Ka Nupepa Kuokoa, Volume LXIII, Number 45, 6 November 1924 — HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino. [ARTICLE]

HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino.

"Ua loihi k'ou waiho ana maloko nei o keia wahi pahu, akahi nae a lōaa he manawa e hoohanaia ai kou mana nia keia po/' me ka hookomo ana mai i kela laau iloko o ka pakeke © kona puliki, wili iho la i ke kukui a uuku, o ka oili mai la no ia iwaho o ka rumi, ine ka hele pololei ana mai no ka rumi o Pilipo. laia i hoea aku ai mawaho o ka puka, kikeke aku la oia me ka malie, aole nae he weheia aku, no kela kumu, i wehe okoa aku ai oia i ke pani p.uka, āole no i paa i ka lakaia maloko mai. E a ana no ke kukui me ka malamalama, ke au la kana nana ana o ka ike aku ia Pilipo, o ka papale ame ke kuka ke kaiho mai ana iluna o ka moe, a iaia i nana ae ai ma kekahi noho mamua pono aku o ke kapuahi hoopumehana, akahi no oia a ike aku ia Pilipo e noho mai ana, ua kaia loa ia i ka hiamoe, a e paa ana hoi kekahi buke iloko o kona mau lima. Ua maopopo loa, ua nanea o Pilipo i ka heluhelu i kela bnkt» oiai oia e kakali ana o ka hoea mai o Matado, a no ka lohi loa, aole he hoea koke mai, pela oia i hiamoe ai, ahiki i ka loaa ana | aku ia Matado iluna o ka noho. | Pahola ae la ka minoaka ma na papalina o Matado, iaia i ike aku ai i ka hiamoe mai o kana pio, manao iho la ka maalahi o kana mau hana, aohe luhi ana i ke kakali, koe wale no ka ho'opili aku i ka laau hoohiamoe ma na pukaihu, me ka hookomo ana i kekahi mau kulu liilii ma ka waha, o ka pau ae la no ia o ka hopohopo ana, no ka hiki ia Pilipo ke puohoi hou ae, no kekahi mau hōra loihi. Me kela manao olioli iloko ona, no ka holopono loa o ka hana i hoolalaia no ka make o Pilipo, wili iho la oia i ke ku-> kui a uuku, alaila welie ae la i ka laau hoohiamoe, me ka hoohanuhanu ana aku ma na pukaihu o Pilipo, a hookomo iho la i kekahi mau kulu ma ka waha. No kela hana a Matado, ua onioni ae la o Pilipo, nui iho la kona hanu, a hoopuka e la i n olelo olalou: "O e kuu Kuini, ua haulehia au i ke aloha nou. E honi mai ia'u e ke aloha, a e pane mai i kou leo nahenahe, e haawi mti ana i na manaolana, aole i makehewa ko'u aloha ana aku ia oe." Aia no o Matado ke haka pono aku la maluna o ka helehelena o kana pio, o ia no oe o ka popoki e hakilo ana i ka iole, a no ka hapaha hora kela kakali hoomanawanui ana, ike aku la o Matado, aole he noonoo maikai i koe iloko o Pilipo, 110 ka mea haule wale aku la no kona mau lima ma ka aoao, lewalewa aku la hoi ke poo, e hoike mai ana kela mau ano, me he raet la, ua kokoke loa mai ka make maluna o ke kino. Hoao iho la o Matado e kamailio, no ka hoomaopopo an%, ina paha ua pouli i'o ka noonoo o Pilipo, aole he leo pane a«; noke okoa iho la oia i ka hoolulililuli, aole 110 he wahi mea a onioni ae. Ke olioli loa la o Matado no ka holopono o ka laau hoohiamoe, nolaila me ka hakalia ole iho, liele aku la oia no* loko o kalii waiho lole, a lawe mai la i kekahi kihēi manoanoa me ka hohola ana aku iluna o ka papahele, ka'ika'i mai la i ke kahi kihei manoanoa, me hohola ana aku iluna o ka papahele, ka'ika'i mai la i ke kino o Pilipo, a waiho iluna o keheo, 0 ke ope ae la no ia a paa, me kf nakiikii ana iho i ke kaula. I ka makaukau ana o na mea apau no ka hookuu aku i ke kino o Pilipo, a waiho iluna o ke kihei o ke ope ae la no ia a tado a kiei aku Ia iwaho, me ke kahea ana aku: "Eia anei oe e Mine