Ka Nupepa Kuokoa, Volume LXIII, Number 24, 12 June 1924 — HE MANAOLANA NO KO LUALUALEI POE. [ARTICLE]

HE MANAOLANA NO KO LUALUALEI POE.

O ka pilikia nui o ka poe hookuonoono o Lualualei, i na makahiki i kaahope ae nei, a hoea wa!e mai no i keia manawa, o ia no ka nele i ka wai: no keia pilikia, i haalele okoa ai kekahi poe i mau aina hookuonoono; aka ke noho hoomanawanui mai nei no kekahi poe, me ke kauka'i ana i ka holopono o ka lakou mau meakanu, i ka wa haule' ua o kela aina. Aia nae he manaolana nui no ka poe hookuonoono ma Lualualei ma keia mua aku, no ka mea, ma ka huli ame ka .noii pono ana a na luna oihana o ke teritore i na la aku 1a i hala, ua loaa mai ka ike, no ke kuleana ole o ka mahiko o W aianae, i ka lawe ana i ka wai o na aina o ke aupuni. Ua loaa ka wai a ka mahiko e hoohana nei. mamuli o ka hnolimalimaia ana o na aina aupuni i kela mahiko, ua pau nae ka manawa o ka hoolimalima, a ua pili mai na aina o Lualualei me ke aupuni, aka o ka wai ua lilo aku i ka mahiko; ke oni mai nei na poo o ke aupuni teritore, ma na alahele apau e kuleana hou oie ai i ka mahiko o Waianae ke paa 1 ka wai, alaila o ka hoea ana mai ia i ka manawa. a ko Lualualei" poe hookuonoono, e hauoli ai; a ke manaoio nei keia pepa, aole no i mamar» loa mai kela wa aku, e hoea i'o mai ana i ka hoopauia ana o keia pilikia nui.