Ka Nupepa Kuokoa, Volume LXIII, Number 50, 11 December 1924 — HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino. [ARTICLE]

HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino.

*Ma na mea e pili ana ia'u ame Kaloke, aole loa kela kaikamahine he kaikaina no'u ma ke koko i Mrs. Kaina." "E hoole mai ana hoi oe i keaha I He kaikaina oia nou, no ka mea he hookahi o olua makuakane a ma ko olua mau makuahine ke kaawale. He keu aku maoli keia a ka mea maikai ole! "O ka makuahine o kela kaikamahine, o ke kaikuahine ponoi no ia o ka'u kane, nolaila ina ua kipakuia oia mai keia home aku, alaila ua makaukau loa au e lawe mai iaia malalo o ko'u malu. E oluolu ana anei oe e Miss Rudena e hoike mai i kahi e noho nei o kela kaikamahine, i loaa aku ai oia ia'u ke huli aku. "O keia kekahi o. na hana ku i ka lokoino, a'u ole ai mamua 1 Ina ua paee wale no olua no kekahi mau kumu liilii, he hana kohu ole loa nau ke kipaku ana aku iaia e hele no kahi okoa e noho ai." "Auhea oe e Mrs. Kaina, hookahi kumu o kou hoopuka anā mai i kena mau olelo ahewa maluna o'u, rto kou maopopo ole i na mea oiaio. Ina he kaikaina i'o kela kaikamahine no'u, a i ole he pili paha oia ia'u ma kfe koko, aole no au e kipaku aku iaia. I ka manawa o kekahi kaikamahine i noho malalo o ka lokomaikai o Kenerala Rudena no na makahiki he umi-kuma-maono ae nei i hala, i ku-e mai ai i ke kaikamahine a ua kanaka la, me kona ike no, ua hala aku kuu makuakane no kahi mamao; malaila iho la pau na hana lokomaikai, hookahi wale no hana pono, o ka fiaawi ana aku i kekah» haawina a'o nona e ike iho ai, i ka mea kupono ana e hana ai ma kona aoao. "Ina i makemake oe e Mrs. Kaina e ike i ka mea oiaio ea, alaila ke hoike aku nei au imua ona, aole o Kaloke he kaikamahine ponoi na Kenerala Rudena, he kaikamahine inoa ole oia, a ma ka manao aloha wale no, i lawe mai ai kutf makuakane a malama iaia." "Aole anei kela he kaikamahine ponoi na Kenerala Rudena?" wahi a Mrs. Kaina me kona hoike okoa ana aku i kona ano pihoihoi. "He kaikamahine anei oia i hookamaia e Kenerala Rudena?" "Aole oia i hookamaia, he oki loa no ma na ano apau," wahi a Mine me kona manao e hoinoino mai ia Kaloke ma na ano apau e hoihoi ole aku ai o Mrs. Kaina iaia, no ka mea ke ike mai la ua o Mine, aia iloko o keia wahine ka manao makee no ke kaikamahine ana i kipaku aku ai. "O kela kaikamahine au e kuhihewa mai nei, he wahi lihi kuleana iki kekahi o Kenerala Rudena iaia, Uoloko oia a ka hale o na keiki makua ole i laweia mai ai, no ke pani ana ma ka makalua o Kaloke Rudena oiāio, i make mahope koke iho 0 kona hanauia ana mai, he umi-kumamaono ae nei makahiki 1 haīa." , "Mailoko mai anei o ka hale o na keiki makuaole, i laweia mai ai kela kaikamahine e Kenerala Rudena?" i kamailio aku ai o Mrs. Kaina me ka hooiia ana ae o kona ano pihoihoi, ka mea nana i haawi aku i ka ike ia Mine, no kona kuhihewa, he keu no la kona hoao ana mai e hoinoino ia Kaloke, he kumu ia e komo ai ka manao hookae a hoowahawaha iloko o Mrs. Kaina no Kaloke, eia kai o ka oi loa aku ia o ke pioloke o ua wahine nei, ahiki i ka hoopuka okoa ana ae o Mrs.