| | | | | | | | | | me ke akahele ame ka makaala Ioa wau e hele ai i ole e loheia
mai, a i mea hoi e loaa pono aku ai ke kolohe ia'u ioa he ka-
naka kolohe kekahi iloko, "wahi ana iaia iho.
Wehe ae la oia i kona mau kamaa, a kamaa ole oia i
hele nihi aku ai a kau iluna o ka lanai, me ka hoomamao mai
ka puka aniani mai, o ikeia mai oia e ka mea e noho mai ana
maloko, ina he kanaka ola kekahi.
No ke paleia ana ae o ka pale puka aniani ma kekahi aoao
ua hiki iaia ke ike aku ialoko o ka rumi, a heaha kana mea i
ike aku ai maloko i hookapaliliia ae ai kona houpo ia manawa,
a i holo ae ai hoi ke koko me ke puanuanu loa iloko o kona
puuwai?
O kona makuakane no kana o ka ike ana aku e noho ana
maluna o kekahi noho ma kahi kokoke mai i ka puka aniani,
a no kona pili loa mai ia puka aniani ua pa mai la kona kuekue
lima i ka pale puka aniani.
Maluna o ka papahele, mamua pono iho ona, e ku ana ke-
kahi pahulole me ka hamama, he pahu, pela ka Everete ike
iho, no ka mea ua ike mua oia, ua hukiia mai malalo mai o ka
moe. a mailoko ae o ia pahu kekahi buke a Mepelasona e nana
ana i kekahi pu-a leka i waihoia iloko o ia buke.
Ia Everete e kiei aku ana me ka ike ole mai o ka makuakane,
na ike aku la oia o ka helehelena o ka makuakane i kana ike
aku ua like me kekahi lole keokeo, me ke kaumaha o kona
nanaina, a me he mea la iloko o na hora elua wale no o ko
laua kaawale ana ua ulu hikiwawe loa ka elemakule o ka ma-
kuakane, i kana ike aku.
Ia ike pono ana aku o Everete emi hope mai la oia, no ka
mea na lawa loa kana mea o ka ike ana aku, o kela pii o ka ula
ma kona mau papalina mamua aku ua auhee aku la. Me kona
hoohalulu a hoonakeke ole emi malie loa aku la oia mai ka
lanai aku, lalau iho la i kona mau kamaa a komo iho la a i
ka paa ana, hele pololei aku la a ma kahi ana i hoopaa ai i ka
lio a kau ae la, a hele malie aku la ahiki i ka mamao loa ana,
a hoomaka aku la ka holo ana.
Ue hapalua hora paha ma ia hope iho, oili mai la o Mepel-
asona mailoko mai o ka hale, ma ka puka ma ke alo o ka
hale, a mahope o ka alaalawa ana ae ma o maanei, me he mea
la ua makau oia o ikeia mai e kekahi mea, iho malie aku la ma
ke alanuipii a oili aku la iwaho o ka pukapa. a papani mai la
a paa. a mailaila aku ka helewawae ana ahiki iloko o kekahi
ululaau, mahope aku olaila kahi ana i kukulu ai i kana lio.
Ia kau ana ae ana iluna o ka noho hoomaka aku la ka holo
ana ma kekahi alanui okoa i mamao loa mai ke alanui mai a
Everete o ka holo na mai ame ka hoi ana aku, he mauawa
pokole mamua aku.
I ka hala ana o ka mile a oi, huli ae la kana holo ana ma
kekahi alanui i hele mau ia e na kaa, a mahope o kona hoomau
ana i ka holo maluna o ia alanui a hala paha he hora, ike aku la
oia i ke mai o ka hale kahiko kahi a Robaka Dela i noho ai.
I kona hoea ana aku lawe aku la oia e hoopaa i kana lio
maloko o kekahi halelio kahiko mahope aku o ka hele moe, he
hale-lio i nahaha a helelei kaupaku, o kahi kupono ia ana i manao
ai aole e ikeia mai e kekahi kanaka ina no ka hoea aku nei
ilaila, a i ka paa ana o ka lio i ka nakiiia, hele mai la ma ke
alanui e komo mai ai i ka hale i kapaia ka "Hermitage."
