Ka Nupepa Kuokoa, Volume LXIII, Number 50, 11 December 1924 — MAI UHAUHA WALE. [ARTICLE]

MAI UHAUHA WALE.

He mau la keia o na mea hoowalewale e hihia ai ka noo--1100, i kau a mea o ka nui o na waiwai o kela ame keia ano like ole, e hoikeikeia mai nei e na halekuai, mamuli o ka ike o ka poe kalepa, ke hookokoke mai nei na la kulaia ano nui o ka makahiki. Aia iloko o kela mau waiwai, he ntau mea kekahi i kupono i'o, e pono e loaa i na Hawaii, no ka pono o ko lakou noho ana, aia no hoi he mau mea kupono ole, e hoao ai kakou, e hoopakele ia kakou iho, mai ka hoolilo ana aku i na dala mahuahua, ma ke ano hoomaunauna wale. No keia makahiki holookoā, i hoao ai kekahi poe, e malama I ka lakou mau dala, ma ka hoahu ana maloko o na banakō, aole no ka lako mai o ko lakou noho ana, aka no ka hoomaa ana ia lakou iho, e lilo i poe hoomakaulii; e lilo anei kela hoomakaulii ana, i mea waiwai ole, ke komo aku kakou iloko o ka uhauha wale ana i keia mau la, ma ke kual ana i na mea e hoikeikeia mai nei ma na halekuai? E hoao kakou e uumi i na makemake, e pale akvi i na hooA\alewale o na mea hoohihia i ka noonoo, a e kuai ma na mea 1 ike maoli ia ko lakou kupono, e kokua mai ai i na hemahema ame na pilikia o ka noho ohana ana. Me na huina dala mahuahua a kekahi poe i hoahu ai no ka makahiki, iloko o na manawa ae nei i hala, i hiki ai ia lakou ke kuai i mau aina, a i mau home ponoi no lakou e noho ai; a no ia mea hookahi no e hoolilo aku ai lakou, i ka lakou mau dala o ka hoahu ana, me ka noonoo ole ae no kekahi mau mea okoa; ina pela iho la ka noonoo iloko o na Hawaii apau, e hoea mai ana ka la, e noho kuokoa x ai lakou n olakou iho, a pau ka noho ana nialoko o na hale hoolimalima, me ka uku ana i dala nunui, no ka pomaikai o ka poe no lakou na hale hoolimalima. Aole paha he kamailio ana, ina he poe lako a.kuonoouo na Hawaii i keia la; aka no ka nele 'ame ka noho hoopiliwale malalo o na lahui e, pela keia pepa e a'o nei ia kakou, na Hawaii, e hoao e lilo ole kakou i poe uhauha iloko o keia mau la, ma ka malama ana i ke dala, no na mea e pomaikai i'o ai ka noho ana.