Ka Nupepa Kuokoa, Volume LXIII, Number 50, 11 December 1924 — ELIMA MAKAHIKI KA HOOPA'I HAAHAA NO ONEHA. [ARTICLE]

ELIMA MAKAHIKI KA HOOPA'I HAAHAA NO ONEHA.

& - Maloko o ka aha a ka Lunakanawai Kaapuni Jair.es J. Banks, ma ka Poaono aku la i hala, i kauia mai ai ka hoopa'i maluna o Samucl K. Oneha, e noho oia maloko o ka halepaahao, mai ka elima makahiki ka haahaaa a i ka umi makahiki ke kiekie no ka hewa v lawe i na dala oloko o ka oihana wai. O Mr. Oneha, ka ekolu o na kakauolelo oloko o ke keena o ka oihana wai i ahewaia, a i lioopa'ii* eiai la ma kela Poaono, malalo o ka hewa hookahi. Mamua o ke kauia ana mai o ka hoopa'i maluna 'o Samuel Oneha, ua waiho aku kona loio S. C. Huber he noi i ka aha, no ka hoolohe hou ia o ka hihia, ua hooleia mai nae kela noi, a ninau mai la kahu 0 ka aha, i ka mea i hoopiiia, ina paha he mau hoakaka kekahi ma kona aoao, i wahi e kau ole ia mai ai ka hoopa'i maluna ona. Ua hoole o Oneha no kona pili 1 ka hewa, elike me ke komu hoopii e ku-e ana nae ia he kumu e kau ole mai ai ka aha i ka hoopa'i, aka ua hoakaka mai la ka lunakanawai i ka i ana mai: "Ua hoolohe au me ke akahele loa i na oleloike ma keia hihia, a ua kulike loa ko'u manao, me ka olelo hooholo a na kiure. Ua maopopo loa ma ka oleloike kn pili o ka hewa ia oe. Aole he like ole 0 keia hihia me ka hiliia o Pahu ame Awana. »Ua ku-e maoli ia no ka hilinai oka lehulehu. He hewa ko'iko'i loa keia." Ua hoohalahala ka loio o Oneha 1 kela hoopta'i ame ka olelo hoo* j liolo, a oiai e kakali ana no ka hoo- | k heia o ka hihia imua o ka aha kiekie, ua hookuuia o Oneha e hele lanakila malalo o ka bona o elimu kaukani dala.