Ka Nupepa Kuokoa, Volume LXIII, Number 45, 6 November 1924 — E HOOKAOKOAIA MAI KE KALAIAINA AE [ARTICLE]

E HOOKAOKOAIA MAI KE KALAIAINA AE

Ua ku maoli ka hohono o na hana i lawelaweia maloko o ke keena o ka oihana wai o Honolulu nei . No lia hana poholalo i na dala o ka lehulehu, i imiia ai kekahi alahele hou, e hiki ole ai ke nalowale hookahi keneka o na dala e ohiia ana no kela keena. Me kela manao e hapai ae i na liana o kela keena ma nā anuu kiekie loa, o ke kupono ame ka palekana, i kukuluia ai he kulana oihana hou, o ia ke kulana lunanui noloko o ke keena. Me keia hoololiloli ano hou nae, i hoohana aku ai ka lunanui hou o ke keena i kona mana, m|i ka hoopau ana i kekahi mau limahana kahiko o kela keena, ua komo mai la nae ka meia ame ka Lunanui'W. A. Wall o kela oihana, a i ka hoopauia ana aku o kekahi mea a laua i makemake ai, e hoomauia aku no ma kona kulana mua. Ina no ke kalaiaina a ano okoa ae paha kela ku-eia ana mai o ka hana a ka lunanui hou o ke keena i makemake ai e hooko aku, he mea hiki ole ia ke ikeia aku, koe wale no ka olelo ana ae, aia wale no a hookuuia aku kela kanaka*hou e lawelawe i kana mau hana, me ke ake'ake'a ole ia, alaila hoea mai j ka manawa a ka lehulehu e ike'aku ai i ka oili mai o na kulana maikai e mahaloia ai ma keia aku. Ua lawa ko kakou ike ana i ka paaniia o na hana politika, maloko o na keena oihana o ka lehulehu; aka ina nei pela iho la e komo hokai wale mai ai na poo o na keena oihana, ma ke ake'ake a ana, i ka hoopauia aku o kekahi mau limahana i manaoia, pela iho la e oili mai ai ka maikai, alaila he pono no e hanaia he mau hooponopono ahaolelo, e ku kaawale aku ai ka politika ma na hookohu oihana ma keia mua aku. f Ona olelo a ka Lunakiai A. R. Cunha. i hoopuka ai maluna © ka pahu kopa, a i lilo ai i kumu nona e hoopiiia ai, he mau olelo kupono no ia iwaena o kekahi puulu, i like aku ko lakoii ano me ko Mr. Cunha, aka o kona kamailia ana iwaena o ka puulu o ka poe maikai, a o ka oi loa aku imua o na wahine e hoolohe ana i na haiolelo, ua hoike mai oia, i kona kulana keonimana ole, a ua hoemi iho oia i kona mahaloia aku, ma ke ano he luna oihana, e lawelawe ana i na hana o ka lehulehu. I ka nana aku, mamuli o ka nui maoli o ka pilikia iwaena o ka papa lunakiai me ka meia, mi ka lawelawe ana i.na hana 0 ke aupuni kulanakuhle, e oili mai aha he mau hooponopono ahaolelo ma keia kau ae, o ka ahaolelo kuloko, ina aole ia no-ka hoemi ana mai i na luna oihana koho haloka ia e ka lehulehu, aka e hoakaka maopopo ia ana na hana ame na mana o ka papa lunakiai, pela ko ka meia e hiki ole ai ke hooiliia aku na ahewa ana maluna o kekahi mea, koe wale no ka poe, i pili pololei aku 1 na hana i ikeia ai ka pilikia. v Ma ke kohoia ana o W. P. Jaff£t't i elele laliui wa Hawaii nei, i ka aliaolelo ma Wakinekona, aole e hiīei i na Demokarata ke olelo ae, ua lanakila oia i kona aoao kalaiaina iho. ina maluna oka aoao kona lanakila ana; aka ua lele aku na Repubalika a koho iaia. mamuli o na kumu lehulehu; īiōlaila hookahi wale no hana iloko o keia manawa o kona lahakila ana, o ia ko kakou haawi aku i na mahalo ana iaia, no kona lānakila ana maluna o kona hoa paio; a e kapae loa i na manao maikai ole, i kaniailioia iloko o na la o ka hoouka kalāiaina aku la i hala; elike me ka hala ana aku la o ka la koho baloka, pela kakou e hoopoina ai i na mea i hala, a kikoo aku i na mea omua e hoea -»iai ana.