Ka Nupepa Kuokoa, Volume LXIII, Number 43, 23 October 1924 — Make Kekahi Alikoa ma ka Ulia Kaa Oto I Hooku'i Kona Kaa me ke Kumulaau Pela i Halawai ai me ka Poino MAKE MA KA HALEMA'I O NA KOA MAHOPE MAI Na kekahi Mau Mea Elua i Hoihoi Mai laia no Waipahu e Lapaauia ai [ARTICLE]

Make Kekahi Alikoa ma ka Ulia Kaa Oto

Hooku'i Kona Kaa me ke Kumulaau Pela i Halawai ai me ka Poino

MAKE MA KA HALEMA'I O NA KOA MAHOPE MAI

Na kekahi Mau Mea Elua i Hoihoi Mai laia no Waipahu e Lapaauia ai

Mamuli o ka hooku'i ana o kona kaa otomobile, me kekahi kumulaau, ma ke alanui o Leilehua, he hapalua mile ka mamao mai Kipapa mai, mawaena o ka hora ehiku ame ka hora ewalu, o ka po o ka Poaono aku la i hala, i loaa ai na palapu kukonukonu maluna o ka Lukanela. William Clinton McCarthy, a ma kela po no i make loa ai oia maloko o ka halema'i o na koa. Aole he poe i ike pono i ke ano o ka halawai ana o ke aliikoa me ka ulia poino, oia hookahi wale no maluna o kona kaa, i ka i hooku'i ai me ke. kumulaau. Na kekahi mau mea elua oia o Tom Akase amo S. Uyeda, he mau kanaka hana no ka Hui Aila Union, i ike i ke aliikoa poino maluna o kona kaa, a hoihoi loa mai la iaia no ka halema'i ma Waipahu, a mai laula aku i hoihoi loa ia ai no ka halema'i o na koa, a mako no oia ma ko aumoe ana iho ma kela po. Ma ka manawa i loaa aku ai ke kaa a kela aliikoa e kau ana, ua pau ka makani oloko o ka laholio o ka huila akau, pela hoi me ko ka huila hema, aole he mau pilikia e ae o ke kaa, koe wale no kela wahi o ka hooku'i ana aku i ke kumulaau. Mamuli o kela ano o ke kaa, i koho walo ia ai, ua pa-hu ka makani o ka laholio o ka hulila hope o ke kaa, mamua o ka loaa ana o ka ulia, no kela pa-hu ana, i pahu'a ai ka holo ana o ke kaa no aoao akau, ahiki wale no i ka hooku'i ana i ke kumulaau.