Ka Nupepa Kuokoa, Volume LXIII, Number 46, 13 November 1924 — HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA. [ARTICLE]

HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA.

"E h®ao ana wau! Ua' loaa ia'u na mea apau e HIo ma! al ia'u a e lilo aku ana no hoi, aole loa wau e haawipio ana ahiki i ka hookoia ana o kuu makemake me ka lawelawe ole aku me ka limaikaika." Elua hora ma ia hope iho ua pau kona mau aahu ame kona mau pono a pau i makemake ai e lawe pu, i ka hookomoi% iloko o kona pahulole, a ia pau ana hele aku la e ike i ka makuakane ame ka makuahine mamua o kona haalele ana mai. Ua hoike mai la na makua i ko laua kahaha no keia Wkiwawe loaa ona i ka hele me ka maopopo ole ia laua mamua, me ko laua kue loa mai i kona haalele koke iho aohe hoi he kali a pau na la kulaia, oiai ke Kalikimak'a ame ka Hapenuia e hokokoke mau mai ana, na manawa hauoli loa iloko o ka noho o hana ana iloko o ka makahiki; aohe nae he hooloheia aku O la kaua mai a laua, no ka mea ua ike mua ae nei kaua i ke kumu nui o kona makemake loa ana e hele, no ke pahele ana aku no ia i ko Gela-de noonoo i mea e lilo mai ai iaia, a e hoka aku ai hoi kona enemi, Geofere. lloko o ka ikaika o ka manao kaohi o ka makuahine, he o!e I nae ka hooloheia aku o kona leo, ua paa loa ko Everete manao I no ka hele, aohe mea hiki ke hoohuli ae i kona noono mai kana» kumuhana ano nui ae i manao ai e hooko aku. "He mare hanohano loa ke malamaia a*ia maloko o Nu loka a owau kekahi i konoia mai no kā hiki ana aku ilaila ma kela manawa o ka mare e lawelaweia ai," wahi ana o ka hoakaka ana ae i na makua aolie nae oia i hoike aku i na inoa o na e mareia ana, a he mau olelo palau wale no hoi ia ana I o ka olelo ana aku ua kono ia mai oia," nolaila aole hiki ia'*u I ke haule mai kela mare mai me ko'u nana ole ae i na mea ake» akea mamua o ko'u alahele." "Pela no, aka e hpea aku ana no hoi i Nu loka i ka nianawa kupono e ike aku ai oe ia niar.e, ina no aole oe e haalele iho ana ahiki i ka pau ana o ke Kalimaka ianei, he akea loa kela manawa nou e holo-ai," wahi a ka makuahine o 'ka hoakaka ana mai, no ka mea Ua anoe loa kona noonoo no ka hele koke o ke keiki ma ia manawa, oiai oia e hoohuoi mai ana, ma kona ike mai i ka helehelena kaumaha o Everete, owai la na niea e njareia ana, me ka loaa pu iho la o kekahi manao maopopo iaia e hoonui wale ana no ke keiki i ka popilikia nona iho ma o kona hele ana no Nu loka. "Malia paha e hiki aiia no ia'u ke lioi mai ma ka manawi e malama ai olua i kekahi anaina nui maanei ma ka la kalikimaka," i pane aku ai ke keiki 110 ka hopniama ana ku i ka makuahine, i aeia mai ai oia me ke kue hou ole ia mai," aka, e pono au e holo aku i ka akau no hookahi a elua paha pule a hoi mai no hoi." Ma ke kakahiaka o ke ono o l<a la i hoea ak« ai o!i i No loka, a liolo pololei aku la no ka hale halawai o ke kalapu i lilo ai oia kekahi o na lala, a mailaila mai i loaa mai ai iaia ka ike no na hana a pau e hoomakaukau ana 110 ka mafe. I kekahi la mahope mai hele aku la oia a kipa aku la i ka. hale o Ade Lorina, ke aikane purta a ke onaona a Gelade Huft4tere, mamuli o