Ka Nupepa Kuokoa, Volume LXIII, Number 34, 21 August 1924 — HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino. [ARTICLE]

HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino.

"Ma ke ano o ko'u Hmakakau i maopopo ai ia Kenerala Rudena, owau ka mea e hoouna mau aku ana i na palapala iaia. Mamua aku o ko'u 00 ana ma ke kanawai, 0 ka hui o Haukona» & Haukona, ka mea nana e lawelawe ana i na hana apau ma ko'u aoao, me Kenerala Rudena ma kekahi aoao; aka i ko'u kanaka makua ana, e hiki ai ke lawelawe ponoi i ka'u mau oihana, ua kakauinoa aku la au i kekahi mau palapala oihana, me na hoike maluna o kela mau palapala, a hoounaia aku la ia Kenerala Rudena; nolaila e ike mai oe, aia me kela keonimana kahi i waiho ai o na hooiaio apau no ko'u limakakau, e hiki ole ai i kekahi mea ke pulapu aku iaia." "E hoomanao hoUpaha oe e Pilipo, he hana maalahi wale no na kekahi poe kolohe, ka hoohalikelike ana i ko lakou limakakau me kou, ma keia ano iho la, he hana hiki wale no ke lawelaweia ka epa ame ke kolohe, ke komo ka manao o kela ano iloko o lakou." "Owai aku auanei ka poe i maopopo i ko'u limakakau, o Kenerala Rude«» wale no ame oe, nolaila he hana pohihihi loa na kekahi mea kolohe, ka hoao ana e hoohalikelike me ko'u limakakau, no ka pulapu ana i kekahi mea." "He mea pololei no kena au e kamailio mai la e Pilipo, aka i kamailio wale ae nei no au, malia paha ina no ka loaa aku o ka ike i kekahi mea e pili ana i kou kulana ame ka aelike i hanaia e kou makuakane ame Kenerala Rudena, o kona pahele mai no ia i kou noonoo ahiki i kou lilo ana i pio nana, a no ka ohi ana i kou mau pomaikai, me ka mare aku me ke kaikamahine a Kenerala Rudena, e lawelawe ana oia i na hana apau e hookoia ai kona mau makemake." ' w Akahi aku la no au a maopopo i kou manao maoli e Likeke," wahi a Pilipo, me kona noke okoa ana aen ka akaaka, a i hou mai la: "O kou manao anei e Likeke, o ia ka powa ana mai o kekahi mea ia'u, a i ko'u make ana, alaila komo oia i ko'u kamaa buki, a oiai aole i ike o Kenērala Rudena i ko'u helehelena ame ko'u mau ano apau, o ka hele aku no ia o kela kanaka a koi aku la i ko'u mau waiwai, a mare aku la me kana kaikamahine, pela anei kou manao maoli? He hana maalahi i'o ia ke hookoia, aka nae e hoea mai ana no i ka manawa e ikeia ae ai ke kolohe, oiai aia he lehulehu wale o na mea liilii i pili i ko'u makuakane, a Kenerala Rudena e ake mai ana e maopopo iaia, no ka mea he mau hoaloha pilipaa loa laūa mai na la kamalii mai, a i ka hiki ole ana i ka mea kolohe ke pane aku i na mea e akeia. mai ana e ke kenerala e maopopo, o kona paa no ia i ka hopuia, mahope o ka hala ana o na hora he iwakalua-kumamaha. "Ma ko'u manao maoli, he hana pohihihi loa na kekahi kanaka kolohe, ka. hoao ana e imi i kekahi alahele e lilo aku ai ko'u mau waiwai iaia, koe wale no paha, a hoike okoa aku au iaia i na mea e pili ana i ko'u ohana." "Ke kulike nei ko'u manao me kou e Pilipo," i pane aku ai 0 Likeke Dugale me ka mae ana ae o kona helehelena, iaia i ike iho ai i ke poho o kona mau manaolana, no na mea ana 1 hoolala mua ai, a i hou aku la: "Akahi no a maopopo loa ia'u, hp hana hiki ole loa na kekahi mea ka hoao ana e hoopilikia ia oe, i