Ma ke ano o kana hele ana me ka malie ame ka makaala ua
hiki ke ikeia aku me ka maopopo he manao ano nui kona o ka
hele ana mai ia hale, no ka mea lalau iho la oia i kekahi
namale ame kekahi kila oki hao a huki ae la iwaho mailoko ae
o kona pakeke, alaila, me ia man mea oia i komo aku ai iloko
o ka rumi malu a Robaka Dela.
Ua lilo kana hana hoopau manawa i hana at i hana hoo-
manaka iaia mamuli o ka mea i ikeia mahope iho; he liilii loa
na wahi lako hale e waiho ana maloko e manao ole ia iho ai he
wahi nalo ia e hunaia ai kekahi waiwai ano nui: he laumania
wale no oloko o ka rumi, a ina he mea ano nui kekahi i hunaia
maloko o ia rumi pehea la e nalowale ai.
O na panipuka he laau oka, a oia mau no ka laumania e
liiki ole ai e ikeia aku he wahi kekahi maloko o ia panipuka i
hana keena ia inalaila i hunaia ai kekahi dala a mau bona
paha. Ua kikeke aku la oia me ka hamale ma na aoao a pau o
ia panipuka oia mau no ka paa.
I kona huli ana aku ialoko o ka pahuku kani o na buke e
waiho ai, aohe wahi mea iki ana e ike aku ana ma i'a wahi ke-
kahi mea i hunaia ai : no na manawa lehulehu kona huli ana
ma na wahi a pau o ke pakaukau kakau aohe no nae ona ike
iho he wahi huna kekahi malaila e nalo ai kekahi mea, ina no
ka hunaia malaila, no ka mea, oia mau no ke olohelohe, ua
loaa iaia kahi o ka mea huna i loaa ai ia Everete, oia wale no nae
kahi ana i ike ai ua hunaia kekahi mea maloko olaila, aohe
wahi e ae, oiai nae ua pau na wahi a pau o ia pakaukau i ka
halo a kuekaaia eia.
O ka papahele ua hanaia me ka unihihapa, a oiai oia e nana
pono iho ana maluna oia papahele ma na wahi a pau aole oia
i ike i kekahi pohaku imihihapa ua weheia. Mahope wale iho
o ka hala ana o kekahi manawa loihi iaia o ka huli ana, ke
kikeke ana, ka halo ana, a pela aku, me ka hua ole, a ua ma-
naka moli iho la no hoi, hele aku la a ma kahi o kekahi noho
e ku ana mamua aku o ke pakaukau kakau, a noho iho la e
hoomaha a e noonoo pu.
"He manaoio nui ko'u, "wahi ana o ka namunamu ana iho,
"ua hana kela kanaka i kekahi palapala kauoha, a he mau
palapala kauoha, a he mau palapala e ae kekahi eia no ke
waiho mai nei ma kekahi wahi, o ka loaa ole aku nae noi o
kana wahi o ka huna ana. Ma ko'u manao ua huna oia me ke
akamai loa iloko no o kona manawa e ola ana, me kona manao
i kona manawa e make ai ua maopopo iaia ka nalowale o kana
mea huna e kokua mai ai iaia no ka hoike ana aku i kana mea
huna i kekahi kanaka ana i hilinai ai.
Nana ae la oia iluna i kaupaku ; pau na kikina puka aniani
iaia i ka nanaia a pela me kahi o kapuahi aka nae, aohe
wahi kowa a wahi hakahaka hoi ana e ike aku ana aia kekahi
mea i hunaia malaila.
Iaia e noonoo ana ala ae la kekahi manao iloko ona, a ku
koke ae ia iluna mai ka noho ae ana o ka noho ana iho la. He
noho nui ia, i hana kukiniia me kekahi ili e uhi ana i kakiaia
me ke kui a paa iluna o ka noho. Hoohuli ae la oia i ua noho
la iolalo iluna. Aohe no he wahi ana e ike iho ana he mea
huna kekahi i hunaia maloko olaila, he paa wale no a pau.