~ Kaina i keia mau olelo: "O e kuu Akua! O ka helehelena, o ka helehelena no ia o kuu Idalia, ina o keia ke kaikamahine a kuu Idalia, he keu aku a ka mea hauoli! He oiaio he umi-kumamaoiio makahiki i hala ae nei, elike me ka moolelo i paa maloko o ka hale o na keiki makua ole, ma ka po o ka la 1 o Feberuari, i laweW aku ai kana bebe mailoko mai o kela hale. E hiki ana anei ia oe e Miss Rudena ke hoike mai ia'u, i ka inoa o ka mea nana kela bebe i lawe mai ka hale mii o na keiki makua ole? "Na kekahi kauka anei, i make mahope mai, nona ka inoa 0 Kauka Keoni Kamekona?" "Aole he mea i maopopo ia'U, u wahi a Mine, me ka makaala ana i ke ano o kana mau pane imua o kela wahine. "O ka papa wale no i kamailio mai ai ia'u oia ponoi no ka i hele noloko o ka hale o na keiki makua ole, e nana ai i. kekahi bebe, a i ke kakahiaka ana ae o kekahi la mai, hoouna aku la oia i kekahi o na wahine Paele kauwa e hoihoi mai i ka bebe. Oiai o oe kekahi i lohe i na mea a papa i kamailio mai ai, nau e hoakaka pono ae na mea oiaio, malia ua kuhihewa aku nei ka'u mau mea i kamailio aku la," me ka huli ana ae o Mine imua o Matado. Me he anapa ana la na ka uwila, komo koke iho la ka manao hoohuoi iloko o Mrs. Kaina, ua pololei na olelo a ke kauwa Paele i kamailio mua mai ai iaia no Pilipo Kuaina, aia kela kanalea maloko o ke keena hookipa; nolaila iaia ekaana ana 1 kona noonoo, ike iho la oia, ua pololei ke kauwa, a o keia kajiaka ana i kamaaina ai ma ka inoa o Mr. Dugale, ua hoea aku oia no kela home ma. ka inoa o Pilipo Kuaina. No ke kokua ana mai hoi i na hoakaka a Mine no kahi i laweia mai ai o Kaloke a hanaiia e Kenerala Rudena, ua kuu mai la o Matado i kana palu, me kona noonoo ole nae, ke eoho aku la o Mrs. Kaina me na manao hoohuoi nona ,me ka hoike ole aku nae o kela wahine i kekahi nanaina maikai ole iloko ona no kela mau mea, aka ninau aku la nae oia: *0 kela wahine Pafcle ana i lawe mai i ka bebe imua o Kenerala Rudena, ke ola mai nei no anei oia?" "Ua make kela wahine he mau makahiki ae nei i hala, o Kenerala Rudena ponoi no ka mea naha i hoike' mai ia'u i keia mea, iaia e hoakaka mai ana i ke ano o ka lilo ana mai o Kaloke he kaikamahine nana/' wahi a Matado. r "Ke ike aku nei au i kou piha pihoihoi loa e Mrs. Kaina nO kahi i 'loaa mai si o kela kaikamahine, ua loaa anei ia oe kekāhi mau ike e pili ana i kona mau makua oiaio?" "Aole a'u mea i maopopo, ahiki i ko'u halawai kino ana me kela kaikamahine, a noke aku i ka niele iaia, no kekahi mau mea ana i hoomaopopo, e pili ana iaia iho mai ia Kenerala &udena aku," i pane aku ai o Mrs. Kaina ma ke ano hoolalau, no ka mea aole ona makemake e pane pololei aku, o loaa auanei ka ike i kela mau mea, a imi mai i kekahi mau hana hoopilikia ia Kaloke. "I ka wa hea i haalele mai ai kela kaikamahine i keia home e Miss Rudena?" Ma ka po nei oia i haalele mai ai i keia Kale. Ma ke awakea 0 nehinei, i haalele iho ai kuu makuakane me Mr. Kuaina ma ka laua huakai no kahi mamao, a mahope hoi o ka pau_ana o ka aina ahiahi, i ala ae ai he pee manawa o'u ame