malalo kalii i kakali ai?" "Ae, eia au ke kakali aku nei, i liakalia wale mai no ia oe, ua makaukau au no ka hooko ana aku i ka hana ma ko'u aoao." "Ua pono, e hoomakaukau oe ia oe iho, no ka hopu ana mal 1 ka ukana a kaua," alaila emi hou mai la oia iioko o ka puka aniani, a ka'ika'i aku la i ke kino o Pilipo, a hookuu aku la mawaho o ka puka aniani, me ka paa ana nae i ke kaula iloko o kona mau lima. He manawa pokole wale no kela hookuukuu ana aku o Matado i ke kaula, ku aku la ke kino o Pilipo iluna o ka honua, me kona kiola ana aku i ke koena o ke kaula ilalo, alaila kamailio aku la ia Mine i keia mau huaolelo: "E lawe koke oe iaia no kahi o ka luawai kahiko t Mine, aka e hoomanao nae, e kakali malie oe ahiki i kuu lioea ana aku. E malama oe i kau hoohiki imua o'u e ka*Madame Matado, a e haawi aku no au i manawa nou e inu ai i ke koko o kena kanaka." Aole o Matado i lohe aku i kekahi pane mai ia Mine mai, ko« wale no ke pahupahu o na kapuai wawae, me ka nakeke o ke kino e hukiia ana. "O ke aloha poeleele no kou e Pilipo Kuaina, a o ke aloha no ko kaua no ka wa hope 40a," i pane aku ai o Matado iloko 0 ka pouli, ma ke ano hooniaewa,, me kona emi ana mai no- 1 loko o ka rumi, a pani iho la i ka puka aniani a paa. "Ua napoo kou la o ke ola ana e Pilipo kuu hoaloha, a na ka wahine auanei au i aloha ole ai, aka i haulehia nae i ke aloha nou, nana e okioki aku i ko kino me ka pahi, a kiola aku 1 ke koena iho i koe iloko o ka lua." Me kela mau huaolelo i hoopukaia ae e na lehelehe o Matado, i holo mai ai oia no kahi o ka puka, a wehe akii la, me ka manao e ukali aku mahope o Mine, ua hookahaha loa ia mai nae kona manao i ka oili ana mai o Kaloke a ku ana imuai ona. MOKUNA XIV. No kela halawai ana aku me Kaloke, ka mea ana \ mana'6 ! kuhihewa loa ai, aia la ke hiolani mai la iloko o ka hiamoe kuli* polipo, ua kuemi mai la Ola ihope ma ke ano hoka, me ke j pani ana mai i ka puka o ka rumi o Pilipo a paa, aia nae iloko o ua kanaka nei ka hoonukiuki ame ke kuaki, no ka loaa pono ana mai ia Kaloke maloko o ka rumi okoa, aka elike nae me ke ano mau o na kanaka piha maalea apau, wikiwiki aku la oia i k# kamailioana: "Auhea oe e Miss Rudena, ua hoopuiwa loa mai oe ia'u i keia po," me kona hoolalau wale ana no ma ka akaaka ana ae, eia nae ke ike mai la o Kaloke, he hana hoolalau wale no kiela a Matado e pahele aku la i wahi nona e pulapuia ai. , "Nani maoli ka ko'u pomaikai o ka halawai ana me oe m< k'e ano ulia iloko o keia manawa o ka po. E manao ana ka hoi au, ua pa'uhia loa la oe i ka hiamoe!" Ke hakapono loa mai la ka Kaloke nana ana ma ka hcle« helena o Matado ma ke ano hoohuoi, no ka hana a kela ka* naka ma kela po, aliia i mai la: "Aohe i'o e kala kahiko i hoi ai au maloko o ko'u rumi, no ka hiamoe ana, me ko'u manao, ua pa'uhia na mea apau loa: maloko o keia hale 1 ka hiamoe. Mailoko nae o ko'u hiamoe. kulipilipo, i hoopuiwaia ae ai ko'u noonoo i ka lohe ana i kekahi leo, no kela kumu, i puoho ino, ae ai au, komo iho la I ko'u lole a hele mai la e nana i ke kumu o kela mea i hoopuiwa mai ia'u." "He hana kupono ole maoli keia e Miss Kaloke, o kou aa ana e ala mai kou hiamoe mai, a o oe ka wahine maka'u ola' hookahi a'u e olelo ae ai, ma ka aa ana e hele hookahi iloko o ka pouli e huli ai i kekahi mea kolohe; ua pomaikai nae oe, , aole he hookahi mea kolohe i hoea mai no kou home nei. i "Malia paha o kela leo au o ka lohe ana, no Mr. Kakonal !