Hoohuli hou ae la oia i ka noho a hoomaka iho la kana haha
ana maluna o ke kukini, aohe no he ahua ae o kekahi mea e
manaoia iho ai he mea huna kekahi malalo iho. Aohe uwea
pilina, i kana nana iho me he mea la aohe manawa iki i wehe-
weheia ai ia noho mai kona manawa i kakia ia iho, ai ke kukini
a paa maluna.
Mahope o kona noonoo ana no kekahi mau minuke, lalai
iho la oia i kana pahi pakeke mai kona pakeke ae, a oki iho la
i ka ili e uhi ana ahiki i ka lele loa ana. He hulu lio wale no
ka mea e waiho ana ua hele a pili pu no ka noho mau ia,a ua
piha no hoi i ka lepo puehu. Wehewehe ae la oia i ka hululio a
pau a kiola iho la iluna o ka papahele, a ia ike ana iho ana i ke-
kahi wahi pahu uuku huinaha e waiho ana hooholo ae la oia
me ka olioli; ua akamai loa ka hanaia ana a pili pono loa, e
hiki ole ai i kekahi ke hoohuoi iho aia malaila kekahi mei
huna kahi i moelolii ai.
He ili ka i hoopaaia ia wahi pahu, a i hoopaaia i hiki ke
huki ae i kahi pahu mai kona wahi i waihoia ai. He wali
pahu o umikumamalua iniha kuea ka i loaa iho la iaia, a, me
ka naau i pilia i ka hauoli i huki ae ai a hiki i ka hemo ana
ae iwaho.
He hana hooluhi a hoomanaka ka huli ana, eia nae, i ka
loaa ana he manawa pokole loa ka huki ana ae mai kona wahi
o ka hunaia ana, kahi ona o ka waihoia ana me ka hoonion | oleia no kekahi mau makahiki lehulehu, a kau aku la maluna
o ke pakaukau kakau*.
Alaila noho iho la oia iluna o ka noho a nana aku la me ka
ninau ana iloko iho ona me na manao pihoihoi no na mea e
waiho ana maloko o ia wahi pahu, a ke hiolo la no hoi ka hou
ma kona lae a ma kona helehelena.
I ka hala ana o kekahi mau minuke iaia o ka noho ana a
nana aku i kahi pahu, hapai ae la oia i ka umii i hoopaaia ai
ke pani a wehe aku la i ke pani. O ka mea mua loa i halawai
mai me ka ike a kona mau maka oia kekahi palapala me na
huaolelo maopopo loa "Ka palapala kauoha a Robaka Dela,"
me ka la i hanaia ai ia palapala, e hoike ana ia he mau ma-
kahiki kakaikahi wale no ka hanaia ana o ia palapala
mamua aku o ka make ana o Robaka Dela.
Me ka malie loa oia i lalau aku ai ua ia palapala a waiho
iho la maluna o ke pakaukau. Malalo iho o keia he mau buke
banako a he mau palapala hoike no kekahi mau bona iloko o
kekahi mau hui, ma ka inoa wale no o Robaka Dela ia mau
mea apau.
Malalo iho o ia mau mea, ua hoohikileleia ae la kona
noonoo i ka loaa ana iho o kekahi paa mikinilima wahine iaia
e waiho ana ; he mikinilima keokeo ia, aka no ka loihi loa o
ka waiho ana ua halena; he hainaka lilina i hanaia me ka lihi-
lihi a puni a e kau ana kekahi mau huapalapala kumu "A. D." i
humuia me ka lauoho.
He wahi ope uuku me kekahi mau pua i bele a maloo ke
waiho ana malalo loa o kahi pahu ; i ka loaa ana iho la o keia
mau mea a pau o na mea huna iloko o ko Robaka Dela ola
ana ua huaiia ae la a ahuwale i nei manawa.
Ma kana nana ana iho i na buke banako ame na palapala
hoike no na bona iloko o kekahi mau hui i loaa iho ai iaia
ka ike he mau kaukani dala lehulehu ke ili aku ana maluna
o na hooilina o Robaka Dela, owai la lakou, a o ka hookoia
ana ia o ka palapala kauoha a Robaka Dela i hana
ai.
