| | | | | | | | | | Everete, me ka nana mai i ka helehelena o Gelade me ke kahaha loa iloko ona no ka makemake kuhihewa ana o ka wahine opio maluna o ke kanaka he kiko eleele kekahi maluna o kona inoa. "Aohe o'u hilahila, aohe no he inoa hilahila e kau aku ana maluna ona, i lohe pono oe; no ka hanauna mua aku la no ia hilahila; o ka'u e hoahewa aku oia ke kanaka nana i hoowalewale a hoohihia ia Ane Dela; maluna o ke kanaka nana i hoolilo ia Ane Dela i mea hihia ko'u konakona loa, oia hookahi wale no ke kanaka e hoowahawaha ia, a e hooino aku ana wau iaia e like me ia a'u e hoino aku ai i ke kanaka hana karaima ino loa maloko o keia kulanakauhale." Ua piha loa o Everete i ka huhu ia manawa. He mea ehaeha nona ka lohe ana mai i na ano huaolelo e like me keia, no kona ike iaia iho o kona ano maoli no ia ; ua loaa pono mai la oia, i ka poka a ka Naniwa. "Aka nae, o keia kanaka a'u i hoike aku nei ia oe nana i kaili ia Ane Dela i Nu Mekiko he keonimana oiaio oia, me ka nana ole ae i kela eepa ana i hana ai," wahi a Everete. "He keonimana?" He huaolelo keia i hoopukaia ae e Gelade me ka malie loa, aka nae, o ka manao konakona iloko ona no ia kanaka a lilo i mea hoonaka ae la i kona kino, ua hiki ole ke hoohalikeia ae, a ua lilo hoi i mea no ke kanaka opio e kulou iho ai. "E Miss Hunatere, e hoomanao oe i keia, aole loa oe e mare aku ana i keia kanaka opio inoa ole a i loaa hoi ma ke ano i kue i ke kanawai, a he keiki hoi na na mea i mare ole." wahi a Everete. Huli mai la o Gelade e nana iaia me ka haikea loa o kona helehelena, o kona mau maka nae ua like ka hulili me he mau lapalapaahi la, a i mai la: "Ua hoonauluulu loa mai la oe ia'u, e Everete. Ua kamailio mai nei oe i kekahi mau olelo ino i ke kanaka i oi aku kona maikai he haneri manawa mamua ou. Ina ua paluaia ka hapalaia ana o kona inoa mamua o ka hewa a kekahi mau mea e aku, i hana ai aole e lilo ana ia i mea hoohaahaa i ka inoa ame ka hanohano o ke kanaka a'u i aloha ai ; a'u i ALOHA ai. " E lilo ana i la haaheo loa no'u a iloko hoi o ko'u mau la o ke ola ana, ka la a'u e mare aku ai ia Geofere Dela Hunatere, me ko'u nana ole ae i na hailuku a pau au i huai mai nei nona i keia po : Ae, ina no e hoao ana oe e hana aku i kekahi haua hoopuhili i ko maua mare ana, a e kukalaia aku ia maluna o na kaupaku o na hale a pau o keia kulanakauhale." Iloko o keia piha inaina o Gelade ame keia hoopuka ana aku la ona i keia mau olelo kupaa luli ole, a e hoike aku ana hoi 4 kona haaheo loa e lilo aku i wahine na Geofere, ua ikeia aku ko Everete hilahila ma kona helehelena, me ka hoike pu mai i kona hoka ame kona hoohaahaaia. Ia manawa i hemo mai ai ke pani o ka puka mahope aku o laua a komo ana no o Geofere iloko o ka pahu. Mokuna XXXVII. HE HANA HOOWELIWELI ME KEKAHI KOMOLIMAMARE O ka manao mua iloko o Gelade i kona manawa i ike aku ai i kana aloha i ke komo ana mai, oia kona ku ana ae a hele aku e hui me Geofere a hoike aku i na olelo a pau a Everete Mepelasona i hoike mai ai iaia e pili ana nona, a e kauoha mai ia Everete e hookaawale iaia mai loko aku o ka pahu. Eia nae, mahope o kona noonoo hou ana iho, me he mea la ua hoike ae la kona lunaikehala iaia he hana naauao ole ia ana e hana ai, o ka hopena e ala mai ana he hakaka mawaena o na kanaka opio, a he wahi kupono ole loa hoi ia e hanaia ai ia hana oiai ka lehulehu e nana mai ana; a aole pono e ala mai he hoopaapaa mawaena o na kanaka elua, a malia he oi ae ka maikai ole e hoikeia aku ia mea ia Geofere aia me Everete ia manawa kekahi palapala e hoike ana i kona (Geofere) Hanau ana. Ua ike oia aole e maha ana ko Geofere noonoo ahiki i kona kaili ana mai ia palapala mai a Everete naai, a oia haiia ma kona manao iho, aole e hiki ana e hanaia me ke ala ole o na manao inaina a he hakaka paha ka hope. Me keia manao kaohi iho la oia ia hana hooulu hakaka iloko ona, uhi mai la i kona koloka a paa kona mau poohiwi no