Ka Nupepa Kuokoa, Volume LXIII, Number 26, 26 June 1924 — AOLE I HOOKAAIA NA BILA O KA PAPA OLA [ARTICLE]

AOLE I HOOKAAIA NA BILA O KA PAPA OLA

0 na bila aie i hiki aku ka huina nui i ke $33.000 i aelikeia ai no na lako meaai e ka papa ola no ka mahina i hala, me ka hoolaha oleia 0 na koho no ia mau lako meaai, aole e hookaaia ae ana e ka Lnnahooia o ke Teritore Treadwaj, ahiki 1 ka hookupono a aponoia ana ae e ke kiaaina. Ma ka Poaha o ka pule aku la i hala keia hoike ana ae o ka lunahooia; ma kana o ka hoike ana ae, ua a oia ae oia e ka Loio Kuhina Matthewraan, me ke kuhikuhi pu ae i ke kanawai e lilo ai i hewa nona ina oia e hookaa ae ana i na bila i ka papa ola me k« apono ole 0 ke kiaaina. Ca hoakaka maopopo ke kanawai 1 ka manawa e kaheaia ae ai na koho no kekahi hana a waiho 010 ia ae he mau koho no ia hana, alaila o ke kuai ana aku i na mea. i makemake ia me ke apono waleia ae no ia e ke kiaaina e pono ai mamua 0 ka hookaa ana aku i na bila no na meaai kuaiia. O na bila aie o ka mahina i hala mai ka papa ola ae ua aponoia e ka Hope Peresidena McVeigh, rv waihoia ae i ka lunahooia teritore no ka hookaa ana ae. Ma ka Treadwav hoakaka ma ka Poaha aku la i hala e h'oike koke ae ana oia i ka papa ola aole hiki iaia ke hoopuka ae i na bila kikoo dala ahiki i ka hookoia ana ae o na mea 1 koiia ma ke kanawa/. Na Ke Kiaaina • Apono O na manao o keia e waihoia ae na bila i ke kiaaina no kona nana a apono ana iho, a ke apono oia alaila hoihoiia ae i ka lunahooia teritore no ka hookaa ana ae ia mr.u hila.