I ka ike ana o Mepelasona i na mea a pau, hoihoi hou iho la
oia iloko o kahi pahu Kepani uuku, e like no me ia ana o ka
lawe pakahi ana ae, a koe ka palapala hooilina oiai e paa
ana no ia iloko o kona lima, alaila hoomaka iho la oia e helu-
helu.
He pokole loa na manao i hoopaaia maloko o ia palapala
kauoha me ka maopopo loa no nae o na mea i kakauia; o ka
hooilina i hoopaaia maloko o "Ane Dela, a i ole kona mau hoo-
ilina aku no ka mauawa pau ole." a e hoakaka pu ana i ka
mea hooko kauoha oia kekahi hoaaloha o ka mea nana ka pala-
pala kauoha, o Rikeke Dougalasa ka inoa, ke kanaka hookahi
a Robaka Dela i hoike aku ai i na meahuna a pau ana iaia.
"A, aole i loaa keia mau mea ia Rikeke mamua, no ka mea he
kanaka ma'i oia ma ka manawa o Robaka Dela i make ai, a
ua make a Kanuia aku oia he pule wale no ke kaawale mahope
mai o ke make ana o Robaka! "i hooho ae ai o Mepelasona.
He manao pakui kekahi i hanaia i ka palapala kauoha, a e
hoakaka ana malaila no kekahi mau dala i hoahuia maloko o
ka banako ma ka inoa o Ane Dela, "o na palapala hoike no ia
man dala i hoahuia ai aia kahi o na pepa e loaa ai malalo o ke
makaukau kakau, no ka loaa ole ana he rumi no ia mau pepa
e hookomo pu ia iho ai maloko o kahi pahu."
Ua hoopioloke nui loa ia ko Mepelasona noonoo ia manawa
mahope iho o ka pan o kana heluhelu ana i ka palapala kauoha.
"He oi loa aku ka maikai no'u ina i haule mai kekahi mauna
maluna o'u mamua o ka hana a keia mea a'u i ike iho nei i
hookau mai la maluna o'u. "wahi ana i namunamu iho ai iaia
i waiho hou iho ai ka palapala kauoha iloko o kahi pahu a pani
iho la a paa. "E pono au e huli aku i na hooilina o ka mea, i
make a i ole pela e hana ana wau i kekahi karaima, mamuli o
ca paa. na i keia waiwai mai ka hooilina mai ma ke kanawai.
No ka manawa loihi kona noho ana e noonoo a no kona lilo
loa ma ka noonoo ana na maopopo ole iaia ka manawa, eia ka,
ua napoo ka la a ke uhi mai la na eheu o ka po a ke hoomaka
mai la e kokolo ke anu iloko o kela hale mehameha.
Ua palaka loa kona noonoo no kona lio, a mamuli o ka uliuliu
ana mai i hoomanao ae ai oia, o kona ku ae la no ia, hopu iho
la i kahi pahu, a haalele iho Ia i ka hale, hele aku la a ma kahi
ana i hoopa ai i ka lio, ee ae la a hoi aku la no ka hale. Ua
halii ka pouli maluna o ka ili honua iaia i hiki aku ai i ka hale,
a me ka nihi oia i hoi aku ai noloko o kona rumi kakau me ka
ike ole ia mai, a malaila i huna aku ai i ka mea huna i loaa ai
iaia ma ia la.
Oiai ka makuakane e kuekaa ana ialoko o ka bale kahiko o
Robaka Dela aia hoi o Everete, ke keiki, ke huli mai la he wahi
okoa.
Mahope iho o ko Everete hoi ana aku me ka ike ole o ka
makuakane mai ka hale aku ana o ka holo ana, kahi i loaa aku
ai ka makuakane iaia e nana ana ialoko o kekahi pahulole; ua
holo wale aku no oia a hiki i ka halewili kahiko, a lele hou iho
la ilalo ma ia wahi, a kai aku la i kona lio a kukulu malalo o
kekahi hale malumalu e pili kokoke mai ana i ka halewili a i
hihiia hoi a paa loa me na mea hihihi; hoopaa aku la oia i ka
lio ikekahi pou, alaila pii aku la ma ke alapii noluna, a malaila
i noho ai kakali me ke kiai pu ahiki i ka oili ana mai o ka
makuakane mailoko mai o ka hale,
I kona ike ana ua mamao loa ka makuakane, hoi hou aku la
oia no kahi hale me kona hooholo ana iho aole e haalele koke
ia hale ahiki i kona ike ana i na mea a pau maloko o ka pahu-
lole ana i hoohuoi ole ai ma ka kela manawa mua ana o ke
komo ana, i mea e loaa ai iaia ka ike i ka mea huna, no ka wai-
hoia ana o ia pahulole malaila.
