Ka Nupepa Kuokoa, Volume LXIII, Number 36, 4 September 1924 — Page 5

NUPEPA KUOKOA, HONOLULU, T. H., POAHA, SEPATEMABA 4, 1924 ELIMA


	HOONANEA NO KA MANAWA. MOOLELO NO LONOKAMAKAHI- KI KE ALII KAE'AE'A AOHE LUA MA KA HOOPAPA, AME KE KAUA MOKUNA XI (Kakauia e Z. P. K. Kawaikaumaii kamakaokaopua) (Hoomauia mai) Ka Holo Ana o Kamalalawalu i Hawaii. Aka, aole i hooki iki o Lanikaula. kana olelo aku ia Kamalalawalu, no ka minamina, ame ke aloha no i ke kahi no ka mea, ua puni loa ia ke maii Kamalalawalu i na olelo pelo i Kauhipaewa ame Kihapaewa. Ala- iia, olelo aku la oia (Lanikaula): E Kamalalawalu, ke paakiki loa nei oe i ke kaua; ae ia ka'u ia oe, o hoolohe iki mai hoi oe. E pono ke kapu heiau i keia mau la mamua o kou hele ana, e hoomalielie mua i ke akua, alaila hele." Aka o Kamalalawalu ma keia ole- lo a Lanikaula, aole no he wahi mea a huli aku, a hoolohe i ka olelo a La- nikaula. Nolaila, pau loa ae la ka Lanikaula olelo ana. Mahope iho o keia mau olelo a Lanikaula ia Ka- malalawalu, alaila, hoomakaukau ae a o Makakuikalani i na waa kaua, mamuli o ke kauoha ikaika a Ka malalawalu, a i ka makaukau ana o na waa ame na pakaua e ae, ame ka kanaka a pau, a ike ae la o a Lanikaula ua makaukau na waa kaua o Kamalalawalu, a e lana ana i ke awa o Hamoa, ia manawa, hele mai ia o Lanikaula, a wanana mai a imua o ke alii Kamalalawalu, na pukaua, ame na koa lehulehu he mai loa, ame na waa kaua apau, oiai e lana ana na waa o ke alii i ke kai, a penei kana wanana ma ke mele, a o ka Lanikaula olelo hope loa ia ia Kamalalawalu, waiho na iwi o Kamahele i Kaea. (Aina okoa) Waimea, Hawaii, a penei ke mele wanana a Lanikaula. Ke koae ula ke koae kea, Koae lele pauma ana; Kiekie iluna ka hoku, Haahaa i au ka malama, He akua ko akua o Lono, He akua e ulu e lama ana; Puuiki, Puunui, I Puuloa, i Puupoko, I Puukahanahana, I ka hana a ko akua o Lono; O Lono ka ipu iki, O Lono ka ipu nui, O Puunahe iki, O Puunaue nui, Na hana au aku, Na moe au mai, Na'u no ka'u popolo, He popolo ku alanui, I aho hia e Kaiokane, I hakaia e Kaiowahine O kaua i Kahulikini-e, He kimi He kini he lehu, he mano Kaua e Kama-e, I Anaehoomalu kaua, E kuu alii hoi-e, A pau ka Lanikaula olelo wanana ana ma ke mele elike me ka hoike ana maluna, alaila, holo aku la o Kamalalawalu me kona mau waa ka- ua he nui loa. Ua oleloia ma keia moolelo, o ka nui o na waa o Ka- malalawalu aia ka maka hope o na waa kaua i Hamoa ma Hana, a o ka maka mua hoi o na waa, aia i Paakea ma Kohala. A hiki aku	la o Kamalalawalu i Hawaii, ua hoo- nohoia o Kauhipaewa ame Kihapa- ewa ma Puako, elike me ka make- make o Lonoikamakahiki. Ia ma- nawa a Kamalalawalu i halawai mua ai me Kauhipaewa ma, olelo aku o Kumaikeau ma, he mau kanaka no ko Lonoikamakahiki alo, me ka olelo aku ia Kamalalawalu: "E Kamalalawalu, laweia na waa iuka lilo, wehewehe ke ama. Oiai, ua pae aku la o Kamalalawalu ma, ma Kawaihae. Ua papani paaia na kahakai e na waa mai ka lae o Kaname e ma Upolu, i Kohala, ahi- ki i Kaelehuluhulu i Kona, o kona loihi, ua Iike ia me na mile he kanakolu. O ke alii o Waimea ame Kawaihae ia wa, o Kanaloauoo. Kaua mai la ia, ia Kamalalawalu , a hee aku la o Kanaloauo-o ia Kama- lalawalu. Kii o Kamalalawalu e pe- pehi. Ia wa, e noho ana malaila elua kanaka, o Kumaikeau, o Kuma- kaia. He mau kanaka no keia, ua pili no ia Lonoikamakahiki ame Ka- naloauo-o. Olelo pahale aku la ia Kamalalawalu, penei: " Ua make Aole make pepehi e kakau ka papa- lina i ka uhi.'' No keia olelo, ka- kauia iho la o Kanaloaauo-o, i ka uhi." a paele kuu ia aku la. No Kumaikeau ame Kumakaia. He keu keia o na kanaka akamai loa i ka maalea iloko oia kau, a he keu no hoi laua o ka noonoo i na mea e make ai o Kamalalawalu