kona ike he pilipaa loa 0 Ade rio Gelade, a aole no e nele ana ka loaa mai o na ike a nui iaia tuai iaia mai e pili ana no ka mare o Gelade ma. Ia kipa ana aku ona me ke ohaoha oia i hoOkipa ia aku ai ! ka home, a ia pau ana o ka laua ike ana ninau mai la o Mi«« Ade Lonna: "Aēa oe i pee ai, e Mr. Mepe!asona, i keia hooilo? Ua olelo wal® iho 110 au ia'u ilio o ka pau no ka paha keia o ko Mr. Mepelasona ike ana mai ia makou mai kela manawa mai no o ka hemo ana mai ke kula mai. Ua loaa ka manao hoohuoi ia'u ua haalele loa mai'oe ia makou a he uku kou hoea hou mai e ike ia makou." "Eia no ke kumu o ko'u holo ole ana mai ianei, iloko o kela mau manawa aku nei maloko 0 kekahi o na mokuaina ma ka. Hema ka hapanui o ko'u manawa o ka hoohala ana, a mamuli ' o kekahi manao nui nana i kono ae nei ia'u e holo mai i oi aku ka ikaika mamua oka hiki ke kaohi ia'u e noho aku i ka home, 1 pela iho la wau i hiki mai la ianei, 110 ka ike ana aku i na hana a ko oukou poe maanei, a 110 ka hoololi ana no hoi i ke ano o ke I ola ana maloko o keia kulanakauhale, malia, o kahi keia e loaa mai ai o na mea hoohauoli kiekie, "i pane aku ai o Everete roe I ka helehelena i lilo ai i mea no na' maka o ke kaikamahihe e kulou mau iho ai ilalo. | "E noho iho ana anei oe maanei ahiki i ka pau ana o ma U kulaila?" "Aia paha i ka nana ana aku,'" i pane aku ai o Everete m« ka akaaka pu ana aku, he wahi aka hoi i kapalili anoe waje ae ai no ka houpo o ka wahine opio. "He hooilo nui keia o na mea hoohauoli ana hou ta o Nu loka nei, a he lehulehu ana no hoi na mea e hoohauoliia ai kou noonoo e like ka loihi me kau e koho iho ai e noho," mai ai o Miss Lorina. *'Ua lohe aku paha oe i ka mea e pili ana ! ka mare hanohano nui e malamaia ana ma ka la kanakolu- o keia mahina, pela no ko'u koho iho'," wahi hou a ka wabine opio. "Ka mare hanohano! Ko wai mare?" i hoohuahualau aku ai ka Everete ninau ana, me he mea la aohe oia i ike a i maopopo mua, oiai nae o ka manao nui hoi ia 0 kona kipa ana aku, i mea e loaa mai ai iaia na mea a pau e pili ana ia mare mai a Miii Lōrina mai. "Auwe, o ko hoapapakula no hoi, ke kanaka opio ! like loa ka helehelena me kou, o Geofere llunatere, a me kuu aikane aloha Gelade Hunatere. Ea, ua hookahaha mai oe ia'u e Mr. Mepelasona 110 kou lohe mua ole ana ia mare ae o laua!" wahi a Miss Lorina, no ka loaa ole ana aku o kekahi palapala kono ia Everete. "Ahe! Alaila e mare ana o Geofere Hunatere ia Misā Ge!ade, ea, oia anei? E noi aku ana wau ia oe e hoike mai, ina ua mao-. popo ia mea ia oe, owai ka inoa e kauia aku ana maluna o Gelade mahope o ko laua mare ana?" i ninau aku ai o Everete, me-ka hoopinana ana ae i kona mau lehelehe ma ke ano hoowahawaha, able ia Gelade, aka, ia Geofere, ke kanaka opio pooole ana e noonoo mau ai. "Kupanaha no kau ninau, aohe hoololi ana i kona inoa, no ka mea ua hookamaia o Geofere i keiki na Mr. Hunatere ma ke kanawai, no ia kumu aohe mea akeakea,e kau aku ana ka inoa o Mr. Hunatere maluna o Geofere, "wahi a Miss Lorina me ka maikai ole o kona noonoo no keia wahi ninau manaoino 110 ke kane hoopalau a kana aikane. "Auhea oe, e Miss