Ka Nupepa Kuokoa, Volume LXIII, Number 50, 11 December 1924 — KOMOIA HE MAU HALE E KA POE PIKO PAU IOLE Lawelaweia na Hana Aihue i ka Manawa e Ai ana ka Poe no Lakou na Home i Aihueia Nui na Dala i Lilo [ARTICLE]

KOMOIA HE MAU HALE E KA POE PIKO PAU IOLE

Lawelaweia na Hana Aihue i ka Manawa e Ai ana ka Poe no Lakou na Home i Aihueia Nui na Dala i Lilo

Eia ke holopapa mai nei na hana aihue iloko o keia mau la, ma kekahī mau trahi, me ka huna ana o ka poe no lakou na home i komo aihueia, a hoolimalima okoa i mau makaikiu malalo o ko lakou mau lilo, a hoike okoa ae no hoi kekahi poe i ke akea, no ka aihueia aua o ko lakou mau wahi. O kahi hope loa nae o ke komo aīhue ia ana ka i hoike"ia ae i ke akea, a ma na mea i hoomaopopoia. no ke ano o ka lawelaweia ana 0 ka aihu& aole ia na ka poe holo Ea, aka na ka poe i hele a lehia ma kela hana he aihue, a i hoomakakiu hoi i na liale i makemakeia ana, kiu hoi i na hale i makemakeia e aihue no kekahi manavra loihi. O'keia wahi hope o ka aihue ana, nt ka hale no ia e ku nei ma ke alanui Moi, ma ka aoao Waikiki o k® alanui Alapai, mawaena o ku hora ehiku ame ewalu o ka po o ka Poalua iho nei. He umi-kumamahiku ka nui o na rumi maloko o kela hale i komo aihue ia e ka poe piko pau iole, ina ka manawa e akoakoa ana ka poa no lakou kela mau rumi maluna o ke pakaukau aina, me kela ahiahi. Oiai kela poe e nanea ana i ka •i, o ka manawa ia a ka poe aihue 1 komo ai me ka palamimo ioa maloko o ko lakou mau xumi me ka liuli ana ialoko o na pahuume, a lawe i na lako gula, ame na eke dala, 0 na dala maoli i lilo i ka po» aihu®, i koomaopopoia aia ma-

"waena o ke kanahiku ame ka haneri dala. He hookahi wahine maloko o kela hale i hui pu ole mai me ka nui ae o na malihini, maluna o ke pakaukau aina ma kela ahiahi, no kona ma'i, maloko no oia o kona rumi kahi i noho ai, o ka mea apiki nae, aole i komoia kela rumi e aihue, me he mea la, ua loaa mua ka ike i'ka poa aihue, he kanaka koloko o kela rumi, pela i komo ole ia ai. Aole i lohe iki ia kekahi nakeke, e ka poe e ai ana, pela no hoi ka lohe ole niai o ka wahine ma'i i ka nakeke o kekahi mea, aka o kekahi o na kauwa lawelavre ka mea i lohe i ka hae o ka ilio, ua hoopaaia nae kela ilio i ke kauia, me ka hiki ole ke holo mai e nahu, i ka poe komohewa. Ma ka manawa i hōomaopopoia ai, mahope mai, ke komo aihue ia ana o kelā mau rumi, ua hoomaka koke ka huli ana no ka poe aihue, o na eke dala nae ka i loaa aku mawaho o ka hale, ua kiolaia, mahope iho o ka laweia ana o na dala ol^ko. Ma ka po o ka Poakahi aku, ua komo aihue ia ae he hale mauka. aku o ka Ema Kuea, e ka poe aihue, ma ka manawa no ' e akoakoa ana ka poe o kela hale maluna o ke pakaukau aina, mawaena o ka hora eono ame ehiku o ke ahiahi, a ma kahi o ke kanawalu a i ka hookahi haneri dala i lilo. Mavraho ae nei hoi o Waikiki, ma ka po o ke $abati aku, i komo aihue ia ae ai ka home o Afrs. Kauffman. a lilo he iwakalua dala.