ame na koa o Maui a puni. Ma keia pio ana o Kanaloauo-o ia Kamala- lawalu, hele aku la o Kumaikeau ame Kumakaia a ke alo o Kamalalawalu- uwe aku la, penei; Auwe! Akahi no a pili ka maka, Akahi no a ono ka.ai, Ua pio ke kolohe, A o oe koe ka ai, ka i'a, Ka puaa, ke kapa, ka pa-u, Ka aina, ka hale e noho ai, He mea noho ia iho no ka hale la! Ia oe ae nei e Kamalalawalu, Moe ia ka hale me ka wahine, Ono ka ai, me ka i'a, Aahuia ke kapa me ka mehana, O oe ka ko maua mea e ola ai, Nau ka e huna keia mau iwi, E Kalani e! Ua Make! Aole e ola ia oe, ua make! A pau ka laua uwe ana, olelo aku la laua ia Kamalalawalu: ''E Ka- lani! E wa wahi na waa a pau loa. (Aole i pau.) HE WAIMAKA ALOHA, NO KUU KANE JOSEPH LIWAI KAlLI, I HALA. I ka Lunahooponopono o ke Kuo- koa, ka hiwahiwa a ka Lahui, Aloha oe: — E oluolu mai hoi oe i wahi ru- mi kaawale o ke Kilohana a kaua ina nae he wahi keena koe, no ka'u puolo waimaka a ke aloha e kau ae la maluna, a nau hoi ia e hoike ae i ka nui ohana ame na hoaloha lehulehu e noho ana mai ka puka ana a ka la ma Kumukahi a ka we- lona, a ka la i ka mole olu o Lehua; me ka nanea ame ka haupuupu ole ae no ka haalele ana mai o kuu mea aloha i keia ola ana oiai au, ame na keiki a o'u mau kaikuaana. Mr ame Mrs David Kapahaku ame Mrs Poipe Kauhi e naua iho ana i kona hanu hope loa, a hookuu malie mai la oia i kona hanu hope loa i ka hora 5 ame lo minuke i hala ae o ke ahiahi Poalua, Aug. 5 , 1924. Ua hanauia kuu mea aloha ma Waiakea, Hilo; Hawaii, mai ka pu- haka mai o Kaui (w) kona mama ame Kaili (k) kona papa, a i kona


haalele ana mai la i keia ola ana ua piha iaia na la he 90 makahiki a oi aku a i ole emi mai paha. Ua hoohuiia maua ma ka berita mare e ka Rev. Alekanekelo, ma ka home noho o Luahine ma Wai- kapu, Maui, i ka la 9 o Nov. A. D. I873. Nolaila, ua piha ia maua na makahiki he 50 a oi o ka malama- ana i ka berita maemae o ka mare. A mailoko mai o ko maua puhaka a hoohuaia mai ai he elua mau hua, oia hoi, he mau kaikamahine, ua hala e aku no laua ma kela ao me ka loaa hua ole mai ko lana mau puhaka. mai, a ukali pu aku la no hoi ko laua papa ma ia alahele hoo- kahi. Nou hoi e Mrs Luisa Emalie Ma- wae kekahi waimaka aloha, no kou ike ole ana i ka hanu hope o kou papa, na luhi mua hoi o na la opio o neia mau kai e waiho mai nei, a pela pu na alu na puu kinikini ame na kahawai lehulehu e lei hele ai ia olua. Aloha no. Ua pau kou ike hou ana iaia e maalo hou aku ana imua ou ame na moopuna a maua. Ua hala ua nalo no ka ma- nawa mau loa, a pela pu no hoi he waimaka aloha no'u e Mrs Lucy Keala oiai aole oe i ike i na hiona- hope o kou papa mamua o kona haalele ana mai ia kakou apau, na hoa uhai aholo pu no ka imi ana i ua mea e pono ai o keia ola honua ana, e aloalo ana hoi i na kaha wela nopu i ka la o Kaanapali a hoomaha aku i ka Malu Ulu o Lele i ka Ia'i o Hauola me kahi nalu hai mai o Uo. Aloha wale ia mau wahi e pili aloha ia ai me oukou na ohana keiki imua o maua na makua ia wa aka, i ka hoea ana mai Ia i ua la hope la o ko oukou haku kaikunane wale no me maua a e maaloalo ana hoi iloko o na la o ka nawaliwali e he- kau ana maluna o ko oukou mau makua nei. Kuu kane i ka hau anu o Alika aole e hoopulu hou ana ia mau kulu hau anu i ka ili o kuu mea aloha, no ka mea, ua nalo oia no ka wa mau loa. Luuluu wale! Kuu kane i ka nani o Waimea, Kauai, i ka hoopulu ia e ka huna wai o ka Waikea ame ka Waiulaili- ahi o Mana; aloha ino ia mau wai kaulana a kuu kane i hele malihini ai. Aloha no hoi Oahu a Kakuhihewa ame Honolulu ke kaoha uluwehiwe- hi i ka h-aik'nimia' o ka Nokina. Ua pili wale ia no e maua me kuu kane, mai ka puu kaulana o Daimana Hila ma ka hikina a hiki aku i ka ehukai o Puaona ma ke