wahi e holo aku ai koa mau waiwai maluna ona, a ua hoomama loa ia mai ko'u noonoo, no ka ike ana iho, i kou kulana palekana. O ka'u e hooia aku nei imua ou e Pilipo, e hoea aku ana oe no Pinelana me ka maalahi loa, a e mare ana oe me ke kaikamahine a Kenerala Rudena-" "Aia wale no ko'u mare me kela kaikamahine, a ike aku au, ua kulike kona mau ano me ka'u i makemake ai." "Ae, ke kulike i'o kona mau ano me kau 1 makeAiake ai," i pane aku ai o Likeke, me ka nana ana aku i ka ilikai, oiai hoi kona noonoo e hana la, ma kekahi kumuhana e ae, i loaa ai ka laua mea e kamailio ai. Ma keia wahi e ike iho ai kaua e ka makamaka heluhelu, i ka pololei o na mea a Mrs. Kaina i wanana e aku ai imua o Pilipo, i na ano o Likeke Dugale ma ke ano oia kekahi o na kana- j ka ino me ke kolohe, i makaukau e hookomo aku ia Pilipo iloko j o ka poino, ke manao oia e lawelawe aku i kekahi hana epa. No na minuke lehulehu kela nana malie ana o Likeke Du-| gale iluna o ka ili o ke kai, kahi ana i hoolilo aku ai i ke kauwa hoopono a Pilipo i luakupapau nona, a ke noonoo la 01'a no ka j pohihihi loa o ke alahele, e hiki ai iaia ke hoouna aku ia Pilipo, ma ke alahele a kana kauwa i hele aku la. O ka noonoo mua i komo iloko. o Likeke Dugale, i wahi e ino aku ai na waiwai o Pilipo iaia, o ia no kona hui pu ana aku me Keneala Rudena, a ohumuhumu no ka pepehi ana ia Pilipo a make, a mahele i kona mau waiwai mawaena o laua. laia nae i ike ai, i ke poho wale o na hooikaika ana ma kela ano, hoohuli ae la oia ma kekahi alahele okoa, elike me kana o ka hoomaoe ana aku |a Pilipo, no na mea pili i ka limakakau, a i ka hoakaka ana mai o Pilipo iaia, i ka hiki ole o kela hana ke hookoia me ka holopono, ua ku maoli oia i kahi o ka hoka; a me kela manao hoka oia e noho malie loa la, me ka hana ana o kona noonoo, ma kekahi ihau alahele e ae, e hookoia ai kona Caau manao lapuwale. Me he mea la nae, ua loaa aku la paha. i ua o Likeke kekahi alahele okoa ae e hiki ai ke hookoia kela manao lapuwale iloko ona, lamalama ae la kona helehelena, eiā nae aole oia i hoike koke ae i kela manawa, aka ke kakali malie la no oia, ahiki i ka wa kupono, a e hoao ē aku ana oia e haha i ko Pilipo manao, ina no kona apono mai, _o ka hoea ana mai ia, i ke ko ana 0 kana mea kahiko i kuko nui ai. Mahope mai o kela kamakamailio ana o na hoaloha elua, e 9 D v ugalr no Miss a ma ke

kakahiaka oka la, mamua ae oke ku aku o ka mokuahi i ka aina, kamailio okoa aku la oia ia Pilipo i ka i ana aku: ; "He keu aku a ka mea apiki, ina e mare i'o aku ana oe ia Miss Rudena, me kou manaoio, he wahine kela elike me ia a kou puuwai i iini nui ai, eiajca auanei, no kou mau waiwai wale mai no kana 1 ake ai e lilo aku iaia, a oia kekahi o na wahine ino lapuwale loa. Aole o'u makemake e hokai wale aku i kou kuleana e Pilipo ma keia kumuhana; aka ua ike au, he kanaka oe e Pilipo, e hoohihiia mai ai e na wahine apau, ke ike mai lakou i kou helehelena kanaka u'i. "Mai akaaka mai paha oe i keia mau olelo a'u; o keia maoli no ka'u mea i ike e pili ana ia oe, aole e hiki i kekahi wahine ke kupaa iho, ke loaa aku ka ike iaia no kou helehelena u'i, a o keia kekahi kumu nana i hookaumaha loa mai i ko'u noonoo. "Ina