Lorina, o kela kane hoopalau a Gelade i keia la aole i hiki iki e huaiia ae ka mea huna e pili ana i na makua ona, ke waiho nei ia me ka pohihihi loa, a ina ua maopopo ia mea i keia manawa owai kona mau makua?" wahi a ka Everete ninau. "Aohe au la i lohe iki." U A pehea, ua hauoli no anei oe no ko laua mareia ae me le& maopopo ole o ka moolelo ma ,ka aoao o ke kane, e Misa Lorina?" "O' hauoli wau, hauoli loa wau, a no ka mea, ma lco # u manaō he kanaka opio maikai loa o Geofere ma na ano a apu. Me ke kanalua ole au e olelo ae, e hauoli loa ana oia ina no ka

hoikeia ae o na mea pohihihi a pau e pili ana i kona hanauia ana. ame kona makua; aka, ma ka mea oiaio aole e lilo ana ka maopopo ole ana o ko Geofere mau makua i mea e mare ole ae ai laua, no ka mea ua aloha laua kekahi i kekahi me ka pilipaa loa e hiki ole ai ke makala aku, ina no ko laua mare ae e lilo ana laua i paamare hauoli a kupono loa. Ua koikoi loa keia mau olelo pai a Miss Lorina no Geofere a ua like hoi m$ ke kuikele winiwini oi loa i houia mai la i ko Everete puuwai limo iho la ko Everet« mau maka, aka i kona noonoo ana iho mahope he mea pono loa nofia ka uunii iho i kona manao hoino a hoowahawaha iloko ona, o ka hana naauao ia ana e hana ai. "Ke manao nei au o kekahi ana kela o ka mare hanohano e malamaia ana ma Nu loka nei, aole anei ou manao pela? wahi ana o ka ninau ana aku i ka wahine opio i hoehaehaia aku la kona noonoo no na olelo ku i ka hookonakona a ke kanaka opio. "Pela ana ko'u manao; he eono ana mau kaikamahine kuaoao 0 ka wahinemare, a owau ana kekahi o ia poe. Maloko o ka halepule Pilimota laua e mareia ai," i pane aku ai o Miss Lorina, ma ke ano hoooioi a ma ke ano hoi .e hoomahuahua ia aku ai ka ehaeha iloko o ke kanaka opio huwa. "Maloko o ka halepule! Ma ke ahiahi ana anei e mareia ai?» "Ae; ma kekahi hora o ka auinala—hora elima ,a mai ka hora 6 a hiki i ka 8 e ike ai na hoaaloha ame na makamaka ia laua. Ua nui na dala a Mr. Huntere i hoolilo aku ai no ka lilo o ia mare o kana mau keiki o kekahi ia o ka paamare hanohano loa. "O ka'u mea o ke kahaha ana iho nei, oia hoi ka loaa ole ana aku o kekahi palapala kono ia oe, oiai o oe hoi ko Geofere hoapapakula, a he mea pono e loaa aku kekahi kono ia oe, e Mr. Mepelasona, eia nae ma kau mea i hoike mai nei aohe ka he kono o ia ano i loaa aku ia oe," wahi a Miss Lonna o ka pane ana mai. . "Aohe i loaa ae, malia paha aole no au ī makemakeia e hele mai. Ina no ka pau nei o ka mare ana o laua e noho iho ana no anei laua ma Nu loka nei?" "O, ua haule hope loa oe, e Mr. Mapelasona," i akaaka mai ai kona hoapapa olelo. "Aole; e holo aku ana laua no Europa 1 ka la mahope iho o ko laua mare ana, ma ka hora 12 awakea, a e hala ana eono mahina ia laua malaila. Aole anei kela he mea maikai a hoohauoli loa i ka pamare opio. Ina aole i hoolaumaniaia ke alahele no na opio mamua o keia holo ana aku a laua i Europa ka mea nana e hoolaumania ae a hookahi wai o ka like, a no ka mea, aole loa he mea nana i mawehe ae i ko laua aloha mai ka hoomaka ana mai o ko laua hui ana." Hulili anoe wale ae la no ko Everete mau maka no keia mau