komohana a huli ae ma na Koolau o Laie i ka lai o Punaluu ame ke ko'a amokumoku o Heeia i ke ala pii pali aku o Nuu- anu a hoonipo aku me na ale o Kaiwi ame Pailolo i ka lai o Hauola. Aloha Hawaii Moku o Keawe, me kona mau kuahiwi nani kaulana, ke one hanau o kuu hoapili he kane ka hoapili hoi o na kau a kau. Akahi ka hoi kau e hemo ai ua wehe mai la oia i ka pili hooko-o a loko, a hele aku la i ke ala hoi ole mai a noho hookahi iho la au i ka home o maua i hoomanawanui ai i na la hune ame ka nele. Mahope iho o kona ike aha i ka nani o na aina puni ole Hikina, ame na aina puni ole komohana i huli hoi mai ai oia a noho iloko o ke Kalana o Maui nona hoi a kuahiwi kaulana o Haleakala ame Eeke ma ke komohana, e o mau nei o Maui no ka Oi. E hoohana ana i kona mau lima punahele ma ka oihana mahiai; me na kupa o ka aina ana i noho ai. a kupa a kamaaina no ka manawa mau loa a moe aku la oia i ka moe kau a moe hooilo. He makuakane oluolu, heahea a hookipa oia i ka poe apau e kipa ana ma kona home. He like wale no ke kiekie me ka haahaa iaia. He makuakane mikiala hana,'hoo-manawanui a manaoio hana oiai kona mau la opio i noho mai ai me au kona kaikuahine ma ke kino. No-uoluHSwku HMe, uloukow mf m wm laila aole i haalele koiia mau lima i ka Lana ana i kupaa ai no kona ola ame kona hoapili nei ahiki i ka hiki ole ana ia ia ke ku a hele aku maluna o kona mau kapuai wa-wae. Me he mea la, he elua a ekolu paha mahina o kona hoomaha ana mai ka hana mai a moe aka la oia. Auwe kuu kane kuu heapili. Ke haawi nei au i kuu hoomaikai he nui i kuu keiki David Kapahu, ka mea i noho pu me kona papa nawaliwali i ka po ame kekahi manawa o ka Ia, a e kokua pu ana no hoi la'u i ka Iawe aha i ke Kauka Matayoshi, ma Lahaina iloko o ka wa e waiho ana kona papa i ka ma'i. A pela pu no hoi me kuu nunona, Ah Sing, no ke kii ana ke Kauka Matayoshi a lawe mai ma kona home no ka nana ana i ke kulana o ka ma'i o kuu kane aloha ame na kokua e ae mai iaia mai. Ke hoomaikai pu nei ia Mr ame Mrs Fleming, no ka laua mau kokua i na wa apau e kipa mai ai e ike i kuu mea aloha a pela hoi me ka pahu kupapau,a pela pu no hoi me kuu Hui Kaulana o na Honoapiilani ka Peresidena Hanohano, Mrs.'Muna Apo, ame na lala apau no ke kokua ana mai i ka ai, ka i 'a ame ke komo pu ana mai i ka huakai hoolewa o kuu mea aloha, a nou no hoi ke kahi hoomaikai e Mrs. Mabel Free land, no ke kokua ana mai i ke kahi mau pono meaai no ka ila i haalele mai ka papa aloha o kou hoaloha i hala e aku ma kela ao. A	pela pu no hoi me na poe apau na lakou na bo-ke pua i lawe mai no ka hoohiwahiwa ana iho i ke kino wai- lua o kuu kane hele loa: Nolaila, oluolu hoi oukou e la aku i keia mau hoomaikai ma ke aloha nui, a na ka Makua Lani Kiekie loa e holoi ae ina waimaka ame na naau kaumaha, apau mai a kakou aku. A Nana no auanei e kiai, hoomalu a hoohui hou ae ia kakou apau ma kela home nani ma o. Ke hoomaikai pu nei no hoi ia oe e Solomon Hanohano, ka Lunahoopo- nopono ahonui i piha mau me ka lokomaikai, no ka ae oluolu ana mai i ka'u wahi lakana luuluu a ke aloha kane no ka hookipa ana aku ma kou keena. kaawale o ka kaua Kilohana, a pela pu hoi me na keiki ahonui o kou papapa'i kou adieu. Owau iho no me ka luuluu, MRS. EMALIE L. KAILI, Me na Keiki. HE MANEWANEWA WALOHIA NO HELENA KEAUKUIKA- MOKU O KANEHUNAMO- KUIKEKAPU KAMAIOPILI E Mr. Lunahooponopono o ka Nu- pepa Kuokoa, Aloha oe ame kou mau limahana:— E oluolu mai oe e hookomo iho ma kahi kaawale o ka kakou kaupu hehi ale, i ka manao o kela mau huaolelo e ka'u ae Ia maluna, a nana hei ia- e ahai. mama aku, e, hii ana ma ke alo i na puolo- waimaka helelei, a e noho ana hoi ma ke kua i ka ukana luuluu, kau- maha, ehaeha, kupouli no ke aloha i