Ka Nupepa Kuokoa, Volume LXIII, Number 50, 11 December 1924 — Page 2

ELUA NUPEPA KUOKOA. HONOLULU, T. H., POAHA. DEKEMABA 11, 1924.


MAKE HE KAKIANA I PA HUIA E KA PAUDA Mamuli o ke pahu mua ana ae o ka pauda i hoomakaukauia no ka hoopahu ana i kekahi wahi i muu- muu ai na lima a weluwelu ke kino ame ke poo o ke Kakiana Bary T. Pickard ma ke kahua o na mokuea ma Puuloa ae nei, ma ke kakahiaka o ka Poakolu o ka pule aku la i hala, a me ia kulana i laweia mai ai oia no ka halema'i ma Kahauiki a mamua iki iho o ke awakea o ia la i lele loa ae ai kona hanu Ma ka moolelo, e kokua ana ka oia i ka hoomaemae ana i ke kahua o ua mokuea kahi e kuu iho ai a e hookomo aku ana ka i kekahi mau auka pauda malalo o kekahi mau pohaku, oia koke no ka manawa i pahu ae ai, a o keia iho la kona ho- pena. He kakiana opiopio ka kela nona na makahiki he 24, a mai ka 1918 mai kona komo ana ae a hana me ka oihana kaua. He kanaka aka- mai ka oia i ka hooponopono ana i ka mikini o ka mokuea a oia ke poo o kekahi poe ioa o ka mokuea lawe poka pahu Martin. 0 kona pilikoko pili kokoke loa oia o Mrs. A. L. Picard aia ma Lexington, Karolina Akau, U. S. A. MA KA POAKAHI NEI KA HOO- MAKAIA ANA E HOOKOLOKOLO IA ULUIHI Ma ka hora 9 o ke kakahiaka Poa- kahi nei ka hoomakaia ana e hooko- lokolo ka hihia o Jessie Uluihi, ka lunanana poo mua o ka oihana wai o Honolulu, a hoa hoi o ka ahaolelo ma ke kau i hala maloko o ka halo o na lunamakaainana, mamua o ka papa kiure a ka Lunakanawai James J. Banks no ka hewa ona i hoopiiia ae ai e ka papa kiure kiekie o ke teritore he lawe i ke dala kipe mai kekahi Kepani aka no ka mita ana wai. Ma ke kakahiaka o ka Poaha aku la i hala ka wae ana o ke Kakau- olelo William Hoopai i na kiure a mailoko mai o 26 poe no ka noho ana ma ke ano he mau hoa no ke kiure no 30 la e hiki mai ana, ua hookuuia ka papa kiure mua a ua kauia no nae na inoa ma ka papai- noa o ka poe hana mahope iho o ka pau ana o ka hihia o Mansbridge. 0 keia malalo nei na inoa o ka poe a mailoko ae o ia heluna e wae- ia ai ka papa kiure. Robert Clarke, Charles Butzkie, Otto Smith, B. H. Chung Hoon, Squire William, Smith, William Jones, Frank Mello Jr., Walter G Like, William Henry Knox, Harry O'Neill, William H. Stone, F. W Gehring, Donald L. Ross, Joseph Ka- zum Araki, P. J. K. Fern, B. S Johnson, E, G. Camines, Eli J. Craw ford, K. 0. Kalu, C. H. Jorgensen B. H. Szabary, Claus Arp, Sam So lomon, D. B. Silva, R. C. T. Chum Albert K. Stender.	HOIKE OKOA I KE KANAKA NANA KA OKOLEHAO Mahope o ka paa ana ae o Mrs. Ushi Inamine iloko o ka halepaahao no elua po, ka wahine Kepani i ho- puia ai ma ke alanui Ololiolu, a i hoopai paahaoia ai ma ka Poakolu o ku pule aku la i hala eono mahina e uoho ai i ka halepaahao me ka uku pu $400, uo ke kue i na kanawai hoo- kapu waiona, ma ka Poalima mai ka hoike ana ao i na luna aupuni federala i ka inoa o ke kauaka na- na ka okolehao ana o ka huna ana, a ua manaoia o ua kanaka la keka- hi o na mea paahana a kekahi hui kuai waiona nui e hoohanaia nei maloko o keia mokupuni. Ma ke kakahiaka o ka Poalima aku la i hala i paa ae ai i ka ho- puia ke Kepani nana ka okolehao a Mrs. Inamine i kuai ai nona ka inoa o Nabe Ihao, a ma Kailua kona wahi i hono ai no ka hewa puhi okolehao mamuli o ka hoike ana ae a Mr. Ina- mine i na luna aupuni. Mahope koke iho no o kona paa, ana ae i ka hopuia, ua