Ka Nupepa Kuokoa, Volume LXIII, Number 47, 20 November 1924 — Page 2

ELUA NUPEPA KUOKOA. HONOLULU, T. H., POAHA. NOVEMABA 20, 1924.

HAAWIIA MAI ME KA NAAU
HEMOLELE

Ma ka auwina la Poaono, hora 3 elike me ke kauoha pili oihana, pela i hooko ai aa lala o ka Oihana Puhiohe, Hawaiian Band ma ka akoakoa ana i kahi ka hana, o ia hoi ma ka Pier 10.

Aia malaila e pili mai ana ka mokukuna, eha kia, a e kau mai ana ma kona aoao he inoa Hawaii, o ia hoi, Kaimiloa.

Ua eleu aku la na lala apau o ka bana maluna o ka oneki o ka moku, o ia pu no ka wa i momoku like mai ai na hoaloha i konoia, ma ka ee ana iluna o ka moku, ua piha a ohuohu maoli ka moku i ka poe i kipa mai. I ka hoomaka ana o ka bana o paani i na leo mele elua, ua kauohaia mai la o Major Kealakai ame Chas. Kaleikoa, e iho aku ilalo o ke keena o ka rumi o ka ona nona keia moku* kuna, o ia hoi o Mr. Medford R. Kellum he haole waiwai onamiliona. Ua haawi makana mai oia i na keiki o ka bana, ho $5.00 a ke keiki hookahi, a oiai e hoohalaia ana ka manawa ma ka hoonanea ana i ka lehulehu i akoakoa mai, me na leo mele mai na hokeo mai e kani kapalili ana i ka weleleu makani, ame aa leo o na lede puukani e kuupau ana, e pii ana iluna, a e iho ana ilalo i panaiia me ka hoene o na pila guitar amo na pila kuolo, e lawe kianiia ana hoi e na manamanalima me ka palanehe loa.

Ua hoea loa aku ka hoene, a houheuhene o na meakani a na keiki o ka Bana Hawaii, ia lakou ke kuupau ame ke kaomi ana, a noho mana aku la i ka papaku o ka houpo o Mr. Kellum ka onamiliona.

Ma ka panina hope o na hana apau o ka la, hora 5 p. m. a keu iki, ua hoea mai Ia o Mr. Kellum ame ka Lunakanawai Wm. T. Rawlins, a kahea mai la i na keiki apau o ka Bana Puhiohe e akoakoa aku imua o kona alo, a na ka Lunakanawai Rawlins i hai mai ka olelo ame ka manao o Mr. Kellum a haawi mai la he check $500.00 o keia dala wahi a Mr. Kellum, he waihona ia no ka wa ma'i a pilikia o na keiki o ka Oihana Puhiohe, a e hooahuia ma ka banako.

Ua huro leo nui ae na keiki o ka bana, me na leo hoomaikai he nui i keia haole puuwai nui a hamama, no kana makana hiwahiwa lua ole, e mau ai ka hoo manaoia e na lala o ka Oihana Puhiohe.

Me he mea la, mai ka hookumuia ana o keia Oihana Puhiohe, keia iho la ka makamua loa i hanaia inai a keia mau hana aloha i keia oihana e ka hoaloha oiaio.

Hoomaikai nui loa i keia hoaloha puuwai nui a hamama, a naau hemo lele, he aloha oiaio i ka hoa kanaka A oiai ua holo aku kona moku ma na aina Samoa, a pela wale aku, e uhaiia kana alahele aumoana me na ulia laki, pomaikai, malaelae mai ke Akua mai.

