Ka Nupepa Kuokoa, Volume LXIII, Number 50, 11 December 1924 — EONO MAHINA HOOPAAHAO ME $400 KA HOOPAI O KA WAHINE KUAI WAIONA [ARTICLE]

EONO MAHINA HOOPAAHAO ME $400 KA HOOPAI O KA WAHINE KUAI WAIONA

Eono maliina hoopaahao ame $400 ka hoopai kanono a ka Lunakanawai Federala William T. Rawlins o ke kau ana mai maluna o Mrs. Uahi Inamine, he wahine Kepani kanemake, ma ka Poakolu aku la o ka pule i hala, mahope o ka maopopo ana i ka aha o ka pili o ka hewa iaia, a ma ka manawa o ke kauia ana mai o ka hoopai koikoi maluna ana he

bep« kaikamahine nliku o «lua ma* kahiki ka hiiia ana iloko o kona mau limaj ma ka koakaka a ka Loio Fxed Patterson, ka mea nana i hoopii ae i kela wahin® imua o ka aha, o ka elua manawa iho la ka keia 0 kona hoopaiia āna no keia hewa hookahi no. Ma ka Poalua o ka pul« aku la 1 hala ka hopuia ana 6 nei wahin* m& ke alanui Olu e John Wiae ame James Moriyama, a he 64 galani okolehao ame kekahi ipuhao puhi lama o 40 galani me na mea hana • ae ka i loaa aku ma kahi o kela hale i komo ia ai e hopu. Ma ka manawa o ka hoea ana aku 0 na makai ma kela wahi, « like mo ka hoakaka a ka makai Moriyama, aohe mau lako hale maloko o ka hale, a i ka nana aku me he mea la aohe nohoia o ia hale no ka mea, aohe mau hiohiona e ikeia aku ana he nohoia ia hale. O na mea wale, no i hiki ke ikeia aku maloko o ia ka ipuhao puhi lama ame na galani okolehao ame na meahana e ae. O ka ona o ka hale he Pake, o Fo Kam, o ke alanui Kapahulu, nana i hoike mai i na makai he wahine Ke* pani, o Mra. Inamine ka mea i hoolimalima ia hale, a na 3. Yabiku, kekahi o na makai hopuhopu waiona i huli mai ia Mrs. Inamine a loaa maloko o kekahi hale hoolimalima maloko o ke kaeha, aomalaila i paa ae ai ua wahine la i ka hopuia. Ma ka majiawa o ka hookolokoloia ana o ka wrfhine ua ae ae oia i kona hewa imua o ka aha, a wahi ana o ka pane ae imua o ka aha no ke kupale ana iaia iho he wahiuekauemake oia, a nana ponoi no e hoohana 1 ka ipuhao puhi lama, aohe mea kokua iaia ma ia hana. Ua hiki ole i ka loio apana Amerika Patteraon ke manaoio i keia olelo ana a oia kona manawa i hoakaka ae ai i ka aha e hoao ana ka wahine e hoopakele i kekahi poe hana a kuai w-aiona e aku ma ke ano laula, "he mea hiki ole ke manaoio aku he hiki i ke kino o keia wahi wa- | hine uuku ke hoohana i ka ipuhao | puhi lama oia hookahr wale no, ma I ka mea maopopo loa i ka nana aku ■ he poe e aku kekahi i komo pu ma I keia hana, a ua huna nae keia wai hine ia poe, a oia hookahi wale no ka | ka mea nana i hoohana."

I Ma ka hoakaka aka loio federala Patterson ua hoopai mua ia keia wahiae e ka aha ma ka la 16 o Aukake no keia hewa no he $150, a mai ia manawa mai kona hopuia ana e na inakai no ka hahaki i na kana* wai waiona o keia ke kolu o na manawa o kona hopuia ana no keia hewa hOokahi. "Aole o'u makemake • hoouna aku i kekahi wahine i ka halepaahao, aka ina aole ou makemake e ola ma ka imi ana i hana maikai nau e uku oe i ka ukuhoopai no kau hana hewa» Ho hana kue kanawai maopopo loa ' keia i ka nana aku. Ke manaoio nei au aia he poe hou aku mahōpe ou. *Ina he makemake oe e lawelawe i nei ano hana kue kanawai, a i ole ina he makemake oe e huna i'kekahi poe e aku i komo pu ma keia hana, e pono oe e auamo i ke koikoi," a ia manawa i kau mai ai ka Lunakanawai Rawlins i hoopai o eono mahina hoopaahao me $400. Ua papa mua ia keia wahine e ka aha aole e hana~ a kuai waiona hou, | a eia nae, ua hookuli oia, a ke ku nei he hoopii no ia hookuli ona imua o ka aha, huipu me kona hoowahawaha i ka aha ina • hoopiiia ae ana.