ia ame a'u, ua nui maoli ko mamua mau leo i ke kamailio ana mawaena iho o maua i keia po; nolaila o ka'u kauoha wale no -.a oe, e hoi noloko o kou rumi, a e hoopau i kou mau manao hopohopo apau, 110 kekahi poe maauhele o ka po." Iloko o keia mau olelo a Matado e kamailio aku ana ia KaloVc, ua nui na mea i hoalaia mai iloko o ka noonoo o ke kaikamahine .opio, e nele ole ai kona hoohuoi, aole o Matado i kamailio aku i na mea oiaio. 0 kela pani ana mai o Matado i ka puka o ka rumi o Piiipo, me ke kahaha pu o kela kanaka, i ko ia nei oili kohana ana aku, pela hoi kona hoao ana mai e hoi koke aku ua o Kalohe noloko o kona rumi moe, ua lawa loa ia e komohia iho ai na manao hoohuoi iloko ona, aia kekahi epa ma ka aoao o kela kanaka, i maopopo ole nae iaia nei ke ano o kela hana kolohe. "Ua lohe aku la oe e Miss Kaloke, i ke kumu oiaio loa o ka leo au i lohe ae, no maua ia me Mr. Kakona, nolaila e hoi e hiamoe, a e komo aku iloko o ka aina moeuhane, no ka hauoli e kakali mai la ia oe ma ke kakahiaka o ka la apopo. Aole he mea e ae nona kela leo, no maua ia!" "Ua kuhihewa loa oe e Mr. Kuaina i ke ano o ka'u mea i lohe ai!" wahi a Kaloke, me ka hiki ole iaia ke hilinai hookahi huaolelo a Matado o ke kamailio ana aku. O ke ana o ka leo a'u i lohe ai mailoko mai o ko'u hiamoe, aole ia he leo i kamailioia ma ke ano hoaloha, aole no hoi ia he olelo mai kekahi mea aku a i kekahi, aka he leo uwe ia, o ka mea iloko o ka ehaeha." "Aia hoi paha la, ua pololei ka'u mea'i kamailio mua aku nei ia oe, he leo uwe ka i hoopukaia ae e Mr. Kakona, iaia e hoakaka mai ana ia'u i ka moolelo o kona komo ana ilokp o ke kaua, o ia kona ki ana i kekahi o kona hoa koa, mamuli 0 ka manao he kiu ia mai na koa māi o ka enemi, 1 wikiwiki aku ai o Matado i ka hoakaka ana i wahi e puni mai ai o Kaloke iaia. **0 ka leo a'n o ka aole ia i kulike me ko Mr. Kakona leo, aka ua kulike loa me ka leo o papa, a na ia leo uwe o ka ehaeha i kono mai ia'u e huli aku i ka mea oiaio i keia po. O ka mea kupanaha loa nae, aole mailoko ae nei o keia hale kela leo uwe, aka maiwaho mai o ka pa, mai kahi mai o ka ululaau paina," wahi a Kaloke me ka piha i ke pihoihoi. "O ka mea oiaio loa e Miss Kaloke, ua kuhihewa oe no kou l'.he ana -i kela leo, me he mea la, he moeuhane paha nau, a mailoko o keia moeuhane i puolio ino ae ai oe, a manao he leo ia no kou makuakane. Ina he leo i'o kau i lohe ai, alaila mailoko aku nei ia o ka rumi o Mr. Kakona, aole maiwaho mai o ka pa." ... . "Aole loa au i kuhihewa, a ke paakiki nei au, maiwaho mai kela leo uwe a'u o ka lohe ana. Ina aole no kuu makuakane kela leo, alaila he keu aku a ka mea kupaianaha, aka 110 ka ike ana i ka mea oiaio, pela au i hele mai la no ka hoala ana aku ia Mr. Kakona, e komo pu mai oia me a'u, ma ka hele ana e Jmli i kuu makuakane." N«j kela paakiki loa mai o Kaloke 110 kana mea i lohe ai, a -le e hiki ia Matado, ke uumi iho i kona inaina, ahiki i kona h<">;mka okoa ana mai i keia mau olelo: "Alail* i hele okoa mai nei anei oe no ke koi ana aku ia Mr. Kakona, e hele pu me oe iloko o keia manawa o ka po, <• huli ai i kou makuakane i O kekahi kela o kau mau hana h.