Hoomaikai Nui.
GEORGE MALUNA.
Lala o ka Bana Hawaii
Honolulu, Nov. 10, 1924,

HE HOOMAIKAI

O makou o ka ohana o ka mea*
make Mrs. Jennie Haaheo M. Aka
wa, ke haawi nei makou i ko makou
hoomaikai palena ole, i na Kahu
Ekalesia, Rev. Isaac D. laea ame
Jos. F. Welch, na hoahanau, na lala
Kula Sabati ame Ahahui Hooikaika
Kristiano o ka Ekalesia o Kaluaaha
na hoahanau o na hoomana e ae, na
hoaloha ame na makamaka ame ka
poe apau i akoakoa mai ma ke ana
ina hoomanao hope loa, o ko mako
mama aloha, ame ka lakou mau ma
kana pua no ka hoonani ana i ke
kino wailua o ko makou mama aloha
a na ke Akua-kahi-kolu e kiai ia ka
kou, oiai kakou e noho kaawale ana
Amene. '
MOSES AKAWA,
Ame ka Ohana.

HE 29 KE EMI IHO O NA HANAU

O OKATOBA O KEIA MAKAHIKI

I KO OKATOBA O KA 1923

Ua emi iho ka heluna o na hanau
oko o ka mahina o Okatoba i hala
ho la mamua o ko ka mahina o
Okatoba o ka 1923, e like me in i
keia ma ka hoike mahina a ka
Luna kakau kope nui o na hanau,
mare ame make o ka papa ola teri-
tore Miss M. Hester Lemon o ka
hoopukaia ana ae ma ke akea ma ko
kakahiaka o ka Poaono o ka pule
ku la i hala, e hoike ana penei:

Na hanau, 383, na mare 108, na make 123. No ka mahina o Oka toba o ka makahiki i hala he 412 na hanau, na paamare Ae 142, na make 127 O ka heluna nui o ka lahuikanaka maloko o ke kulanakuu-hale o Honolulu i kohoia he 97,500.

No na make ma na kama no ka mahina L hala he 71 mau kane a he 52 mau wahine. Ma na lahui: Na Hawaii, komo pu me na hapa-Hawaii he 11, he 36; na Kepani he 27; na Pake, he 18; na Amerika, he 13: Pukiki, he 12; Pilipino, 8; Korean. 6 Poko Riko, 1; Rukini, 1; Paniolo, 1.

He 13 mau bebe hanau hou loa i hoikeia ae i ka papa ola.

No na make, he eha i ninaninauia. he 13 i kahaia, a he 11 i nienieleia ke kumu make e ke koronero. He 20 poe i make maloko o ke kulanakau lale he poe noho paa ole, a he 63 poe i make maloko o na halema 'i a mau hale eae o ia ano.

O na dala i loaa ae i ka buro hoopaa o na hanau, mare ame make a ka papa ola teritore no ka mahina i hala he $741; ua emi iho keia ho 305 malalo o ko ka mahina o Okatoba o ka 1923, o na loaa o ia mahina he $1046.

No na make 12S iloko o ka mahina o Okatoba, he 37 mau keiki malalo o ka 5 makahiki, a he 29 malalo iho o ka hookahi makahiki.

O ka ma'i akepau no ka oi aku o ka ma'i luku mamua o na ma i e ae iloko o Okatoba, he 16 mau pio a ia ma'i a he emi iho ka poe i make i na ma'i e ae.

——————————

TOKIO, Nov. 14.—Ua lilo i puu-lehu ka hokele Osaka a-ia ai e ke ahi ma ka po i hala. O ke poho i koho wale ia he 500,000 Yen.


