Ka Nupepa Kuokoa, Volume LXIII, Number 46, 13 November 1924 — HE HOALOHALOHA NO KO MAKOU HOA-PAAHANA [ARTICLE]

HE HOALOHALOHA NO KO MAKOU HOA-PAAHANA

Mr. Solomon Hanohano, ka Lunahooponopono o ka Nupepa Kuokoa, Aloha kaua:—E oluolu mai hoi oe i kauwahi keena kaawale o ka kaua Kuokoa, no kela mau huaolelo e kau ae la maluna, a nau hoi ia e hoike ae i ke akea. 0 makou o na lala o ka aha makua, ke Kula Sabati ame ka Ahahui C. E. ame ko makou kahu, ka Rer. Upchurch o ka ekaleaia o Kalaoa, ke hoomanao aloha nei no ko makou hoa-paahana i haalele mai i keia ola ana, maloko o«ka Halema'i Moiwahine ma Honelulu. Ua haalele mai o Daniel Kalanipoo Komomua ma ka Poakahi, Okatoba 0, 1924, maloko o ka Halema'i Moiwahine. He keiki kupa oia no Kona nei, he hoa-paahana oialo oia no makou iloko o nā hana a ke Akua ahiki wale no i kona moe ana aku la, i ka moe mau >loa. Ke komo pu aku nei makou, me ka makuahine i hooneleia 1 ke keiki, pela |toi me na pokil o ka mea i hala ame ka ohana apau, iloko o na kaumaha luuluu no ka oukou mea aloha i hala ,*na kela ao. Na ko kakou Haku aloha auanei e holoi &e i na waimaka tnai ia kakou ae iloko o Kona aloh& mau loa. 0 makou iho no me ka haahaa, ma o ko makou komite la. SOLOMON ALOHIKEA, Hope Kakauolelo o ka Ekaleaia o Kalaoa, Kbna Akau, Hawaii.