Ka Nupepa Kuokoa, Volume LXIII, Number 32, 7 August 1924 — HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino. [ARTICLE]

HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino.

"Aia no oia ma Nu loka i keia manawa, a he elele au i hooona maa ia mai no ka hoike ana aku ia oe i ka lohe e pili ana laia, a iloko paha o ka pule hookahi e hoea mai ai oia a halawai pu me oe. Hookahi kumu nui o kona noho ana aku ma Nu loka, mamuli no ia o ka ma-ui ana o kekahi lima ona, he xilia i loaa iaia maluna o ka mokuahi a maua i kau mai ai. Ua lohe paha oe no ka poino ana o kela moku ma ka moana ea ?" w Aoīe au i lohe iki no kena meahou au e kamailio mai la e Mr. Kakona," wahi a Kenerala Rudena me ka pihoihoi. **Ua kuhihewa maoli o Pilipo, ua lohe la oe no kela poino c ka irokuahi Cambar ma ka moana, a ua hopohopo loa oia. e ike iho oe i ka papainoa o na ohua, a i kona hoea koke ole ana mai, e manao iho ana oe, ua poino paha kona ola i ka moana; pela oia i manao ai, e hoouna e mai ia'u. Ua manao 110 hoi oia e kakau mai i kekahi leka nau, ua papa loa nae kona kauka iaia, aole e hoonioni i kona lima eha." * f Ke hookipa mai nei au ia oe he malihini hanohano na'u; ma ko'u home nei oe e noho ai ahiki i ka hoea ana mai o Pilipo. E hookani aku oe e Kuini i ka bele kahea, a e hoike aku ia Mrs. Kodimena e hoomakaukau mai i kekahi rumi no Mr. Kakona, a e kauoha pu aku i na kauwa, e hoihoi aku i kona mau ukana iloko o ka rumi moe." "E hele kino maoli aku no au e kamailio ia Mrs. Kodimena c papa/' wahi a Kaloke, me ka liaalele ana iho i kona makuakane, oiai hoi o Mr. Kakona e nana pono aku ana iaia. "Me ka nui o na mahalo ame na hoomaikai ana ia oe e Kenerala Rudena no kou hookipa ana aku ia'u.maloko o kou home. Ma ka hokele no au i manao ai e hoohala i ko'u mau la, oiai t kakali ana o ka hoea mai o Pilipo, eia nae no ka nui o ka ino, na hoaa ke kalaiwa o ke kaa a'u o ka hoolimalima ana i ke alanui pololei e hoea aku ai i ka hokele, pela iho la au i kipa mai 1a no kou home." "Aohe au noonoo ana aku e hoi i ka hokele e noho ai, ua hamama na ipuka o kuu home nei ia oe .elike me ka loihi au C noho ai maanei. O oe mai la ka ia e Kamuela, e lawē aku oe i keia paiki noloko o ka rumi e hoomakaukauia mai la e Mrs. Kadimena, pela me kona papale ame ke kuka, a e kauoha pu aku ia Mrs. Kodimena e hoomakaukau mai i kekahi o kela waina kahiko ame na meaono; a oiai hoi oe e Mr. Kakona e leakali ana, o ka makaukau mai o kekahi mau meaai, e hoolilo i keia homē, me he hoine ponoi la nou." Aole i loihi kela nalo ana aku o Kaloke, oili mai la me ka pane ana mai i kona makuakane; "E makaukau ana ka rumi iloko o ka manawa pokole loa e papa; ua hele aku nei kekahi o na kauwa e ho-a i ke alii o ke kapuahi «hoopumeliana, a o ka lawe mai koe o kekahi kauwa i ka omole waina me ke pa meaono/ Aia wale no ka nana ana a Keoki Kakona ma ka helehelena b Kaloke, a i ua kaikamahine nei, i oili hou aku ai iwaho, ia wa i ■huli ia Kenerala Rudena : I 4 'Aole au i ¥oho po'uliuli no ka manao o ka Pilipo Kuaina huakai no Anienka nei, a o ia ka'u e nonoi mua aku nei i kau mau huikala ana mai, i ko'u mahaoi, ke ninau aku ia oe, o Miss Rudena anei kela lede opio i komo mai nei iloko o keia rumi, a puka aku nei iwaho?" "O kela kekahi o ka'u mau kaikamahine, e kakali oe pela a hoea hou mai, alaila hoolauna aku au ia oe iaia, pela hoi me ka. elua o ka'u mau kaikainahine," aole no hoi i loihi iho, komo hou mai ana o Kaloke, a