e haulehia mai ana o Miss Rudena i ke aloha ia oe, mea pono e loaa mua na hooiaio ia oe no ka oiaio o kela aloha, aole hoi he aloha wale no ma na lehelehe-" "Owai no ia mea ae aku e mare i kekahi wahine, mc ka maopopo mua ole iaia o na ano oiaio o kela wahine ?" wahi a Pilipō oka pane ana mai. "Heaha ka mea nana i kono āku ia oe e Likeke, e hoala mai i na kamailio ana-o keia ano? Ina au e haulehia ana i kela kaikamahine, a pela hoi oia e aloha mai ai ia'u, a no kela aloha o maua, e hookoia ai ka mare i aelike, ia, aole e lilo ana kela mare ana, i kumu e kohoia aku ai, no ka waiwai kona ake ana mai e mare ia'u, aka e hoomahuahuaia ae ana nae kona mau waiwai, mamuli o kela mare ana." "He mea oiaio loa kena au e kamailio mai la e Pilipo, aka 1 wahi nou e ike ai i ka oiaio o ke aloha o kekahi wahine, aia wale no a hoaoia oia. He elua wale no alahele e maopopo ai ia oe ka oiaio o ke aloha o kekahi wahine, o ka mūa, o ia kona halilehia ana i ke aloha ia oe, ina he kanaka ilihune oe, a o ka luk, ina mahope iho o kona mare ana mai ia oe, a lilo aku kou mau waiwai ia ha'i, aole e lilo kou ilihune ana, i kumu nona e haalele mai ai ia oe, mamuli o kela kulana ilihune, ame ka hoohaahaaia ana iho o kona kulana."

"O ka wahine nona ke ano au e hoakaka mai la, o ka'u wahine ia i makemake ai e mare aku iaia, me ka nana ole, i ka u'i ame ka pupuka o kona helehelena. Malik paha he manao kekahi ou, no keia kumuhana, ke makemake nei au e lohe i kekahi mau hoakaka ku i ka naauao mai ia oe mai!" "Ae, he manao kekahi t nu-ne nei iloko o'u, aole no nae ia he mea ano hou> a no ko'u ake wale aku no i koti pono, pela au i noonoo ai, he mea maikai no ko kaua kamailio ana no ia mea." "Ina hoi paha he manao ano nui ia, o keia ka manawa au e hoike mai ai, me ka nana ole, ina no ia he.mea kahikol" "Eia ua manao la e Pilipo; no keaha no hoi kou kumu hoao mua ole aku no ka huli ana i oa ano oiaio iloko o Miss Rudena, mamua o kou lawe ana mai iaia i wahine mare nau? Ke hoomanao nei no anei oe e Pilipo, i kela keaka a kaua i hele ai e nana maloko o ka halekeaka, ma ka po mamua iho o ka hāalele ana aku o ka mokuahi i ka aina, o ia kela keaka, e pili ana ia Sir Keoki, a ma ka makemake ana o ua kanaka nei, e hele e ike, i ka wahine a kona makuahine i ake ai e lilo mai i wahine nana, aka nae mamua' o ko'na hele ana aku e ike i ua wahine nel—" "O kana kauwa kana o ka. hoouna ana, a haulehia kela kauwa m® ke kaikamahine lawelawe, me ko laua mareia ana, mamuli o ka hana epa a ka wahine malama hale, elike me ka epa a Sir Keoki i hana ai no kana kauwa," i hoopau pono aku ai o Pilipo, i na mea a Likeke i ake ai e kamailio mai iaia. j "Ke hoomanao nei au no kela keaka a kaua i hele ai e ma- I kaikai, a o kela kekahi o na keaka maikai loa. Heaha ih'o la ka pili o kela keaka ia'u, ma kau mau mea i manao ai e Li-. keke?" I "Eia no ka pili: Heaha no hoi ko kaua kumu kuapo ole ia s kaua iho elike me ka Sir Keoki i hana ai i kana kauwa? E hoolilo kaua ia oe i kauwa elike me ko'u ano nei, a ma ia kulana oe e hoea aku ai imua o Miss Rudena, no ka hoao ana i kela wahine opio; a ke haulehia oia i ke aloha ia oe, ma kona ike mai no, aole oe he kanaka waiwai, ua hiki