olelo mai la a ka wahine opio, me ka ike mai o ka wahine opio i ke kokolo ana ae o ka ula ma ka lae o ke kanaka opio, he mea kumakaia i ka hana a kona puuwai ia manawa, ua eha loko i ka inaina kohu ole. # . "Maluna o ka mokuahi hea ana laua e holo aku ai?" i ninau aku ai o Everete, no ke ake no e pau porto mai na mea ana i makemake ai e ike nona iho. "Maluna o ka mokuahi Scythia, mai Bokekona aku, mamuh 0 kekahi hana a Geofere e hana ana malaila ahiki i ka pau ana mamua o kona holo ana aku no Europa, he hana na ka hui ana e hana pu nei maloko o ia kulanakauhale. "Oia ke kumu o ka malamaia ana o ka mare ame ke anaina ike ma ka hora 5 o ke ahiahi; e haalele iho ana laua ia Nu loka nei ma ke kaaahi ahiahi a e hoea aku ana i Bokekona ma ke kakahiaka nui loa o kekahi la ae. O, "wahi a ka wahine opio, e kaawale aku ana kuu aikane, Gelkde Hunatere me ka ike hou ole aku i kona mau maka no na mahina eono!" i nui iho ai ka hanu o Miss Lorina, me ke kani pu o kana uhu. w He mea kanalua ole ia e olelo ae," wahi a Everete, a i ka hala ana o kekahi mau minuke kakaikahi mahope iho me ko laua kamailio ana maluna o na kumuhana like ole, ua loaa aku la no nae iaia na, mea a pau ana i makemake ai, ku ae lt t«L o Everete a hoi aku la, mahope o ka haawiia ana o na lululima aloha. O kona manao nui o ia leipa ana aku oia no ka loaa mai o na hooiaio ana iaia ua pololei na mea i hoikeia mai ai iaia e pili ana i ka mare o Geofere ma a e hookokoke mau mai ana £oi ka la e hoohuiia ae ai laua. O kana hana hope i hoolala iho ai oia no kona hui kino ana aku me Gelade, ina e hiki ana, ma kekahi wahi. He hana maaUhi wale no nae keia i kona manao ina no kona konoia mai e hele aku i kekahi mau anaina hoohauoli e konoia mai ana; he mau ahiahi kakaikahi ma ia hope mai oia kekahi i hoea aku ma kekahi anaina hoohauoli i malamaia ma kekahi hale ma ke alanui Lekinekona. He oi ae ko Gelade ui me ka lamalama o kona helehelena ī leeia manawa, hoihoi kona mau maka ke nana aku me ka piha 1 ka hauoli, he minoaka ma kona mau lehelehe me ka piha i ka laiwale. He aahu kona e komo ana i kinohinohiia me ka waikala, me na pohaku momi e anapa ana ma kona ai ame kona lima, me na kui omau daimana e anapa ana ma kon lauoho. laia i ike mai ai i ko Everetē Mepelasona nana pono aku iaia, lia e wale aela kona kino. No ka like loa o kona helehelena me Ko jGeofere aneane hiki ole iaia ke koho i kekahi mai ko kekahi ae. He minuke mahope iho ku ana no o Everete mamua ona a kunou aku la me ka haahaa loa iaia, me ka haawi pu aku la i kona lima iaia no ke aloha ana. "Ke noonoo iho he manawa loihi loa maoli no ko kaua kaawale ana mai kela manawa hope mai a kaua o ka halawai ana, e Miss Hunatere," me ka leo mali nana i hoopii ae la i ka ula ma ko Gclade mau papalina, no kona hoomanao ana ae no kela manawa hope loa a laua o ka halawai ana ame ke kaawale ana. Aka i kona noonoo ana iho he oi ae ka maikai e hoopoina loa aku oia ia mea i hanaia o ka wa i hala, haawi mai la oia i kona aloha ma ke ano he lede i pakaia ma na loina maikai a pau o ka hoolauna ana, a i maila: "Ma ka Hema paha oe i hoohala ai i ka hapanui o kou manawa, ea, pela ko'u manao, e Mr. Mepelasona," wahi ana. 