	HOOKAHI I EHA I KA OTO, A ELUA KAA I AIHUEIA I LOAA Hookahi kanaka i haki ka peahi lima mamuli o kekahi uiia kaa oto ma ka Poaono o ka pule aku la i hala a he elua mau kaa otomobile i aihueia i loaa aku i na makai, e like me ka hoike a na makai o ka hoike ana ae ma ia po Poaono iho. O ke kanaka i haki ai kona peahi lima a nona hoi ka inoa o Akiona, e kau pu ana oia me T. Murakami ke kalaiwa oto a e holo ana no Waialae maluna o ke alanui Beritania ma ka manawa o kekahi kaa oto e kalai- waia ana e D. Highland e holo mai ana ma ke alanui Miller, i ka hoea ana o na kaa oto a elua ma ke kihi o na alanui Beritania ame Miller ua hookui ae la ia maa kaa, e like me ka hoike a ka Makai Kalauli o ka hoihoi ana ae i ka halewai. Ua kahuli ke kaa oto e kalaiwaia ana e Murakami, a poino kekahi mau wahi o ia kaa, e like me ka hoike a ka makai, i hiki aku na hoolilo i koho ia ma kahi o ke $70, me ka poino pu o ka Highland kaa oto i hiki aku na poino ma kahi o ka $25. O Mrs. Highland pu kekahi e kau ana maluna o ke kaa a ke kane e kalaiwa ana ma kela manawa o ka hookui ana. Ninaminauia He Kanaka I kulike me ka hoike a ka Ma- kai Makahi o ka hohoi ana ae i ka halewai ma ka po o ka Poaono aku la i hala, he kanaka nona ka inoa o ka hoike ana ae o Fred Reel, ma- hope o kona paa ana i ka hopuia ma Kalihi, ma ka manawa ana e kala- iwa ana i kekahi kaa oto i onaia e ka Lunakanawai C. F. Peterson, a i aihueia ai mailoko aku o ka pa o ka University Club ma ka hora 10 o ka Poaono. Ma ka manawa a ka Makai Ma- kahi o ka hop nana ia Reel ua lele aku oia mailuna aku o ke kaa oto makai a holo aku la me ka mama a kau iluna o ke kaa a Reel e ka- laiwa ana, a hopu aku la i ke kaniai o Reel, i ka manawa a Reel i hoo- maka aku ai e kuupau i ka holo o ke kaa. O Reel wale no ke kau ana iluna o ke kaa ia manawa, me ka hoike mai ma ke ano hoopunipuni ua ona oia, e like me ka hoike a ka makai Ma kona manawa i ninaninauia a e ka Makai Lono McCallum i hoike okoa ae ai o Reel nana io no i aihue i ke kaa oto. , Haaleleia Ke Kaa He ka oto ka i loaa aku ma ke alanui Ward kokoke i ke alanui Mo ma ka hora 5:45 o ka auinala o ka Poaono aku la i hala, i ka Maka August Carreiro ua holo ia e ka poe kolohe a haaleleia malaila. Ma ka hora 7:30 o ke kakahiaka o ka Poaono i hala i hoike ae ai o Joseph Colon, i ka Makai Kalauli no ka aihueia ana o kana kaa oto mailoko aku o ka pa o ka Hawaiian Construction & Draying Co., ma Ka moiliilii. Ma ka inoa o Richard Davenport Jr. i hoopaaia ai ia kaa e like me ka hoike a ka makai Car reiro o ka hoihoi ana ae. HOIKE HUI O NA KULA SABATI 0 MOLOKAI NUI A HINA MA KAUNAKAKAI MA KA LA 14 DEKEMABA, 1924 Ke hoikeia aku nei ka lohe i na Kula Sabati apau o Molokai nei, e malamaia ana ka hoike hui o na Kula Sabati apau o Molokai nei, ma Kaunakakai, ma ke Sabati, la 14 o Dekemaba, 1924, a ke hoike pu ia aku nei i kela ame keia Kula Saba- ti pakahi, o ka lakou mau haawina hoike, o ia no ko lakou mau haa- wina o ka hoike hapaha hope i hala iho la, a ke hoike hou ia aku nei, e malamaia ana