ko mako'u hoahanau i haalele mai, i ike ma'i ai na kini makamaka e noho ana ma ka la hiki ma Haehae a ka la kau ma Nikoa mole o Lehua. O makou o, ka Ekalesia, Kula Sa- bati ame ka Ahahui C. E, o ka Ekalesia o Kaumakapili ma o ko makou komite la, ke komo pu aku nei me oe e Samuel Keliimaewaewa Kamaiopili, ke kane i hoonele ia i kau mea aloha he wahine o na la opio, ka hoanoho, hoakukakuka o ka nohona, home, hoa haihaiolelo e pono ai. ke. kino ame ka uhane, ka hoahele o ka ua, ka la ame ka ma- kani, ka hoapili o ka po ame ke ao, o ke kau ame ka hooilo, e lawe l ae i na haawina kaumaha mai ia oe ae; ke pule nei, na ka Haku nona ke kihapai olua i noho hana aku nei no umi wale no mahina, e hooikaika mai la oe ma ke alahele no kana hana, a e hoopoina ana i na mea i hala mahope, a e kikoo ana i na mea omua. Aloha no! . . . Ke komo pu aku nei makou e ka- nikau ou me na keiki i hooneleia i ka makuahine, ka mea nona na lima aloha, e milikaa ana i kela ame keia manawa, ka mea hoi nona na maka hia-a moe ole o na po loloa a ka hooilo, no ko olua, a no ko oukou pono e na keiki. E oluolu e hele elike me ko oukou mama i mahalo, nui ia a e hana i ka pono i na la apau no ka mea, no oukou ka ololo hoolana, a no ka oukou poe keiki, a no ka poe i kahi ma-mao aku, 'E hoomanao oe i kou mea nana i hana; i na la o kou noho opiopio ana; o i hiki ole mai na la ino, a hookokoke ole ia mai na makahiki au e olelo ai, aohe o'u oluolu i keia mau mea' Ke komo pu aku nei e u pu me oukou, e na hoahanau kane ame na hoahanau wahine, na mua ame na muli pokii, na kaioeke, na maka-maka ame ha hoaloha, ae e loaa like ia kakou ka haawina ike; aole o kakou kulanakauhale e mau ana ma-anei, aka, he poe malihini kakou ma keia ao. Iluna i ke ao, Kuu home mau, Kalani iluna ae, Kuu home mau.'' Kona Mau Ano Maikai. O Keaukuikamoku i oili kohana oku la mai kona hale kino aku, a waiho iho la i na hoomanao poina ole nona, mai ka po o ka la 22, o Iulai o keia makahiki ahiki a mau loa aku no. He wahine a makua-hine hoopono, kuoo, kuio, oiaio, ku-paa, wiwoole, hookamani ole, hoo-manawanui, makaala me ka hana mau ma na mea e pene ai ke kino, a o ka oi aku ma na mea pili ana i ko ka uhane, o kekahi o kana mau olelo ao ikaika, oiai oia he hoahanau no ka Ekalesia o Kaumakapili he inaina loa oia i ka hana ia, "o ka ke Akua hana me ke ano kamalii" He haa kuka oia no ka Ahaluna no kekahi mau makahiki, he hope peresidena C. E., no kekahi mau makahiki, he alakai Kula Sabati no ka apana o Iwilei, he elelo Kula Sabati i na Aha Mokupuni ame Pae aina no kekahi mau makahiki. Oia nei kekahi pono ke olelo a hooiaio ia, he papale alii no kana kane haaheo no na kane i na wahine noho pono e like me keia makuahine. Ua hanauia oia ma ka Ua Kuahine o Manoa, i ka mahina o Mei la 26 A. D. 1807, mai ke kihapai mai o A .Petero; Kakou (k) ame Kaili Ke-kahililani (w) a makeia me Sam K. Kamaiopili i Okatoba 20, 1895 na ka Rev J. Waiamau he 14 ma-kahiki i noho hoahanau ai, a helo aku nei a noho ma ka Ekalesia o Kaahumanu, Wailuku no 10 mahina a kueo hookahi aku la i ke ala hiki ole ke hoi hou mai aole oia e hei hou mai i ou nei aka, owau ke hele aku i ona la, wahi a ke alii kaulana o ka Isaraela. Ma ka hoopau ana ae i keia haa-	lo 'ulo 'u ke haawi aku, nei makou i ko makou hoomaikai ame ka ma- halo nui, me ke aloha pumehana i na hoahanau apau o ka Ekalesia o "Kaahumanu, na makamaka ame na hoaloha oia Ekalesia pela hoi ma na Ahahui lala o Kaahumanu ame ka Hale o na Alii, pela i na hoahanau ame na hoaloha o ua Ekalesia o Kawaiahao, Kaumakapili na aha- hui no hoi i hai ia maluna ae no ke ku kiai ana i ke kino wailua o ka makou mea aloha, pela na ma- kamaka, na hoaloha me na hoohiwa- hiwa pua no ka