-iwawa loa. Aole anei oe i noonoo, i ke ko'iko'i o na ahewa r kauia aku ana maluna ou, no kou hoao ana e hele mai noi.,ku <» ka rumi o Mr. i ka wa e hiamoe ana na n\ea a*. 1 'a hoopiha loa ia aku o Kaloke me ka huhu, no keia mau <«k i<*> a Matado, a o ia kana o ka pane ana mai: j "Alaila e manao mai ana anei oe, he hana hewa no u,. ka hele ana mai a koi aku ia Mr. Kakona, e lfokua mai ia u, ma | koia hana ano nui?" •'E huikala mai oe e Miss Kaloke ia'u aole o'u noonoo pela, <?ka nae no kekahi poe e ae, aole ana e nele ka hoalaia o na manao hoohuoi iloko o lakou, ua ike 110 oe i ke.ano o na ka naka, aole e paa iho ana ka waha, i ke kamailio ana i na mea oiaio ole." "He mea kupaianaha maoli nae keia, o ke kaā ana nau e hoike mai ia'u i kela mau olelo. Ke makemake nei au e Mr. Kuaina e ike i ke ano o kau mau hana ma keia po . Aia anei kekahi kumu anō nui, o kou ake'ake'a ana ia'ii mai ka hui pu ana aku me Mr. Kakona." "Aole a'u mau kumu ku-e , koe wale no ko'u makee aku n o kou inoa maikai e Miss Kaloke, ke kaikamahine maemae, i makaukau loa e lilo aku i wahine na kuu hoaloha. E ike mai oe e Miss Kaioke, ua maopopo mua ia'u e mare aku ana oe me kuu hoaloha, mamuli o kela maopopo, i noi okoa aku nei au ia oe, aole e hooko aku i ka mea au i manao mua ai, no ka mea ina e komo ana oe maloko o ka rumi o Mr. Kakona i keia po, e ike auanei oe, e lilo ana ia i mea kamailio nui ia ma keia hope aku, e hoea mai ai i ka la au e mihi ai me ka walania loa." "Ina he hoaloha oiaio loa oe no Mr. Kakona ea, aole loa e puka mai na olelo o kena ano mai kou mau lehelehe mai, no ka mea he oi aku ko'u hiipoi i ko'u inoa maemae mamua.o ka •waiwai ame ka lianohano. Eia au maloko nei o na kaupoku © ka home o ko'u makuakane, a ua hiki ia'u ke hana i,na mea apau i ku i ka pono, me ke kuleana o'le o kekahi mea e ake'ake a mai ai." . . "Ke hooia aku nei au imua ou, he hoaloha oiaio loa au no Mr. Kakona." "Ina pela, e hoike i kou hoaloha oiaio, ma ke ano o kau mau hana, ma keia pilikia o keia po, E komo aku oe maloko o ka rumi o Mr. Kakona, a e koi aku iaia e puka mai iwaho nei, kahi o na maka he nui ame na pepeiao lehulehu e lohe pono ai i ka manao o ka'u huakai i keia po, no ka ike ana iaia. "E komo koke aku oe iloko i keia manawa, a e hoike aku la Mr. Kakona, eia au mawaho nei i kakali aku nei me ka makemake e ike iaia! Aia a hooko aku oe i keia makemake o'u, alaila