laweia ae oia mamua o ka lunakanawai fede- rala William T. Rawlins, a ma ka manawa ona i ninauia, mai ai ua ae ae oia i kona hewa. O Mr. Chilling- worth kona loio o ke koho ana, ma- muli o ka Chilling worth noi e hoo- panee ka aha i ke kau ana mai i ka hoopai maluna o Ihao pela i hoo- paneeia mai ai a ka auwina o ka Poaono mai. Ma ka mea i hoomao- popoia he elua mau Kepani hou aku e paaia mai nei e na makia e ka- kali ana a maopopo ae ka hopena o ka ninaninau ana no kekahi hui hana a kaai waiona nui. Ma ka oleloia na Ihao ka okole* hao i hoolako mai a na Mrs. Ina- mine e kuai a e hookauliilii aku i ka waiona ma o a maanei o ke kulana* kauhale. Ua hooiaio pu ia ae no hoi ma ka manawa i hoopaiia ai o Inamine no ka hewa kuai waiona $1000 mamua, na Ihao no i uku ae i ka hoopai ona a ina paha he hoopai daty wale no ko Mrs. Inamine i keia mauawa hope iho la ona i hopuia ai, ina ua ukuia ao no ia hoopai dala ona e Ihao. Ua lono ka i loaa mai i Hono- lulu nei mai Maui mai, » ka hoo- lala ana o na Pilipino limahana o ka mahiko o Lahaina, e hoala hou i kekahi olohani ma keia mua iho, malalo o na alakai hou. NA MARE. George Lokrok ia Carrie Luahine, Nov. 27. Samuel H. Hittle ia Keahi Yum, Nov. 29. Herbert Simpson ia Julia Spreen, Nov. 30. James F. Whet man ia Edna Lu Skinner, Dec. 3.	HE $426,057.15 KA HUINA NUI I HOIKEIA AE E NA PAAHANA Me kela hoikeia ana ae he $426,- 057.15 i loaa i na paahana United Welfare no keia makahiki, ma ko awakea o ka Poalima e ka pule aku la i hala, oia hoi he $425,000 i make makeia no ke kokua ana aku i na halema'i, na home a pela aku, he iwakalua-kumamakolu ka huina nui, o ka pau ana iho la ia o ka hana huli dala no keia makahiki. Iloko o na la eha wale no ka hooi- kaika ana a na paahana o ka Unit- ed Welfare no keia huina dala mako- lukolu ahiki i ka pau ana, ma ka manawa o na paahana a pau i hoihoi ae ai i ka lakou mau hoike a hooulu- uluia na mea i loaa i kela ame keia, i ikeia ai ua loaa keia huina ae la, ke huina i kanalua ia ka loaa, eia nae, ua oi aka mamua o ka huina nui i makemakeia no na hoolilo o na home ame na halema'i a pela aku, no ka makahiki e nee mai ana. Mai na apana kuaaina mai, elike me ka hoike a James A. Bath, ke kakauolelo o ka United Welfare he $11,250, o ka huina a ka poe i hoo- paneeia ku haawi ana ae oia hoi he $9100 me ia mau hina i oi aku ai malua o ka $425,000. I ke kulanakauhale iho nei ka Makai Nui William H. Rice o Kauai, a ma ke ahiahi o ka Poakahi nei i huli hoi aku ai oia no ka Moku- puni Kaili La. NA HANAU. Na Mr. ame Mrs. Yum Palakiko, he keikikane, Nov. 29. Na Mr. ame Mrs. J. Kamakele, he keikikane, Nov. 29 Na Mr. ame Mrs. Sam Paalua, ha kaikamahine, Dee. 1. Na Mr. ame Mrs. John Tavares, he kaikamahine, Dec. 2. Na Mr. ame Mrs. Benjamin Weeks he keikikane, Dec. 3. Na Mr. ame Mrs. M. Gonsalves, he kaikamahine, Dec. 4. Na Mr. ame Mrs. Moses Haia, he keikikane, Dec. 4. Na Mr. ame Mrs. Edward G. Kaimi, he kaikamahine, Dec. 4. Na Mr. ame Mrs. George Pala- kiko, he kaikamahine. Dec. 6. NA MAKE. Elizabeth Blalock, ma ka Home Leahi, Dec. 3. John Kaaihue ma ka Home Le- ahi, Dec. 4. John Paele, ma ka halema'i Pu- pule, Dec. 4. Kekiolano Kahalewai, ma ka ha- lema'i Moiwahine, Dec. 4. Rose Solomon, me ke alanui Re- pubalika, Dec. 5. James L. Duchalsky, ma ke ala- nui Moi, Dec. 7. Angelo Mokulehua. Villega, ma ke alanui Kulika, Dec. 8.