huakai hoolewa o ia wahine hele. loa ke pule hou nei, na ke Akua o ke kaulike e kiai ma- lama a hooluolu mai i ke kane na keiki ame ka ohana o Helen Keau- kuikamoku a hui kakou. O makou iho no, Komite Ekalesia- REV. H. K. POEPOE, JOSEPH WOODWARD, M. K. BENJAMlN, Komite Kula Sabati ame C. E:— WILLIAM KOPA, SAM SAFFERY, DAVID KAIWA, MRS MARYAN ABLE, MRS. ANNIE KANAHELE MRS. DEBORA SNIFFEN, MA KE KAUOHA Kuahaua Koho Baloka Wae Moho. I kulike ai Me ke kanawai, owau o W. R Farrington, Kiaaina o ke Te- ritore o Hawaii, ma keia ke kukala aku nei, he koho baloka wae moho no ka. wae ana no na Elele i ka Hale o na Lunamakaaianana o ka Aha- olelo o na Mokuaina i Huiia o Ame- rika, a no na Senatoa ame na Luna- makaainana no ka Ahaolelo o ke Te- ritore o Hawaii e like me ia i hoaka- kaia mahope ae nei, ke malamaia oua ma ka Poaono, la 4 o Okatoba, M. H.1924; apuni ke Teritore, ma- waena o na hora ewalu a. m. ame elima p. m. NA APANA SENATOA. O na Apana senatoa ame ka helu- na o na Moho Senatoa e waeia ai, e kela ame keia aoao Kalaiaina penei iho ia: APANA EKOLU - Mokupuni o Oahu— Ekolu. KA APANA LUNAMAKAAINANA O na Apana Lunamakaainana ame ka heluna o na Moho Lunamakaai- nana e waeia ai e kela ame keia aoao kalaiaiaa, penei: Iloko o ka APANA EHA— Eono. Iloko o ka APANA ELIMA— Eono. O na Apana Lunamakaainana, na Mahele Koho ame na wahi koho elike iho penei: APANA LUNAMAKAAINANA EHA HAPA O KA APANA SE- NATOA, EKOLU— KA HAPA O KA MOKUPUNI O OAHU AME KE KULANAKAUHALE A KA- LANA O HONOLULU MA KA HIKINA HEMA O KE ALANUI NUUANU AME KA LAINA E HOOLOIHIIA ANA MAI KA- PALI AKU O NUUANU AHIKI I KA LAE O MOKAPU. MAHELE EKAHI— O ka hapa o ka Apana Honolulu ma ka hikina akau o ka laina mai ka lalani mau- na mai o Koolau i hooloihiia aku a pili me ke Alanui Mauumae, mai ia alanui aku i oleloia, Alanui Umi- kumamakahi, Alanui Daimana Hila ame ka laina i hooloihiia ahiki i ke kai. Wahi koho, ma ka: pa Hale- kula Liliuokalani. MAHELE ELUA— O ka hapa o ka Apana o Honolulu mawaena o ka Mahele Ekahi ame ka laina mai ka lalani mauna mai o Koolau a e holo ana ma ke kualapa ma ka aoao hi- kina o ke Awawa o Manoa a hoea i ke kahawai o Manoa, malaila aku ma ke kahawai i oleloia a hoea i ke alanui e moe ke 'a ana ia kahawai makai iki aku o kona hui ana me ke kahawai o Palolo, alaila ma ia ala- nui; Alanui Campbell, Alanui Kake- la ame Alanui Daimana Hila. Wahi koho, ma ka. Paka Mauumae, Kai- muki. MAHELE EKOLU— O ka hapa o ka Apana o Honolulu ma ka hema o na Mahele Ekahi ame Elua a ma ka hikina o ka laina e holo ana ma na Alanui Kapahulu ame Makee ahiki i ke kai. Wahi koho, ma ka Haleauau o ka Lehulehu ma ka Pa- ka Kapiolani. MAHELE EHA— O ka Hapa o ka Apana o Honolulu ma ka hema o ke Alanui Moi ame ke Alanui Wai- ala'e mawaena o na mahele elua ame ekolu, a ma ka laina mai ke kihi mai o na Alanui Punahou ame Moi ahiki i ke alahaka loihi ma ke (alanui kahakai) Ala Moana. Wahi koho, kihi o Alanui Kalakaua ame Alanui Keoni Ena. MAHELE ELIMA— O ka hapa o ka Apana. o Houolulu ma ka akau o ka Mahele Eha a ma ke komoha- na o ka Mahele Elua, i hoopuniia ma ke komohana e ke Alanui Punahou, a ma ka akau e ke Alanui Waila ame ke Alanui. Metcalf ahiki i ke alanui e holo ana i ka hikina ma ka hema iki mai o ke Kulanui o Ha- waii, ma ia alanui i oleloia ame ka laina i hooloihiia aku ahiki i ka palena pau o ke kualapa e hoopuni ana i ka Mahele Elua ma ke komo- hana. Wahi koho, ma na Alanui Young ame Alexander. MAHELE EONO— O ka hapa o ka Apana o Honolulu ma ka akau o ka Mahele Elima a mawaena o ka Ma- hele Elua ame ka laina e holo ana mai ke Alanui. Waila mai, ma ke Alanui Punahou ahiki i kona hui ana me ke Alanui Manoa, alaila ma ke kualapa ma ka aono komohana o ke Awawa o Manoa ahiki i ka lalani mauna o Koolau. Wahi koho, nia ka pa Hale o ke Kalapu o ka Manoa Tennis, kihi o ke Alanui Manoa ame Alanui Kamehameha. MAHELE EHIKU— O ka hapa o ka Apana o Honolulu ma ke komo- hana o na Mahele Eha ame Elima, ma ka hema aku o ke Alanui Be- ritania a ma ka hikina o ka laina e holo ana mai ke kai mai ma ke Alanui Sheridan ahiki i ka welelau o ka laina e hooloihi ana i ke Alanui Piikoi, alaila ma ua laina nei i ole- loia o ka hooloihi ana ame ke Ala- nui Piikoi. Wahi koho, Hale Hoo- kawowo laau o ke Aupuni, kihi o na


