Ka Nupepa Kuokoa, Volume LXIII, Number 44, 30 October 1924 — Kanakolu a Oi Mau Hawaii i Loaa na Aina Ma ka Poakahi Nei ko Lakou Koho Ana i na Aina o Palaau Ame Hoolehua HOOKOEIA KEKAHI MAU APANA AINA Makaukau Mau Ohana Hawaii e Hoi no Molokai ma Keia Mua Iho [ARTICLE]

Kanakolu a Oi Mau Hawaii i Loaa na Aina

Ma ka Poakahi Nei ko Lakou Koho Ana i na Aina o Palaau Ame Hoolehua

HOOKOEIA KEKAHI MAU APANA AINA

Makaukau Mau Ohana Hawaii e Hoi no Molokai ma Keia Mua Iho

Ma ka Poakahi iho nei wae ae ai he mau kanakolu-kumamakahi mau ohana Hawaii i ko lakou mau apana aina, ma na aina hoopulapula o Palaau ame Hoolehua, a iloko o keia mau mahina aku, e hoi ai lakou no Molokai, no ka noho ana maluna o kela mau aina. E ukali aku ana i kela wae ana i ko lakou mau apana iho, ua kakauinoa pu ae kela mau ohana Hawaii, malalo o kekahi palapala i hoomakaukauia, no ko lakou mau apana iho, pela hoi me ka hoolimalima o 99 makahiki, ame ka palapala noi, no ka huina o $1500, ma ke ano aie i ke aupuni, no ke kuai ana aku i na makaukau e hoi aku ai lakou maluna o na aina hoopulapula. Mahope iho o ka wae ana i na apana aina, i haawi ae ai ka Hope kiaaina Brown, i kekahi mau olelo hoolana i keia mau Hawaii, no ka hooikaika e loaa ka holomua o ka hana hoopulapula, me ke kuhikuhi ana aku, i kekahi mau ano meakanu e hooulu ai iloko o keia manawa. O na ohana Hawaii, i loaa ko lakou mau apana aina, a apana a lakou i wae ae ai ma na aina hoopulapula o Palaau ame Hoolehua, o ia keia malalo iho nei: Apana 1, hookoeia; 2, lilo ia Frank Antone Mitchell; 3, Mrs. Ruby Apiki Bright; 4, Albert Perkins 5, Mrs. Kaehu Hobron, Jr.; 6, Mrs. Kalei Purdy; 7, Albert Keawe; 8. Frank Kaaihue; 9, Akoni Aki; 10, Manase Makekau; 11, Mrs. H. Paaluhi; 12, Thomas Lishman, Jr.; 13, Otto Kahinu; 14, Jacob Kahue; 15, 16, 17, 18 ame 19 hookoeia; 20, Mrs. Rebecca Meyer; 31 and 32, hookoeia; 33, Mrs. K. Kaleikoa; 34, Hannah Kameekua; 35, David K. Kinney; 36, Mrs, Kalehua Makanani; 37 Samuel Kalama; 38, Manuel Spencer; 39, Bessie Kalua; 40, Lynch Kekahuna; 41, Peter Kamalii; 57 ame 58, hookoeia; 59 Eclward Ayau; 60, 61 ame 62, Sam Kekahuna Leonui; 63, Francis o'Sullivan; 64, John Naumu; 65, Mitchell Pauole; 68, John A. L. DeFries; 67, Mrs. Kalala Miller ame 68, Mrs. Dora Brede McAngus.