	KA HOOLAA LUAKINI O KEA- NAE, MAUI E Mr. Lunahooponopono o ka Nu- pepa Kuokoa, ka nene aukai o ka Moana Pakipika: — E oluolu hoi oe, R hookipa aloha aku i na meahou o ka hoolaa luakini o Keanae, Maui, e malamaia ana ma ka la 13 o De- kemaba, 1924. Ua hooponopono hou ia keia lua- kini kahiko , aole nae i maopopo ka manawa i hanaia ai keia luakini, ame ke kamana aana i kukulu, oiai aole he moolelo i ikeia iloko o ka ekalesia, mai ka noho ana mai o na kahu ame na haiolelo, ahiki i ka wa i noho mai ai o D. W. Kawaha- mae i haiolelo no keia ekalesia, a lilo ae ka hooponopono ana o ke ki- hapai i ka Rev. S. K. Kapu. Ia manawa i noho mai ka Rev. S. K. Kaailua i kahu, mai Nov. 28, 3 «97, ahiki wale no i keia wa. Ma ka hooponopono hou ia ana, ua hoo- holo loa ia e hooko aku elike me ia manao. Ua waihoia aku keia hana ma ka lima o kekahi lala o ke ko- mite kukulu luakini, hale kahu ame na hale halawai, o ka mahele o Mani Hikina, oia o John Plunkett, a ma ka hapa mua o ka 1923, i hapaiia ai na hana iloko o ka eka- lesia, no ka imi ana i ke dala e pau ai keia pilikia. Ma ka hapa mua o keia A. D. 1924 ahiki iho la i ka mahina o Okatoba, o keia makahiki, ua pau na hemahema, Nolaila e hoolaaia ana keia lua- kini ma ka la 13 o keia mahina, a e hoea mai ana ka akena o na moku- puni o Maui i huiia, Rev. E. E. Pleasant, ame ka lunahoomalu o ka aha mokupuni o Maui, Molokai ame Lanai, Rev. L. B. Kaumeheiwa. M» ke ahiahi o ia la no, e weheia ana he ahamele nui e na Kula Saba- ti o na mahele 2 o Maui Hikina ame na papa malihini e ae, e hiki mai ana. Ma ke Sabati ae, e malamaia ai ka hoike hui o na Kula Sabati o na mahele i hoikeia ae la maluna, o ia na Kula Sabati o Kaupo, Kipahulu, Hana, Nahiku, Keanae ame Wahine- poe. Ma ke ahiahi Sabati, o Dekemaba 21 e malamaia ai ke Karisimaka no na keiki. Aole o ka hana kukulu luakini wale no ka hana i lawelaweia, aka o nai hale e ao kekahi no ka hoo- ponopono hou ana, i mea e pau ai na hemahema, a ke ikeia nei ia i keia la. Ma ke ano nui o na mea i hanaia, aia he ikaika iloko o ka ekalesia ma- ka imi ana i na hana e loaa ai ke dala iloko ponoi iho o ka ekalesia. Me ka mahalo i ka lunahoopono- pono ame na keiki oniu hua kepau o ka papapa'i ko'u welina. MBS. JOHN K. NAEOLE, Kakauolelo o ka Ekalesia, Kula Sabati ame C. E. o Keanae. Keanae, Maui, Dekemaba 5, 1924.	