e na Kula Sabati he ahamele nui ame hulahula ma ka hall ma Kaunakakai ma ke ahiahi o ka Poaono Dekemaba 13, 192 hora 6:30, no ka pono amo ka poma kai o ka ekalesia o Kalaiakamanu nei. Nolaila, ke konoia aku nei ka poe apau e hele nui mai e ike i na mele e haawiia mai ana e na puukani mai ka Wailele Opu mai o Moaula, mai na Home Hoopulapula mai o Ka- lamaula, ame na puukani o na wa like ole mai, e hele mai ana e ike ka po le-a o Halalii JOSEPH N. UAHINUI Kahu Kula Sabati Nui o Malokai Kaunakakai, Molokai, Nov. 15, 192 HE HOOMAIKAI •Ke haawi aku nei au, ma ka ao o ke Kula Sabati o Hauula, i na hoo- maikai kiekie i na Kula Sabati Kaneohe, Waikane, Kahuku, Waia- lua, ma o ka Lunahoomalu la o na Kula Sabati o ka Mokupuni o Oahu Mr. Oscar P. Cox, a o ka oi aku i ke Kula Sabati o ka Ua Lililehua o Palolo, nana na haumana Kula Sabati be kanakolu i biki mai, no ka haipu ana mai ma ko makou hoike Kula Sabati o Novemaba 9 i hala, a no na kokua i loaa mai ia lakou mai. Ke haawi pu aku nei i na hoa- loha i haawi mai i ka lakou mau kokua ma ka hoomakaukau ana i na meaai ame na kokua e ae, a i lilo ai ia mau kokua i mea e holomua ai na hana a pau me ka holopono. Na ka Haku Nana ka hana e kiai, hoo- malu, a e kokua mai ia oukou a pau. Me ke aloha nui, J. M. KANAKANUI Kahukula Sabati Apana o Hauula Oahu.	MA KE KOHU O KA MANAMA- NALIMA I HOOKOLOIA MAI AI A HIKI I KA PAA ANA Ma keia Poaono iho e hoihoiia aku ai o O. W. Banks ka haole i paa ae ai i ka hopuia ma kona manawa o ka hoea ana mai i Honolulu nei a i hoopiiia ae ai e ka makaikiu no ka aihue ana $5000 ma na bila mailoko mai o ka pahuhao waiho dala o ka halekuai laau a ka Owl Drug Store Company ma Long Beach, Kaleponi ma ka po o ka la 13 Okatoba, he ai- hue i hoopohihihi loa ia ai ka noo- noo o ka oihana makai o Long Beach, no ka mea, aohe wahi moali ike maopopo, a i ole wahi apana lole, a leka a i ole kekahi mea hoike maopopo e ae la hoi. Aka nae, ua paa ae oia i ka ho- puia me ia pohihihi no o ke alahele e hiki ai ke huli aku. O ke alahele i hiki ai a i paa ae ai keia haole oia I na kohu o kona mau manamanalima e kakau ana maluna o ke pani o ka phuhao a Banks i wawahi ai, a ma- luna hoi o na ume oloko o ka pahu- hao, a me ia mau kohu manamana- lima a kekahi kanaka loea loa i pai ai a hoonui ia ae. Ua hoohalikelike- ia ia mau kohu manamanalima me r na kohu manamanalima o na paahao e waiho ana maloko o na hale o na oihana makai ma Kaleponi Hema, a ma ia hoohalikelikeia ana hookahi o ia mau kohu manamanalima i ku- like loa me na kohu manamanalima e kau ana maluna o ko pani o ka pahuhao o waiho ana maloko o ko keena o ka oihana makai. Ia manawa ua kauia ka hehi ma- luna o ia kohu manamanalima, a ma- hope iho i loaa ai ke kii i paiia o Banks, a kauia ka inoa O. Banks me na inoa kapakapa lehulehu like ole ma na kii. O Odeus W. Banks, elike me ia a ke kapena Makaikiu J. B. Worley o ka hoike ana ae, ka mea nana i ai- hue na dala o ka halekuai laau Owl Drug Store Company ma Long Beach. I ka huliia ana aku o ko Banks moolelo i