'la oe i hoe?- mai la i ka akau nei kalii o ke anu, no ka mea, he hooilo keia, ke makemake ole la paha la oe i ka hoea mai i keia wahi anu a haalele aku la i kahi o ka pumehana. "He anu no hoi paha, aka, he mau mea ano nui no nae ma Nu loka nei nana i kono ae i ko'u noonoo e haalele aku ia wahi pumehana a e holo mai i ka akau nei" i pane aku ai o Everete, me ka hoihoi loa o kona nanaina ia manawa, n'o ka ike aku i ka helehelena ui o ka mea ana e makemake ana ia manawa e kaili mai a Geofere mai. "Ae, he nui io no na mea hoohauoli i ka noonoo ma Nu loka nei i keia mau la, e nele ole ai ke konoia aku o ka manao o na kanaka ma na mokuaina mamao e holo mai ianei," i pane mai ai o Gelade, me ka hoike ole mai i kekahi mea ano nui e pili ana nona iho. "E hooliuliu loa iho ana no anei kou noho ana ma Nu loka nei?" "Pela kou manao a pau keia mahina," i pane aku ai o Everete, me ka hookoikoi ana iho o kana kalele ana i ka leo maluna o na huaolelo 'keia mahina/ he mau huaolelo i naholo ae ai ka ula ma ko Gclade mau papalina, no ka mea, ua ike iho la oia i ko Jce kanaka manao no ka la mare o laua e hookokoke mai ana ke kumu o ko Everete makemake e hooliuliu loa iho i kona noho ana ma Nu loka. "E Mr. Mepelasona, he hauoli no anei kou noonoo i kou kaawale mai kou home mai iloko o na la kulaia, oia hoi ke Kalikimaka ame ka Hapenuia? He mau la kela la i makemakeia ai k& ohana a pau t akoakoa ma ka home, a ia oe ka eia oe i Nu

loka nei kahi i lalau ai," wahi a Gcladc mc kona nanakee ana mai i ke kanaka opio. "Ae; no keia makahiki wale no nae hoi. E Miss Hunatere, e oluolu ana anei oe e hoopaa iho i ko'u inoa ma kekahi o na hulahula?" me ka nana ana iho i ka apana pepa e lewalewa ana ma ke kaei o Gelade i hoopaaia me ka lopi kilika. Wehe ae la o Gelade a paa mai la mamua ona. Ua piha ia pepa i na inoa o ka poe e hulahula ana, a ua hauoli iho la oia no ia piha ana, no kona makemake ole e hulahula pu meEverete.

Kulou Iho la ko Everete mau maka iialo no kona ike ana iho o Geofere ko Gelade hoa hulahula ma ka hapanui 'o na hulahula e haawiia ana ma ia po. a i mai la: ' "Ua lohi loa wau, ke ike nei au ua piha wale no na hulahula," wahi ana me ke konou ana aku, "aka, malia paha e hiki ana no hoi e loaa i manawa no'u e hulahula pu ai me oe mam,ua o ka pau ana o keia mahina." Ma ke ano o ko Everete leo mamua o kana mau huaolelo i iilo iho ai i mea na Gelade e nana pono mai ai iaia, a kokolo anoe wale ae la no ke anu iloko o kona puuwai, i ka manawa ana i ike mai ai i ka hulili anoe wale ana ae la no o na maka o Everete. Ia manawa ua makemakeia mai la oiae kekahi mea e hele aku, nolaila ku ae la o Gelade a kunou mai la imua o Everctc, noi mai la e hookuu aku iaia a haalele mai la ia Everete, me kona hauoli loa no ia ka-awale koke ana aku ona mai ke kanaka opio imi hana aku. E hoohala ana o Gelade i kekahi mau la kakaikahi me kona hoaaloha Miss Lorina, o kona manawa hope loa ia e hele ae ai e ike i kona hoaaloha mamua o kona mare ana aku, a e hoolilo ana na kaikamahine elua ia mau la i manawa hauoli loa no laua.

