Ka Nupepa Kuokoa, Volume LXIII, Number 44, 30 October 1924 — E NOONOO I KE ANO O KE KOHO ANA [ARTICLE]

E NOONOO I KE ANO O KE KOHO ANA

Ke hookokoke loa aku nei kakou i ka la koho baloka, no na moho e liolo nei ma ke kulana elele lahui, ame ka ahaolelo kuloko. Ma keia Poalua ae e hoea mai ai kakou, ika hopēna o na Paio kalaiaina, i hooukaia i na la aku la i hala, pela me keia mau la e nee aku nei a hoea i ka la koho . Ua ku na moho o kela ame keia aoao, ua waeia ae lakou ma ke kau koho baloka wae moho aku nei i hala, mailoko mai nae o na moho o kela ame keia aoao kalaiaina pakahi, e koho hou ana kakou ia lakou, a o ka poe kiekie o na baloka, e lawa ai ka heluna no kela ame keia kulana oihana pakahi, o lakou iho la ka poe na lakou e hana mai i ko kakou mau kanawai, ma keia kau ae ka ahaolelo. Aole he hana lealea a paani wale, ke koho ana aku i na moho, elike paha me ka kekahi poe i manao ai, he pono koho wale aku no; aka he mea nui loa ia, nia ke ano auanei o ka kakou koho ana, e lanakila ai ka poe kupono i'o, a i ole lanakila paha ka poe hemahema a hawawa ma ka hana kanawai. ' Ua alakai'he-wa ia kekahi heluna nui o na mana koho, e na loea kalaiaina ma na kau koho baloka ae nei i hala, ma ke a o ana ia lakou, e koho aku i na moho o ka aoao kalaiaina hookahi wale no, me ka maopopo ole o ko lakou mau ano kupono a makaukau; no keia ano hana nae, ka keia pepa e a'o aku nei i na mana koho; ua hoea mai i ka la e hookaakaaia ai ko kakou mau maka, ma ka hoohana ana aku i kela pono koho, ma ke ano kuokoa; a ma kekahi olelo ana ae hoi, e koho ma ke kulana kupono ame ka makaukau o na moho. < * Ke ake nei kela ame keia aoao kalaiaina o kakou, e kaa holookoa aku ka lanakila o na moho i kekahi aoao wale no; he manao pololei no kela, e pono ai i na mana koho ke kaupaona me ke akahele, ina aia i'o iloko o kekahi aoao, na moho kupono a makaukau, e makepono ai, ka hilinai i hookaūia aku maluna o lakou. • Ua lawa loa na la i hala ae nei, no na mana koho, e kilohi a e* kilo pono ai i na moho apau e holo nei no ka ahaolelo lahui ame ka ahaolelo kuloko, nolaila, i ka hoea ana inai ma keia Poalua ae, e noonoo me ke akahele loa, i ka oukou mau moho e koho ai.