ka huna ana i ka hapai pu o kona hanu, ku ae la, a me ka helehelena minoka, oia no nae ka haikea o ka helehelena, hele mai Ia imua e hui me kana aloha, mahope o kona hooikaika ana e hoomalu iaia iho, ma ka uumi ana i kona inaina. "Ua hoea mai ka oe, e Geofere; ke hauoli nei au i kou hiki koke ana mai la. E ike ae oe i kou hoakula, Mr. Mepelasona," wahi a Gelade, a hoonee aku la i kona noho a mamao ahiki i ke kaa ana mahope o ka uhi weleweka e lewalewa iho ana, a hookuene pono iho la i loaa ko Geofere wahi e noho iho ai mawaena ona ame Everete. Huli ae la o Geofere e nana ia Everete a haawi ae la i kona aloha me ke ohaoha ame ka minoka, a ma ko Everete aoao nae he puanuanu loa kana aloha o ka haawi ana ae, me ke ano paweo. O ko Everete ano mau aohe ona hoike mai i kona hoohaahaa iaia iho malalo o kekahi mea me he mea la he kanaka opio kiekie a hanohano loa oia, i kona manawa imua o ko Geofere alo, a ua lilo iho la keia ano ohaoha ole mai o Everete i mea na Geofere e noonoo iho ai oia mau no ka ka manao hoomauhala iloko o kona hoakula mua iloko o ke kula nui, nona. Iloko o ko Gelade hooikaika e huna i kekahi manao ehaeha iloko ona ua hiki loa no nae ia Geofere ke ike aku he hewa kiekie loa kekahi i hanaia au nona, a ma a Geofere mea o ke koho ana iho, ua pololei no nae kana koho ana, o Everete ke kumu o ke anoe ana o ka helehelena o kana aloha. Hoonoho iho la oia ia Gelade maluna o kona noho, a noho iho la no hoi oia maluna o ka noho e ku ana mawaena o Everete ame Gelade, oia ka manawa a Mr. Lorina ame ke kaikamahine o ka'u hoi ana mai, a nonoho like iho la lakou a pau me ka oluolu loa ma ke koena aku o na hana hoikeike o ia ahiahi. Ua haawi o Everete i kona nooono ame kona manawa ma ke kamailio pu ana me Miss Ade Lorina, a he olu loa hoi ia, me ka ike ole ia aku nae iloko o Miss Lorina, no ka mea, aia iloko o na ka makemake ia Everete ia manawa, a ua hauoli loa iho la no hoi oia no ka loaa ana o kona hoakamailio ; no Mr. Lorina «a haawi oia i kona noonoo maluna o na mea e hoikeikeia mai ana, nolaila, ua kaawale loa o Geofere ame Gelade, me ka loaa he manawa maikai loa no laua e kamailio iho ai inawaena o laua. "E, e Gelade kuu aloha, heaha ka mea nana i hoanoe i kou helehelena, no ka mea, ia'u e nana aku nei, me he mea la he mea ano nui a i ole kaumaha loa kekahi iloko o kou noonoo aole hoi pela kou helehelena mamua aku nei?" me kona kulou ana aku a kokoke loa ia Gelade, no ka mea ua hoohuoi oia he mea hoopilikia kekahi aia iloko o ka noonoo o kana wahine hoopalau. Kaomi malie mai la ko Gelade lima i ko Geofere lima malalo o kona koloka a hawanawana mai la: "Mahope hoike aku au ia oe, aole i nei manawa, o ka'u wale no e hoike aku ia oe ua hauoli iho la wau eia oe maanei me a'u i nei manawa ;" alaila leha mai la kana nana ana ia Everete oiai ke kanaka opio e kakahele loa ana i ke kamailio me Ade Lorina. Ia Gelade i leha ae ai ia Everete ua hahai pu ae la ko Geofere mau maka, a i ka maopopo ana ia Geofere no Everete ke kumu o ke anoe ana o ko Gelade noonoo, e like me ka hoike ma kona helehelena, pupuka ae la ko Geofere lae, a pane iho Ia: "Ua hoao mai anei oia e hoowalewale ia oe?" wahi ana me ka leo koikoi. "Hamau 1" i papa iho ai o Gelade; "ua. pau aku la ia; aole eia e aa hou e pahele mai i kuu noonoo." Ua ike mai ia oia hookahi wale no huaolelo a Geofere e | kauoha aku ai iaia no ka hana hoakaka ana mai, no ka mea a
kona hoapaio i kamailio aku ai iaia, a ke makau wale la no oia
on ke ala o kekahi hakaka ke nui ae na opio ma kekahi wahi,
no ia kumu oia i hooholo ai i kona manao aole e hoike mai ia
Geofere i na mea oiaio a pau a Everete o ke kamailio ana
aku iaia e pili ana i kona mau makua, ahiki mahope aku o ko
aua mare ana; malia ia laua e holo ana ma ka moana, kahi
hiki ole ia Geofere ke hui aku me Everete ahiki i ka maalili
ana o kona huhu, ia manawa paha oia e hoike aku ai a hoike
ole aku no paha.
