Ka Nupepa Kuokoa, Volume LXIII, Number 26, 26 June 1924 — NAHA KA IWIPOO I KA WA I HAULE AI [ARTICLE]

NAHA KA IWIPOO I KA WA I HAULE AI

He kuke o ka papa ekahi. noluna o ka mokuahi U. S. S. Sumiadin, nona ka inoa o Paul Budish, a nona hoi na makahiki he 32, ka i haulo mailuna iho o ke kaa uwila e holo ana no Kaimuki ma ke alanui Moi ma kahi kokoke i ka huina o na alanui ma Pawaa ma ka hora 4 o ka auwina la o ka Poaha aku la o ka pule i hala, a naha ka iwipoo ma kahi kokoke loa i ka hono, a no ia eha mauwale i moeuhane mua ole ia i laweia ae ai oia no ka halema'i o na koa ma ka Papu Kahauiki, ma ka lono i hoikeia ae ma ia po iho oia mau no ke kupouli o kona noonoo a he kulana maopopo ole kona no ka palekana ae oiai oia e hakoko ana mawaena o ke ola ame ka make. E holo ana k® kaa uwila o Kaimuki i ka hikina malun» 'o ko alanui Moi, a maluna o ke alapii o ke kaa o Budish, ke kuke kahi i ku ai, i»a ka aoao o ke kaa. oiai ke kaa ua piha loa i na ohua ia manawa, a me he mea la ua hemahema kana ku ana a pahemo kona lima mai kahi mai aua e paa ana. i haule ai oia. Aohe oia. i ona, elike mo ka hoike a ke kanaka, lawelawe oloko o ka halemai o »na poino ulia o ka hoike ana ae, kahi mua o Budish i laweia ae ai a lapaau mua ia malaila. Na "Willie Costa i lawe ae ia Budish i ka halema'i o na poino ulia maluna o ke kaa otomobile, oiai o kana kaa ka mea « holo kokoke loa ana mahope o ke kaa uwila i kela manawa i walakua ai o Budish. O na ohua apau ame ka poe e holo ana mahope o ke kaa uwila ka mea i ikemaka i kela haule ana o ke kuke, a wahi a lakou, he haule ana kela, o Budish ma ke ano ulia.