Ma kahi no ana i komo mua ai ma ka manawa mua ana o
ke komo ana i hale malaila no oia o ke komo hou ana, a i ka
hemo ana ua komo loa mai la a loko o ka rumi moe, hapai ae
la i ke pani o ka pahu punee ie a nana iho la i na mea e waiho-
ana maloko. Ma ia wahi pu no ka pahulole kahi i waiho ai.
He hana pokole loa nana ka huki ana mai ia pahulole iwaho
mai malalo o ka moe, aka nae aole he hana maalahi nana ka
wehe ana ae ia pahu a hemo ke pani.
Me ka hana nui oia i mahiki ae ai i ka laka o ke pani ahiki
i ka hemo ana a nana iho la i na mea a pau e waiho a ana
iloko, ua piha ia pahu i na lole wahine like ole, ka lole kilika,
ka lole huluhulu, ka makalena, ke kinamu, ka lilina a pela aku.
O na lole wale no i pili i na wahine ke ahu anai hanaia me ka
lihilihi. He mau pahu lehulehu i piha me na lihilihi, lipine,
na hainaka ame na mikinilima.
Iloko o kekahi wahi pahu uuku he mau mea gula ka hapa-
nui, he uwaki gula me ke kaula a he lehulehu wale aku na mea
makamae iloko o kekahi wahi uuku i hoopihaia me na mea
like ole a piha.
Aohe makemake o Everete i kekahi o keia mau mea, no ka
mea e huli ana oia no ka buke ana i ike ai i ka makuakane e
heluhelu ana i kekahi mau leka, a i ka loaa ana iho hopu iho
la, no ka mea ua manoio loa oia aia maloko o ia buke e loaa
ai ka hoike e hoopauia ae ai kona pohihihi no ka mea e pili
ana i ka mea huna ana e makemake loa ana e loaa, ai lilo ai hoi
ia mea huna i mea hoohia-a i kona hiamoe a i hoopoluluhiia
ai kona noonoo no na la he nui. MOKUNA XXXV.
ELUA MAU LEKA Aohe i Iakaia ka pahu buke, a maloko o ia pahu i loaa iho
ai ia Everete he mau leka lehulehu, he mau leka wale no i ka-
kauia mai ia "Miss Ane Dela". O ka hapanui o ia mau leka
he lima wahine wale no ke kau ana, a i kana leha ana iho no
i lawa aikona ike mai kekahi mau hoakula mai a mau hoaaloha
kaikamahine mai ia mau leka o ke kakauia ana mai.
(Aole i pau.) | | | | | | | | | | | | | | | | HE NUI KUU MAHALO, Ua mare wahine ia ke keikikane
muli loa a Kauka Bond o Kahala
nei i Kaleponi paha ko laua mareia
ana.
Me ka manao aloha o na makua
no ka laua lei hope loa, ua kuku-
luia he lanai loihi me ka lole ka-
polena, a e moe loihi ana he elua
papaaina e lawa ai ka poe he 200.
Ua konoia ka poe koikoi o keia
«ina e hele mai e ai poi pu me na
makua o ke kane mare, nona ka la
a'u e mahalo nei.
I ka hila ana i ka hora 7 p.m.,
o ia paha ka hora paina i kohoia
o ke ahiahi Poakolu la 15 o Okatoba
nei, ua piha mai la owaho o ka ho-
me me na kaa otomobile, a ua hele
e ike i ka paamare opio, a ua kaa
no ia Mrs. Emma Bond ka hoolauna
ana i na kamaaina me ka paamare,
a owau no hoi ka hope loa o ka
ike ana.