oili hou mai oe iwaho nei, a kakali aku kaua o kona lioea mai, a e lilo oe i hoike no ka'u mau mea apau e kamailio aku ai imua ona." . Aole i noonoo iki o Matado, e puka mai ana kekahi mau clelo-« kela ano, nolaila i ka wa a Kaloke o ke kauoha ana aku iaia e hele e kii ia Pilipo a e hemo mai iwaho, ua loli hikiwawe ae la kona helehelena a haikea, no ka mea ike iho la oia, 1 kona pilikia, o ia ka haule iloko o ka lua no ana i eh ai. . Xo kela haikea <iae o ka helehelena o Matado a Kaloke e ike mai la. a hui pu iho hoi me ka noho malie loa o Matado, aole he wehe aku i ka puka o ka rumi o Pilipo, nee okoa aku la oia a kokoke i ka puka, alaila kahea aku la me ka leo nur. "E Keoki! E hemo koke mai oe iwaho nei, eja <iu o Kuini ke kakali aku nei ia oe, no kekahi hana ano nui! Hoao aku la o Kaloke e hopu i ke poheoheo o ka puka, me ka manao e wehe aku, ua alai koke ae la nae o Matado mamua ona. me ka pane ana mai me ka leo o ka mea i piha me ka manao inaina: .... • i i u 44 \ole loa e hiki ia oe ke komo maloko o kela rumi, ke kuaoha aku nei au, e ku oe a hookaawale mai keia wahi aku. Ke uwalo aku nei au imua ou e Miss Kaloke, e akahele oe, ma kau inau mea e hana nei, o hoea mai auanei kekahi hopena awahia loa maluna ou." "E Keoki, e wehe koke mai i ka puka!" ī kahea hou aku

ai o Kaloke, me k ekikeke okoa ana aku i ke pani puka. "Aole no hoi oe e kamailio iho me ka leo liilii! Makemake anei oe e ala mai na kauwa, a loaa pono oe ma keia wahi?" i lioao aku ai o Matado e hoomalielie. "Ke makemake nei au e kamailio pu me Mr. Kakona, ina aia oia nialoko o kona ruml i keia manawa," i kamailio hou aku ai o Kaloke, me ka hooi ana ae i ka nui o kona leo, ka mea nana i hoopii aku i ka inaina wela iloko o Matado, a kokoke loa oia e lawelawe lima maoli mai i kela kaikamahine opio, i wahi e noho malie ai. "Eia no anei oe e Keoki Kakona iloko oka rumi? L T a make make loa au e kamailio me oe," i hoomau aku ai no o Kaioke i ke kahea ana, a ke ike la o Matado, ina pela mau iho la ka nui o ko Kaloke leo e kahea ai, alaila e ala mai ana na kauwa oloko o kela hale, a hele mai e ninau i ke kumu o ko Kaloke kahea ana ia Mr. Kakona. "E wehe koke ae oe e Mr. Kuaina i ka puka!" "Ina o kou makemake ia ea, alaila e hooko aku ana au. Ua hoao au ma na ano apau i wahi nou e manaoio mai ai i ka'u mau olelo, aohe nae ou wahi mea a maliu mai, nolaila e komo ae oe iloko o ka rumi o ke kanaka au i aloha ai, aole nāe oia e loaa ana ia oe maloko olailia." I ka hamama ana ae o ka puka, kiei aku la o Koloke iloko, he neoneo wale no, aole ona ike aku ia Mr. Kakona, a o ia ka Matado o ka i ana mai: "Ke ike ae la no oe, aole o Mr. Kakona maloko nei o keia rumi," wahi ana me ka hoi hou ana mai o kela ano kahiko o ua kanaka nei, o ke ano maalea, a