loa ia oe ke ike aku i kona mau ano oiaio, mamua o kou hoea- ana aku ma kou mau ano maoli, me ka hanohano, ka waiwai ame ke kulana imua ona." J ka lohe ana o Pilipo i kela "hoakaka a Likeke Dugale, aole e hiki iaia ke pane koke mai, aka nana poao mai Ia oia ma, na maka o kona hoaloha, a i ka hala ana o kekahi mau sekona o kona noho hamau ana, noke okoa ae la oia i ka akaaka me ka puliki ana mai ma ka lima o kona hoaloha, alaila i mai la: "He keu i'o kena o ka manao maikai loa e Likeke, a ke manao nei au, he mea pono loa ia'u ke hoao ia Miss Rudena, ma keia ano. Manao no anei oe, e apono mai ana o .Kenerala Rudena, ano hana ma ko'u aoao? Aole kela he kanaka hiki ke paani wale ia, malia e ku-e mai ana oia, ke loaa aku iaia ka ike, i ka manao maoli o ko'u hoea ana aku imua ona, ma ke ano lioonalonalo, aole hoi ma ko'u mau ano oiaio maoli-" "Owai auanei ka mea nana e hoike aku i ka lohe ia Kenerala Rudena, e hoea aku ana oe ma ke ano he kauwa, no ka hoao ana i kana kaikamahine? Ooe hookahi wale iho no ame a'u, ke ike i keia meahuna/a e noho pouliuli na mea apau i kou mau ano maoli, a penei ka'u mau hoolala ana: "E hoomaka koke kaua e hoololiloli ia kaua iho, mai ka ininuke mua la e hehi ai ko kaua maū kapuai wawae iluna o ka aina paa;„no ka mea e ike mai oe i ka pilikia o ka houlolohi ana; e konoia mai ana oe e hoolimalima i kauwa hou nau, ma kahi o kau kauwa i make; aole e pono e loaa ia oe hc kauwa hou, o lilo auanei oia i- mea kumakaia i keia meahuna a kaua, aka owau no kau kauwa. ' "E holo pololei loa kaua no kekahi hokele, a e hoohala kaua he mau la lehulehu malaila mamua o koū hele ana aku no Pinelana." "Heaha iho la hoi ke kumu o ka houlolohi wale aila, me ko'u hele koke ole aku e ike ia Keneralai Rudena?" "No ka mea he nui na hana a'u i makemake ai e lawelaweia, mamuji o kou hele ana aku e hooko i kau misiopa. Oka hana mua, o ia no kou kakau ana i kekahi manao iluna o ka apana pepa, i kope na'u e hoomaamaa ai ahiki i ke kulike ana 0 ko'u limakakau me kou; ua ikeia aku auanei, ka hoea mai 1 ka manawa e konoia mai ai au e kakau aku i kou inoa, ua hiki ia'u ke hoopili elike me ke ano o kau hua ke kakau. 4 "O kekahi no hoi, i wahi e loaa ole aku ai ka ike ia Kenerala Rudena, no keia hana epa a kaua, e pono oe e kamailio mai i kekahi mau mea ano nui pili i kou makuakane, i hiki pono ai ia'u ke pane aku i kekahi mau mea ana e niele mai ai, a ina nei no ka loaa pono o keia hana kolohe a kaua, alaila e lilo oe i mea hoopakele ae ia'u mailoko mai o ka pilikia, ma ka hoike ana aku imua ona, i ke kumu oiaio o kou hoololi ana i kou ano, i hiki ai ke maopopo ke kulana maoli o kana kaikamahine." "Ua hiki loa ia!u ke olelo ae, he moi oe e Likeke Dugale, no na kanaka piha akamai apau, me ko'u nana ole aku, ina paha na kekahi poe mai i 4.'0 ia oe a akamai i keia anp hana, a i ol€, mamuli po i* p kou nopnpo '