ikeia ai ua hana mua no o Banks i kekahi karaima e like me keia mamua aku. Ua no ke- make pu ia o Banks e na luna au- puni ma Bernandino no ka malama ole i ke ola o kana wahine. Ho Kanaka Kuai Tikiki Ma ka huli ana a Worley i ka moolelo o Banks i loaa ai iaia ku ike he kanaka kuai tikiki o Banks mamua ma kekahi uwapo a Kale- poni. Ma ka po mamua iho o ka aihue ana i ka halekuai laau Owl kona haalele ana ia hana, elike me ka hoakaka a na kanaka hana i hana pu me ia. Ua hookoloia mai oia ahiki i kekahi hale kaa oto, a mai- laila mai ahiki i ke keena o ka American Express Co. I ka Makai- kiu Worley malaila i loaa ai iaia ka ike ua hoouna mai o Banks i kekahi bila dala $100 i kekahi wahine ma Honolulu nei, he wahine i holo mua mai i Honolulu nei aneane he ma- hina mamua aku, he wahine i paani lealea me Banks a i holo mua mai i Honolulu nei no ke kakali ana o ka holo mai o Banks, aka nae, he manawa aku kela mamua o ka hoao ana o Banks e aihue i ke dala o ka halekuai laau Owl. Ua hui keia wahine me Banks i ka manawa o ke ku ana mai o ka mokuahi Wilhelmina ma kana kelepa hope mai Kapalakiko mai, a ua hoo- kipa mai kela wahine ia Banks me ke ohaoha ma na ano apau. Mahope o ka loa ana o ka ike i ka makaikiu Worley no ka hoouna ana mui o Banks i ka bila dala i ka wahine ma Honolulu nei a loaa pu no hoi ka ike iaia e holo ae ana Banks no Kapalakiko, ho hana maalahi wale no na ka Makaikiu ka hui ana ae me ke keena o ka -hui mokuahi, a mai la ia keena mai i loaa ai ka ike iaia ua holo mai o Banks i Honolulu nei malalo o ka inoa Davidson, maluna o ka moku- ahi Wilhelmina, o ka hoike koke ia mai no ia i ka oihana makai ma Honolulu nei, a hakali no a komo mai ka mokuahi Wilhelmina i ke awa ua pii koke aku la na makai iluna o ka moku mamua o ka pili ana aku i ka uwapo hoomalu mai. . Ie , Ma ka Poalima o ka pule aku la ai i hala ka hoea ana mai o ka Makai- kiu Worley maluna mai o ka moku- ahi Los Angeles me ka palapala hopu, na kii i paiiia o Banks ame na palapala e hooiaio ana i ko Banks man moolelo, no ka hopu a hoihoi ana aku iaia i Long Beach no kona hookolokoloia mai. Ko Worley Moolelo Ma ko ka Makaikiu Worley moo- lelo, i ka 17 o kona mau makahiki i komo aku ai oia me ka puali makai kaulio o Kanada, ia manawa oia ka makai opiopio loa iloko o ka puali i aponoia mai e na luna aupuni e lilo i makai. I ka 1919 i lilo ai oia he makai no Long Beach, a aole ka i piha ka makahiki ua lilo oia he luta- nela, a mai ia kulana kona pii ana mai ahiki i ka lilo ana i kapena. I ka 1922 ua lehulehu ku poe i hopuia e Worley no na bila dala apuka ma- mua o na makaikiu e ae maloko o Amerika, a ua haawiia mai iaia he mau makana no keia hana holopono ana i hana ai. Wahi ana, "he oi aku ka weli- weli o na hana karaima ma Kale- poni Hema i nei manawa mamua o na manawa e ae mamua aku nei." SHANGHAI, Nov. 17.— Ua hoea mai ianei ke Dr. Sun Yat Sem, ke poo o ke aupuni Canton maluna o ka mokuahi Shinyo Maru e holo ana i Tientsin no ka akoakoa ana aku ma ka ahakuka e malamaia ana e na Pake Kenerala.