hoomau hou aku la: Ua haawi aku au i ka'u hoohiki imua o Mr. Kakona, aole e kamailio iki i kekahi mea ahiki i ka la apopo, aka no kou paakiki loa nae, pela au i hahaki ai i kela hoohiki,' i wahi nae e loaa aku ai ia oe ka ike no kahi i hele aku ai o Mr. Kakona, ua hala aku oia no Lonawila i keia po. mamuli o kekahi kelekalapa oka hoounaia ana mai iaia. L T a papa loa mai oia ia'n, aole e kamailio aku i keia mea ia oe, no kona haalele ana iho ma keia po, mamuli o kona hopohopo o ninau mai auanei oe i ke kumu nui o keia haalele awiwi ana mai ona, o ka hua'iia ae no ia o ka meahuna, mamua o ka loaa ana iaia he manawa e hoike ae ai i ua meahuna la." "Heaha ke ano o keia meahuna au e kamailio mai nei?" "Mai ninau mai oe ia'u no ia mea, he oi aku ka pono, na kekahi poe okoa aku e hoike mai ia oe, aole na'u. O keia wale no nae ka'u mea e kamailio aku ai ia oe, he meahuna kela i pili no kou 4iauoli ame kona, a maniuli o ke ano nui loa o ka manao maloko o kela kelekalapa, la oia i haalele mai ai me ka pupuahulu loa." j "I ka manawa hea o keia po, i haalele mai ai o Mr. Kakona? paha aole keia i lohi loa no ka hoouna ana aku i kekahi kauwa mahope oua, no ka hoihoi hou ana mai i ka hale nei? E kahea ae au i kekahi kauwa no ka imi ana aku ia Mr. j Kaona!" " j "O kena kekahi ona noōnoo hupo loa e Miss Kaloke! Heaha ka waiwai ō ka luili ana aku iaia a hoihoi mai i ka hele nei, ina tia hala aku la oia, no'na mea e pili ana i ko olua hauoli iho? lle mea makehewa wale>no kou kahea ana aku i kekahi kauwa, no ka mea aia o Mr. Kakona, ma kalii lie mau mile niamao ke kaawale mai Pinelana aku nei. Ina no palia e loaa aku-ana oia i kekalii kauwa, aole loa o Mr. Kakona e ae ana e lioi hou mai ihope nei." "Pliea oia i liele aku ai, a haalele i kona papale, ke kuka ame na kamaa ihope nei? Heaha ka manao o keia mau olelo hoonuinui au ia'u, me kou nianao, e puni aku ana au ia oe? Manao anei oe ua opulepule ia au, a i ole o M.r. Kakona paha. e hiki ai ia'u ke manaoio aku, ua hala o Mr. Kakona no Lonawila me kona lole moepo, ame kona kamaa noho hale, iloko o ke anu ame ka hu'ihu'i o ka po?" "O ka mea oiaio ea, a ke makemake nei au e nianaoio mai oe ia'u, o ia no ko'u olelo ana aku iaia, e waiho oia i kona paalole, a o ko'u paalole kona e komo ai, oiai he lahilahLkona mau lole, a o ko'u ka paalole manoa'noa, pela iho la oe i ike ai, i ka waiho mai o keia mau lole maluna o ka moe." "Ile keu maoli a ka mea kupaianaha, he mau minuke helu wale ae nei no i hala, ua ake'ake'a mai oe i ko'u komo ana aku iloko oka rumi o Mr. Kakona no ke kumu, e lilo ana s i mea kamailioia ma keia hope aku, ko'u liele ana aku nolaila i ka po, aka i keia manawa nae, ke olelo mai nei oe, ua hala aku oia no kahi mamao loa no kekahi hana ano nui. Auhea la ka mea