Ka Nupepa Kuokoa, Volume LXIII, Number 37, 11 September 1924 — KE KOHO BALOKA WAE MOHO. [ARTICLE]

KE KOHO BALOKA WAE MOHO.

Ua maopopo ae nei na moho o na aoao kalaiaina o kakou, e holo ana noloko o ka ahaolelo kuloko, a no ka hale o na llinamakaainana, o ka ahaolelo lahui, ma ka manawa i paniia- ai ka puka, no ka waiho ana ae i na palapala noi holo moho, ma ka hora umi-kumamalua o ka po o ka Poaha aku la i hala, hoopahuhopu e nanaia aku nei, o ia na moho a kela ame keia aoao kalaiaina pakahi e loaa-an.a ka lanakila, ma keia kau koho "baloka wae moho. ' Apuni ke Teritorc nei, o ka aoao Repubahka wale no ka aoao nui o na moho e alualu nei i like ole; ua nele ka aoao Demokarata i na moho ma kekahi mau apana, ua ha-pa-pu hoi ma kekahi, a o ka huina no i makemakeia, ma kekahi apana; a koe ka apana elima, malaila wale no ka nui o na moho Demokarata i ikeia, no ka hale o na lunamakaainana Ua ilr aku ke ko'iko'i maluna o na makaainana koho baloka apau, ke koho ana i ka lakou mau moho i manaoio ai, o lakou 11 a kauwa kupono, no ka hana ana mai i na hooponopono kanawai apau, no ka pono o ka lehulehu,-a no ka holomua o ke aupuni; a i wahi nae e hiki ai ke ikeia aku ua poe kupono nei, e hookahuaia ka lakou mau haiolelo kalaiama, maluna o ekahi mau kumuhana maopopo loa, na kumuhana, 1 pi 1 a u i ke ola o ka lehulehu, na hanahou, ka oihana hoonaauao, ame na hookele aupuni kalana. ♦ Ua manao kekahi poe moho, he mea lnln loa ke koho baloka \vae moho, o ke koho baloka laula aku, ke koho baloka,ano nui loa, ma ia koho baloka, e waiiio mai ai lakou, i na haiolelo, no ka lakou mau īiiea e hana mai ai maloko o ka ahaolelo kaukanawai. He manao kuhihewa loa keia! 0 ka mea pono maoli a na moho e hana āi, ma keia hoouka kalaiaina e nee aku nei no ke kau koho baloka wae moho, aole o ka hoolauna wale mai no ia lakou imua o na mana koho, ma ke ano he moho, me na. olelo pokole, aka e kukulu maoli mai i kekahi mau mea oiaio imua o ka lehulehu, na mea a lakou e hooko aku ana, ke-kohoia a puka. ' Maiwaena mai o n'k moho 'lehulehu ma ka aoao Repubalika ame ria Demokarata, he kakaikahi wale no o lakou, 1 akeia e lanakila ma keia kau, nolaila i wahi e loaa i'o ai ia lanakila, me na haiolelo wale no i ku i ka naauao, ame na hooponopono aliaolelo kupono a maikai a lakou i iini ai e hooko aku, pela wale no e hiki ai ke umeia aku na manao mahalo a makemake o na mana koho no lakou. 1 ka nana aku, ua nui keia mai4 makahiki o ko kakou lioouka ana i na paio kalaiaina kuloko, me ka hoonaauao pono ia o na mana koho, no' ka lakou mea pono e hana aku ai ma k* wae ana i na mpho, ua hala na la o ko lakou alakai hewa ia, a punihei wale aku paha i na pahele a na loea kalaiaina, i ake wale no e loaa ka hanohano.o na kulana oihana 'a lakou e alualu ana. Ma ke ano nui ke olelo ae, o ke koho baloka wae moho e hoea mai ana, he koho baloka ano nui loa ia, ma keia koho baloka e' wa'e ae ai kakou, i na moho kupono i'o, o ia hoi e ae i ka i'o niai ka opala mai, elike me ke kalana ana i ke oka laiki mai ka hua 'mai; a o ua poe la a kakou e wae ae anā, o lakou ka kakou e hooikaika ai, e hoea aku ma na wahi, e hiki ai ia lakou ke hooiaio mai, no ka hooko i'o, i na kumuhana a lakou i hoopaa mai ai imua o na mana koho baloka. Nui a lehufehu na kumuhana ano nui e waiho nei, i konoia ai ko kakou mau molio e loaa ana ka ma ke kau koho laula o Novemtba, e hana mai i na hooponopono ahaolelo maikai a kaulike, ke waiho nei nae ke Kuokoa, na na moho ponoi no e kukulu mai i kekahi o kela mau kumuhana, ma ka lakou mau haiolelo akēa o keia mau la e nee aku nei, no ka hoohulihuli ana i na manao o na mana koho, i wahi e loaa ai ka lanakila ia lakou ma keia kau koho baloka wae moho.