Kaloke, a he hookahi hora mahope mA i ku ai oia hele mai keia home aku." "Pehea he wahi manao anei kekahi iolko ou, no kona wahi 1 hele aku ai, i hiki ai ia'u ke hele aku e ike iaia?" *'Ke manao nei au, he hana pohihihi k>a nau ka huli āna aku i kela kaikamahine, no ka mea ua hoopalauia oia no ka mare aku i ke kane nonā ka o Kamika, ma kekahi wahi maloko o ke kulanakauhale o Nu Ioka; liolaila i wahi nona e pilikia ole ai ma kona alahele, ua hoolako aku au iaia me kekahi httina dala mahuahua, a o Mr. Dugale nei, ka i ukali pu aku me ia ahiki i ke kaaahi, a nu ka hora umi o ka po nei, i kau ai ois

! maluna o ke kaaahi e holo ana no ka Akau." "Ua maopopo loa anei ia oe e Mr. Dugale, ua kau aku kela kaikamahine maluna o ke kaaahi i ka po nei?" i "O ka mea.oiaio loa ia elike me ka Mine i hoike aku la ia oe. I Ua noho pu au me Kaloke ma ka hale hoolulu ahiki i ke ku ana mai o ke kaaahi, nolaila, ina he makemake nui kou e ike i kela kaikamahine, o Nu loka no kahi e loaa aku ai ia oe, me ka nui no nae o ka hana." "E hoomaka koke aku ana au i ka huli £na iaia i keia manawa, me ka hakalia ole, no ka mea aia no ke kaa nana au i lawe mai nei no keia wahi, ke kakali mai la ia'u mawaho, ma kela kaa no au e kau aku ai, a holo pololei aku no ka hale hoolulu, ilaila au e kakali ai ahiki i ka'hoea ana mai o kekahi kaaahi e holo pololei ana no Nu loka. "Ua lawa keia nanea ana o kakou, o ke aloha kakahiaka no kou e Mr. Dugala, pela h<?i ia oe e Miss Rudena, a ke haawi aku nei au i ko'u mahalo nui ia olua a elua, no na mea a olua i hoakaka mai nei," wahi a Mrs. Kaina me kona ku ana ae iluna, a hele mai la no kahi o ka puka. * Ua ukali pu aku la o Matado ia Mra. Kaina ahiki 1 ka puka, alila iho loa aku Ia ka wahine malihini, no kahi o kona kaa e ku mai ana, a kau aku la .iluna, me ka ana ana mai o kona lima ia Matado, o ka huli aku ia no ia 0 na lio, na ke kalaiwaka hana. *'Ke paa loa nei kuu manao, aia kekahi hana epa me ka imihala, i lawelaweia maloko o kela home, a o kela wahine ame kela na mea na laua i hoolala i na hana kolohe," i namunamu wale iho ai no o Mrs. Kainā iaia iho. \"He keu aku kela a na mea hoopunipuni ino Ioa! No ka manawa i aneane e piha ka hora hookahi, ko'u ike ana ia Kaloke e hele ana ma ke alanui, eia nae ma ka laua kamailio mai nei, ua hala aku kela kaikamahine ma ke kaaahi o ka hora umi 0 ka po nei no Nu loka. "Ma ka'u koho aku, ua piha maoli kela mau mea me ke kolohe, a ma ke ano o ka laua mau oleo i kamailio mai nei, ua hiki loa ia'u ke koho aku, aole o laua hoihoi i ko'u noho mai ma keia wahi, aka e kaawale loa aku au ma kahi mamao, a & ko laua kumu o ka hoihoi ole, ua pili aku no ia no Kenerala Rudena no Pilipo Kuaina, a no Kaloke Rudena. Oiai ke kaa e holo la ma ke alanui, aia wale no ko Mrs. Kaina mau maka o ke kaa kahi i nana ai, e ake ana oia o ka ike aku i kekahi mea, aole nae ona ike iki, ahiki i ka hoea ana aku o ke kaa, ma kekahi wahi uakee o ke alanui, ia wa i kahea aku ai oia i ke kalaiwa e hoopaa mai i ka holo o kona mau lio. "E haawi no au ia oe he bila o elima dala e Mr. Kalaiwa, no