oiaio a'u e hilinai aku ai? Auhea oe e Mr. Kuaina, e hoopau loa oe i kau mau hana pulapu-ia'u, no ka mea ke manaoio loa nei au, eia no o Mr. Kakona ma kekahi wahi o keia \ale i noho ai, a ua maopopo ia oe ia mea." "Ma ke ola ana o ke Akua o ka lani, ua hala aku o Mr. Kakona no kahi mamao, he mau mile kona kaawale mai keia hale aku." "Alaila i ka hora ehia oia i haalele iho ai i ka liale nei?" "Ua haalele iho oia he elua hora ae nei i hala." "He keu aku maoli ka keia aka mea kupajanaha!" alaila me ka maopopo ole ia Matado o ka Koloke mea e liana aku ai, hoomaka aku la ua kaikamahine nei e holo nolalo o ke kumu o ke alapii/ a iloko hoi o ko *Matado ma'nao hopohopo, no ka hoala aku o Koloke i na kauwa, hoomaka mai la oia e alualu mahope me ke kahea ana mai: , "E Miss Kaloke, heaha kau mea e noonoo nei e hana aku?" wahi ana me ka paa ana aku maluna o kekahi poohiw'i o ke kaikamahine opio. | "Heahk auanei, ke makemāke nei au e ike i ke kumu o kela leo uwe kapalili a'u o ka lohe ana, he hapalua hora wale ae nei no i hala,".\vahi a K«loke, me ke pale ana ae i ka lima o Matado e paa ana maluna o kōna poohiwi, hoomau aku la no i ka 1 holo ana no ka hale malalo. Hoomau aku. la no nae o Matado i ke alualu an'a mahope ahiki i ka paa hou ana aku o ka poohiwi o Kaloke, a huki mai la i ua kaikamahine nei ihope me ka i ana aku-: "Ua opulepuleia anei oe e Miss Kaloke, i maliu ole mai ai oe i ka'u uwalo aku imua ou, aole e lawelawe i kekahi hana naaupo?" "Pehea la e hiki ai i kekahi mea ke. manaoio ©ku, i kau mau mea i kanlailio mua mai nei, no ko'u kuhiliewa i ka leo uwe kapalili, oiai ua lohe pono loa ko'u mau pepeiao i kela leo kapalili. O ka mea oiaio ea, ua hoopunipuni ino loa mai oe e Pilipo Kuaina ia'u, aka i wahi no'u e ike ai i ka īnea oiaio, t kii aku ana au e hoala i kuu makuakane." "Ke olelo aku nei au ia oe e Kaloke, aole loa e hiki ia oe ke ike ia Kenerala Rudena i keia po, aole hoi e komo aku maloko o kona rumi moe!" "Owai la o, kaua ka mana maloko o keia home, o oe paha e Pilipo a i ole owau palia," alaila hoomaka aku la o Kaloke e holo no kahi o kekahi kaula e lewalewa mai ana, a liuki ino mai la no ekolu manawa, me ke kani ana aku o kekahi bele kahea, no ka hoala ana i na kauwa apau mai ko lakou hiamoe mai. Aole a kaua hoohewahewa ana e ka makamaka heluhelu, no ke komoliia ana o kekahi manao lapuwale iloko o Matado mamua aku, no ka hoopoino ana i ke ola o ke kaikamahine opio, aka nae i ka wa i kani aku ai kela bele kahea no ekolu manawa, ike iho la ua kanaka nei, i ka waiwai ole o ka hoopilikia ana aliu i kela kaikamahine ma kekahi ano, koe wale no ka hoao ana aku ma kekahi mau ano e ae, e ili ole mai ai na hoahewa ana maluna ona, no ka nalowale ana o Kenerala Rudena ame Pilipo Kuaina. (Aole i pau.)