Alanui Keeaumoku ame Moi. MAHELE EWALU--O ka hapa o ka Apana o Honolulu ma ke komohana o na Mahele Elima ame Eono, ma ka akau o ka Mahele Ehiku a ma ka hikina o ka laina mai ke Ala-nui Beritania mai ma ko Alanui Piikoi ame ka laina e hooloihi ana malaila aku ma ka palena komohana o ka pa-hale o ka Home Lunalilo ahiki i ke kihi hema o Kalawahine, alaila ma ka palena hikina o Kalawahine, ahiki i kona hui ana me ka palena komohana o ke Awawa o Manoa. Wahi koho, kihi o Alanui Waila ame Alanui Keeaumo-ku. MAHELE EIWA— O ka hapa o ka Apana o Honolulu ma ka hema o Alanui Beritania a mawaena o ka Mahele Ehiku ame ka laina o holo ana mai ke kai mai ma ke Alanui Ward ame ke Alanui Kapiolani. Wahi koho, ma Kamaki Kuea. MAHELE UMI— O ka hapa o ka Apana o Honolulu ma ka akau o ka laina mai ke Alanui Alapai mai ma ke Alanui Moi ahiki a ma ke Alanui Kapiolani, alaila holo. hikina ma ke Alanui Beritania mawaena o ka mahele ewalu ame ka laina ma ke Alanui Alapai a i hooloihiia ahiki i ka pahuhae kahiko ma" ka piko o Puowaina, alaila ma Puowaina ahiki i ka palena mawaena o Kewalo ame Auwaiolimu, alaila ma ka palena komohana o Kewalo a holo ke'a ma Kala wahine ahiki i ka palena komohana o ka mahele ewalu. Wahi koho, Halekula a'o Kumu. MAHELE UMI-KUMAMAKAHI, — O ka hapa o ka Apana o Honolulu ma ka hema o Alanui Moi a mawaena o ka Mahele Eiwa ame ka laina e hooloihi ana mai ke Alanui Moi mai, alaila ma Alanui Hema ahiki i ke kai. Wahi koho, ma na Alanui Hema ame Kawaiahao. MAHELE UMI-KUMAMALUA— O ka hapa o ka Apana o Honolulu ma ka hema o Alanui Hokele a ma-waena o na Alanui Alapai ame Hema ma kekahi aoao ame Alanui Nuuanu ma kekahi aoao. Wahi koho, kihi o na Alanui Powaina ame Moi. MAHELE UMI-KUMAMAKOLU —O ka hapa o ka Apana o Honolulu i hoopuniia e Alanui Luso, Alanui Alapai, Alanui Hokele ame na Alanui Alakea ame Ema. Wahi koho, ma Ema Kuea. MAHELE UMI-KUMAMAHA— O ka hapa o ka Apana o Honolulu i hoopuniia e ka palena komohana o ka Mahele Umi, e ka palena akau o ka Mahele Umi-kumamakolu ame ka laina e holo ana mai ka huina mai o na Alanui Kula ame Ema ahiki i ka pahuhae kahiko ma ka piko. o Puowaina. Wahi koho, huina o na Alanui Iolani ame Magellan. MAHELE UMI-KUMAMALIMA — O ka hapa o ka Apana o Honolulu hoopuniia e Alanui Kula na Alanui Ema ame Alakea, Alanui Hokele ame Alanui Papu. Wahi koho, Alanui Papu mauka o ke Alanui Be-ritania. MAHELE UMI-KUMAMAONO— O ka hapa o ka Apana o Honolulu i hoopuniia e Alanui Kula, na Alanui Papu, Alanui Hokele ame ke Alanui Nuuanu. Wahi koho ma ke Alanui Pauahi, kokoke i Alanui Papu. MAHELE UMI-KUMAMAHIKU —O ka hapa o ka Apana o Honolulu ma ka akau o na Mahele Umikumamaha ame Umi-kumamalima a mawaena o ka Mahele Umi ame ka laina e holo ana ma ke Alanui Papu ame Alanui Pacific Height ahiki i ke keo mua o ia alanui i oleloia a malaila aku ma ka aoao komohana o ke Awawa o Pauoa. Wahi koho, kihi o ke Alanui Puowaina ame Ala-nui Luso. MAHELE UMI-KUMAMAWALU — O ka hapa o ka Apana o Honolulu ma ka akau o ke Alanui Kula a mawaena o ka Mahele Umi-kumama-hiku ame ke Alanui Nuuanu. Wahi koho, Alanui Nuuanu ahie Alanui Bates. MAHELE UMIKUMAMAIWA— O ka hapa o ka Apana o