ka pau wale o kou manawa ma ke kakali ana mau wahi apau e makemake ai, a mamua o ko'u hookuu ana aku ia oe, e loaa hou no he elima dala mai ia'u, ma ke ano makana. Ke makemake nei au, e kahea aku oe i kela wahine Paele e hilihili mai la i na moena pale wawae e hele mai, he mau mea ka'u i makemake ai e ninau aku iaia." No kela elima <dala, aohe mea a ke kalaiwa e hoole mai ai, aka hoopaa iho la oia i ka holo o kona mau lio, me ka haawi ana aku i kekahi hoailono i ka wahine Paele e hele mai no kahi o ke kaa, a iloko o ka manawa pokole, hoea mai la ua kauwa nei, a o ia ka Mrs. Kaina o ka pne ana aku: "Auhea oe e kuu hoaloha niaikai, ma ke ano o kau hana a'u 1 ike aku nei, me he mea la, he kauwa lawelawe oe e noho hana nei ma I .:eia wahi; aole anei pela?" "He kauwa lawelaweia i'o au no keia wahi, aole nae o ka hoomaemae i na moēna pale wawāe ka'u hana mau; aia maloko o ka hale holoi lole ka'u hana i ka hapanui o ka manawa. He ! mea okoa ka i hoonolioia ma ka hana- hoomaemae ina moena, ua holo nae kela Paele e pee ma kekatd wahi, pela au i kauohaia mai ai e ka wahine malama hale o keia ka'u hana no keia la. I Ina he makemake kou e ka madame e kamailio pu me kekahi | o na kaikamahine lawelawe oloko o ka hale ea, alaila aole owau [ ka mea kupono ai me oe, he holoi lole ka'u hana." ! "Aole no kekahi kaikamahine lawelawe oloko o ka hale ! ka'u i makemake ai e kamailio pu, ua hiki iho la no oe, malia j o loaa no ka'u mau mea apau i makemake ai e ike mai ia oe mai; ina ua loihi loa kou noho ana ma keia wahi, ua maopopo , ia oe kekahi mau mea e pili ana i ka oliana o Kenerala Rudena ame kana mau malihini." "Ua loihi maoli ko'u noho ana ma keia wahi, he hookahi- makahiki mahope iho o ko'u ike ana i ka malamalama o ka la. O ka hana wale iho no ia e hana nei i na la apau, aohe loaa mai o ko'u uku. O keia mau dala elua au e haawi mai nei, he mea aha keia?" "E haawi no au i keia mau dala elua nau, ke ae oe e waiho aku i kau hana no kekahi mau minuke, a kau mai oe iluna o ke kaa nei, a holo aku kakou a kaa mawaho o keia pa, ma kMii e ike ole ia mai ai, kou kamailio pu ana me a'u no ka mea he mau ninau ka'u i makemake ai e pane mai oe." Mamua o ka pau ana o kela mau olelo i ke kamailioia aku | e Mrs. Kaina, ua weheia mai la ka puka o ka aoao o ke kaa e . ka wāhine Paele a komo mai la iloko, alaila i aku la o Mrs. Kaina i ke kalaiwa: E-holo aku ko kakou kaa a puka mawaho oka puka-pa, alaila kaohi mai o.e i na lio, no ke kakali ana a loaa ke kauoha hou mai ia'u aku." I Ani ae la ke kalaiwa i kana huipa, o ka lilo aku la no ia, na na lio ka hana, a me ke kakali ole a paa ka holo o ke kaa, huki mai la o Mrs. Kaina i ka wahine Paele a kokoke imua o kona al*, ninau aku la iaia, i ka i'ana aku: "E hiki ana anei ia oe ke hoike mai ia'u, i ko Mr. Dugala kulana e noho nei maloko o ka home o Kenerala Rudena?" "Aole au i ike i kekahi kanaka ma ka inoa o Dugale I" i pane mai ai ka wahine Paele me ke kahaha. i "O keia anei ka mea oiaio loa au e kamailio mai nei? Aole ' anei oe i noho pouliuli no na inoa o na malihini e noho nei me Kenerala