Ka Nupepa Kuokoa, Volume LXIII, Number 27, 3 July 1924 — LOAA KE KINO MAKE O KEKAHI PAKE [ARTICLE]

LOAA KE KINO MAKE O KEKAHI PAKE

Ma ke alanui ololi Waiaka, ma Kamoiliili ae nei. i loaa aku ai ke kino make o kekahi Pake, i maopopo ole kona inoa, ame kona wahi i noUo ai. Ma ka huli ame ka noii ana aku a na makai i ke kumu i make ai o kela J'cike, i loaa mai ai kekahi ike, aole oia i pepehiia aku e kekiihi niea, pela oia i make ai, aka ua make no nia kekahi ano, me ka hoopoino ole ia aku. Maloko o kekahi o na pakeke o kona lole, i loaa aku ai he hua opiuma ame kekahi mau kenikeni, mamuli o kela niau mea, i kohoia ai, aole oia i make no kona powaia ana e kekahi niea. Ma ka hoike a kekahi poe o Kaniolliili i ,na makai, ma ke Sabati nei, un kamailio aku ka kela Pake ia lakou, no kona manao e kau aku maluna o ka mokuahi Peresidena Pierce, o ka aua mai ia Honolulu nei no Kina, ma ka Poakahi aku la, eia nae ua hiki ole iaia ke hooko i kana mau mea i hoike mua ae ai, no kona make e ana. ST. CLOUD, Palani, lulai I.—Ua ahai ae ka hui kinipopo Polo o Amenka i ka lanakila mai ka hui kinipopo mai. o Hepania i keia la ma o ka loaa ana ia lakou o na aipuni he 15 i ka 2.