Ka Nupepa Kuokoa, Volume LXIII, Number 43, 23 October 1924 — Page 2

NUPEPA KUOKOA. HONOLULU, T. H., POAHA, OKATOBA 23, 1924.

HOOLAHA KUAI O KA HOOLI-
MALIMA AUPUNI.

Ma keia ke haawiia aku nei ka hoolaha akea ma ka hora 10:00 a. m, Poaono, Novemaba 22, 1924, ma ko Keena o ka Hope-akena, Mr. F. K, Kalua, Wailuku, Maui, malaila e kuai hoolilo ia aku ai ma ke kudala akea i ka mea koho kiekie ma malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq. o na Kanawai Hooponopono hou ia o Hawaii o 1915 ame ke Kanawai 143 o na Kanawai Ahaolelo o 1917, he Hoolimalima Laula no ka apana aupuni ma-hope ae nei:

Apana aupuni ma ka aoao akau o ke alanui i ka Uwapo o Mula he 50 kapuai ke kokoke loa mai ko kihi kapakai mai o kalu kokoke i ka uwapo, nona ka iliaina o 20,000 kapuai kuea, oi aku a emi mai paha.

E kaa ka hoolimalima e hooliloia aku ana malalo o na kumu aelike apau ame na kulana o na Hoolimalima Laula Aupuni i hoopukaia o ke Keoua o ke Komisina o na Aina Aupuni, a malalo hoi o kekahi kulana paku'i e hookomoia aku ana maloko o ka hoolimalima e hoopukaia aka ana mamuli o keia kuai, elike me ia mahope ae nei:

"E hoonee, ka mea e lilo ai i na kula aila, na pauma a mau laina paipu paha mai kahi aku i hoolimalimaia ma ka pau ana a mamua ao paha o ka pau ana o ka hoolimalima i oleloia, koe nae, o ka hooheeia ana aku o keia mau hanahou, e hanaia ia ma ke ano e hoopilikia ole aku ai i kekahi mau hale e ae maluna o kahi i hoolimalimaia."

E kaa keia kuai malalo o na ku-
lana mahope ao nei:
a. Uku hoolimalima haahaa, $150.
00 o ka makahiki, e uka hapa-
makahiki mua ia.

b. Manawa o ka hoolimalima, 21 makahiki mai Novemaba 22. 1924 aku.

c. E uku ka mea e lilo ai, ma
ka haule ana o ka hamare i ka
uku hoolimalima o na mahina
mua eono, hui pu mo na hoo-
lilo o ka hoolaha ana ame na
kaki e ae apau e pili ana me
ka hoomakaukau ana i ka hoo-
limalima i oleloia.
No ka hoakaka aku i koe e .ninau
ae ma ke Keena o ka Hope-akena,
Mr. F. K. Kalua, Wailuku, Maui,
a i ole ma ke Keena o ke Komisina
o na Aina Aupuni, Hale Kapitala,
Honolulu, kahi o ke kii alapala aina
o ka aina e hoolimalimaia aku ana
amo ke ano o ka Hoolimalima Laula
Aupuni e waiho nei a e ikeia ai.

E hoololi ana keia hoolaha i ka hoolaha kuai o keia hoolimalima, i puka maloko o ka "Valley Isle Chronicle" ma ka ia 15 o Okataba. 1924, a maloko o ke "Kuokoa" ma ka la 10 o Okataba, 1924.

Hanaia ma Honolulu maloko o ke Keena o ke Komisina o na Aina Aupuni i keia la 22 O Okatoba, A. D. 1924.

C. T. BAILEY,
Komisina o na Aina Aupuni
6631—Oct. 23. 30.

HOOLAHA KUAI O KA HOOLI-
MALIMA AUPUNI

Ma keia ke haawiia aku nei ka hoolaha okea ma ka hora 10:00 a. m. Ponono, Novemaba 15, 1924, ma ka puka mamua o ka Hale Kapitala, Honolulu. T. H., malaila e kuai hooilo ia aku ai ma ke kudala ake i ka mea koho kiekie loa malalo o na manao o ka Pauku 73 o ke Kanawai Kuma o Hawaii, na Pauku 348 ame 380 et seq. o na Kanawai Hooponopono Hou ia o Hawaii o 1915 ame ka Kanawai 143 o na Kanawai Ahaolelo o 1917, he Hoolimalima Laula o ka aina Aupuni mahope ae nei:

Apana 15-A, na Aina Hookuo-noono o Lualualei makai, Waianae, Oahu, nona ka iliaina o 16.11 eka, oi aku a emi mai paha.

