Ka Nupepa Kuokoa, Volume LXIII, Number 44, 30 October 1924 — E HOOPAU I KA HEMAHEMA O KE KOHO ANA [ARTICLE]

E HOOPAU I KA HEMAHEMA O KE KOHO ANA

Ma na koho baloko apau i kaahope ae nei, aole i nele ka ike mau ia ana o kekahi mau hemahema, i lianaia e na mana koho baloka, i ka wa e hele ai e kaha i ko lakou mau baloka, no keia kuniu, i makemake ai keia pepa, a kokua aku i na mana koho, ma kekahi mau mea, e hoopauia ae ai kela pilikia. Ma ke koho baloka o Novemaba 4 e hoea mai ana he. ekolu mau baloka e haawiia mai ana i ka mea koho, o ia hoi he baloka, no na moho elele lahui, he baloka no na moho senatoa a he baloka no na moho lunamakaainana. Aia ma ke poo o kela ame keia baloka, e hoakaka ana ia i ka nui o na moho e koho ai, e kauia hoi i kahape'a me ka penikila eleele, il&ko o ke kuea ma ka akau aku o ka inoa. Xo ka baloka o na moho elele lahui, he elua mau inoa e ikeia ana maluna olaila, o ia na inoa o W. P. Tarrett ame Philip L. Eiee. I hookahi wale no o keia mau moho e koho ai, ma ke kau ana i kahape'a iloko .o ke kuea ma ka akau aku o ka moho i makemakeia. O ke kau ana i kahape'a no kela mau moho a elua, pela hoi ke kau ana i ke kahape'a ma kahi okoa ae, aole maloko o ke kuea, ua hewa kela baloka, e kiolaia ana ia me ka helu ōle ia. Ua pili no keia hoakaka i na baloka o na senatoa ame na lunamakaainana. Ina he hookahi, elua, a ekolu paha mau senatoa i makemakeia e koho, e ikeia anā no he hoakaka no ia mea maluna o ke poo o ka baloka, t o ka nui wale no ia o na senatoa e koho aku ai, aole e oi aku mamua; ua hiki no nae ke emi mai na moho i kohoia* malalo. Pela no ka baloka no na lunamakaainana, ina e malama pono ia keia kuhikuhi, aole loa he mar.awa e hewa ai ka baloka o kekahi mea, koe* wale no a he mea ike ole i ka heluhelu, a he hupo maoli no paha. Ina ua hewa na baloka, mamuli paha o ke hewa ana, a holoi hou, e hoihoi aku i na baloka o kela ano i na lunanana, a noi aku i mau baloka hou, no ka mea o ke kau ana o kekahi mau kiko eleele a mau liapala paha, mamuli o ke kuwakuwaiia ana me ka la'nolio, he kuniu ia e kiolaia ai na baloka o kela ano. E hoao na mea e hele ae e koho i ko lakou mau baloka, e waiho aku i ka waiona, o kekahi ia o na mea hoolauwili i ka noonoo o ke kanaka, a maopopo ole iaia kana mea e hana ana.