makuakane, no kona makemake e kaawale aku ka makua\ane alaila, o kona manawa ia e hana aku ai i ka mea ana i hoolala ai iloko ona no ka hoopoino a i ole no ka hoao ana e hookaawale ia Gelade mai a Geofere'mai. "E noonoo au no ia mea; ina nei no ko'u holo e noho hookahi iho ana oe e nele ole ai ka mehameha, elike me ia au i hoi mai nei." "O, mai noonoo mai oe no'u, o mama kau e nana aku no ka mea he makemake oia ia oe, a ōiai hoi he mau mea hoopioloke nui kekahi i ko'u noonoo ma kekahi manawa, i pau ae ia mau manao hoopioo noonoo," wahi a ke keiki o ka p-ane ana ae. He makemake kupanaha keia ma ka aoao o ka mea i maa i ka huikau ana ma na anaina a ka poe koikoi i hoea mau ae ma kela wahi o Xupota ma na la pumehana o ke kau: he wahi makemake loa" ia ia na Everete i tia la mamua aku, i nei manawa nae hoi aohe iho la he nohoia aku. I keia manawa o kela maikai o kona noonoo o na la aku mamua, a pela hoi kt ohaha maikai o kona ola kino, ua mamao loa ia mau mea mai iaia aku, a no ia anoe o kona helehelena, nana mai la ka makuakane me ke kahaha nui iloko ona no ke kumu o ka loli ana 0 ka helehelena o kana keiki ana e koho mai ua loaa paha 1 kekahi ano ma'i. a i ole ua hoopilikiaia paha ka noonoo ma kekahi ano. a i ole ua haulehia paha ke keiki i ke aloha i kekahi kaikamahine. a pela oia i ho? koke mai ai i ka home no ka huna ana ia mea, oiai nae ua pololei ia koho ana mai ana. "He mea ano hou keia i ko'u manao, aole anei? o ia hoi, he wahi makemake loa ia hoi kela nau, a he makemake nui no hoi oe i na anaina hoohauoli, eia nae haaleleia aku la kahi o ka lealea, a hoi mai la oe ianei i kahi e noho mehameha iho ai oe?" i ninau ae ai ka makuakane. "Ua hiki ia oe ke noonoo iho pela, ina makemake oe; aka e lohe mai oe, ua hooikaika au i na makahiki i hala ma ka huli ana i ka'u haawina, a i ka pau ana aku la o ia lehulehu ua 'maluhiluhi maoli au, a no ia kumu au i makemake ai e loaa i manawa maikai no'u e hoomalia ai ma ka home nei kahi hoohaunaele ole ia mai. "O kekahi kumu koikoi loa o ko'u hoi ana mai la he makemake loa au i ka lawai'a. no ka mea, aohe manawa maikai iki i loaa ia'u ma ia hana lealea; aole ka lawai'a wale o ka hahai holoholoha a kimanu ana kekahi hana lealea loa a pela hoi me ka hololio, he hana a'u i hana ole ai mai kuu manawa mai i

komo aku ai i ke Kula nui lale, a ua manao au e hoomahuahua aku i ko'u ike ma ia mau hana i nei manawa elike me ka mea a ko'u naau i makemake ai. "Eia hou, he wahi anei kekahi i kapaia ka 'Waiwai Hooilina' ma kekahi wahi e kokoke mai ana ianei, kahi a kekahi o ko kakou pilikoko i noho ai? Iloko o ka'u mau manawa e hele holoholo aku ai he makemake au e hiki ilaila no ka nana a ike ana aku ia wahi; he wahi ka ia la i noho ai kekahi o kekahi kanaka i pili ia kakou." ■'Ae, he wahi kekahi i kapaia ma ia inoa; ilaila i noho ai kekahi kanaka o Robaka Dale, he hoahanau i noho mamao mau a nana i kukulu he hale a i kapa hoi ia wahi ma kela inoa, a no kekahi mau makahiki