E kaa ka hoolimalima e hooliloia aku ana malalo o na kumu aelike apau ame na kulana o na Hoolimalima Lania Aupuni i hoopukaia e ke Keena o ke Komisina o na Aina Au-puni.

E kaa keia kuni malalo O keia mau kulana mahope ae nei: '

1. Manawa o ka hoolimalima, 5 makahiki mai Novemaba 15, 1924 aku.

2. Uku hoolimalima haahaa, $35-00 o ka makahiki, e uku makahiki mua ia.

3. E uku ka mea e lilo ai ma ka haule ana o ka hamare, i ka uku hoolimalima o ka makahiki mea me na hoolilo apau o ka hoolaha ana ame aa kaki e ae apau o pili ana me ka hooma-kaukau ana i ka hoolimalima i oleloia.

No ka hoakaka aku i koe e ninau ae ma ke Keena o ke Komisina o na Aina Aupuni, Hale Kapitala, Hono-lulu, kahi o ke kii palapala aina o ka aina e hoolimalimaia aku ana ame ke ana o ka Hoolimalima Laula Aupuni e waiho nei a o ikeia ai

Hanaia ma Honolulu, maloko o ke Keena o ke Komisina o na Aina Aupuni, i keia la 16 o Okatoba, A. H 1924.

C. T. BAILEY,

Komisina o na Aina Aupuni.
6631—Oct. 23. 30.

HOIHOI HOU KA LOIO THOMP-
SON I KONA UKUHANA

Ma ka hora ekahi a oi o ka auwina la o ka Poakolu o ka pule aku nei i hala, i uku ae ai ka Loio Thompson, i ka huina o eha kaukani dala ia Mrs Richard L. Hal-sey, ma ke ano he mau dala kela, ana o ka hoihoi hou ana aku ia Mr. Halsey, i ukuia aku iaia, no kona aku loio, ma kekahi hana i laweia no Mr. Halsey i make.

Hooluhi nae kumu nui o ka hoihoi hou ana ae o ka Loio Thomp-son i kela mau kaukani dala, ma-muli o kekahi hoike i waihoia aku imua o ka aba kiekie e ka Hope Loio Kuhina Harry Hewitt, e hoa-kaka ana, ua koiia aku ka kela mau kaukani dala, ma ke ano hoo-

weliweli ia Mrs. Halsey, a no ka ike ana o ka Loio Thompson, i ka oiaio ole o kela hoike, pela oia i kauoha okoa aku ai ia Mrs. Halsey, e hoea aku no kona keena Ioio, no ka uka hou ia mai iaia, o na kaukani dala eha.

Ma kekahi manawa ao nei i hala, he hoohalahala ka i waihoia ae imua o ka aha kiekie e ka Loio George K. French, e ku e ana i ka Loio Thompson, no ke ano o ka hana i lawelaweia eia ma kona ano he loio no Mr. Halsey, a o ke kumu hoi o ka ukuia ana aku iaia e Mrs. Halsey, ka huina o eha kaukani dala.

No ka huli pono ana. aku nae i ka oiaio o kela hoohalahala, i waihoia aku ai ka hana iloko o ke keena o ka loio kuhina, a ma ka hoike a ka Hope Loio Kuhina Hewitt i waiho aku ai imua o ka aha kiekie, e hoakaka ana ia no ka hoike ana ae o Mr. A. R, Stephens, ka mea nana i koi aku ia Mrs. Halsey e uku mai i ka eha kaukani dala, ina ka aole oia e uku ana i kela mau dala, alaila e hua'iia ae ana kekahi mau hana i lawelaweia « Mr. Halsey i ke akea.

