Ka Nupepa Kuokoa, Volume LXIII, Number 46, 13 November 1924 — HE UMIKUMAMAKOLU POE HAIHAI KANAWAI I HOOPIIIA AE E KE KIURE [ARTICLE]

HE UMIKUMAMAKOLU POE HAIHAI KANAWAI I HOOPIIIA AE E KE KIURE

Mahope o ka hoolohe, ka ninaninau ame ka noii pono ana o ka papa kiure kiekie teritore i kekahi mau hihia ekolu i hoopiiia ae no ka mare lehulehu ame umi man hihia opiuma a maopopo i ka papa kiure ka pili o ka hewa i ka poe i hoopiiia ae ai ua hoihoiia ae la he hoike me ka waiho pu ia ae o ka hoopii no ia mau hihia he umikumamakolu imua o ka aha federala a ka Lunakanawai William T. Rawlins ma ka Poakolu o ka pula aku la i hala. He elua mau wahine Pilipino ame liookahi kane i hoopiiia ae no ka mare lehulehu, Ma ka hoopii i hookomoia ae ai ua mareia o Mrs. Tomaso S. Baqueran me Lorenzo Garcia ma ka la 14 o Malaki, 1923, aka nae, ua hoopiiia ae oia no ka mare lehulehu me kona maopopo no ua mare muaia oia me Dionicio Baqueraii; no Lorenzo Garcia hoi ua iioopiiia ae oia no ia karaima like; ma ka oleloia ua mare mua o Mrs. Gabina Costales Suguetan me Serflo Briones ma ka la 21 o Mei, 1924, me kona ike maopopo no nae e ola mai ana no o Cepriano Suguetan. O ka poe i hoopiiia ae no ka malama opiuma he mau Pake "wale no, oia keia malalo nei: Hee Chin, Kim Sung, Sam Moo Cho, Pak Han Yong, Won Tim, Yonug Mow, Chong Yee, Wah Fon, Wah Foon, Lee Wai, Ah Yin, Ping Sam. Na ka hope loio Amerika Pattersou i lawelawe i keia mau hihia a pau mamua o ke kiure.