Ka Nupepa Kuokoa, Volume LXIII, Number 46, 13 November 1924 — EHIKU MAU KOA HOLONUI A NAHAHA KE KAA I PAA AE I KA HOPUIA [ARTICLE]

EHIKU MAU KOA HOLONUI A NAHAHA KE KAA I PAA AE I KA HOPUIA

Etfiku mau koa ma ka oleloia mai ka Papu Ruger ae ka lakou i paa mai i ka hopuia e na makai o Hauula a Uoopaaia ae i ka halepaahao ma Hauula no ka holonui me ka nana ole i ke ola o ka poe e hele ana nialuna o ke alanui mai Kahuku ahiki i Kualoa. Ma ka oleloia aneane loa e hoopoinoia.na ola o kekahi poe e hele ana maluna o ke alanui ma Kahuku, a i ke kaa otomobile e hoomau ana i ka holo no Laie ame Hauula ua keleponoia mai la e kekahi poe i kekahi poe ma Hauula ame nft wahi mamua mai, e makaala aku no ke kaa otomobile holenui, a mamua o ka hoea ana mai o ia kaa i Kahana ua paa mai la ia i kekhi makai motokaika i ka hopuia. He kakiana ame elua mau koa i laweia aku e ka makai a hoopaaia maloko o ka halepaahao ma Hauula. 0 kekahi mau koa iluna o kekahi kaa ua hoomau loa mai ka holo ana ahiki i Kualoa me ka manao e hoea ana lakou me ka palekana i ke kaona nei. I ka hoea ana mai o'ke kaa i Kualoa ua hookui mai la ke kaa i ka pa pohaku mahai o ke alanui nahaha kekahi aoao o ke kaa, a malaila i paa ae i ka hopuia ke koena mai o na koa holonui eha a laweia aku e hoopaa i ka halepaahao. Ua hoopaaia aku kela mau koa maloko o ka halepaahao ma Hauula m* ia po iho, i ka paa ana aku o mau koa la i ka halepaahao ua holo aku la na makai e ninaninau mai Hauula ahiki i Kahuku ina he poe kekahi i eha ia mau kaa holo nui. • BUENOS AYEKS, Nor. or—He lono ma ke kelekalapa mai Eio de Janeiro mai ka i loaa ae i ka Nupepa La Naeion e hoakaka ana no ka hahai ana aku o ka mokukaua Minai Geraes me elua mau mokuluu 1 ka mokukaua Sao Paulo. O ke kuhina kaua moana ka Adimarala Penido koluna o ka mokukaua Minas Geraea.