Ua hoole Ioa ae ka Loio Thompson, i ka oiaio o kela wahi o ka hoike, no kona kamailio ana i kela mau olelo ku i ka hooweliweli, me kona olelo ana ae, ina pela iho Ia ke ano o ka ukuia ana aku o ka eha kaukani dala iaia, aole loa oia i makemake e lawe ia mau dala, a pola oia i kauoha mai ai ia Mrs. Hal-sey e hoea aku no kona keena, no ka hoihoi hou aua mai i na kaukani dala eha.

Ke hoomanao nei ko ke Kuokoa poe heluhelu, ua lawe okoa ae o Mr. Richard L. Halsey i kona ola iho, mahope mai o ka manawa e noiiia ana ke keena o ka oihana hoopae limahana, no ka hookomoia ana mai o na Pake i Hawaii nei ma ke ano kolohe; a mahope o kona make ana, i hoikeia ae ai kekahi huina dala mahuahua ma na bona aie, i waihoia malalo o ka malu o ka banako Li-berty.

O kahi nae o ka loaa nui ana mai o kela mau dala, he ninau pohihihi loa ia, aka ua waihoia aku kela mau dala apau ia Mrs. Halsey, ka

wahine a ka mea i make.

O ka hopena nae o ka hoike a ka Hope Loio Kuhina Hewitt i waiho aku ai imua o ka aha kiekie, o ia no ke apono ana o ka aha, me ka loaa ole o kekahi man kumu, e ahewaia ai ka Loio Thompson, elike me ka hoohalahala e ku-e ana iaia.

Kekahi Mau Hiona Ma ka Weheia Ana o ka Hoikeike Fea Ma ka

Poakahi Nei

HOOLE KA PUUKU HAPAI

I KA UKU ANA I KE KOI

O ke noi a ka papa lunakiai o ke
Kulanakauhale a Kalana o Honolulu
nei i ka Puuku Henry C. Hapai,
uku ae iloko o ko keena o ka
puuku kulanakauhale i ka huina o
82,500, ke kuleana o ke aupuni ku-
anakauhale, mai na dala auhau mai,
a hooleia mai kela noi, a na ka-
kooia mai hoi ia hoole ana a ka
Puuku Hapai o ka Loio Kuhina Mat-
hewman.

Ma ka auwina la o ka Poakolu

ka pule aku nei i hala, i hoea

kino aku at ka Lunakiai Hollinger,

a lunahoomalu o ke komite waiwai

ka papa o na lunakiai, ka Puuku

Henry C. Hapai ame ka Lunahooia

Treadway, imua o ka loio kuhina,

no ka lohe ana i kona manao kana-

wai, e hoopauia ae ai, na pohihihi

o ka hiki ame ka hiki ole i ke

kulanakauhale ke koi aku i ka hui-

a dala maluna ae.

Wahi o ka manao kanawa i o ka

Loio Kuhina Matthewman, ua hoa-

kaka ke kanawai, no ka hiki i na

kalana, ke noi mai i ka puuku o ke

Teritore e haawi aku i ka mahele o

na dala auhau, no kela ame keia

mahina, aka nae he kuleana ka i

loaa i ka puuku, e haawi aku ai

like me ke kuleana o kela ame

keia kalana, a i ole, malalo mai

aha, elike me kana mea i ike ai

he kupono.

O ke kuleana i hoakakaia ma ke kanawai a kela ume keia kalana e koi mai ai i ke Teritore, no kona mahele i na dala uku auhau, he

15 ma ka pau ana o ka mahina; aole nae i paa ka puuku malalo

o kela kanawai, no ka uku ana uku

ka huina piha i koiia mai ai.

Wahi a ka Lunakiai Hollinger, o ke kuleana o ke kulanakauhale mai-a dala uku auhau mai, no kela mo keia mahina, he $127,500, eia ae mai ka mahina mai o Iulai a hoea i Sepatemaba, he $100,000 wale no o ka mahina ka ka Puuku Hapai

i uku aku ai i ke kulanakauhale, nolaila ua koe aku no i kela ame eia mahina he heluna dala mahua-ua i uku ole ia mai, a o kela mau koena ka Hollinger i make-make ai e ukuia aku, aka ua hoo-eia aku nae e ka Puuku Hapai.