HAAWI KA HALEWILI O HAWI I KEKAHI MAU EKA I KAHUA NO NA MOKUEA E hoakaka ana kekahi lono o ka loaa ana ae i ka Advertiser no ka hookaawale ana ae o John H. Hind, ka luna nui o ka Halewili ame ka Hui Mahiko O Hawi, i kekahi apana aneane he umi eka aina no kekahi kahua no na mokuea e kuu iho ai ma Kohala, ma kekahi wahi ma kekahi aoao mai o ka halenoho o John H. Hind. Ma ka Poakolu o ka pule aku la i hala he ekolu ka mau mokuea i hoea aku i ka paka o ka aina hanai holoholona o Parker ma Waimea, a mamuli o ka lokomaikai o Mr. Cart- er ua hoounaia mai la ia mau moku- ea i Hawi, Kohala, a ma ka hora 3 o ka auwina la ka hoea ana mai a hoomaka ka nana ana i na kahu elua i manaoia ai i kahua no ka wae ana i kahi kupono, a mahope o ka nana ana i waeia ai ke kahua i ma- kemakeia. O kela wahi i waeia mai la e na aliikoa o ka oihana lele i ka lewa o kahi mua loa ana ia e kuu iho ai o na mokuea mahope o ka haalele ana iho ia Maui, a ua lilo ka ka loaa ana o kela kahua i mea hoomaha ae i na manao pihoihoi o na kanaka e lele ana maluna o na mokuea, ma- hope o ko lakou lelo ana maluna mai o ke kai 6 Alenuihaha ke kowa mawaena o na mokupuni. O ke gas- oline ka ame na mea hemahema e ae apau e pili ana i na mokuea ua hiki ke loaa mai i na mokuea a pau, oiai aohe ka he mamao Ioa mai ka hale hoahu ukana a mai ke keena hana mai. £ lilo ana kela kahua i wahi hooiaio no ka loaa koke aku o na ekeleka ma na wahi apuni ka mokupuni, ma ka manawa e hoomakaia aku ai ka lawe ana i na ekeleka ma ka lewa ma nei mua aku. O na eka i haawiia mai la e ka Hawi Mill & Plantation he aina maikai i paa i ke ko, aka no keia hana nae, ua lilo mai la i kahua hoolulu no na moku- ea. HE AHAMELE ME HULAHULA. Maloko o ka Halehui Phoenix, ma ka hora ehiku o ka po o ka Poaono, ka la 20 o keia mahina, e haawi ae ana o Adam Kealakai, kekahi o na keiki makapo, he ahamele me hulahula. E kokuaia mai ana na hana aha- mele o kela po, e ka Lei Awapuhi Glee Club, a na ke kalapu hookani pila a na keiki makapo, e hoonana ae ana i na mele no ka hulahula. He ekolu mau makana e haawiia mai ana ma kela po, i ka poe e leaa ana na helu laki ma na tikiki. r '•- makana mua, he puaa mo 'a; ka makana elua, he moa i mo 'a, a o ka makana, ekolu, he umi-kumama- lua laulau. 0 ka hoopii a ka U. S, Shipping Board e ku-e ana i ka Pacific Gu- ano & Fertilizer Co., ua hoopau wale ia e ka aha federala ma ka Poakahi nei.