Ua hooikaika iho la o Gelade e hoonalonalo i na manao
paiolua e hana aria iloko ona ma o kona nana mau ana aku i na
mea e hoikeikeia mai ana, me kona minoaka mau, a i kela ame
keia minuke ke makemake mau la oia e pau mai na mea hoike-
ike o ia po ae hoi koke aku lakou i mea e hoomamaia ae na
manao ehaeha iloko ona.
Aohe i loihi loa ma ia hope iho ua pau mai la na hoikeike
ana a he mea hauoli no hoi ia la nona ma ka manawa a lakou
i haalele iho ai i ka pahu, kahi a lakou o ka noho ana.
Ia lakou i hoi aku ai o Everete Mepelasona ko Ade Lorina
hoa o ka hele pu ana mai ka hale hoikeike kii aku, aka i ko
lakou hoea ana aku i ke alanui kauaoao ua piha ia wahi i na
kanaka, nolaila ua ku iki iho la lakou maluna o ke alanuipii
ahiki i ke kaawale ana aku o ka ahakanaka mamua o ka hiki
ana ia lakou ke hele aku a kahi o ke kaalio e ku mai ana.
Ma keia ku ana iho a lakou ua hooikaika mau o Everete e
pili mau aku oia ma ka aoao o Gelade, no kona makemake e
nana aku ia Gelade me kekahi nanaina huhu mamua o ke kaa-
wale ana.
Mai kela manawa mai a laua o ke kamailio pu ana, mai ia
manawa mai ka haalele ole o kona mau maka ia Gelade, a ua
lilo ko Gelade hoike mau ae i kona makemake ame ke aloha
ia Geofere i mea hoopupule i kona noonoo.
Ua oi aku ko Gelade ui mamua o ka mea hiki ia Everete
ke hoohalike aku me kekahi wahine ui okoa ma ko Gelade
manawa i huli mai a paio me ia iloko o kona manawa i piha
ai me ka inaina, me ka kupale mau no ka pono o kana kane
hoopalau i hiki ole aku ia manawa, me ka paio mai no kona
hoouluku ana aku iaia a piha loa oia i ka inaina.
Aohe ana manawa i ike ai ia Gelade i ka piena e like me
kela manawa a laua o ka papaleo pu ana, a iloko o ia manawa
a laua o ka paio ana aohe manawa a Everete i ike aku i ko
Gelade ui e like me ia, me kona hoike mai i kona manao ku-
paa mahope o kana mea i aloha ai, a iaia nae i hiki ole iho ai
ke uumi i kona huhu me ka nele i ka mana e hookomo aku i
kekahi manao aloha iloko o ka wahine opio nona, koe wale
no o na olelo konakona a hoowahawaha iaia.
"Heaha la ke kumu o ka lilo ana o kela kaikamahine iaia
(Geofere) ?" i ninau iho o Everete iaia iho, iaia e nana aku ana
i ko Geofere helehelena a kulana kanaka ui a i kulana hoi ia
manawa i ka mea ana i makemake ai e lilo nana; "aohe ona
inoa e haawi iho ai i kela wahine opio, no ka mea he kanaka
opio pooole oia, aohe maopopo o kona makuakane nana mai
oia, oiai nae, no'u iho he hooilina wau no ka waiwai o Mepe-
lasona, a no na pomaikai palua hoi e ili mai ana maluna o'u
i kekahi la, a malia pakolu no paha, ina aole oia i ike nawai
la oia, a eia nae, owau hoi o ka mea waiwai ua hoowahawahaia,
a i kela kanaka ilihune aku la ka hoi oia e lilo ai.