Rudena ?" ' ! "Aole loa au i noho pouliuli. O kela mau mea elua e noho mai la maloko o ka home o Kenerala Rudena, o Miss Mine ka i wahine opio, a o Pilipo Kuaina ke keonimana. Mawaho ae o [ laua, o Kenerala Rudena ame Keoki Kakona ame Miss Ka- | loke. Ua hala aku nae o Kenerala Rudena ame Keoki Kar I kona ma ke aumoe o ka po nei me ko makou maopopo ole. "Ma na mea a makou i lohe ai, e mare aku ana o Pilipo Kuaina ia Miss Mine Rudena, a pela hoi me Keoki Kakona ia KaI loke, afia a huli hoi mai o Kenerala Rudena mai kana huakai I aku nei no kahi mamao." i "Alaila o Keoki Kakona anei ke kokoolua o Kenerala Rudena i hele ai ma ka po nei? E kuhihewa ana ka hoi au, o ! Pilipo Kuaina la ka i hele pu me ke Kenerala. E hiki ana | anej ia oe ke hoike mai ia'u i kahi i hele aku ai o Pilipo Kuaina?" 1 Nana pono mai la ka wahine Paele ia Mrs. Kaina, a pane mai la: "Ke manao nei au, he mau hana pulapu w r ale no keia ia'u!" i "Heaha auanei ko'u pomaikai, ma ka pulapu ana aku ia oe?" "Aole i maopopo ia'u, aka he mea ano e nae keia i ko'u noo--noo, oiai ia'u e kahilihili ana i ke ehu o ka moena, ua ike maoli aku no ko'u mau maka a elua ia oe e kamailio pu ana me ke kanaka au e ninau mai nei; o ka mea kupaianaha nae, aole iho la ka oe i ike iaia." "Auwe no ka hoi e 1" i hooho ae ai o Mrs. Kaina ma ke ano hikilele. "E olelo mai ana anei oe, o kela kanaka i kamailio pu mai nei me a'u ma ka home o Kenerala Rudena, o Pilipo Kuaina kona inoa?" "O kona inoa ia a makou i ike ai, a ke kapaia nei oia e na mea apau o Pilipo Kuaina. He keu no la i kou lululima me kela kanaka, ua kamaaina mua oe iaia, eia ka aole." u O e na lani! E kala kahiko au i a'o aku ai iaia e makaala, aole ka oia i hoolohe mai ia'u. Ua kauoha aku au iaia e maka-

ala loa, aole e hilinai hou maluna o kela kanaka; aole nae oia i hoolohe mai ia mau (ilelo, a ua hoea mai ka hopena a'u i hopohopo mau ai, e/komo ana oia iloko o kekahi poino 'nui. "Manao paha keia kanaka he hupo haalele loa au, i hoopunipuni ino mai ai oia ia'u, ua hala.aku o Pilipo Kuaina no Lonavila me Kenerala Rudena; ua hiki nae hoi, aole loa oia e lanakila ana maluna o kana mau hana i hoolala ai, no ka pulapu ana aku ia Pilipo Kuaina, oiai au e ola aku ana. "Ua punihei maoli no o Pilipo Kuaina i na pahele a keia kanaka piha maalea; ua hookomo okoa aku oia i kona poo, iloko oka waha o ka moo nahesa; a ina aole i hookoia na hana a keia kanaka ino i hoolala ai i keia manawa, alaila aole i lohi loa ka hoopakele ana ae ia Pilipo Kuaina mailoko mai o ka poino," alaila huli mai la. o Mrs. Kaina imua o ka wahine Paele kauwa, a hoomaka hou aku la e niele: ! "Ke makemake nei au e hoike mai oe i ka mea oiaio loa, aole anei o%eia kanaka ma ka inoa o Keoki kakona, he kanaka opio, me na poohiwi kihikihi me na maka bolu, me na lauoho uliuli aeae, me ka umiumi pokopoko?" v "O kena mau mea apau e hoakaka mai nei imua o'u, o na ano iho la ia apau x o Keoki Kakona. He kanaka opio kino ikaika oia, he piha oluolu a waipahe, e minoaka mau ana oia ke kamailio mai, ua hoohihi maoli ka Aanao o na kaikamahine a Kenerala