O MRS MARY ROBINS

KEIA ME JOHN NASH

ELIMA MAKAHIKI KA HOOPA'I
HAAHAA NO ONEHA.

Maloko o ka aha a ka Lunakanawai Kaapuni James J. Banks, ma ka Poaono aku la i hala, i kauia mai ai ka hoopa'i maluna o Samuel K. Oneha, e noho oia maloko o ka

halepaahao, mai ka elima makahiki ka haahaaa a i ka umi makahiki

ke kiekie no ka hewa lawe i na dala oloko o ka oihana wai.

O Mr. Oneha, ka ekolu o na kakauolelo oloko o ke keena o ka oihana wai i ahewaia, a i hoopa'iia mai la ma kela Poaono, malalo o ka hewa hookahi.

Mamua o ke kauia ana mai o ka hoopa'i maluna o Samuel Oneha, ua waiho aku kona loio S. C. Huber he noi i ka aha, no ka hoolohe hou ia o ka hihia, ua hooleia mai nae

kela noi, a ninau mai la ke kahu o ka aha, i ka mea i hoopiiia, ina

paha he mau hoakaka kekahi ma

kona aoao, i wahi e kau ole ia mai ai ka hoopa'i maluna ona.

Ua hoole o Oneha no kona pili i ka hewa, elike me ke kumu hoopii e ku-e ana iaia, aole nae ia he kumu e kau ole mai ai ka aha i ka hoopa'i, aka ua hoakaka mai la ka lunakanawai i ka i ana mai:

"Ua hoolohe au me ke akahele loa i na oleloike ma keia hihia, a ua kulike loa ko'u manao, me ka olelo hooholo a na kiure. Ua mao-

popo Ioa ma ka oleloike ka pili o ka hewa ia oe. Aole he like ole o keia hihia me ka hihia o Pahu ame Awana. Ua ku-e maoli ia no ka hilinai o ka lehulehu. He hewa ko'iko'i loa keia." Ua hoohalahala ka loio o Oneha

i kela hoopa'i ame ka olelo hooholo, a oiai e kakali ana no ka hooloheia o ka hihia imua o ka aha

kiekie, ua hookuuia o Oneha e hele lanakila malalo o ka bona o elima kaukani dala.

HE PAINA LA HANAU.

Ma ka home o Mr. George Makalena, ke kupunakane, ma ke alanui V •' '••/.. Kaimuki, Helu 3838, e ma lamaia ae ana he paina la hanau piha makahiki, no kekahi o kana mau moopuna, ma ka Poaono, ka la 20 o keia mahina, e hoomaka ana ma ka hapalua o ka hora ekahi o ka auwina la.

Ha na mea i hoikeia mai i keia keena, he nui na meaai e hoomakaukauia aku ana no kela paina, a ua hoounaia aku na palapala kono, i na hoaloha ame na makamaka, no ka hoea ae ma ia paina

O na meaai apau i kamaaina i na ahaaina luau a na Hawaii, ke hoolakoia ana no kela paina, a e nui pu ana na laulau puaa e hoolakoia, aole no na pakaukau wale no, aka no ka poe e puua ana i ko kauhale poe.

KAPAEIA O GIBSON E MURRAY
MAI KA HANA AKU

Mamuli o na kumuhoopii i hooiaioia ae no ke komoia ana o ka hokele a Gibson e ku nei ma ke kihi o na alanui Alakea ame Beritania e hopu no ka malamaia o ka hana piliwaiwai maloko o ia hale i kapaeia aku ai o C. K. Gibson, ka hope komisina o ka halekukeawa iaia ka hana o ka hoouna ana i na ukana mailoko aku o ke keena hana o ka Lunakukeawa nui Harry Murray.

Ma ka manawa i komoia ai ka hokele a Gibson e hopu aohe i lawa na olelo ike e kupono ai ke kapae ana aku ia Gibson, wahi a Harry Murray o ka hoike aua ae, aka ma-hope mai ua loaa ae iaia kekahi mau ike i lilo ai hoi ia mau ike i kumu no Gibson e hapaeia aku ai mai ka hana aku no 90 la.

He elima la i haawiia aku ia Gib-son e hoomakaukau ai oia no kekahi pane no na kumuhoopii a mahope aku o ia manawa e hoounaia aku ai ia pane ana i Wakinekona.

NA HIHIA MALOKO O KA AHA
HOOKOLOKOLO.

No ka lilo ana i kahu malama waiwai no Kazuo Kaneko, he keiki oo ole, o Ume Kaneko, ka makuahine, ka i hookohuia aku e ka Lunakanawai John R. Desha malalo o $1000 bona. He inisua o $1000 ka i komo pu iloko o ka waiwai.

Maloko o ka aha hookolokolo a ka Lunakanawai Andrade i kauia mai ai ka bona o Wayne Pflueger, ka lunahooponopono o ka waiwai o John Wayne Pflueger i make, ma ka $7500.