"No'u iho aole au e hoopau ana i ka'u hana ahiki i ko laua
hookaawaleia ana, ina no i nei manawa ia. Ua lehulehu loa na
manawa a kela kanaka opio i kaalo ae ai mamua o ko'u ala-
hele. Aole au i huikala aku iaia no kela hana eha ana ana ia'u
mamua, aole no hoi au e huikala aku ana iaia no kona lilo ana
i mea hoopuhili i ka'u papahana i hoolala ai, i mea no Gelade
e lilo mai ai na'u.
O keia ae la na mea lapuwale a pau iloko o kona waihona
noonoo oiai oia e ku ana ma kahi kokoke aku ma ka aoao o
Gelade, oiai o Gelade ma e kakali ana o ka hoea mai o ko Mr.
Lorina ma kaa, me a ulu mau no o ka manao kepolo iloko
ona e kamailio hou aku no ia Gelade nu na mea no ana i ka-
mailio mua aku ai ia Gelade mamua a i ulu ai ko Gelade huhu.
"E Miss Hunatere," wahi a ua o Everete i hawanawana aku
ai, oiai ua kokoke loa aku oia ma kahi o ka pepeiao o Gelade,
e hiki ole mai ai nae i kekahi mea ke lohe mai ia hawanawana
ana aku ana, no ka nui o ka hauwalaau o na kanaka e hoopuni
mai ana ia lakou, "me ke kanalua ole au e olelo aku ua lohe oe
i kela olelo kahiko," He lehulehu na kapeke ana mawaena o ke
kiaha ame ka lehelehe .
"Aohe i hoomaopopo mai o Gelade i kana mau mea o ke
kamailio ana aku, o ka leha wale ana mai no e nana iaia. Ia
minuke ua like o Gelade me kekahi kii kalaiia ka mumule me
ke kuli a lohe ole i na mea a pau e hamumu mai ana a pun
oia, no ka mea, aole he hoike ma kona helehelena e ikeia aku
ai ua lohe pono aku oia i na huaolelo i kamailioia aku la iaia
Aka nae, no Everete ua maopopo iaia ko Gelade lohe pono
kana mau huaolelo a pau.
No keia nana a hoomaopopo ole mai o Gelade i kana mau mea
o ke kamailio ana aku la ua paluaia iho ka wela iloko ona, a
olelo iho la : "Mahope oe ike.
"Manao anei oe e nana wale aku ana no au a ike aku i ke
kahi kanaka e lawe ana ia oe, a he kanaka no hoi oia i haahaa
loa iho kona kulana-malalo o ko'u?
Aole loa wau e hoopau wale ana i ka'u hooikaika ana ahiki
i kou lilo ana mai na'u ! "wahi a Everete i hoohiki paa iho ai.
I ka lohe pono ana aku o Gelade i keia mau olelo huli mai la
oia e nana me na maka oluolu a minoaka, he minoaka i aneane
loa ai o Everete e hoopupuleia, ua like me ka malamalama o ka
Ia i tele mai la mai ka hau mai, a hoohulili ae la i kona mau
maka, me ke kokolo ae la o ka maeele iloko o kona puuwai.
"O ka manawa no keia mua aku aohe ia i pili i keia hihia, e
Mr. Mepelasona, i pane pakike mai ai o Gelade, me ka leo e
hoike mai ana i kona piha loa i ke konakona, a ma ke ano o
kana paa ana i ka Uma o kana aloha me he mea la e hoike mao
popo loa mai ana "Ua lilo wau i nei manawa I"
Aki iho la ko Everete mau kui no ka piha loa i ka inaina.
"E kali, "wahi a Everete i hawanawana hou aku ai, he moo
lelo kupanaha ke hoikeia mai ana ma ka la kanakolu o keia
mahina, ka la olua e hoohuia ae ai; no na mea e hanaia aku
ana, ke hoike e aku nei au ia oe e makaala loa."