"Alaila ke apono mai nei anei oe e Pilipo, i ka'u mau mea i hoolala ai no ko kātia kuapo inoa ana?" "Ke apono aku nei au ma na ano apau, a oiai hoi no kela keaka a kaua i ike ai, nolaila mai i loaa ai keia manao e hoololi i ko kaua mau kulana, e lawe'mai ana au i ka inoa o Sir Keoki Kakona, o ko'u inoa ia, a ia kaua e hoea aku ai no ka hokele, e ikeia mai oe ma ka inoa o Pilipo Kuaina, a o Keoki Kuaina au, kou hoahele a kakauolelo hoi nau! Ho mai ko lima e Likeke, aole aū i ike i kekahi kanaka akamai loa elike me oe, ma ka imi ana i na hana e pulapuia aku ai ka lehulehu." Hopu mai la o Likeke Dugale i ka lima o Pilipo me ka i ana mai: "Me na mahalo he nui ia oe, no kou kokua ana mai i ko'u mau manao, a e ike aku ana no oe, aole i makehewa oe no kou mau luhi apau," me ka pahola ana ae o ka minoaka ma kona man papalina. Ma keia wahi i hoea mai ai i ka hookoia ana o na mea a Mrs. Kaina i wanana mua mai ai e pili ana no Likeke Dugale, a Pilipo nae i hilinai kuhihewa aku ai o kona hoaloha, me ka manao he kanaka maikai oia, o ka mea oiaio nae, he moo nahesa oia iloko o ke'kino kanaka. MOKUNA VII. Iloko o ka nui o ka ino ma kela po, ahiki i ae ao ana ae ma kekahi la mai; i ka wa i wehe ae ai o ke alaula o ka malamalama ka ke kakahiaka, o ka hiona mua loa, i halawai mai me Mine Baroni, o ia no na kukuna hialamalama o ka la o ke komo ana mai ma ka puka aniani o kona umi moe. "H« hoailona hikimua keia o na pomaikai a'u e ike nei; oiai oiai ua oili mai na kukuna olino malamalama o ka la, mahope iho o kekahi ino nui," i hooho ae ai ua kaikamahine nei, iloko 0 kona manao hauoli, me ke ala ana ae mai kona wahi moe mai, no ke komo ana i kona lole, me ka hookani ana aku i ka bele kahea i kekahi kauwa lawelawe, e hele mai e kokua iaia ma ke komo ana i ka lole, ame ke kahi ana i ka lauoho. "He keu aku a ka mea kupaianaha ko'u moeuhane mau ana 1 ikeia po me kela kanaka opio o ka hoea ana mai nei ma ke ano he kauwa na Pilipo Kuaina. He mea maikai ole keia, ina no ko'u mare aku me Pilipo Kuaina; aka nae me he mea la, ua oi aku no ka u'i o kona helehelena mamua o keia kanaka ana o ka houna mua ana mai nei; no ka mea aole ana oia e hana. naaupo, ma ka hoouna ana mai i kekahi kanaka u*i, no ka mea e komo iho ana no ka manao hopohopo iloko ona, no ko'u hoohihi i keia kanaka. Aia wale no ke kau ana o ko'u makemake iiuna o na waiwai o Pilipo, nolaila e hoao ana au e hoomanawanui, ma ke kakali ana ahiki i kona hoea kino ana mai no Pinelana nei." He nui aku no kana mau mea i makemake ai e kamailio ae, aka no ke kikeke koke ana mai o ke kaikamahine lawelawe mawaho o ka puka o kona rumi, hoopau ae la oia i kana kamailio ana a kahea aku la i ke kauwa e komo mai iloko. No ka hooko ana mai i ka leo kauoha a kona haku, wehe mai la ka wahine kauwa i ka puka, a komo ana no he wahine Paele kino poupou iloko o ka rumi, a o ia ka Mine o ka ninau ana mai: "Owal oe, a heaha kou makemake o ka hoea ana mai hei? Owai ka mea nana i hoouna mai nei, a owai kou inoa?" wahi a Mine me ka hoihoi ole i ka ike ana aku i kela wahine Paele. "Aole e hiki ia'u ke pane aku i kau mau ninau lehulehu, i ka manawa hookahi," wahi a ka wahine Paele, me ka piha i kamaka'u ame ka haalulu no ke ano uahoa o Mine, elike me kana i hoomaopopo mai ai ma na ano ,o kona haku hou. "O Kite ko'u inoa, a na Mrs. Kodimera, i kauoha mai nei ia'u, e pii mai iluna nei, no ke kokua ana aku ma ka hookomo ana i kou mau lole. Ina-aole ou makeipake ia'u, alaila aole o'u kuleana e hoopau manawa wale ai no ma keia wahi, aka