KA LUNA NUI O KELA AME KEIA KULA SABATI O MOLOKAI.

Kula Sabati o Halawa, Molokai: —Mr. L, K. Kaalouahi, Kahu Kula

Sabati Apana; Mr. David K. Kalaau, Hope Kahu Kula Sabati Apana; Mr. Paahao Nahoopii, Kakauolelo o ke

Kula Sabati; Mrs. Komela Kamanao, Puuku o ke Kula Sabati; Mr. David K. Kalaau, Alakai Himeni; Rev.

Isaac D. laea, Hoakuka.
Kula Sabati o Waialua, Molokai:

—Mr. Peter Pascal; Kahu Kula Sa-
bati Apana; Mrs. Ekekela Laumau-
na, Hope Kahu Kula Sabati; Mrs.
Ekekela Laumauna, puuku; Mr. J.
K. Kaulili, kakauolelo; Rev. Isaac D.
aea, Hoakuka.

Kula Sabati ame C. E. o Kalaia-kamanu:—Mr. David Keliipoaihonua, Kamai, Kahu Kula Sabati Apana; Mr. Henry H. Peelua, Hope Kahu Kula Sabati Apana; Mr. David Lukela, kakauolelo o ke Kula Sabati; Mr. John P. Nakeleawe, Puuku o ke Kula Sabati; Mr. David Kaai, alakai himeni; Mr. Joseph N. Uahinui, Hoakuka.

Ahahui C. E. o Kalaiakamanu:—
Mrs. Ella Kaai, Peresidena o ka
Ahahui C. E.; Mrs. Hattie Peelua,
hope peresidena; Mr. David Lukela,
kakauolelo; Mr. J. P. Nakeleawe,
puuku; Mr. David Kaai, alakai hi-
meni; Rev. Isaac D. Iaea, hoakuka.
JOSEPH N. UAHINUI,
Kahu Kula Sabati Nui o Molokai.

O KA LUKANELA KING

KA LUNANUI HOU

E ukali aku ana mahope o kana palapala noi waiho oihana, i oili ae ai kekahi lohe iloko o keia mau la aku la i hala, no ka lilo aku o ka Lukanela Samuel Wilder King, i lunanui no ka hui mokuahi holo pili aina.

Ma kekahi manawa ae nei i hala, i hoouna aku ai ka Lukanela S. W. King, i kana palapala waiho oihana, i Wakinekona, no ka pau o kona noho hana ana malalo o ka oihana kaua moana; na aponoia mai kela noi ana, no kona kaawale mai ka oihana kaua moana mai, ma ka la hope o ka mahina o Dekemaba ae nei.

Hookahi manao nui, o ka waiho ona o ka Lukanela King, i kona ku-lana iloko o ka oihana kaua, o ia no kona nohopaa ana ma Hawaii nei me kona ohana, oiai, mamuli o kana oihana, ua kaawale mau oia mai kona ohana aku, no ka hapanui o ka manawa, aka i wahi nae e kaawale hou ole ai mai ia lakou aku pela oia i makemake ai e waiho, i ka hana o ke aupuni.

Ke waiho hakahaka nei ke kulana lunanui iloko o ka hui mokuahi hoIo piliaina, mamuli o ka waiho ana mai o James A. Kennedy i kela kulana, a ina nei no ka pii ae o ka Lukanela King ma kela wahi, alaila e lilo ana kona makaukau iloko o ka oihana kaua, i mea kokua nui aku iaia, wa keia kulana ano nui iloko o ka hu mokuahi holo pili aina.