o ia ka kona makuakane o ka pane mna ae imua o Keoki Kakona: "E ae mai oe e hoolauna aku au ia Miss Kaloke Rudena, kaikamahine muli imua ou," alaila huli ae la imua o Ka|oke me ka i ana aku: "O Mr. Keoki Kakona keia, ka hoaloha • Pilipo Kuaina." Hopu mai Ia o Keoki Kakona i ka lima o Kaloke, no ke aloha ana, aia wale no nae kona mait maka, ma ka helehelena o ke Jcajk&mahine opio, a iaia i hookuu iho ai i ka lima o Kaloke f!alo, ia wa i pane hou mai ai o Kenerala Rudena: "E hele mai kaua e Mr. Kakona maloko o keia rumi, 110 ka hoolauna ana aku ia oe, imua o ka'u kaikamahine hiapo, a hoollina o Pinelana nei, oia o Miss Mine Rudena," o ko laua hele sku la no ia, a komo iloko o ka rumi e noho ana o Mine, eia nae hopu wale aku la no o Kalakona i ka lima o kela kaikamahine me ka namunamu liilii ana iho i kekahi mau huaolelo, alaila hookuu aku la, me he mea la, ua like loa iho la oia me kekahi kaeaka i honi aku i ke ala kupaoa o kekahi pua nani, i hele a kenakena i kona aala, o kona liuli aku la no ia nana nowaho 0 ka puka aniani. Ko Mine nae, aia ka-hoohihi ame ka makemake iloko ona Ho keia kanaka opio u'i, a nalu wale iho la no oia iloko ona, Jna no hoi o 'Pilipo Kuaina kela kanaka, aohe ana mea hou iho * kakali ai; aka hoi, he kanaka okoa loa kela he mea i noho ikn ma ke ano lawelawe malalo o Pilipo, aohe ana nana no kona kanaka u'i ana, aka he oi aku kona hoomanawanui ana, i ka hoea ana mai o Pilipo, a me ia oia e mare aku ai, jnt ka nana ole ae i ka pupuka a u'i paha o kona helehelena. Ua nanea wale aku la no lakou, ma ke k.amailio ana ma kela tme keia mea, eia nae, aia ka hapanui o ko Keoki Kakona kainailio ana me Kaloke, a e leha mau mai ana no hoi ka Mine Sxana ana ia laua nei. N Ua hele no hoi a kokoke e kani ka hora ekahi ma kela po, hoea mai la kekahi kauwa a olelo mai la, ua makaukau ka rumi o ka malihini, o ke ku ae la no ia o Mr. Kakona iluna, a mahope b ka haawi ana mai i kona aloha poeleele i na kamaaina, ukali aku la mahope o ke kauwa, no kahi i waiho ai o kona rumi aioe. *He keu akn maoli keia a ke kanaka opio maikai," i nam.uliamn iho ai ke Kenerala Rudena, mahope o ka hala ana aku o kana malihini, alaila huli ae la imua o Kaloke a pane aku la: "E hookani aku oe i ka bele kahea no Mrs. Kodimena e hele mai, a ke makemake nei no hoi a® e akoakoa mai na kau•wa apau, i hoolauna aku ai au ia Mine imua o lakou; no ka mea aole he pono e loaa aku ka ike ia Keoki Kakona, a ia Pilipo Kuaina paha, he mea malihini loa o Mine maloko nfei o kuu home." hoike kahiko aku nei au ia Mrs. Kodimena, no ka hoea

ana mai o kau kaikamahine hiapo ma keia po, a ua haawi mua aku nei no hoi au i ke kauoha iaia, e hoakoakoa ae i na kauwa apau maloko o ke keena waiho buke, no kuu manao no, he makemake kou, e hoolauna aku i kau kaikamahine hiapo imua o lakou." "Ina pela ua pono, e hele ae kakou noloko o ke keena waiho buke. E Mine, ame kuu Kuini, e hele kakou e hui pu me ria kauwa l" He oiaio aia maloko o kela keena na kauwa he iwakalua ka nui, elike me ke kauoha i haawiia aku ia lakou, a i ka ike ana mai i ka haku wahine hou, a hooilina hoi o Kenerala Rudena, ua hiki ole ia lakou ke kaohi aku i na manao mahalo a hoihoi o na helehelena, no ka huapala maoli no o keia kaikamahine, a ke olu loa la ko Mine manao, no kona lilo i mea mahaloia mai. Me na huaolelo pokole, i hoakaka aku ai o Kenerala Rudena imua o kana mau kauwa, no kona mare ana i ka wahine no elua manawa, a o keia wahine