Ia'u i kipa aku ai ua hele kela
hale a piha i na kane ame na wa-
hine haole wale no ua hele no hoi
lakou apau loa a ohuohu i ka lei-
pepa na kane me na wahine.
I ka'u nana aku, a hoomanao ana
ae o na makahiki i hala hope, aole
au i ike iki i kekahi anaina hauoli
elike me keia mai kuu hanau ana
ahiki i keia po o Okatoba 15, 1924.
He anaina ili keokeo wale no na
ohuohu like i ka lei; keia ka mua
loa o ka'u ike ana pela.
O ka ohana Mrs. Lahapa Quinn ke-
kahi iloko, he ohana Hawaii keia.
Eia nae ke naua aku au he haole
wale no lakou apau i ke aiai o ka
ili. Owau hookahi ka Hawaii ili
ulaula iloko o kela papaaina.
I ka lawe ana o na haole kama-
aina o Kohala nei a kahiko ia la-
kou iho me ka lei pepa, ke kahiko
hoi i laa no ka lahui Hawaii he lei
mai na kupuna loa mai, o ia kuu
hoomaikai nui i na ilikeokeo o Ko-
hala nei.
He lei pua maoli ko na opio mare,
a pua pepa no paha, ua hele wale
a ohuohu. Ke hoomanao ae i na
wa i hala, be mele i hakuia e ka
poe ike.
Ohuohu Halemano i ka lau lehua,
Kanu uo i na pua i Kukaniloko,
Kahe ka wai pi 'o ka lau akolea,
Aloha ka leo o ka wahine,
I ka hea mai ua anu au.
Mahope o ka ike ana i na. opio,
ua hele ka poe e au i na meaai i
hoomakaukauia, ua ai a ua lawa.
I ka wa o ka ai ana, hoomaka
mai ana ka ua liilii, pau no hoi
ka ai ana, hanaio mai ana ka ua
hoomanao hou au i keia:
A waho au o Mahukona,
Hanaio ka.ua ia Kohala,
E laa wale no ka hoi,
Ka huila a o Kilauea.
I ka ua e haluku nei, he wa ia
no ka haawi i ke aloha hope i ka
paamare opio, ame ka ohana apau.
Ke haawi nei au i ko'u aloha ma-
halo i na makua na lakou ke kama;
ke huli hoi nei i ka uka mehameha
o Kalahikiola.
No ka Lunahooponopono kekahi
aloha, me na keiki o ka papapa'i,
owau uo me ke aloha,
WILLIAM KAMAU,
Kalahikiola, Oct. 17, 1924. HOOLAHA KUAI O NA APANA
AUPUNI. Ma keia ke haawiia aku nei ka hoolaha akea ma ka hora 10:00 a. m., Poakolu, Novemaba 26, 1924, ma ka puka mamua o ka Hale Kalana, Lihue, Kauai, malaila e kuai hooliloia aku ai ma ke kudala akea i ka poe kolio kiekie loa mahalo o na manao o ka Pauku 73 o ke Kanawai Kumu o Hawaii, na Pauku 348 ame 358 o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, na Apana Aina Kaona o Kapaa, Papa Elua, Puna, Kauai, no na hale noho wale no, e like me ia mahope ae nei: Apana Iliaina (Eka) Kumukuai Helu (Oi a Emi Mai) Haahaa 40 10,269 $308.00 41 10.125 304.00 42 10,125 304.00 46 10,125 304.00 47 7,341 221. 00 48 8.807 177.00 49 10,410 313.00 50 12,150 365.00 54 10,791 324.00 65 9.935 299.00 66 9,883 297.00 E hooliloia aku ana na apana maluna ae malalo o na kumu aelike ame na kulana apau o na Aelike Kuai Kuikawa i hoopukaia e ke Keena o ko Komisina o na Aina Aupuni a malalo hoi o na kulanaa mahope ae nei e hookomoia aku ana ma ke ano be mau kumu hoopaa paku'i ame na kulana maloko o na Aelike Kuai Kuikawa e hoopukaia aku ana e pili ana i na apana i hooliloia. 1. He mea pono e kukuluia i hale noho aole e emi iho ka lilo malalo o $1,000.00 maluna o ka . apana hookahi i hooliloia iloko o ekolu (3) makahiki mai ka la aku o ke kuai. 2. E uku ka poe e lilo ai i na auhau i kauia maluna o ka aina i kela ame keia makahiki ma keia hope aku ame kekahi mau auhau e ae e kau a e koiia ana maluna R i ole no ua aina nei a i ole maluna paha o kekahi kuleana maloko olaila. 3. E hoopukaia ka palapala sila ekolu (3) makahiki mahope o ka Ia o ke kuai a i ole ma kekahi manawa i ka wa o ke kukuluia ana o ka hale i koiia ai ame ka uku niha ia ana o ke kumukuai i lilo ai, ka uku-panee ame na auhau i ke Teritore e pili ana i na apana pakahi i hooliloia. 4. E ukuia hookahi hapaha o ke | kumukuai e lilo ai ma ke kuike
ma ka haule ana o ka hamare
a o ke koena aku i koe iloko
o ekolu (3) uku liilii like ana
ma ka makahiki me ka uku-
panee ma ka 6% o ka maka-
hiki maluna o kekahi koena i
uku ole ia.