MA KEIA LA E LOHEIA AI KA PANE A KA ENEKINIA SMIDDY Ma keia kakahiaka o loheia ai ka pane a ka enekinia o ka oihana wai Smiddy mamua o ka aha hoo- malu a ka Lunakanawai Harry Steiner no ka hewa hoeha me ka mea eha ku i ka make ame ka hoopii a Mrs. Henry Bell e kue ana ia Botelho no ka hewa hoomainoino holoholona. O ka hoopii mua na Antone Botelho, he kalaiwa ona, e hoopii ana ia Enekinia J. J. Smiddy no ka hoeha ana iaia, a o ka. hoopii hope na Mrs. Henry Bell e hoopii ana ia Antone Botelho no ka hoo- mainoino holoholona. Ma ke kakahiaka Sabati i hala e ka pule aku la i hala, elike me ka hoakaka maloko o ka moolelo, e kuai ana ka o Smiddy i kekahi, mau mea maloko o kekahi halekuai ma ke kilu o na alanui Wilder awe Met-calf a loho aku la oia i kekahi poo e uwauwaa ana, o ka hora 10:30 ia o kela kakahiaka Sabati. Iaia i oili mai ai iwaho mai ka halekuai mai akahi uo ia a ike aku i ke kumu o ko na kanaka uwauwa ana, e holo mai ana o Botelho maluna o ke kaalio Buggy a o kauoia ana ke kaa e kekahi lio eha o ka wawae a e kulou ana ke poo o ka lio ilalo me ka hele malie loa. Ia manawa ua holo mai Ia kekahi kaa oto a ku iho Ia mamua o ka lio, a alaiia mai la ka lio o kekahi kalaiwa opio, elike me ka Smiddy ka hoakaka ana ae. I ka manawa o ke kaa oto i ku iho ai ua lele mai Ia o Mrs. Henry Bell ilalo mai ke kaa mai a hookokoke mai la no kahi o ke kaa buggy e ku ana, a hoakaka mai Ia he makai hopuhopu oia no na holoholona i hoopoinoia e na kalaiwa a e hopuia ana oia, a ua pane aku o Botelho ia Mrs. Bell aohe mea hiki e hopu iaia a wiliwili aku la ka i kana puupuu mamua o ka maka o ka wahine. I manawa o Smiddy i hele aku ai a kokoke i ka wahine a ninau aku la in» he makemake oia i kekahi kokua, a ua pane mai ka wahine ua kahea aka oia i kekahi makai e hele mai no ka hopu ana ia Botelho, aka nae, ua makemake oia iaia e ku kokoke aku ahiki i ka. hoea ana aku o ka makai. Ua ona o Botelho ia manawa a ua hoomaka mai la e hoopaapaa me ka hoaano pu mai, elike me ka hana a ka poe ona, a ia manawa i haawi aku ai o Smiddy i kekahi kalo paa ma ka maka o Betelho. Ma ka Poakahi o kela pule aku la Okatoba 13 i hoopilia ae ai o Botelho, e Mrs. Bell a i ka la 14 mai i hookomo ae ai o Betelho i ka hoopii no Smiddy no ka hoeha ana iaia. Aole i maopopo ia Smiddy kona hoopiiia ana ae e Botelho ahiki i ke kakahiaka o ka Poaono aku la i hala, i kona manawa i hele ae ai e hoike no ka hihia a Mrs. Henry Bell e kue ana ia Botelho no ka hoomainoino holoholona.	ONI NA AOAO KALAIAINA NO KE KAHUA KAUA Ma ka po o ka Poakahi iho nei, i hoomaka ai na moho o na aoao kalaiaina a elua, o ka apana eha ame ka apana elima, e malama i ua halawai akea, no ka hooikaika baloka ana, no ka lanakila o na moho, HO na kulana like ole. Mo ka nana ole ae i na haua hoikeike fea, aole i hoohakalia iho ua alakai o ua aoao kalaiaina, i ko ku ana aku imua o ke kahua mokomoko kalaiaina, me ka paa o na manao o kela ame keia aoao, o kaa ana ka lanakila i ka laua mau moho. Ua pau ka hooikaika baloka ana a na moho olele W. P. Jarrett ame Philip L. Rice, ma Hawaii ame Maui, a ua huli hoi mai nei no Oahu nei, a hala loa aku no Kanai ma keia auwina lu. Ma Kauai na moho elele lahui, e kaahele aku ai no keia pule, alaila huli