lehulehu kona noho ana malaila mamua o kona make ana. Na ko makuahine paha i hoike mai ia oe ia mea ea, pela ko'u manao, no ka mea, oia ka mea i maopopo.. "He kanaka kupanaha loa e Robaka Dale, aole oia i mare, ( a he kanaka makemake no hoi i ka noho hookahi oia wale no no ka mea, he kanaka pi a maua, a no ka hapaha kenekulea kona noho a ola ana rfia ia ano. O ia mau no ka hale ana i kukulu ai e ku mai la, ma kahi aneane he umi mile ka niamao mai nei aku, he wahi mehameha kanaka ole loa kela ana o ka noho ana, aia kona hale iwaenakonu o kekahi ululaau paina. "O kahi hoakanaka hookahi wale no me ia he kauwa paele nona ka inoa o Anakala lake, oia no kana kuke, kana kuene ame ka mea nana e hooponopono a e malama i kona hale. "Na ia kauwa no ana e holoi, aiana, malama i kekahi lio, ka pipi waiu, na ilio ame na moa, a oia no hoi kana elele e hoouna ai i na makeke no ke kuai ana i kana mau.mea e makemake ai, a no kona haku he kakaikahi loa kona manawa e ikeia aku ai e ka lehulehu. "A heaha ka Robaka Dale hana e hoohalaia ai kona manawa malaila?" "He heluhelu buke a he kakau moolelo. Hc keena buke nui kona, a aia maloko o kona keena hoahu biike kekahi mau buke moolelo e pili ana ia i ka honua ame na mea ola apau maluna iho o ka honua. a pela hoi me na manu. He haumana oia i hooikaika nui i kana huli ana maluna o ia mau mea, a i ka hni ana ae i na mea ana i ao ai, me na mea ana i huli ponoi aku ai me kona noonoo ua loaa kekahi mau moolelo waiwai loa e hoakaka piha ana no ia mau mea, o ke kumu nui ia o kona niakemake ana e noho mehameha i ole ai e hooluaiele waleia kona noonoo ma na mea e ae. "laia i make ai aku ai heaha ka mea i hanaia no kela mau buke ame na niea e ae ana i kakau ai?" "O kekahi lala o ka papa kahuwaiwai o ke Kula Nui o Rikimona ka i koi m-vi ia mau waiwai a pau o Robaka Dale e hoihoiia aku i ka halekula, ma kana olelo ua haawi muaia aku ka ia mau mea apau no ke kula i ka wa e ola ana o Robaka Dale, a oiai aohe palapala o kekahi ano e hoakaka ana no ia mau waiwai i loaa aku mahope iho o ka make ana aku ona, no ka hooiaio ana ia koi ua pau loa na buke ame na pepa i kakaiua ai e Robaka Dale i ka laweia e ke kula nui ma ke kauoha a na kahuwaiwai o ke kula." "A pehea. heaha»ka hopena i ikeia no Anakala lake', ke kauwa a ua o Robaka Dale?" "Ua make aku no oia he mau mahina kakaikahi mahope mai o ka make ana o kona haku. Ua noho no oia ma ka hale a laua i noho ai, me kona ae ole e haalele ia wahi, a i ka heleia ana aku e nana he mau mahina kakaikahi ma ia hope niai loaa aku la oia ua make i kekahi mau kanaka hahai holoholona i kipa aku i kola hale no ka hoopiha ana i na kini wai a laua. Ua kanuia no oia malaila a kakiaia a paa na puka o ka hale, a mai ia manawa mai no ka paa ana o na puka o ia hale ahiki mai i nei manawa. "He pilikana anei o Robaka Dale nou, e papa?" "Ae, pela ko'u manao wale, oiai nae he mamao loa paha ka pilj. He hoahanau hanauna oia no Anakala labeka, ka hoahanau hapa o