opio o ka hoea ana aku, o kana kaikamahine mua loa ia, me kana wahine mua, a hooilina hoi 0 Pinelana, alaila waiho aku la ia Mine, malalo o ka malu o Mrs. Kodimena, me ke kauoha ana aku i ka wahine malama hale, e koho oia maiwaena mai o na kauwa, i kekahi kaikamahine lawelawe no Mine." "Nou hoi e Kuini kuu milimili, e noho iki mai oe me a'u no kekahi mau minuke pokole, a ke lana nei kuu manao, e loaa ana he moe maikai ana ia oe e Mine, ma ka home o kou makua nei. "Aole o'u kanalua iki no ia mea, oiai ua hoopiha loa ia mai j au i ka hauoli no kou loaa ana ia'u, pela hoi ka ike ana iho, eia ka he kaikaina kekahi o'u, ma keia ao," wahi a Mine, me ka ukali ana aku mahope o ka wahine malama hale. He umi minuke mahope iho o kela hoea ana aku o Mine noloko o kona rumi moe, i hoomakaukauia mai ai, hookuu aku la oia i ke kaikamahine lawelawe e hoi e hooluolu, ki aku la 1 ka puka a paa, me ka hookomo avia aku he haina-ka iloko o ka puka ki, alaila ku ae la iwaena o ka rumi, me ke kilohi ana aku iloko o ke aniani, alaila ae la i keia mau olelo: "Akahi au a olelo ae, he lani iluna, a he honua ilalo, ua hoea au maloko nei o keia liome, a e hoea mai ana ka la, e lilo ai, owau ka ona o na waiwai apau ma keia wahi. Aole nana hou aku no na papahele lepo, na paia ekaeka aole hoi he komo hou ana i na lole kalakoa. "O keia ka hookoia ana o ka'u moeuhane. E lako ana au me ke dala, ke gula ame na waiwai makamae'he nui, na kaa nani ame na lio e holo ai ma kela ame keia wahi a ka manao e uilani ae ai; aka hookahi nae mea nana i haawi mai ia'u i keia mau pomaikai apau, o ia no keia ope pepa ame ko'u mau ano maalea." Hakalia no a pau kela mau olelo i ke kamailioia ae eia, unuhi ae la i kekahi ope pepa mailoko ae o ka pakeke o kona lole, a hoomohala ae la iluna o ke pakaukau. O ka leka keia a Katalina Mazeroni, i lumilumiia ai e Kenerala Rudena me ke kiola ana iluna o ka papahele, iaia i hooholo ai, no kana pane i ua leka nei, ma kela po, a i heounaia aku ai, ma o ka lima la o kekahi o kana kauwa, e lawe a hookomo iloko o ka pahu leka. "Aole loa au i haupu iki, ma kela manawa a'u i ike aku ai i ka waiho o keia leka iluna o ka papahele, o ka ipuka iho la ia 0 ko'u mau pomaikai," me ka lalau ana iho o Mine i ka leka, a hoopili ae la ma kona mau lehelehe, me ka hoopili ana mai 1 ua leka nei ma kona umauma, o ia no oe o kekahi makuahine, e puliki loa ana i kana bebe. "Ile keu aku maoli no a ka maikai o kela kauwa Paele, i kona hookipa ana aku ia'u noloko o ke keena waiho buke, eia ka e loaa ana keia pomaikai nui. Ina aole keia pepa i loaa ia'u, aole e lilo ana i mea hoohauoli mai i ko'u manao, ke haawiia mai i mau kaukani dala mailuilu, no ka haalele ana aku i'ka'u mau koi, ma ke ano he hooilina no Kenerala Rudena. O e Madere Dio, he keu aku maoli no paha a ko'u hupo!" No kekahi mau minuke loihi, ka noho hamau ana iho o Mine, alaila lalau iho la iloko o ka pakeke o kona lole, a unuhi ae la he leka hou, i like loa no ka lima kakau, me ka leka e waiho ana iluna o ke pakaukau, eia nae, ua weheia no ka wa-hi leka me lea paa ana ae i na leka a elua iloko o kona mau lima, me he m.ea la e kaupaona ana i ko laua kaumaha, me ka hooho ana ae: "Aole he like ole o ke kaumaha o keia mau leka a elua, ua like wale no, koe wale no nae keia, o keia leka, aia iloko olaila, ka waiwai, ka hanohano ame ka lako. "He keu maoli aku no paha a ko'u laki, ina no ka loaa ole ia'u o keia leka iluna o ka papahele, alaila ua