Ua kono mai o Mr. Lonna ia laua e hele pu me ia e hoolohe ia Parepa Rosa, kekahi o na kanaka paulehia i k%himeni, a ua hoouna aku i kekahi leka ia Geofere e huli aku ia lakou; he hana ka Geofere o ka hele ana ma ka hapa mua o kela ahiahi, a no ia kumu'i hiki ole ai iaia ke ukali pu mai ia lakou,eia nae, e hui mai ana no oia me lakou mahope iho o ka pau ana o kana hana,e like me kana hoakaka maloko o kana leka i kana wahine hoopalau, Gelade o ka hoouna ana mai. He omaimai ko Mrs. Lorina ma ia ahiahi, a no ia omaimai ona aole oia i aa e hele mai ma ia ahiahi, nolaila o ke kane ka mea i hele pu me na kaikamahine i ka hale keaka. I ka minuke no a lakou o ke komo ana aku i ka pahu, a oiai ko Everete mau maka e au aa no ma o a maanei, o kona akenui 'no ia o ka ike mai ia Gelade, ua ike mai la oia i ko lakou nei komo ana aku, a he manawa loihi ma ia hope iho akahi no hoi ko Miss Ade Lorina mau maka a ike aku i ua o Everete, a haawi aku la i kekahi kunou haahaa loa me ka minoaka iki ana aku. . .

Ia ike ana aku ana, a he minuke paha ma ia hope iho, kulou aku la oia imua a hawanawana aku la i ka makuakane -mamua aku ona, e noi aku ana e aeia aku o Everete e hele mai a e noho pu me lakou ma ka lakou wahi e noho ana, a i ka ae maikai ana mai o ka makuakane, peahi aku la oia ia Everete e hele mai a e noho pu me lakou. O ko Everete olu loa ia, no ka mea, o kana mea no ia e noonoo ana ia manawa o ka loaa o kekahi manawa lcupon6 loa nona e hele mai ai a noho pu malaila; he manawa ole, me ka palua ole hou aku i ke kono, o ke ku ae la no ia o Everetfe a hele mai la, a ia hiki ana mai noho iho la mawaena o na lede ppio elua, me kona imi ana mai i kumupale ma kona aoao no ka Miss Lorina mau olelo kuhalahala, no ko ua o Everetc hele hookahi ana mai aohe hoi he noi aku i kekahi mau kaikamahine ui i mau hoahele nona no ka hauoli like ana me ia ma ia ahiahi.