5. O na apana e kuaiia ana no na
home noho wale no, a o na
palapala Aelike Kuai Kuikawa
i hoopukaia mamuli o keia kuai
ame na palapala sila apau e
haawi ana i ka mea kuai i ke
kuleana maluna o keia mau
apana, e hoopukaaia no ia ma-
lalo o ke kumu hoopaa, ina e
hoohanaia kekahi o kela mau
apana no kekahi hana e ae ma-
waho ae o ka noho home wale
ana no alaila e hoi koke
no ke kuleana o ia mea i ke
Teritore o Hawaii.
E kaa ke kuai o keia mau apana
malalo o na kulana mahope ae nei:
a. E uku koke ka poe e lilo ai
mahope iho o ke kuai, i na
hoolilo apau o ka hoolaha ana
amo kekahi mau kaki e ae e
pili ana i ka hoomakau au ana
i ka Aelike Kuai Kuikawa e
hoopukaia ana e pili aua i keia
kuai.
b. Ua kuleana kekahi mea e kuai
i hookahi apana wale no a o ka
makaainana wale no o na Moku-
aina Huiia o Amerika a i ole o
kekahi mea paha i kukala ae i
kona manao e lilo i makaai-
nana ke lilo i mea kuai mai.
No ka hoakaka aku i koe o ninau
ae ma ke Keena o ka Hope Agena
Aina Mr. J. M. Lydgate, Hale Ka-,
lana, Lihue, Kauai, a i ole ma ke
Keena o ke Komisina o na Aina
Aupuni, Hale Kapitala, Honolulu,
kahi o ke kii palapala aina o na
Apana e hooliloia aku na ame ke
ano o ka Aelike Kuni Kuikawa e
waiho nei a e ikeia ai.
Hanaia ma Honolulu maloko o ke
Keena o ke Komisina o na Aina
Aupuni, i keia la 23 o Okatoba A.
D. 1924.
C. T. BAILEY,
Komisina o na Aina Aupuni.
6632— Oct. 30; Nov. G, 1924. HUI KUAI POI
Kwong Wo Lee Poi Factory, Ltd. Na Lunanui.
Lum Chung, Peresidena,
G. E. Haena, Hope-peresidena,
Chong Ung, Kakauolelo Pake,
David Kailiponi, Jr., Kakauoleo
Hawaii,
E. 0. Farm, Hope Kakauolelo Ha-
waii,
Chong Foon, Puuku,
Chong Lin, Lunahooia,
David Aukai Awana, Hope Luna-
hooia,
Kui Lan, Lunahoohana.
Ma keia ke kalahea aku nei makou
i na Hawaii apau, no ke kokua ana
mai i ka hui ma ke kuai ana i ka
poi. he makepono loa ke kumukuai.
Ke kuai nei makou he 26 paona
i ke dala, lawe ahiki i kou home.