Aohe hoomaopopo mai o Gelade i nei mau olelo hooweli-
weli aku la a Everete, o ka hoomaka ana keia e hoike okoa ae
iaia iho, alakai aku la o Mr. Lorina ia lakou ahiki i ka hoea
ana aku i kahi o ke kaalio, a mahope o ke kokua ana mai ona
i na opio a pau i ke kau iluna o ke kaa, oia ka hope loa i ee ae
a hoi nui aku la i ka hale.
I ka hiki nui ana aku i ka hale a hoike aku la o Gelade iaia
i na olelo a Everete ua piha loa, o Geofere i ka huhu no ko
Everete hoike hou ana aku i kona aloha ia Gelade, no ka mea
ua hooholo o Gelade o keia wale no na mea e hoikeia aku ia
Geofere no ke kumu o ke anoe ana o kona helehelena maloko
o ka halemele, a me ka hana nui oia i nonoi ae ai ia Geofere
e uumi i ka inaina, oiai o Geofere e makemake loa ana ia ma
nawa e hele aku e huli i kona enemi a e nonoi aku iaia e Koa
kaka mai i ke kumu o kona hoonauluulu ana ia Gelade a e no
aku iaia e mihi mai no ia hana keonimana ole ana ana.
"O ka mea i hanaia o ka wa i hala hoopoina wale aku ia
mai imi hana aku oe e ala mai ai na pilikia ma nei hope aku,
"wahi a Gelade o ka papa ana iho.
"Eia hoi paha aneane loa oe e lilo i wahinemare na'u a pene
iho la nae ke la palaualelo e hele mai ai e hokai ia oe, he hana-
hooanoe mai kela ana ia'u a ia oe pu, "wahi a Geofere o ka pane
ana mai.
(Aole i pau) | | | | | | | | | | | | | | | HE HOOMANAO ALOHA NO KO
MAKOU MAHA HELELOA, MRS.
JENNIE HAAHEO M. AKAWA. UA
HALA A UA NALO AKU LA Mr. Solomon Hanohano, Lunahoo-
ponopono o ka hiwahiwa a ka lahui,
a o ka ahailono hoi o kihi eha o na
paemoku o ka Pakipika, ka Nupepa
Kuokoa: — E oluolu mai oe i kau-
wahi rumi kaawale, no keia puole
luuluu, e kau ae la maluna, i ike mai
ai na kini makamaka o ko makou
mama aloha i niau palanehe aku la
ke ala hoi ole mai.
Ma ka hora 9:30 p. m. o ka la
Sabati, Okatoba 26, A. D. 1924, i
niau palanehe a nalo aku la, i ke ala
hoi ole mai, me he ao la i maalo ae
a nalo aku la, ko makou mama aloha,
Mrs. Jennie Haaheo M. Akawa, a
haalele iho la ia makou ka ohana, i
hooneleia i ka mama aloha wale!
Ua hanauia ko makou mama aloha
ma Waiahole, Koolaupoka, Oahu, i
ka A. D. 1878, mai ka puhaka mai o
Mrs. Louisa Napulou Haaheo, ame
Haaheo kona papa, a ua hoohuiia
oia ma ka berita maemae o ka mare,
e ka Rev. James Davis, ma ka eka-
lesia o Waikane, Koolaupoko, Oahu,
i ka la 22 o Iune A. D. 1892, me ko
makou pupa aloha Moses Akawa, a
ma ko laua noho mare ana, ua loaa
mai na hua o ko laua mau puhaka, Mrs. Jennie H. Akawa ke elima mau kaikamahine ame ekolu
mau keikikane, a ua hala mua aku
no ma ke alahele a ko makou mama
aloha i niau aku la, he elua mau
keikikane, a koe iho makou na kaiki-
mahine elima ame ko makou pokii
kane hookahi, e u aku nona ma keia
ao, aloha wale!
He makuahine oluolu, heahea
piha lokomaikai, a he nohona hai-
pule oiaio kona iloko o Kristo Iesu
a hala wale aku la no.
He hoahanau oiaio oia no ka eka-
lesia o Waikane, Koolaupoko , Oahu ,
e lawelawe ana i ka hana a ka Haku
me ke kunukunu ole, aloha wale!
I ka malama o Maraki o ka A. D.
1920, ua hoi aku oia, me ko makou
papa aloha a nohopaa ma Kaluaaha,
Molokai, a komo aku la ma ke ano
hoapaahana no ka ekalesia o Ka-
luaaha, Molokai, e kuoe mau ana i
na hana hooikaika no ka pono uhane,
i kela ame keia Sabati, a ua pili
aloha mau aku oia, me ia ekalesia,
a na ka nawaliwali o kona ola kino
i hoemi mai i kona ikaika hana, a
nalowale kona mau maka i ka ikeia
ana maloko o ia ekalesia.