fttidena i kela kanaka; a ma ka ninao hoohuoi o Miss Kaloke, ua pepehi maoli. ia no o Keoki Kakona, e Pilipo Kuaina, o ke kumu ia o kona nalowale ame ke Kenerala. ' "Ua komohia anei ka manao hoohuoi iloko o Miss Kaloke, tia pepehiia o Kakona e Pilipo Kuaina? Pehea, a heaha na kumu o kona hoohuoi ana? E hoike mai i na mea oiaio ia'u!" Ma kela wahi> i hoakaka mai ai ka wahine Paele i na mea a kaua e ka makamaka heluhelu i ike mua ae nei, ahiki i ka huliia ana oloko o ka luawai kahiko, me ka loaa ole o kekahi mea maloko o kela luawai. *'Alaila ma keia kakahiaka iho nei no anei ke kipakuia ana o Miss Kaloke mai ka home mai o Kenerala Rudena, a e ole ke kokua ana mai a kona kahu hanai ina ua kuewa kela kaikamahine i ke ala me ka waimaka?" "O ka mea pololei loa kena au e kamailio mai la. Ina no paha aole Miaawi lilo aku o Kenerala Rudena i ka aina ame ka hale a Kole e noho nei, ina no aole kela wahine Paele e koi aku ia Miss Kaloke e hoi me ia e noho ai, o kii aku no auanei 0 Mine, a kipaku ia laua mai kela wahi aku." "Ha, nui maoli no ka hoopunipuni o kela mau mea kolohe !" 1 namunamu wale iho ai no o Mrs. Kaina. "Ina aole i loaa oe ia'u i keia kakahiaka e kuu hoaloha maikai, ina o ko'u holo aku no ia a kau iluna o ke kaaahi, a holo pololei no Nu loka no ka huli ana ia Miss Kaloke. "Auhea nae oe e ka hoaloha maikai, ua hana mai oe i kekahi mea oi loa no'u i keia kakahiaka, mamua o ka'u mea i moeuhane ai; a ina he oiaio na kumu hoohuoi a Mine, no ko Miss Kaloke mau ano oiaio loa, alaila e hoea mai ana i ka la, e hoohauoliia aku ai na hoaloha o kela kaikamahine. "Ua pau ae la no ka'u mau mea i makemake ai e niele aku ia oe, eia ko elua dala, a ina oe e hoohiki mai ana imua o'u, aole loa oe e kamailio wale aku ana i kekahi mea okoa, no ko kaua halawai pu aan, a kamailio maluna o keia kaa, alaila eia hou keia elima dala nau, ma ke ano he makana na'u, no kou la e mareia ai me kau kane." "Na ke Akua e hoomaikai mai ia oe e ka madame!" i hooho ae ai ka wahine Paele, me ka lalau ana mai i na bil& dala, a hookomo iho la iloko oka pakeke o kona lole. "Ke hoohiki paa aku nei au imua ou, aole loa au e kamailio iki lie hookahi huaolelo ona mea a kaua i kamailio ai i keia la. Aoie paha kei he uku au i haawi mai nei, he pomaikai nui loa keia i loaa ia'u, no ka noho wale ana no iluna o ke kaa me oe, a noke i ke kamailioalaila lele aku la ka wahine Paele ilalo, mailuna aku o ke kaa, o ka hele aku la no ia noloko o na kumulaau paina, rne ka aloalo ana i ole ai oia e ikeia mai, no kahi o kana hana. I kela haalele ana aku hoi o ka wahine Paele ia Mrs. Kaina, huli mai la ua wahine nei i ke kalaiwa kaa, a i aku la: "Auhea oe e Mr. Kalaiwa, ke makemake nei au e lawe pololei oe ia'u no kahi i ku ai o ka hale o Kole, ina ua maopopo ia oe kahi o kona "hale; aka mamua nae o kou hooko ana aku i keia kauoha, ke makemake nei au e haawi aku ia oe i elima dala, ina e hoike aku ana oe imua o kekahi mea e ninau mai ana no'u, o ia kou lawe pololei ana īa'u no ka hale hoolulu kaaahi, a ua ike pono oe i ko'u kuai ana i kekahi tikiki, a kau aku