Ka Nupepa Kuokoa, Volume LXIII, Number 46, 13 November 1924 — HOOKOMOIA HE HOOPII KOI IMUA O KA AHA [ARTICLE]

HOOKOMOIA HE HOOPII KOI IMUA O KA AHA

I wahi e hoihoi hou ia mai ai na huina d«la, i pokol» oloko o ka oihaqa wai ia D. S. K Pahu ame James P. Awana, he mau kakauolelo i noho hana mua maloko oke keena wai, ua hookomoia ae he hoopii iloko o ka aha kaapuni jxia ka Poikola o ka pule aku nei i hala, e ke keena o ka loio kalana. He $55,234 ka huina dala i pokole ia Pahu, o kela no ka huina daia, i koiia ae ai ma ka hoopii e ku-e ana iaia; a he $7,577.86 hoi ka huina i koiia ma ka hoopii e ku-e ana ia James P. Awana. Ua hookolokoloia, a hoopa'iia o Mr. Pahu, no ka pili o ka hewa iaia, a ke noho hana mai npi oia i kona hoopa'i maloko o ka halepaahao; ua loaa hoi he hoopii hoahewa e ku-e ana ia James P. Awana, ke waiho mai nei no kona hihia imua o ka aha, pela me ka hihia o Sam K. Oneha. Mawaho ae o ke koi maloko o ka hoopii, no ka hoihoiia aku o ka huina dala a kela ame keia pakahi i lawe ai ma ke ano kolohe, e koi pu ana ia e ukuia ka ukupanee o kela mau dala, no ka manawa i laweia al pela hoi me ke koina o ka aha.