I kela hoea ana mai la o Everete, hoomamao aku la o Gelade iaia a kaawale mai a Everete aku. Ua ike iho la oia i ka oluolu maikai ole o kona noho ana me ka pili aku o Everete ma kona aoao, no ka niea ke hana hoanoe aku ia i ka noonoo. o kana kane hoopalau ina no kona hiki mai a ike mai ia Everete e noho aku ana me kekahi kanaka opio. ma kona aoao, o kekahi no hoi, aohe ona makemake i ka lohe mai i ke kamailio o kekahi mau mea ma aoao, oiai kona noonoo ia maluna o na himeni ui » Parepa Rosa e himeni mai ana kona noonoo oiai nae, he liilii loa no hoi ko Everete ma leo e kamailio mai ana he hawanawana la. I ka manawa i hookuuia iho o ka paku iīalo, mahope o ka pau ana o ka elua o na hana hoikeike aftie himeni, hapai ae la o Miss Lorina 1 kana maka aniani a hoomaka aka la e nana iwaena o ke anaina. Aohe i liuliu loa ia nana ana aku ana lamalama &e la, kona mau maka i ka hauoli, a i kona kulou ana aku imua, ani aku la kona lima i kekahi mea iwaena o ke anaina kokoke mai ia lakou. , "O, e papa, aia o Sede Natina la ke noho mai la! Me ne mea la ma ka mokuahi hope o ke ku ana mai kona hoi ana mai. E nana aku paha oe kke peahi mai la ia'u. E oluolu anei oe e lawe aku ia'u i ona la no kekahi mau ininuke kakaikahi wale no, oiai hoi ka paku e kuu ana ilalo? Manao au e hookuu mai ana no o Miss Hunatere ame Mr. Mepelasona ia u no kekahi mau minuke a e hoonanea no hoi laua ia laua iho oiai kaua ma kahi e, aole e hala ka elima minuke ia kaua a hoi mai no." Leha mai la ko Mr. Lorina mau maka ia Everete, ka manao e ku ae ana la hoi oia a hele pu aku me Mis» Lonna, no ka mea ua oluolu loa iho la kona noho ana e makemake ole ai e hooonioniia aku. Eia nae, aohe manao iki iloko o ke kanaka opio oia ano t no ka mea o keia ka manawa kupono loa e noho pu iho ai oit me Gelade a kamailiō pu, no ka mea oia kana mea nui e noonoo ana ia manawa o ka loaa o kekahi manawa kupono iaia e kamailio pu ai me Gelade mai kona *manawa mua inai o ka hiki ana mai Nu loka, nolaila he pono iaia e hooko' ia manao ona» ina no he elima minuke wale no ia ana e hui ai me Geladt. Alaila, i kona ike a'na e kaawale aku ana o Miss Loriifa me ka makuakanelno kekahi mau minuke, hooikaika loa aku la i ko Miss Lorina noonoo i ka i ana aku: "Ua pono kela, e Miss Lorina, hele e ike i ko hoaaloha- ina he makemake oe," alaila nana aku la i ka hele o ka makuakahe me ke kaikamahine, me ka hauoli nui iloko ona no ko laua kaawale ana aku, me kona haalele ia ana iho me Gelade mahope, Ua hoehaeha loa ia ko Gelade noonoo ia haaleleia afla iho ona me Everete. Aole hiki iaia ke hooili aku i na hoahewa ana maluna o Ade Lorina, ke aikane, no ka mea, ua maopopo iaia aole i loaa ka ike ia Ade no kona mau manao hoihoi ole no Everete Mepelasona; ua makemake oia'me kona naau a pau, e hoea koke mai o Geofere, i ole ai oig, e noho hookahl me Everete ma ia wahi a laua e noho ana. I ka minuke no i paa aku ai ke panipuka mahope o Mr. Lorina me ke kaikamahine, o ka huli koke mai la no ia o Everete i kona hoa e noho pu ana, huki mai la i kona noho a kokoke loa i ko Gelade noho, a i mai la: "E mahalo nui ia ke ay o ka manawa, a pela hoj nfe # kela kaikamahine panau no ka loaa ana iho la ia'u o keia minuke kiekie loa iloko o ko'u ola ana," wahi ana me ka leo ku i ke aloha; a i hou mai la; "E Gelade, ua poino no anei ia oe kela I mau mea a kaua o ke kamailio pu ana me ka malu loa ma ka halekula Vasa?" Nana mai la o Gelade me na maka kahu kaena a i mai la: "Na mea hea la? Ina ua poina wau, alaila me ka hauoli au e hoike aku nei ia oe ua pono ko'u poina ana, ina e ae mai ana | oe ia'u e hana pela no ko'u ame kou pono, no ka mea aohe no he waiwai o ko'u malama ana ia mau olelo, he mau mea i j kamailioia me ke komo ole iho o ka hoihoi iloko o'u npu." £Aol® i