No ka hookaa ole o ka mea i hoopiiia i kona aie ua haawi mai ka Lunakanawai J. O'Brien i ka pono o ka olelo hooholo ma ka aoao o Charles H. Hite, ka mea hoopii, e ku-e ana ia K. Yamamoto, ka mea hoopiiia.

He $200 me na koina o ka aha ka hoopa'i a ka Lunakanawai Federala Rawlins o ke kau ana mai maluna o Kama Shima no ke ku-e i na kanawai hookapu waiona.

Aponoia ka hoike moohelu waiwai hope a ka Lunakanawai Phillip L. Weaver, ke kahu malama waiwai o ka waiwai o Domingo Cambrai. ke kauaka pupule i hooiaioia ae ai, e ka Lunakanawai Andrade ma ka Poakahi nei.


	Maloko o keia kii, e ikeia ana o Brother John Nash, i ike mau ia e ko Honolulu nei poe, he haole hele- wale o na wawae aohe kaniaa, he haole ha'i euanelio, i hoolilo i na kihi alanui, i mau wahi e haiolelo ai imua o ka lehulehu, ame Mrs. Mary Keliiaukaiokaahumanu Robins, ka mea nana i hoololi i ka manao o keia haole, ahiki i kona ao ana mai, e komo i na kamaa ma kona mau wawae, a i na lole hoi, elike me na kanaka o ae. Ma ka moolelo e pili ana i keia haole ha'i euanelio, ua lona mai kela oihana iaia, i kona manawa e noho ana iloko o ka oihana koa, a n6 kona manaoia na opulepule oia, ua hoopaaia maloko o ka hale pu- pule, eia nae ua hookuuia mahope mai. Ua mare oia i kana wahine, a he ekolu a laua mau keiki, aia keka- hi keiki iloko o ka oihana koa i keia manawa, a he elua mau keiki maloko o na kula e hoonaauaoia nei. HOOHAKALIAIA KE KIPAKU ANA I NA PILIPINO. Ma ka huakai aku nei a ke Ko- misina Aina Aupuni Charles T. Bai- ley no Kauai, no ke kipaku ana i na Pilipino limahana olohani, mai- luna aku o ka aina aupuni ma Kapaa, no ka pelapela, a kupono ole i na Pilipino ke hoomau aku i ka noho ana malaila, aole ia i ho- lopono, me ka huli hoi ana mai o Mr. Bailey uo Honolulu nei, no ke kukakuka pu ana me na luna oiha- na kiekie o ke Teritore, mamua, o ka hooko maoli ana aku i ka liana kipaku i kela poe Pilipino. Ma ka hoakaka a ke Komisina Bailey, aole o ke kipaku wale no i kela poe Pilipino mai ko lakou ka- hua hoomoana aku ma Kapaa, ka ninau nui, aka o ke ano e kaawale aku ai kela poe Pilipino, me ka ili ole aku o na ko 'iko 'i o ka mala- ma ana ia lakou maluna o ka lehu- lehu. Wahi ana, ina ka e kipakuia aku ana kela poe Pilipino e ku a hele mai kahi a lakou e noho nei, e ku ana lakou a hele, me ka uoho ana ma kekahi mau aina okoa aku o ke aupuni, a i ole ma na alanui paha, ma keia ano, ke ku mai la no ke- kahi mau pilikia mamua. O ka Makai Nui W. H. K ice o Kauai, kekahi i ukali pu mai me ke Komisina Bailey, no ke ake e maopopo pono, kana mau mea e hana aku ai, e pili ana i kela poe Pilipino. Aole ka he hookololohe maoli no ko kela poo Pilipino e noho ma- luna o ka aina, o ke aupuni i ma- kemakeia aku "ai lakou e haalele iho, aka ua makemake lakou, e mao- popo mua ko lekau wahi e hoi aku ai a noho. No ko lakou hoi hou e noho liana me na mahiko, ua hoole loa ae kela mau Pilipino, no ko lakou make- make ole e noho hana hou me na mahiko, aia wale no a aeia mai ka lakou koi, no ka hoomahuahua hou ia ae o ko lakou ukuhana. Ma ka aoao hoi o na