hoi mai no Honolulu nei, kahi a laua e komu pu aku ai me na moho o ae, ma ka hooikaika baloka ana, ahiki i ka la kolio baloka. Nui na lono like ole e halihaliia mai nei no Honolulu nei i keia mau la, no ke kulana o na moho elele la-hui, mailoko mai o kela mau lono, ko kau aku nei na manaolana o na Repubalika, no ka lanakila o ka lakou moho elele lahui. Ua loaa ka manao hopohopo i na alakai Demokarata i keia manawa, no ka lakou moho elele lahui, no keia kumu, e hoohanaia ana na alahele apau e mau ai ka paa ana o W. P. Jarrett i ka hanohano o kela kulana i keia kau. Wahi a na loea kilo kalaiaina o keia mau la i hoike ae ai i na ouli o ka nee aua o ka manawa, e lana-kila holookoa mai ana na moho Re-pubalika apau o ka mokupuni o Ha-waii, pela no me ko Maui, ko ka apana eha ame ko Kauai. No ka apana elima, wahi a lakou, me. he mea la, e mahele like ana na moho o na aoao a elua, no ka hale o na lunamakaainana; aka no na moho senatoa, ua paa ka manao o na Repubalika, no ka lanakila o na moho a ekolu, eia nae ua loaa like no ia manao hookahi i na Demoka-rata, no ka lauakila na moho Demokarata ekolu, a e haule ana na moho senatoa Repubalika. No ka mokupuni o Oahu nei, wahi hou a na loea kalaiaina, e lanakila ana o Rice maluna o Jarrett ma ka apana eha, me kekahi heluna baloka kiekie loa. O na baloka kohoia no Conkling, ma ke koho baloka wae moho aku nei, e holo ana ka hapa-nui ia Rice, a he hapa nuku wale no ke loaa ana ia Jarrett. Ma ka apana elima hoi, aia malaila e loaa nui ai na baloka ia Jarrett, he nui no nae e hopohopo ole ai na Repubalika no ka lakou moho elele. Me ka heluna baloka kiekie ma ka mokupuni o Hawaii, pela ma Maui, ka apana eha ame Kauai, ua	paa loa ka manao o na Repubalika, e lanakila ana o Rice Maluna o Jarrett. Ua like ole nae ka manao o na kuhikuhi-puuone o ka aoao Demoka- rata me ko ua Repubalika, o ka la- kou e olelo nei, aole he wahi kana- lua iki no ka lanakila hou o ka Elele Lahui Jarrett; o na baloka kiekie i kohoia nona ma ke kau koho wae moho aku la i hala, oiai aole oua hoa paoalini he hoike ma- opopo loa, kela no ka nui o ke oho- hiaia o Jarrett; a ma keia koho baloka e hoea mai ana, e hooiia ae ana kona mau baloka, e hiki ole ai ia Rice ke alualu aku. HOPUIA ELIMA POE KOA NO KA HEWA AIHUE Mahope iho o ka huli «me ka noii ana uo na pule elua ae nei i hala i paa ae ai he elima maa koa i ka hopuia, no ko lakou pili i ka hewa aihue o ia ke komo ana maloko o ka home o Mrs. Lilian Wong Gandy, ma ka Helu 1238 alanui ololi Long, a lilo aku na waiwai i kohoia, ma i ka o ka $3400 ko waiwaiio. Ma ka hoakaka a na aliikoa, ka poe na lakou i huli a i noii no kela hana aihue, ma ka po o ka la 3 o ka mahina o Okatoba nei, ke komoia ana o kela home, a lilo na waiwai he nui maloko. Ma ka oleloia, ua ae okoa ae kela poe koa elima i ko lakou hewa, he poe koa lakou noloko o ka puali hookahi, ma ka Papu Kamehameha; a e hooloheia ana ko Iakou hihia imua o ka aha hookolokolo o na koa, i kulike ai me na hoakaka a na aliikoa. HOOPAUIA NA PILIPINO MAI KA OIHANA KOA AKU Ma kahi o ka ekolu haneri a oi aku mau Pilipino iloko o ka oihana koa o Amerika ma Hawaii nei, e hoopauia aku ana, no ke kumu, aole lakou he mau kupa makaainana Amerika, mamua o ko lakou