e hoi hou aku au no ka hale malalo. Malia paha rio ka eleele 0 ko'u ili, ke kumu o kou hoihoi ole ia'u, aole no hoi he a'ia'i o kou ili, elike me ko na haole, ua like loa oe me kekahi hapa Paele ma ka'u hoohalike aku, a me he mea la o kena lauoho ma kou poo, no kekahi wahine haole i make, a okiia e oe. ! "O ke aloha no kou, e hoi ana au eai i ko'u aina kakahiaka; aole no au i maona, o ke kahea hoi a Mrs. Kodimera, awiwi au i ka pii mai nei me ka manao he pono keia, eia ka e pa ana | i ka leo," alaila huli aku la ka wahine Paele e hele no kahi o ka 1 puka, e hamama mai ana, aka ua poha koke aku la ka ieo o Mine i ka i ana aku: "Uwoki, uwok'i! Ua opulepuleia anei oe? Ke hoao mai nei oe ia'u e kamailio me kou leo nui, me he mea la, he wahine kuli au, aole he lohe o ko'u mau pepeiao?" "Aole au i ike i kekahi wahine huhu elike me oe, ua kaokoa loa kou mau ano me ko Mrs. Kodimera," wahi hou a ka wahine Paele, me ka wikiwiki o kana kamailio ana, e hiki pono ole ai ke hoomaopopoia aku kana mau olelo.

"Uwoki! Aole anei e hiki ia oe ke noho malie? Makemake anei oe e hoolilo ia'u i wahine opulepule," wahi a Mine me ka hoopiiia mai o ka manao inaina me ka huhu iloko ona. t "Heaha auanei ka'u nana no kou lilo i wahine opulepule, o kou ano maoli no ia, aole ou like me na wahine e ae, elike rae Mrs. Pakona, he oluolu maoli kt-ano o kela wahine; a ke hoonani ae nei au i na Lani, no ke kaokoa loa o kona mau ano (me kou." "E ku oe a hele mailoko aku nei o keia rumi, a e hoike aku imua o ko haku e hoouna mai i mea okoa ma kou wahi, aole o'u wahi lihi hoihoi iki ia oe." I ka lohe ana no o ka wahine Paele no kela kauoha e haalele ialoko o ka runii, o kona puka aku la no ia iwaho, me ka noke ana i ka namunamu i keia mau olelo: "Manao paha kela wahine i ke keokeo ana o kona ili, e hiki iaia ke hookiekie mai maluna o'u," wahi ana me ka piha i ka inaina, a iaia i hoea aku ai no ke alapii, hoopuka hou ae i keia mau olelo: "Ina nō ka loihi loa aku nei o ko'ii noho ana maloko o kela rumi, aole e hiki ia r u ke hoomanawanui hou iho i ko'u huhu i kela wahine hookano. He wahine eleele i'o au oka ili, ua hiki loa riae ia'u ke hoeha aku iaia elike me kekahi kaikamahine uuku; hookahi nae a'u mea e hauoli neif o ia ko'u lilo ole ana i wahine lawelawe nona"Ua hoomaopopo au i ke ano o kana nana ana ia Miss Kaloke i ka po nei, aole he hoihoi iki iloko onā, no kuu haku, a ina he manao hoopilikia kekahi iloko ona no Kaloke, e ao oia o ike, i kona aluia e makou na kauwa i aloha i ko makou haku oluolu a akahai." Me kela mau olelo i iho awiwi aku ai ka wahine Paele no ka hale malalo, a hoike aku la i kona makemake ole ia ana e Mine Baroni, pela hoi me na olelo i kāmailiOia mawaena o laua. "Ua kipakuia mai nei au e kela wahine opio, no ka eleele paha o ko'u ili, a kauoha mai nei ia'u, e olelo aku ia oe, e hoouna aku i mea okoa ma ko'u wahi." He 'mea makehewa wale no pahk i ka meakakau, ka hoike neepapa ana aku i na mea pili ia Mine, ame na kauwa lawelawe, iloko o kela mau la o kona noho ana ma ka home o Kenerala Rudena, hookahi nae mea nui i ikeia, ua hooiia ae ka pilipaa o ka makemake ame ka manao hoohihi mawaena o Mr. Keoki Kakoria ame Kaloke Rudena. -