Ka Nupepa Kuokoa, Volume LXIII, Number 34, 21 August 1924 — Nalowale He Keiki Uuku a Loaa Hou Ma ka Hora 2 o ka Auwina la ka Hoomaka ana e Nalowale a ma ka Hora 6 i Loaa ai HAOHAOIA MA KA MANAWA E AI NUI ANA Huliia Oia e na Makai ia po Ahiki i ke Awawa o Kalihi Aohe no i Loaa Aku [ARTICLE]

Nalowale He Keiki Uuku a Loaa Hou

Ma ka Hora 2 o ka Auwina la ka Hoomaka ana e Nalowale a ma ka Hora 6 i Loaa ai

HAOHAOIA MA KA MANAWA E AI NUI ANA

Huliia Oia e na Makai ia po Ahiki i ke Awawa o Kalihi Aohe no i Loaa Aku

Mamuli o ka loaa ana ae o ka lioike ke Eapena- Makaikiu Kellett, ma ka po o ka Poaono aku la i hala, no ka nalowale ana o kekahi keiki uuku o umi-kumamakahi makahiki, nona ka inoa o Edward Abdul, mai ka home aku o na keiki makuaole mauka ae nei o Kalihi, i hoounaia ak« ai kekahi mau makaikiu e hele e huli, a ua liuli aku lakou ma ia po ahiki i ke kuahiwi mahope aku o ke awawa o Kalihi ahiki i ke aumoe ana aohe nae i loaa. Mai ka hora 2 mai o ia auwina la ka nalowale ana o ia keiki a mamua iho o ka hora 6 o ia ahiahi ka hoike ana ao o na keiki i paani pu ai me Abdul, no kona nalowale ana a ma ia manawa i hoikeia mai ai i ka oihana makai. Aole \ maopopo ke kumu o ia keiki 0 ka holopee ana, aka nae, ma ka olaloia -ua hakaka kela keiki me kekahi o na keiki ma na hora kakahiaka o ia la, a aneane i ka hora 2 auwina la i hoomaka ai ka nalowale ana o ia keiki. Ma ka manawa ai o na keiki i ikeia ai kona nalowale ana. I ka maopopo ana i ka Makua Francis, ka mea nana e malama nei na keiki o ia home ua nalowale ke keiki, ua hoike koke mai la oia 1 ka makai i hoonohoia e kiai ma Kalihi-uka, Augusfc.Costa, a hoomaka oku la kona pii wawae ana me kekahi mau keiki elua no uka o ke Awawa o Kalihi. Ma ka olelo a na kēiki i ka makai ua ikeia o Abdul ma na hora kakahiaka o ia la iuka loa o ko awawa a iloko hoi o kekahi hale kahiko i haalelo loa ia, eia nae, i ka hoea ana aku o ka makai ilaila me na keiki aohe hiohiona maloko o ia hale e hoike mai ana ilaila ia No ia nele ua hoi hou aē la ka Makai Costa a lioike mai la i ke keena makai. 0 keia keiki i nalowale ai na Mrs. Clara Abdul o ke alanui Likelike. Ua kaawale aku ka makuakane i kahi e no kekahi manawa, a ua hoihoiia ae k«ia keiki me kona kaikaina ame ke kaikuahine i ka home e na keiki makuaole, a he elua makahiki o nei keiki o ka noho ana maloko o ia home. Mahope o ka huliia ana o ia keiki ma ka po o ka Poaono a loaa ole, ua hooniau hou ia ka huli ana ma ke Sabati mai, a ma kahi o kona manaoia ua nalowalo iloko o kanahele mauka loa aku o ke Awawa o Kalihi, ua loaa aku la oia i ka anakala R. J. Lopex, o Makiki, he makai, ma ka liora 7:30 o ke kaka'hiaka Sabati nei, e hiamoe ana maloko o ka halo hoahu ukana, he kanakolu kapauai ka mamao mai ka liale nui ak«, maloko o kekahi pahu ua owili iaia a paa me kekahi apana moena. 1 kulike me ka ka Makai Lopez o ka hoike ana ae ua maka'u keia keiki o pepehiia e. na keiki e ae ana o ka hakaka ana ma ke kakahiaka Poaono, no ia kumu oia i holopee ai, a i nui ai hoi ka haha a na makai a pela pu me ka ohana 0 ia keiki ma ka huli ana iaia ma ia po Poaeno, a pau ouka 6 Kalihi 1 ka huliia. He hakaka nui ka i malamaia ae mauka ae nei o Kalihi ma ka po Poalua nei mawaena o na koa ame kekahi puulu o na kamalii e hoopihapiha mau ana i na alanui malaila, a o ka hopena o ia hakaka ana r ua hoauhee ia aku kela puulu kamalii, a o kekahi ua laweia ae no ka halema'i o ka poe ulia. BREMERTON, Aug. 12.—Ua hoikeia mai i na aliikea o ka pa-kapili-moku o ka oihana kaua maanei i keia la ka hooku'i ana o na moku hahai topido Amerika Litchfield a mē ka Farenholt iloko o ka manawa e hookahakaha paikau ana o ke aumokukaua (naanei ma ka la aku la i nehinei mawaho ae o ka Lae | Flattery. Ualiolo aku ia mau moku no ke awa Angeles no ka hana hou | ana i na wahi i poino me ko laua mau mana hoonee ponoi. O ka ihu o ka moku Litehfield a o ka epaepa hoi o ka Farenholt na wahi o' ia mau moku i x poino.