Ke ku nei keia hui ma ke ano he
mau lala Hawaii kekahi, a ina ua
makemake oe e lilo i lala no ka hui,
ua hamama ka puka nou, ma ke
kuai ana i mahele kea no ke $30.00
o ke kea. Ua aeia oe e lawe mai
ka hookahi a i ka umi kea.
E hookani mai ma ke kelepona
i ka Helu 8357.
E kokua ia kaua Hawaii.
DAVID KAILIPONI, JR.
Kakauolelo.
6631— Oct. 23, 30; Nov. 6, 13. HOOLAHA KUAI O KA HOOLI-
MALIMA AUPUNI. Ma keia ke haawiia aku nei ka
hoolaha akea ma ka hora 10:00 a.
m., Poaono, Novemaba 22, 1924, ma
ko Keena o ka Hope-akena, Mr.
F. K. Kalua, Wailuku, Maui, mala-
ila e kuai hoolilo ia aku ai ma ke
kudala akea i ka mea koho kiekie loa
malalo o na manao o ka Pauku 73
o ke Kanawai Kumu o Hawaii, na
Pauku 358 ame 380 et seq. o na Kana-
wai Hooponopono Kou ia o Hawali o
1915 ame ke Kanawai 143 o na Ka-
nawai Ahaolelo o 1917 he Hoolima-
lima Laula no ka apana aupuni ma-
hope ae nei: Apana aupuni ma ka aoao Akau
o ke alanui i ka Uwapo o Mala
he 50 kapuai ke kokoko lo» mai
ke kihi kapakai mai o kahi
kokoke i ka uwapo, nona ka
iliaina o 20,000 kapuai kuea,
oi aku a emi mai pana.
E kaa ka hoolimalima e hooliloia
aku ana malalo o na kumu aelike
apau ame na kulana o na Hoolima-
lima Laula Aupuni i hoopukaia e
ke Keena o ke Komisina o na Aina
Aupuni, a malalo hoi o kekahi ku-
lana paku'i e hookomoia aku ana
maloko o ka hoolimalima e hoopu-
kaia aku ana mamuli o keia kuai,
elike me ia mahope ae noi:
"E hoonee ka mea e lilo ei i na
kula aila, na pauma a mau laina
paipu paha mai kahi aku i hoolima-
limaia ma ka pau ana a mamua ae
paha o ka pau ana o ka hoolimalima
i oleloia, koe nae, o ka hooneeia ana
aku o keia mau hanahou, e hanaia
ia ma ke ano e hoopilikia ole aku
ai i kekahi mau hale e ae maluna o
kahi i hoolimalimaia."
E-kaa keia kuai malalo o na ku-
lana mahope ae nei:
a. Uku hoolimalima haahaa, $.150.-
00 o ka, makahiki, e uku hapa-
makahiki mua ia.
b. Manawa o ka hoolimalima, 21
makahiki mai Novemaba 22.
1924 aku.
c. E uku ka mea e lilo ai, ma
ka haule ana o ka hamare i ka
uku hoolimalima o na mahina
mua eono, hui pu me na hoo-
lilo o ka hoolaha ana ame na
kaki e ae apau e pili ana me
ka hoomakaukau ana i ka hoo-
limalima i oleloia.
No ka hoakaka aku i koe e ninau
ae wa ke Keena o ka Hope-akena,
Mr, P, K. Kalua, Wailuku, Maui,
a i ole ma ke Keena o ke Komisina
o na Aina Aupuni, Hale Kapitala,
Honolulu, kahi o ke kii ; alapala aina
o ka aina e hoolimalimaia aku ana
ame ke ano o ka Hoolimalima Laula
Aupuni e waiho nei a e ikeia ai.
E hoololi ana keia hoolaha i ka
hoolaha kuai o keia hoolimalima, i
puka maloko o ka "Valley Isle
Chronicle" ma ka la 15 o Okataba,
1924, a maloko o ke "Kuokoa" ma
ka la 16 o Okataba, 1924.
Hanaia ma Honolulu maloko o ke
Keena o ke Komisina o na Aina
Aupuni i keia la 22 o Okatoba,
A. D. 1924.
C. T. BAILEY,
Komisina o na Aina Aupuni.
6631— Oct. 23, 30. | | | | | | | | | |