He hoapaahana oia no ia ekalesia
o Kaluaaha, he lala no ke Kula
Sabati ame ka Ahahui Hooikaika
no na Hana Kristiano, a hala wale
aku la no, aloha wale!
Ua kuu aku la ko makou mama
aloha, ua pau kona luhi ame kana
hana ma keia ao, a ua hooponopono
mua oia i home nona mao, a u
make aku la ko makou mama aloha, | iloko o ka haipule, imua o Kristo
Iesu.
Ke hoomaikai ae nei makou i ka
Makua Lani, nana no hana a Nana
no i lawe aku, a ke pule nei makou
Iaia, a i Kona inoa lokomaikai, e
hookipa oluolu aku i ka uhane o ko
makou mama aloha, iloko o Kona
Paredaiso nani ma-o.
Ke hooki nei makou me aa wai
maka o ke aloha makua, me oe i
ka Lunahooponopono, Mr. Solomon
Hanohano ko makou welina pau ole.
O makou iho no ka ohana, ka ma-
kuakane i hooneleia i ka wahine ame
na keiki i hooneleia i ka makuahine
MOSESE AKAWA, SR.,
MBS. EDITH KUAMOO HAAS-
ENRITTA, .
MRS. JOSEPHINE NUA KALE-
OPAA,
MRS. MARAEA KEAU KAA-
PUNI,
MAS. MOSES AKAWA, JR.,
LOUISA NAPULOU KEKOANUI,
MISS CECILIA MOKUOHAI
AKAWA. HE WEHI NO HAALILO Kaulana mai nei Haalilio,
Ka elele lanakila a o Hawaii.
A he hiwahiwa oe na ke kupuna,
A he milimili hoi na ka lahui.
Ua kohoia oe me ka lokahi,
E ou mau kini makaainana
Kulia imua me ka wiwo ole,
No ka pono kaulike o Hawali.
Kupaa i ka pono o ka aina,
Na ka mana Kahikolu e kokua mai.
O ka rula kaulike kou moto ia,
No ka ili puakea ili ulaula.
Lei hanohano oe i ka ilima,
Ka wehi o ka Ua Kukalahale.
O ke anuenue kou alahele,
Ka hokuloa no kou alakai.
Ike i ka nani o Wakinekona,
Ke kahua hookele o ke aupuni.
Ilaila na kilo na loea,
Noii i ka pono a o Hawaii.
O oe ka elele ola Hawaii,
Puuwai oluolu leo nahenahe.
Hea aku makou o mai oe,
O Haalilio no kou inoa.
Hainaia mai ana ka puana, I
Ka elele lanakila a o Hawaii.
Hakuia e GEO. W. KEOHA MAU-
LIOLA,
Kalihiwai, Kilauea, Kauai. KOMOIA KEKAHI HALE E KA |
PIKO PAU IOLE Ma ka po o ka Poalua o ka pule
aku nei i hala, i komo aihueia ae ai
ka home o Mateo Peralda, ma ke
alanui Vinia, e ka piko pau iole, a
lilo aku he mau waiwai lehulehu,
mailoko aku o kela home, me ka paa
ole o ka mea aihue i ka hopuia.
Ua lawelaweia kela hana aihue,
me ka palamimo loa, i ka manawa
e nanea ana ka ona o kela home, i
ka hiamoe kulipolipo.
I kulike ai me na mea i hoikeia
ae i ka oihana makai, e Mateo Per-
alda, iaia ka o ka hoi ana e hiamoe
maloko o kona home, aole oia i pani
i ka puka a paa, aka ua hoohamama
no oia ,aka iaia nae i ala ae ai ma
ke kakahiaka o kekahi la mai, o
kana mea i ike, o ia no ka lilo ana
o kona mau paalole i ka aihueia,
pela me kona mau paa kamaa, ame
kekahi mau waiwai e ae.
Mawaho ae o na paa lole elua, ame
na paa kamaa elua, i lilo i ka aihue-
ia, ua lilo pu kana uwaki, hookahi
ohe, he gita ame hookahi meapaikii.
Ua hoakaka ae kela mea i ke ano
o kona mau paalole i auhueia, pela
hoi me na ano apau a kekahi mau
waiwai e ae, a ua kaa aku iloko o na
Uma o ka oihana makai, ka hookolo
ana mahope o ka meheu o ka mea
aihue. | | | | | | | | | |