komo ana iloko o ke koa. O na Pilipino nae i komo iloko o ka oihana koe, a oihana kaua paha, i hele maoli i ke kaua, aole lakou e hoopauia, oiai ua kuleana Iakou i ka pono kupa makaainana, malalo o ke kanawai federala. Ma ka manao kanawai o ka Loio Kuhina Matthewman, o na Pilipino apau i hanauia na ko Iakou aina ponoi, aole loa lakou i kuleana e hookupaia i mau makaainana Ame- rika, hookahi wale no alahele e loaa ai ke kupa makaainana Amerika ia lakou, aia a komo iloko o ke kaua me na koa Amerika. Aneane e piha hookahi haneri Pi- lipino, o ka hoopauia ana mai ko lakou noho ana iloko o ka oihana koa, ma ka mokupuni o Oahu nei, a ke noke mai aei no na aliikoa, i ka huli ame ka noii ana i na Pili- pino iloko o na pualikoa o na mo- kupuni e ae, ame keia mokupuni pu.	HE WAHI HAAWE LUULUU ME KA WAIMAKA. Mr. Solomon Hanohano, Molia nui: — Oluolu mai hoi i ka'u wahi puolo waimaka e hanini nei ma kuu alo, no kuu pokii i haalele mai i keia ola ana, ina he wahi keena kaawale kekahi o ka papa konane, a ka le- hulehu i ike mai ai o'u mau ohana ma na pea o ka aina, o kuu pokii aloha i haalele mai i keia ola ana, ua haalele iho i ka wahine me ka na- waliwali no, na keiki na moopuna, e u aku ana no ka mea i hala. Ua hanauia mai makou mai ko makou mau makua mai, he lehu- lehu no aka ua hala mua i ko la- kou wa opio no, ua koo mai makou ekolu elua maua kane hookahi wa- hine, hala aku la kuu pokii, koe maua elua. Ma ka la, elua ua loaa mai la au i ka leo o ke kelepona, e hele aku e ike ua nawaliwali loa ua kau ma ka lio, hiki i Kihei hora eiwa a oi hiki i Lahaina a maloko o ku Haukapila Kepani i waiho ai ua iaa ka ike a ma ka Poalima hora umi i haalele mai ai i keia ao, a noi aina ma ka home o ka makuahine, a ma ka Poaono i hoonaloia ai ma ka ilina o Wainee, Lahaina. Ke hoomaikai nui nei au i ka oha- na i lawe pu mai me ka lakou mau poko pua, no ka hoohiwahiwa ana i ke kino lepo o kuu pokii aloha. Hoomaikai pu no hoi i ka makai nui i ka haawi ana mai i kekahi mau kokua pela pu no hoi me ke kalana. Hoomaikai pu no hoi i ke kahu no ke komo pu ana i ko anaina hai- pule ma ka home, ma ka luakini a ma ka halelua, me ke aloha i hoo- maikaiia ai ka Makua Lani, he walu ma ka honua, he aloha i kanaka. Me ka Lunahooponopono o ke Kuokoa ke aloha nui ame na keiki o ka papapa'i. REV. J. S. POEPOE, Makena, Maui, Oct. 7, 1924 . HUI KUAI POI Kwong Wo Lee Poi Factory, Ltd. Na Lunanui. Lum Chung, Peresidena, G. E. Haena, Hope-peresidena, Chong Ung, Kakauolelo Pake, David Kailiponi, Jr., Kakauoleo Hawaii, E. O. Farm, Hope Kakauolelo Ha- waii, Chong Foon, Puuku. Chong Lin, Lunahooia, David Aukai Awana, Hope Luna- hooia, Kui Lan, Lunahoohana. Ma keia ke kalahea aku nei makou i faa Hawaii apau, no ke kokua ana ma'i i ka hui ma ke kuai ana i ka poi, he makepono loa ke kumukuai. Ke kuai nei makou he 26 paona i ke dala, lawe ahiki i kou home. Ke ku nei keia hui ma ke ano be mau lala Hawaii kekahi, a ina na makemake oe e lilo i lala no ka hui, ua hamama ka puka nou, ma ke kuai ana i mahele kea no ke $50.00 o ke kea. Ua aeia oe e lawe mai ka hookahi a i ka umi kea. E hookani mai ma ke kelepona

i ka Helu 8357.

K kokua ia kaua Hawaii.
DAVID KAILIPONI, JR.

Kakauolelo.
6631—Oct. 20, 30; Nov 6, 13.