kuu makuakane, oia wale iho la no ka pili ana, a nau ia e noonoo iho," i pane aku ai ka makuakane me ka akaaka ana aku. "Ha! He ohana okoa aku no kekahi ma k ainoa o Dale i noho ma kekahi wahi maloko o keia apana, ina he pololei ka'u hoomanao ana, oia hoi, ke nei au i ko'u lohe ana mai i kekahi mea e pili ana no lakou," wahi a Everete. Nana mai la ke Konela Mepelasona me ke'kahaha me ka nalu nui ana iloko ona no ke keiki kuniu o ka makemake ana e ike i kekahi mea e pili ana i ka ohana Dale, a i mai la: 'Ma ka'u nana aku ia oe me he mea la aia kekahi mea nui iloko o kou noonoo a'u i lohe ole ai ia oe mamua e pili ana i ka ohana Dale; aole au i manao ua maopopō la kekahi mea ia oe e pili ana ia ohana." "Na mama no i hoakaka mai ia'u i kekahi mea e pili ana ia ohana, pela i loaa mai ai ia'u kekahi ike no ia ,moolelo. Eia nae hoi aole oe i pane mai nei i kekahi haina kupono no ka'u mea i ninau aku nei ia oe." "A, no ka mea e pili ana ia ohana ea, eia no; he ohana hou aku kekahi ma kela inoa Dale, oia kekahi 'wahine kane-make ame kana kaikamahine, a maloko o kekahi hale aole i mamao loa mai ka Hokele Vue de Eau aku ko laua wahi o ka noho ana no makahiki lehulehu i hala. Ua hoea mai laua ianei iloko o ke kulana ilihune a nele maoli, mahope iho o ko Hanale Dale make ana aku, a ma ke a'okula a humuhumU ana ko laua ola ia mau makahiki." "He keu no ka, he kanaka waiwai hoi o Robaka Dale, he kanaka pi a i noho hookahi nona iho ma kahi mamao loa, eia nae haalele iho la ia laua me ka nele i na mea e pono ai ko laua ola ana," wahi a ke keiki o ka pane ana aku. "Ae no hoi; o ka wahine ia ame ke kaikamahine a kona hoahamau ponoi ana i aloha ole iho ai, aka —" a kulou iho la kona poo ilalo no ka ulu ana ae o kekahi mau mea ana o ka hoomanao ana iho o na la i hala. "Olelo mai o mama ia'u he mau enemi ino ka kela mau hoahanau, a ina o ia ka mea oiaio, heaha ke kumu o ko laua noho mokuahana ana?" "Eia no ka'u mea i maopopo. ua aloha o Robaka Dale ame Hanale Dale i ka wahine hookahi i ko laua manawa he mau kanaka opio like laua. Ua lilo ka wahine ia Hanale, a no ia lilo ana o ka wahine a laua i aloha like ai i lilo ai laua he mau enemi ino loa, me ka hoino o Robaka ia Hanale ahiki i kona make ana; oia ke kumu o kona noho hookahi ana ma kahi mamao loa, pela ko'u koho wale no," wahi a ka makuakane. Aia ka ula ma ko Everete helehelena ke kau la ia manawa, no kona hoomanao ana iho nona ame Geofere, oiai ua aloha like laua ia Gelade, a ua lilo aku nae o Gelade ia Geofere, he hana i like loa me\ko Robaka ame ko Hanale Dale. la manawa hookahi ke noonoo pu la oia no kekahi mau kanaka opio elua i haulehia i ke aloha i ka wahine hookahi, a ua hoino kekahi o laua i kekahi no ka lilo ana o ka wahine a laua i aloha like ai i kekahi, a nele hoi oia. "A pela ka hopena o ka wahine a laua?" i ninau ae ai ke keiki i ka makuakane, no kona makemake e hoakaka mai ka makuakane i kana mea i lohe a i maopopo paha no Ane Dale. (Aole i pau.)