like pu ka palapala a'u o ka lawe ana mai na Kenerala Rudena, me kekahi palapala mai ke kiaaina mai, e ahewa ana ia'u no ka make. He keu aku maoli no paha a ka piha maalea o kela wahine ino nana e malama ana ia'u, a e hoopunipuni mai ana, i kahi o kana dala e loaa mau ana iaia i kela ame keia manawa. "I<e hoomanao nei no au i kana mau olelo apau i kamailio mai ai ia'u, mamua o ko'u haalele ana aku ia Sepania: 'E lawe oe i na dala apau maloko o ka poki uliuli, a holo aku no kahi i hoikeia maluna o keia wa-hi leka. O ka inoa e kau la mawaho o ka wa-hi leka, he ohana ia no'u, ka mea nana e hoouna mau mai ana i ke dala ia'u, no ka malama ana ia kaua ma keia aina mamao. He kokua wale no keia, no ko'u wa e ola ana, aka i ko'u make ana, aole i loihi na la a'u e kakali aku ai no ia hopena, o ka pau no ia o ka loaa ana mai o ke dala; nolaila ua ike au e halawai ana oe me ka nele ame ki poino, no ia kumu, i makemake ai au e lawe kino maoli oe i keia leka a haawi aku i kela ohana o'u. " 'Aia he nuhou maikai maloko o keia leka a'u i kakau ai nana, a mamuli auanei o kona aloha me ka hoomanao mau ia'u, e apo mai ana oia ia oe me ka manao maikai, a'u no e ; manao nei, e hoomau mai ana oia i ka haawi ana ia oe i kela ame keia makahiki, i ka huina dala ana i kokua mau mai ai ia'u.' "0 keia maoli no na olelo a kela wahine ino, o ke kamailio ; ana mai, a ua puni maoli no au i kela wahine; e ole wale no i ka loaa ana o keia pepa ia'u iluna o ka papahele maloko o ke ; keena waiho buke, pela wale no i hookaakaaia ae ai ko'u mau maka, a ua pono kuu wehe ana i keia leka, me ka haawi ole . aku ia Kenerala Rudena," alaila hoomohala ae la oia i ka elua , o na leka imua o kona alo, a penei na olelo i kakauia ma ua leka nei: : "E ke Kenera!a maikai:—Ma ka manawa e loaa aku ai o . keia leka ia oe, aole au ma keia ao. Ua ko'iko'i maoli ka pilikia i loaa ia'u, e hiki ole ai ke ola aku no na hora loihi; aka • nae iloko o na minuke hope o ko'u ola ana, he mea no na'u i e hauoli ai, ko'u lilo ana i mea nana e pale ae i ka ili ana aku o na haawina ehaeha a kaumaha maluna ou. "Auhea nae oe e Kenerala Rudena, iloko p keia mau ma-

kahiki loihi o ko kaua ola ana, kela ola ana e hekau mau mai ana na ao hakumakuma o ka ehaeha, no na mea o ka wa i hala, he mea na'u e hauoli nei, ka hoike ana aku imua ou i ka mea oiaio loa, au ame a'u i moeuhane mua ole ai, e hoea mai ana ka la o ka maha ame ka hauoli. "O ka mea oiaio loa e Kenerala Rudena, aole oe he kans na Ineka Baroni ma na kanawai o ka aina, no ka mea ma kona manawa i mare aku ai ia oe, he wahine mar« oia na Felipo Julito, hc kanaka no Bacelonia, a i nalowale honua mai Sepania nei aku no na makahiki he iwakalua-kumamakolu. "Iloko aku nei nae o ka pule i hala, ihoea hou mai ai oia, me ka waiho ana mai i na hooiaio apau, no kona mare mua ana ia Ineka Baroni, mamua o ka mare hou ana o ua wahine nei me oe. Aole laua i kaawale malalo o na kanawai o ka aina, hookahi kumu o ka haaleleia ana o Ineka Baroni e kana kane, no ka lalau ame kana mau hana epa o ka piha hoopunipuni he nui. "He nani hoi ia, akahi no kaua a maopopo, aole o Ineka he wahine i mare pono ia me oe, akahi no au a hoike maoli aku i ko'u manao, no ka meahuna a'u i hunakele loa ai iloko o ko'u puuwai, aole o oe ka makuakane oiaio o Mine, no ka mea ua kaokoa loa kona mau ano mai kou mai; hookahi kumu nui o ko'u hua'i ana ae i keia meahuna, mamuli no ia o ka ike ana, aole o Ineka he wahine nau.