maluna o ke kaaahi e hololei ana no Nu loka." Haawi mai la ke kalaiwa kaa i kona ae, no ka liooko i na mea apau i kamailioia aku ai iaia, o ka pa aku la no ia o kana huipa maluna o ke kua o na lio, o ka lilo aku la no ia, hookahi hana, o ke ki-pu i na kaula.kaohi. Aole no i loihi kela holo ana aku o ke kaa, hoea ana mawaho o ka puka o ka hale o Kole, ua paa nae ka puka i ke paniia, aole he mea maloko o ka hale, nolaila lele iho la o Mrs. Kaina ilalo, uku aku la i ke kalaiwa kaa i kona ukukaa, ame na dala makana ana i hoopaa aku ai. i ke kalaiwa v a kauoha aku la iaia e huli hoi no kona wāhi, a e waiho mai no iaia ma kela hale. Ua loihi maoli kela noho ana a Mrs. Kaina e kakali wawaho 0 kela hale, aole ona nana ae i ka pololi a mehameha paha, aia wale no kona noonpo ke kau nui la, o ka ike aku i ka ona nona •kela home; he oiaio iloko o kona kakali loihi sha, ahiki i ke kani ana o ka hora ekahi o ka auwina la, hoopuiwaia aku la oia, 1 ka lohe ana mai i ke pahupahu kapuai wawae, a iaia i nana mai ai eia ka o Anate Kple ( "O oe no anei keia e Mele Lize Kaina?" wahi a Anate Kole 0 ka pane ana mai, me ke kau ana ae o kona mau lima iluna> a nana mai la i ka malihini, e noho aku ana mawaho o ka lanai o kona home. "Aole i kuhihewa kau mea i koho mai la e Anate Kole, owau i'o no keia o Mfs. Kaina. He keu no la ika loihi o keia mau makahiki, o ko'u kaawale ana mai ia oe mai, e hoohewahewa ana la oe, eia ka aole. E kii. mai oe' e wehe ae ika puka o kou home, a komo aku kaua iloko, no ka mea he nui ka'u mau mea i makemake ai e ike, e pili ana i ke kaikamahine hookama a Kenerala Rudena." "Ea, pehea oe e Mele Lize Kaina, i lohe ai i ka nuhou no kela kaikamahine?" "Ua hoea mua aku nei au no Pinelana, a ilaila au i lohe mai nei i na hana apau o ka po i hala; a no kuu maopopo ana, ua haalele aku kela kaikamahine i ka home o Kenerala Rudena, me kou kono ana aku iaia, e hoi mai me oe e noho ai, pela au 1 hiki mai la no kou 'home nei e Anate Kole." "Auwe'no ka hoi e! O ka/u no ia i kamailio aku nei ia Miss Kaloke, ina eia no oe i Amerika nei kāhi i noho ai, ina aole e ku oia a hele mai Pinelana aku, me he wahi kaikamahine kama ole la, eia ka, aole oe i mamao aku i ka aina okoa," Avahi a Anate Kole, me ke kii ana aku e wehe*i ka puka o kona home. • "Komo mai e kuu kaikamahine iloko nei; he keu aku maoli keia aUa mea kupaianaha o'kou hoea ana mai, ka maopopo mua ole! Ina he wahi lihi maopopo iki ia'u, ua hoea mai nei oe, ina aole e hele o Miss Kaloke mai keia wahi aku. "He oiaio, ua koi aku au ia Miss Kaloke, e hoi mai maua maloko nei o ko'u home e noho ai, ua hoole mai nae oia, no ke kumu, wahi ana, ina e loaa aku ana ka ike, i kela mau mea hookano f noho mai la ma Pinelana, eia oia me a'u kahi i nolio ai, e kiiia mai aiia oia e pspehi e kela mau mea, a hookahi ko maua make like ana, nolaila ua noi mai la oia ia'u e haawi aku iaia i kekahi mau dala, no kona mau hoolilo kaahele, a i lawe aku nei au i kela mau dala a haawi iaia, a o ko'u hoi ana mai la no ia, mai kahi a'u i haalele aku la i kuu Miss Kaloke aloha." " * I paiu.).