Ka Nupepa Kuokoa, Volume LXIII, Number 50, 11 December 1924 — KE ALAHELE E MAKA'U AI. [ARTICLE]

KE ALAHELE E MAKA'U AI.

I ka nana aku, aia ka manao iloko o na Pilipino olohani o Kapaa, Kaiiai, he hana hiki ole i na luna oihana o ke aupuni, ke kipaku aku ia lakou mai ka aina aku o ke aupuni, me ka hookaawale mua ole ia o kekahi wahi okoa no lakou e hoi aku ai e noho. Ua ike na luna oihana o'ke aupuni, ika hopena e hoea mai ana, ke kipakuia kela poe Pilipino olohani, mailuna aku o ka aina o ke aupuni, o.ia no-ka hoi ana a noho ma kekahi mau wahi okoa aku; a ua hopohopo no hoi lakou ina no ka hopu aku i kela poe Pilipino aeahaukae, e ili mai ana ke ko'iko'i o ka malama ana aku ia lakou, maluna o ke aupuni, oiai c noho ana maloko o kā'.halepaahao. O ka nolio aku maloko o ka halepaahao, me ka hoolakoia 0 na ai ana ekolu o ka la, o kekahi ia o iia mea a na Pilipino i loa ai; aka nae ke manao nei keia pepa, ina no ka hopu i'o ia o kela poe Pilipino no ka aeahaukae, a hoopaaia maloko o ka halepaahao, me ka hoohanaia ma'na hana' ikaika, 1 oi aku i na hana a lakou i lawelawe ai ma na mahiko, e ike iho ana lakou, i ka ehaeha o kela noho paahao ana, a waiho mai i ka lakou leo uwalo, no ka hoi hou e hana me na mahiko. O ka noho wale, a i ole o ka hoohanaia ma na hana mama, me ka lako ma i na meaai i kela ame keia la, o ka iini nui ia iloko o kela poe Pilipino; ina nae no ka hoohanaia ma na hana ikaika, e ike iho ana lakou, ua oi aku ka noho hana ana no na mahiko, me ko lakou ukuia mai, ka hale noho wale, ame kekahi mau pomaikai e ae, a o ka mea oi loa aku, o ia no ko lakou hele lanakila ,ana. : Ua k\i-ka hoonana i kela poe Pilipino, i ka lawe ole ae o na luna oihana o ke aupuni, i na keehina wikani; ina e hoohana maoli ia aku ana ka mana o ke kanawai, e ike auanei lakou. aole e hiki i ko lakou mau alakai, ke hōōpakele ae ia lakou. mai ke kau ana aku o na haawina; a lakou e mihi ai, no ka ae ana aku, i na a'o hewa a kekahi poe o lakou.