Ka Nupepa Kuokoa, Volume LXIII, Number 28, 10 July 1924 — HOPUIA KA LUNAKIAI JAMES AKO O HAWAII [ARTICLE]

HOPUIA KA LUNAKIAI JAMES AKO O HAWAII

I kulike ai mo kekahi lono mc:ihou o lea h<yunaia ana mai no kei;i kulanakauhale niai Hilo* HaAvaii mai, ma ka Poaono aku la i hal.i, ua paa ao ka Lunakiai Jamcg -Ako, o ke Kalana o Hawaii, i ka hopuia, ma ka hora umi-kumamakahi a oi 0 ke akkahinka o ka Poalima aku, ma Honaunau, Kona, Hawaii, mamuli o ka loaa ana aku o ka waiona maluna o kona kaa otomobile. O ka mea nana i liopu ka Lunikiai Ako, oia o Theodore Vrendberg, ka akena hooko i ke kanawai hookapu waiona no ka Mokupuni o Hawaii, me ka hookuu hou ia ana nje o ka Lunakiai Ako, malalo o ka bona o elima kaukani dala. Ma ka oleloia, ua loaa aku lie galani okolehao maluna o ke kaa a ka Lunakiai Ako e kau ana, ua laweia kela galani oleolehao e ke kanaka b ke aupuni, a waihoia aku maloko o ka pahuhao o ka banako lala ma Kona, o ka Banako Hawaii, a ua kaa pu aku ko kaa otomohile, 1 loaa aku ai ka waiona, malalo o ka akena o ke aupuni fcclerala, a ma ka oleloia, o ke Kalana o Hawaii, ka ona nona kela kaa. Ua hoea aku ka Lunakiai Ako no Honaunau, no ke komo pu ana iloko 0 na hoomaaiao Pokiulai, eia no nae no kela loaa ana aku o ka waiona maluna o kona kaa, a malalo hoi o kona malu, pela iho la oia i paā ai 1 ka hopuia.