Ka Nupepa Kuokoa, Volume LXIII, Number 35, 28 August 1924 — Paaia na Ukuhana o na Limahana No ke Kakau Ole Ana o ka Meia i Kona Inoa Maluna o na Bila Kikoo Dala UKU HAPAIA LAKOU Kauohaia ka Hope Puuku Woodward Aole e Uku i ke Koena o na Limahana [ARTICLE]

Paaia na Ukuhana o na Limahana

No ke Kakau Ole Ana o ka Meia i Kona Inoa Maluna o na Bila Kikoo Dala

UKU HAPAIA LAKOU

Kauohaia ka Hope Puuku Woodward Aole e Uku i ke Koena o na Limahana

, Lehulehu na kanaka liaok o ke aupuni kulanakauhale ma ka Poakolu o ka pule i hala i hoi nele i ka hale me ka loaa ole o na uku hana mamuli o ke kakau ol® ana o ka Meia i kona inoa maluna o na bila , kikoo dala a na kanaka hana no ka wikiwiki loa no ka holo l Hilo ma ke ahiahi o ka Poalua aku a poina kana hana. Ma ka manawa o ka ikeia ana aole i.kakau ka Meia Wilson i kona inoa maluna o na kikoo dala a na kanaka hana ua heie pu' ae la ka Lunakiai Hollinger me ka Lunahooia Bicknell imua o ka Loio Kulanakauliale, Wm. H. Heen a hoike ae ia hemahema i hanaia e ka Meia, a ua hoakaka mai ka Loib Heen i ka mea e pili ana i kana rula ana ma ka la 29 o Aperila, 1924, me ka hoakaka pu ana a« i ke kanawai kahi i kauohaia ai ka meia e kakauinoa i na bila kikoo, a e lilo ai hoi kekahi bila kikoo i mea waiwai ole kc kakau ole ka meia i kona inoa. I ka manawa i loaa mai ai keia hoakaka a ka loio Heen ua lioike koke ae la ka Lunahooia Bicknell i ka Hope Puuku Kalana, Daniel Woodward i kona manao aole e uku hou ia aku na kanakā hana. ahiki i 'ka houana mai o ka meia ma- ka J Poaha mai. | Hoounaia Akn he Palapala | Ma ka manao oka meia ua hiki | no ke ukuia aku na kanaka hana me kona kakau ole i kona inoa maluna o na bila kikoo ukuhana o na kanaka elike me ia i ikeia n)a kana kauoha i ka Hope Kakauolelo Kalan« L. K. Sterling, mahope iho o ka pau ana o ka halawai a ka papa o na lunakiai ma ka auwina la o ka Poalua, ka manawa i aponoia ai na bila ukuhana o na kanaka liana. 0 ia kauoha a ka meia i ka hopo kakauolelo ua hoikeia ae i ka liUnahooia Bickuell ma ke kakahiaka o ka Poakolu, a mamuli o ia kauoha i ukuia ae ai kekahi hapa o na kanaka hana, eia iho a mahopej ikeia ai ka hewa o ia hana a papaia mai ka hope puuku aole e uku hou aku 1 kekahi kanaka hana. 0 keia maialo nei ka manao o ka leka a ka Hope Kakauolelo L. K. Sterling o ka hoouna an* ae i ka lunahooia Hieknell. "Mahope koke iho o ka hoopaneeia ana o ka halawai a ka papa o ka auwina la o nehinei, (Poalua, Aug, 19,) ua kauoha mai la ka Meia Wilson ia'u e hoike aku ia oe e uku ae'i n$ kanaka hana o ke kulanakauhale i keia la me kona kakau inoa ole i na bil kikoo, a o na koi apau i ke aupuni kulanakauhale i kauohaia e ka papa e uku akū e kakali a hoi mai ka Meia." No keia hoakaka a ka Hope Kakauolelo Sterling, i uku aku ai kā lunahooia, me ka Hope Puuku Woodward a oiai e ukuia ana kekahi māu kanaka hana, ia manawa i hoike ae ai o Hollinger i ka pono ole o ia hana i ka lunahooia a hoopau kokeia ka uku ana. | Hoopuiwaia ka Meia 1 ka Meia Wilaon ma Hilo ma ia po Poākolu iho, ua hoopuiwaia ako waia mai la au no ka paaia ana o na oia i ka manawa o kekahi kanaka o ka Advertiser ma Hilo i hoike aku ai iaia no ka paaia ana o na ukuhana o na kanaka. "O ia mea hookahi no ka i hanaia mamua a ua hoopuiwaia mai la au no ka paaia ana o na ukuhana o i»a kanaka i keia manawa. Uahoopuiwiia mai la au no ka paaia ana o na ukuhana o n akanaka i keia manawa. Ua awiwi loa au i loaa.ia'u ka moku e holo mai ai i Hilo nei no kekahi halawai ano nui o ke Tourist Bureau; ua maka'u au o haule i ka hope moku, no ia kumu au i kakau ole ai i ko'u inoa maluna o na bila kikoo ukuhana o na kanaka hana. E kauoha aku ana au i na luna aupuni ma Honolulu ma ke kelekalapa uwea ole i keia po e uku ae i na limahana o ke aupuni kulanakauhale, a ma ka po o ka Poaha e haalele iho ai au ia Hilo nei ho Honolulu," wahi a ka Meia Wilion.