"Auhea nae oe e kuu Kenerala Rudena, ua ike au ! ka hamama o kou puuwai, ame ka nui o kou lokomaikai, no keia kumu, ke hoouna aku nei au ia Mine imua ou. Mahope iho 0 kuu make ana aku, e noho iho ana o Mine, me ka nele i kekahi mea kupono nana e nana aku iaia; e lilo ana oia i kaikamahine kuewa, i nele i ka home ame na hoaloha, koe wale no a haawi mai oe i na kokua ana, i wahi nona e pono ai. "Aole au i hoike aku ia Mine i keia mau mea a'u e hoakaka nei ia oe maloko o keia leka, a ke lana nei kuu manao, e hookaawale ae ana oe i kekahi haawina dala kupono no ke kokua ana aku iaia. Aia mau ka manaoio iloko o Mine, he kupunawahine au nona, ahe ohana oe no'u. Iloko o kou hauoli nui, no keia nuhou a'u e hoike aku nei, no kou kuleana ole ana i ka makuahine o Mine, e lilo hoi i wahi hana maikai ma kou aoao, ka nana ana mai i ke kaikamahine a ka wahine, nana 1 hoehaeha i kou mau noonoo, a mai poina i ka hoomanao ana. ae no Katalina Mazeroni." "Aole loa e loaa aku ia Kenerala Rudena ka ike i kekahi huaolelo i kakauia maloko nei o keia leka," i hooho ae ai o Mine me ka hele o kona mau maka a li-o i ka inaina. "Ke hoohiki nei au'ma ka inoa o na diabolo haukae apau o ka po, owau aku ana ka haku maloko nei o keia home, a maluna o na j waiwai apau o Kenerala Rudena, aole loa he mana ma ka honua nei i hiki ke kaili aku i keia mau pomaikai apau e loaa mai ana ia'u," alaila haehae ae la ua kaikamahine nei i ka leka, iloko o na apana liilii he nui, me ke ana aku iloko o ke kapuahi hoopumehana e a mai ana a hoolnaka hou ae la e kamailio: "He keu oe e Katalina a ka wahine lapuwale, manao paha oe i ko huna ana i na mea oiaio mai ia'u aku, e noho pouliuli mau ana au i na manawa apau, aole loa pela, ua alakai mai na akua o ko'u mau kupuna ia'u ahiki i ka ike ana i ka malamalama. Oko manao ana e loaa aku ka ike ia Kenerala Rudena no kona kuleana ole i kuu makuahine, pela hoi ko'u kuleana ole iaia, ma ke ano he kaikamahine nana, ua hoi pu aku ia me oe iloko o ka opu o ka honua. "Ua hookipa mai nei o Kenerala Rudena ia'u maloko o kona home, ma ke ano he kaikamahine hiapo au nana, nolaila ke ku nei au maluna o ko'u mau.wawae a koi aku i ko'u kuleana me ko'u nana ole ae, i na mea alalai e ala mai ana mamua o ko'u alahele. "Hookahi wale no a'u mea nui e kaukai aku nei, ina no ke kaa mai o na dala a Kenerala Rudena iloko o ko'u mau lima, ia manawa auanei e hoikeike aku ai au imua o na kaikamahine a na duke ame ka poe hanohano, e hookoheheo ae ai maluna o ko lakou mau kaa nani, i ke ano o ke olā ana.