He kii keia o na ie okolehao, na ipuhao puhi waiona, na omole o na ano like ole i piha a hapa piha i ka rama, i hopuhopuia ma ka Apaha o Makawao, ma Kula, Ma Paia, ame na wahi kokoke , ilaila i waihoia maloko o ka hale hookolokolo o Makawao, i pau na hihia i ka hookolokoloia a hoopaiia a i makaukau i na luna aupuni e noho koke ana, oia hoi o Linekona Holstein ka Agena o ke Aupuni Makua Kinai Waiona (ma ka aoao hema) ame ka Luna Makai o Makawao Frank Silva (ma ka aoao akau) e wawahi, ninini a kiola loa. He 109 kalani iloko o na omole i nininiia ma ka la i paiia ai o keia kii, a e hoike ana i ka makaukau hana o na luna aupuni e kinai i kaia mea ino iloko o keia apana o Maui.

PER
STRAUCH

Tell us what property you want
and we go scouting for you. We
are reliable and well informed and
we make money by saving money
for our clients.

9th Ave. Palolo lot 48X121 $20. down $10. per mo.

Coolidge St. Moiliili 80 ft. from
King St. lot 40X120 $50. down $20.,
per mo.,

Alohea Ave. Kaimuki lot 50X71 $20. down $10. per mo.

Frances St. Kapahulu, lot 50X100 $20. down $10. per mo.

Gulick Ave. Kalihi, lot 2893 sq. ft. new street, sewers, one block from King $25. down $15. per mo.

Democrat St. Kalihi, lot 50X100 close to beach and Pearl Harbor train stop $25. down $15. per mo.

Lots in all parts of town on terms.