Koolaupoko ma ka hikina; hema o ka laina mai ka Pali mai o Nuuanu ahiki i ka Lae o Mokapu. Wahi koho, Ha-Iekuia o Waimanalo. APANA LUNAMAKAAINANA ELIMA HAPA O KA APANA SENATOA EKOLU— KA HAPA O KE KULANAKAUHALE A KALANA O HONOLULU MA KE KOMOHANA AKAU O KE ALANUI NUUANU AME KA LAINA I HOOLOIHIIA, MAUKA PALI O NUUANU AHIKI I KA LAE O MOKAPU. MAHELE EKAHI— o ka hapa o ka Apana o Koolaupoko mawaena o ka laina mai ka Pali mai o Nuuanu ahiki i ka Lae o Mokapu, a maluna	o ke kualapa mawaena o Heeia ame Ahuimanu. Wahi koho, ma ka Hale Hookolokolo o Koolaupoku, ma Ka- neohe. MAHELE ELUA—O ke koena aku o ka Apana o Koolaupoko. Wahi koho, ma ka Halekula o Waiahole. MAHELE EKOLU— O ka hapa o ku Apana o Koolauloa ma ka hikina hema o ka palena hikina hema, o Laie. Wahi koho, ma ka Hale Hui Yin Sit, ma Kapano, Punaluu. MAHELE EHA— O ke koena aku a ka Apana o Koolauloa. Wahi koho, ma ka Haleaina kokoke i ka hale hoolulu kaahi ma Kahuku. MAHELE ELIMA— Ka Apana o Waialua, e hookoe ana i ka hapa o ua apana la, ma ka hema o ka laina mai ka piko mai o Kaala a komo i ka piko o Kamaohanui, Puu Pane ame Puu Peahinaia ahiki i ka palena o Koolauloa. Wahi koho, ma ka Hale Hookolokolo o Waialua. (No ke koena aku o ka Apana o Waialua, e nana i ka mahele "Umikumamaono.) MAHELE EONO— Ka Apana o Waianae. Wahi koho, Hale Hookolokolo o Waianae. MAHELE EHIKU--Ka hapa o ka Apana o Ewa, e komo pu ana na aina o Hoaeae ame Honouliuli. Wa-hi koho, ma ka Hale Hoolaule'a o Ewa. (Ewa Pavilion). MAHELE EWALU— Ke koena aku o ka Apana o Ewa, e hookoe ana i kela hapa o Halawa ma ke komohana hema o ka laina mai ka palena mai mauka o ka lokoi'a o Kuahua a e komo ana ma ka luapele o Makalapa ahiki i ka palena. o Moanalua. Walu koho, ma ka Hale Hookolokolo o Ewa. (No ke koena aku o Halawa e nana i ka Mahele Umi-kumamahi-ku.) MAHELE EIWA— O ka hapa o ka Apana o Honolulu ma ke komohana o ka laina mai ka lalani mau-na mai o Koolau e holo ana ma ka palena komohana o Kalihi ahiki i ke Alanui Moi, alaila ma ke Alanui Moi ahiki a ma ke Alanui Kalihi ahiki i ke kai. Wahi koho, kihi o Alanui Moi ame Kalihi. MAHELE UMI— O ka hapa o ka Apana o Honolulu ma ka hikina akau o Alanui Moi a mawaena o ka pa-Iena komohana; o Kalihi amo ka palena hikina o Kalihi mai ka lalani mauna Koolau wai ahiki i ke Alanui Kalihi alaila ma ke Alanui Kalihi ahiki i ke Alanui Moi. Wahi koho, Halekula o Kalihi-waena. MAHELE UMI-KUMAMAKAHI — O ka hapa o ka Apana o Honolulu i Hoopuniia e Alanui Kula, Alanui Pupule, Alanui Moi ame Alanui Ka-lihi. Wahi koho, Alanui Moi ame Alanui Houghtailing. MAHELE UMI-KUMAMALUA— O ka hapa o ka Apana o Honolulu ma ka akau o Alanui Kula a mawaena o ka Mahele Umi ame ka laina mai ka lalani mamua mai o Koolau ma ka palena pau o ke kualapa ma ke komohana o ke Awawa o Nuuanu ahiki i ka laina i hooloihiia o Alanui Kauka, alaila ma ia laina i oleloia ame Alanui Kauka ahiki i. Alanui Liliha, alaila ma Alanui Liliha ahiki i Alanui Kula. Wahi koho, kokoke i ke kihi o na Alanui Liliha ame Kula. MAHELE UMIKUMAMAKOLU —O ka hapa o ka Apana o Honolulu ma ka akau o Alanui Kula mawaena o ka Mahele Umi-kumamalua ame Alanui Nunanu, Wahi koho, kihi o ke Alanui Kuakini ame Ala-nui Nuuanu. MAHELE UMI-KUMAMAHA— O ka hapa o ka Apana o Honolulu i hoopuniia e Alanui Kula, Alanui Nuuanu, Alanui Beritania ame ke Kahawai o Nuuanu. Wahi koho, Alanui Vinia ma ka aoao hikina o ke Kahawai o Nuuanu. MAHELE UMI-KUMAMALIMA — O ka hapa o ka Apana o Honolulu ma ka hema o na Alanui Beritania ame Moi a mawaena o ke Alanui Nuuanu ame ka laina e holo ana makai. mai ke Alanui Moi aku ma ke alanui ololi Chapel (Palama Chapel road) ame kona hooloihiia ana aku ahiki i ke Alahao Oahu, alaila, ma ka hookuina hema