mahiko, aole ka o lakou makemake e hoo- kipa hou aku i kela poe Pilipino no ke kumu, aole kela he mau li. mahana makaala i na hana o na mahiko. Hookahi no hana maopopo loa, ke kipakuia kela poe Pilipino, o ia ka hoopii ana ia lakou, no ka hewa ae'ahaukae, o ka pilikia nae, aole i	Iaia i hoea mai ai no Honolulu nei, ua nui ka poe i koi aku iaia e koino i na lole ame na kamaa, aole nae ona ae iki, pela no i ke koi mai a ko Amerika poo, aka ia Mrs. Mary K. Robins wale no oia i ae ai, a komo i na lole i keia ma-nawa. Wahi a Mrs, Robins maloko o ka luakini o Kawaiahao i halawai ai oia me Brother John Nash, a koi iaia e hoi no kona home, ma ka hale ipukukui o Ue awa ae nei, a ilaila i hoike ae ai keia haole i kona moolelo, pela no hoi o Mrs. Robins i hoike aku ai i kona moolelo, o ia kona paio ana me na kahului he nui, ua hoopihaia keia haiole me ke kahaha, a iloko o na hui kamailio. ana, i ae ai oia e hoopau i kela ano kahiko o kona ola ana, a komo i ka '-le elike me na kanaka e ae. O Mrs. Robins ka mea nana i kukulu ae i kekahi ahahui ma ka inoa ka Na'i Aupuni, he ahahui no na Hawaii, a o keia haole kekahi e kokua ana iaia ma kela hana. E WEHEIA AKU ANA HE MAU APANA AINA NO KE KUAI Mahope iho o na kukakuka ana no ka makahiki hookahi ae nei i hala, i hoea mai ai i ka lilo ana ma ke kuai, o ka aina pili kahakai o Harold K. I. Castle ma Koolau, no ka huina o hookahi haneri me ka- nakolu kaukani dala, i ke Town and Country Homes, Ltd., a ma keia mua aku, e maheleheleia ai kela aina, iloko o na apana, no ka hoo- lilo ana aku i ka lehulehu, i mau home pili kahakai no lakou, ma na kuaaina. O kela aina o Castle i lilo aku la ma ke kuai, he 197.41 eka ka nui, a nona ka inoa o Mokuhia, e pili kokoke aku la i ka aina o Lanikai, i onaia e ka hui, nana i kuai mai la i keia aina hou. Oiai he hookahi ona o kela mau aina apau e pili la i ke kahakai, ma keia hopo aku, e kapaia ana hookahi inoa o kela mau wahi apau, o ia o Lanikai. He 49 ka nui o na apana ma ka aina mua i onaia e kela hui, a ma ka lilo ana mai la o ka aina o Castle, e loaa ana he 39 mau apana aina hou, no ka waihoia aku imua o ka lehulehu, ma ke kuai. I wahi nae e holopono loa ai ka noho ana ma kela mau aina, ua hoolalaia kekahi manao, no ka hoala ana i hui, no ka imi ana i na ala- hele e hoea aku ai ka wai kuahiwi iluna o kela mau aina. Mamua nae o ka wehe ana aku i kela mau apana aina no ke kuai, e imi ana ka hui i kuleana i kela mau aina i keia manawa, i na ala- hele apau e hanaia aku ai na ala- nui, no ka lehulehu e hele ai, me ka maalahi. lawa ka halepaahao no lakou e uoho O ka hana nui a kela poe Pili pino o Kapaa, i wahi e loaa ai ka lakou mau meaai, o ia no ka hele ana e noi, i na kokua, mai ka poe e aloha aku ana ia lakou, ka la wai'a no hoi, me ka ohi. ana i na limu o kahakai ame ua launahele uliuli. Ua hoakaka pu ae no hoi ke Ko- misina Bailey, no ke kau mau o na manaolana o kela mau Pilipino maluna o Pablo Manlapit, ke alakai olohani, no ka haawi ana aku i na kokua, i wahi e loaa ai kekahi wahi kupono no lakou e noho ai, malalo o ka hoolimalima.