Paulo Kalauka

P. E. R. STRAUCH

The Home Builder

75 S King St PHONE 1043


MAKE LOA HE BEPE I KE KAA OTO MALUNA O KE ALANUI O WAIPAHU He bepe Kepani 3 mahina, nona ka inoa o Kihue Sawata, ka i make loa a he eha poe e ao i eha ma ka po o ka Poaha o ka pule aku la i hala, ma ka manawa o ke kaa otomobile a lakou e kau ana i kahuli ai ma kahi kokoke naai i ka halekula ma Waipahu. O na inoa o ka poe e ae i eha oia o Kinjiro Sawata, ke kala- iwa, Mrs. Sawata, Haruno Kitara ame Motoki Shozo, o keia poe apau no na halo o ua Kanaka hana o ka mahiko o Waipahu ma Kunia. Mai Ewa aku ka holo ana o ke J kaa no Waipahu. I ka ike ana aku o Sawata, ke kalaiwa, i kekahi mau mea e helewawae ana maluna o ke alanui mamua aku a he kaa oto hoi ke holo mai ana, mamuli o ka ikaika o ka malamalama o na kukui o ka kaa o holo mai aua i hoolinolinoia ae i kona mau maka a hiki pono ole I iaia ke ike pono aku la mua o ke alanui, ua hoopaa iho la oia i ka I peleki o kona kaa i ole ai e hookui aku i "na mea e helewawae ana, a hoohuli ae la i ke kaa i ka hema, o ka manawa no ia i pakika aku ai I na huila o ke kaa no 65 kapuai ma- mua o ke kahuli ana o ke kaa, a o ke kumu hoi i loaa ai ka poino i ka poe i hoikeia ae la. AOHE I MAOPOPO KE KAKAU- OLELO A KA ELELE JARRETT Aohe inoa i aponoia no ke kulana kakauolelo na ka Elele William P. Jarrett ina ka noho ana o ka hala- wai a ke Komite Kuwaena Demo- kalaka ma ka Poalima o ka pule i hala aku la maloko o ke keena o ka Loio Charles M. Hite. He elua mau inoa i waihoia ae imua o ko komite na laua kekahi mau palapala noi, a na hooholo ke komite e hoihoi hou ae ia mau pala- pala i na mea na laua ia mau pala- pala noi. O ka palapala noi a Mrs. Maude Bomonti i hauwawaia ae ai oia aku ana ke kakauolelo a ka Elele	i ka ahaolelo lahui, ua hoouna polo- lei ia ae no ka i ka Elele Jarrett, a no ia kumu i hoike ae ai ke komite aole ia palapala noi i hele ae ma ke alahele pololei, no ia kumu aohe i noonooia e ke komite. O ka J. Walt- er Doyle palapala noi kekahi o ka waihoia ana ao mamua o ke komite i ikeia ka pololei ole o ka hanaia ana, oia hoi, aole i aponoia mai e na luna nui o ka mahele koho kahi i lilo ai o Doyle i lala no ia mahole koho. Ma ka Poakahi iho nei ka noho hou ana o ka halawai a ke komite maloko o ke keena o ka loio Hite no ka noonoo hou ana maluna o ke kumuhana o pili ana i ke kakauolelo a ka Elele Jarrett e kohoia aku ana Ua manaoia ma ia noho hou ana a ke komite e waiho ae ana na mea noi no ke kulana kakauolelo i ka laua mau palapala noi ma ke ano hookuponoio, a i kakooia mai hoi e na luna nui o ko laua mau mahele koho. HE KUAI HOOPOHO NUI O NA WAIWAI GULA E hoomaka ana ma keia la aku he nui na waiwai gula o na ano like ole, ke kuai hoopoho ia aku ana ma ka halekuai o na mea gula o ka Hui Hurd ame Pholmann ma ka helu 8, Alanui Moiwahine e kokoke ana i ke Alanui Nuuanu. O keia kuai hoopoho, he kuai hoo- poho ia i like me kekahi mau kuai o ia ano i ikeia i na wa ae nei i hala O na komo gula no lakou ke ana gula o 10-karat ana gula e loaa no ia i ka eha dala; 14 karat ana gula e loaa no i ka eiwa dala a o na komo o 1888-karat ana gula e loaa no i ka umikumamaono dala a oi iki aku paha, he kumukuai hoi e loaa ole ai i kekahi mau halekuai e ae. Ina eia oe ke manao nei e haawi makana Karisimaka i kekahi o kou mau hoaloha, aole he hana poho nau ka hele ana ae ma keia halekuai e nana ai i ka lakou mau waiwai a e hoohalikelike me ke kumukuai o kekahi mau halekuai gula e ae, a e	oaa koke no ka ike ia oe no ko emi maoli o na meakuai o keia mau wai- wai. He nui na waiwai e kuai hoo- poho ia aku ana elike me ka lakou hoolaha e puka aku nei ma kekahi wahi o keia pepa. HE HOOMAIKAI O. maua o na mea no laua na inoa malalo iho nei, ma keia, ke haawi aku nei i ka maua mau hoomaikai ana he nui na hoaloha ame na maka- maka no na hana aloha he nui i paneeia mai ame na makana pua he nui i haawiia mai iloko o ko maua mau hora o ke kaumaha. O maua iho no, MR. Ame MBS. HENRY KAIPO KA ITAMU O NA HANA POOLA O KA UWAPO I ka Nupepa Kuokoa; Anoai kaua: —Ma ka Poaha i hala aku nei i paa ae ai kekahi o na kanaka hana o ka uwapo i ka hopuia, no ka limanui ana i na huaai oloko o ka moku, me ka ike no i ka hoolaha e papa ana, aole e kolohe i na ukana maluna o ka moku, a ma ka uwapo, pilikia nae i ka hoolohe ole. Ma ka Poalima ana ae, ohi mai la na hora hana o kela ame keia, owau pu kekahi ma ia mahele, ma- nao ke ola no kahi puu i'a pipii o ka makeke. Nui ka mahalo i na luna hana ame ko lakou mau hope. O ka 'u wale no e kauleo aku nei i ko'u mau hoa hana o ka uwapo, mai hoao e kolohe i na ukana maluna o ka moku, a maluna o ka uwapo, o lalau mai aua- nei na lima o ke kanawai; aka e lawelawe i na hana me ka hoopono, mau ai ka paa ana i ka manu i loaa i ka lima, a i mau aikela olelo i kaulana i na keiki poola apau, aia ke ola i ka ihu o ka moku, he dala loaa mau i na pule apau. Owau iho no me ka mahalo, JOHN KAMAI Keawe St., Kakaako.

HE HOOMAIKAI

I ke kahu, na lala o ke Kula Sabati ame ka Ahahui C. E., na hoahanau apau o ka ekalesia o Mauna o Giona, Kalaoa, Kona Akau, Hawaii, ke haawi aku nei au i ko'u mahalo nui ame ke aloha ia oukou apau no ka oukou hoalohaloha uo ka'u kane aloha i hala, Mr D. K. Komomua

Owau iho no me ka haahaa,

MBS. D. K. KOMOMUA