o. ia alahao ahiki i kona wahi kokoke loa i ka lihikai e komo pu ana me na Mokupuni Hoo-malu Ma'i ame na Mokupuni hapapa e ae. Wahi koho, ma Aala Paka. MAHELE UMI-KUMAMAONO— O ke koena aku o ka Apana o Waialua. Wahi koho, ma ka Halekula o Wahiawa. MAHELE UMIKUMAMAHIKU —O ke koena aku o Halawa. Wahi koho, ma ka, Halekuai ma Water-town. MAHELE- UMIKUMAMAWALU —O ka hapa o ka Apana o Honolulu i hoopuniia e Alanui Kula, Kaha-wai o Nuuanu, na Alanui Beretania ame Moi ame Alanui Liliha. Wahi	koho, Alanui Vinia, ma ka aoao ko- mohana o ke Kahawai o Nuuanu. MAHELE UMI-KUMAMAIWA— O ka hapa o ka Apana o Honolulu i hoopuniia e ke Alanui Kula, Ala- nui Liliha, Alanui Moi ame Alanui Pupule. Wahi koho, Alanui Moi ma kela aoao mai o ka Halekula Kaiulani. .: MAHELE IWAKALUA— O ka ha- pa o ka Apana o Honolulu ma ka hema o Alanui Moi a mawaena o Alanui Kalihi ame ka palena komo- hana o ka Mahele Umikumamali- ma. Wahi koho, kihi o ke Alanui Waiakamilo ame Alanui Moi. MAHELE IWAKALUA-KUMA. MAKAHI— O ka hapa o ka Mahele Eiwa e komo ana maloko o ka pa o ka Haukapila o Kalihi. Wahi koho, ma ke Keena o ka Haukapila o Kalihi. I HOIKE NO KEIA, ke kau nei nu i ko'u lima me ka hoo- pili pu ia o ke Bila Nui o ke .. . Iei-iU^e o Hawaii. HANAIA ma ke Kapikala ma Honolulu i keia la -5 o Au^a- le i ka makahiki o Ko Kakou Haku, hookahi lnuaani eiwa hanen nie iwakalua-kumama- ha, (.'ilia) W. B. PAKKIN010N, . Kiaaina o Hawaii. i Na' ke Kiaaina: ' , (8ila) KA1'MONB O..BBOWN, Kakauolelo o Hawaii. I kulike ai me ka manaoio ka kanawai i hanaia no ia mea, iua keia ke hoopuka aku hei nu, i ke Kuahaua Koho Baloka Wao Moho, ma kahi o pili ana ^' i ke Kulanakauhale a Kalaiia" o Honolulu, 1?. H. O. KALAUOKALANL K.iknuolelo, Kulanakauhale a Kalana o Honolulu, 7. H, HE MAU APANA AU? A KUAI ^900— Loi 50ilOO Kalauki ^25 3own. . $10 pen moulli. ^1000— Loi; 50^350 Palolo, -I25' aown,. ^10.pep monlh,. . . $1250— Loi 50ilOO Oemowalie A^e., ^25 aown, ^10 pe^ monia". $1300— Loi 35^75 I'homa8 li., Ka,- . lihi, $^5 (lown, $10 pe- inonlh. ^1750— Loi 50ilOO Waialae Hoaa, -beliween 6 ana 7lh A^e8., eaa^ Ieim8-. MAU HALE KUAI ^3000— ^o^^; 8l., 2 be^woin'1iou8e. ^3000— 2 beil^om houae Mahina 5i., p^a^ikall; new— on ea87 lemi B. $3600— la^e houae Nolle^ Bi., loi 80ii40'on lenna. - ^4000— ^o^l 8i;., 2. be4-ooni hou ae loi?' 2260 a^. ^i., ^500 3own, I50 pei monlh. "PAilLO" KALAHUA' (P. B. -B. 8I^AUPn^ Alanui Moi. -Helu 75, Mawaena o na Alanui Papu ame Helela. lai. 1043 , KONOIA KA LEHULEHU On Emma & O. K. Mooa, .O. .P^.Ph. O. Halawai akea na 8abali apau ame Poakolu 7-.30. Ano hou loa o ka Hoola ana ma ka Mana Akua ame ka Hoike Uhane. Lawe mai i ka ma'L Pili i na ano apau o ke ola aoa. Paneia na ninau apau ma ka leka $?. Haawiia na haawina. Na bona IO a 5, 6 a 7^80. 2506 Kuhio A^e. Kelepona 79774. (5608— 6. mua. HOOLAHA I KA POE PAA AIE Mamuli o ko koho pono ia ana mai o ka moa nona ka inoa malalo iho nei- i Kahu no ka Poe Paa Aie Amo ka Poe Paa Mahele o ka Ha- waiian lele^aph & 7elephone 0om- pnn.7, Limileol, he hui Hawali i hoo' pauia, ma ke kauoha a ka Puuku n ko lenlope ma ka la 4 o Iulai, 1924, ma keia ke haawi aku nei i ka hoo- laha i ka po" o paa aie apau o kn 'nii i oleloia e w^iiho mai i ka lakou mau koi iaia, i ke Kahu i oleloia, nia kona wahi lawelawe oihana ma ki Helu 1128 Alanui Alakea, Honolulu, I'enloie o Hawaii, iloko o kanaika (OO) la mai ka la nku o ka hoopuka Kua ia ana o keia hoolaha o hoole. . mau loa ia aku. Hanaia Auwale 5, 1024. MU1UAL O^ELEPHONE OO .U- . PAN?, Kahu no ka Poe Paa Alo ame ka Poo Paa Mahele o ka Ha wai ian 7ele- - ip-aph & 1elephone 0ompnn.^, Limileil. PUE AB, ANOEK8ON & MAB^, ' Na Loio, no ke Kahu i oleloia. 9920— Au^. 7, 14, 21, 28; 6epl. 4.