"Aole no au e kakali aku ana no kekahi manawa loihi, aka c loaa mai keia mau dala ia'u iloko o ka wa pokole. Ua olelo mai nei o Kenerala Rudena ia'u, aole loa o'u wahi kuleana iki i keia home, ame kona mau waiwai apau, aia wale no oia a make; e ike ana nae oia, ua hokokoke mau mai ka la o kona make, i na minuke apau. Aia he nui wale o na alahele e make ai ke kanaka, ma ka hoohana ana i ka laaumake, a eia no me a'u he laaumake, i haawiia mai e Toda. "Pehea la au i hoopuka wale ae la no i ka inoa o Toda Matado, he mea pakalaki keia, ke noonoo ae no kekahi kanaka a'u i hoowahawaha loa ai, oiai keia haawina pomaikai e waiho mai nei imua o kuu alo. Aole a'u nana no kela kaikamahine i hoopunaheleia e Kenerala Rudena, ua like no ko'u hoowahawaha iaia me ko'u hoihoi ole ia Toda Matado. "Heaha la ka hopena i kau aku maluna o Toda Matado, a eia la oia ihea kahi i noho ai ? Ina no kona lohe aku, no keia pomaikai nui e loaa mai ana ia'u, aole loa oia e hoohakalia iho ana, ika huli ana mai ahiki i kuu loaa ana iaia. Ina hoi paha no ka maopopo loa ia'u, aole loa au e ike hou ana iaia, iua ua hiki ia'u ke noonoo pono i ke alahele maalahi, e kaawale koke aku ai o Kenerala Rudena mai keia ao aku, o ko'u noho koke no ia maluna o kona mau waiwai, me ka hoohana ole i ka laaumake, oiai aia no he poino iloko o kela hana. "He hookahi a'u mea e hopohopo loa nei, ina no ke ola aku o Kenerala Rudena no kekahi mau makahiki loihi, malia, o hoea mai ka manawa e loaa aku ai iaia ka lohe, no kela mare mua ana o kuu makuahine, i ke kane, o ko'u pilikia no ia, a nele, i na mea a'u e moeuhane mau nei, e lilo au i kaikamahine waiwai loa ma keia honua. "Eia hou keia pomaikai nui o'u, o ka mare aku ia Pilipo Kuaina, aole nae e hiki ia'u ke hooko aku i kela mare, ahiki i ka maopopo loa ana, aole au e ike hou aku ana ia Toda Matado. He kanaka waiwai loa o Pilipo, a ke lilo au i wahine mare nana, aole o'u hopohopo, ina no aole e loaa mai ana na waiwai o Kenerala Rudena ia'u; o ka'u mea wale no e hopohopo nei, 0 ia ka oili mai o Toda Matado, a koi mai i kona kuleana maluna o'u ma ke'ano owau kana wahine mare, o ka hoea ana mai ia i ka weluwelu liilii ana o ka'u papahana. "Pehea nae au e hana aku*ai? Ina o keia kanaka u'i o ka hoea ana mai nei i keia po, a o Pilipo Kuaina oia, aohe a'u hooponopono hou ana aku, e pahele aku ana au i kona noonoo, ahiki i kona lilo ana mai i kane mare na'u, me Jco'u narta ole aku ia Toda Mata<io ame ke ao holookoa. No ko'u piha hoonaukiuki no nae, me ka hoowahawaha pu i keia kaikamahine 1 hoopunaheleia e Kenerala Rudena, me he mea la, ua hiki no ia'u ke mare aku ia Keoki Kakona, no ka hoohoka ana aku iaia; oiai ua ike au i ka hoohihi maoli o kela kaikamahine i keia kanaka, a pela kona piha loa i ka hauoli, iaia i maopopo ai aole keia o Pilipo Kuaina. Ua hiki hoi paha oia e hauoli ana, na kuu mau wawae e hehihehi aku iaia malalo o k ahila o kuu kamaa." ;(AsU i paji.)