Ka Nupepa Kuokoa, Volume LXIV, Number 10, 5 March 1925 — Page 5

NUPEPA KUOKOA, HONOLULU. T. H. POAHA, MARAKI 5, 1925. ELIMA


	HE PUOLO WAIMAKA ALOHA, NO KUU AUNTY HELELOA MRS. KAIAWE HELELANI PUNOHU. Ma ko Iesu mau lima, Ma kona poli no, Malaila au e malu ai, A maha maikai pu. Mr. Sol Hanohano, Welina kaua: —Elike ma ka olapa ana a ka uwila, a ne ke kui ana a ka hekili, pela iho la i pahola ae ai ka lono hoo- kaumaha, a puni ke kulanakauhale o Honolulu, no ka haalele ana mai i keia ola honua ana, ka makou mea aloha he Aunty heleloa me ka minamina pauole. Nolaila e kuu kapena ahonui, e noi aku ana au i kou lokomai- kai, no'u hoi kekahi rumi kaawale o ka kaua hiwahiwa no kahi puolo waimaka e kau ae la maluna nana ia o hiipoi hele aku ma na aekai ou o Hawaii aloha, i ike mai ai ka nui ohana, na makamaka, na hoalo- ha o ka makou mea aloha mai Ha- waii moku o Keawe, ahiki aku i ka moku o Kahelelani. 4 Ia'u ame a'u mau leialoha e hele ana no ka halawai Sabati i ka Luakini o Kawaihao hui iho la ma ke alanui, me kuu Uncle, hoike mai la ia'u, i ka mea ehaeha, a kaumaha ma keia noho ana, o Aunty Kaiawe ua hala i ke ala hoi ole mai, auwe ka mea pilihua o ka naau e, me be kui la i houia mai la i kuu houpo; a eha iho Ia au i ka eha lima ole a ke aloha; no ka mea owau o ka nea nana keia waimaka e hoopuka aei ma ke Kuokoa, he koko, he io, be iwi, iloko ona, e paa i kona ma- kuakane, aole e puka mai ko'u ku- puna wahine, kaikuahine ponoi o kona makuakane. Mailoko mai o ko'u kupunawa- hine puka mai ko'u mama aloha e noho mai la i ka aina i ka la welo i Lehua, aole oia i ike i ka hanu hope o kona hoahanau kaikuaana oiaio. Aloha no! Oahu e , i ke one o Kakuhihewa hoi, aina hanau o kuu aunty hele- loa, na kou aloha no i hiipoi iho la ko pua ilima, nau iho la no i mili- mili me ke aloha ma kou poli no oia kahi i hoohenoheno ai, i kou alo iho la no kahi holoholo ai, a o hoonanea ana i ka pa a ka makani hu 'ihu 'i o ua aina kaulana nei, o kou hoohemahema iho la no ka ia i ko mamo hulu melemele. Auwe ko lokoino e! Ka ua kuahine o Manoa e, me ka ua lililehua o Palolo, ame ka ua Kukalahale e, me na ua kaulana o ua aina nei a ka eepa nui wale, ua pau ko oukou hoopulu hou ana i ka ili waianuhea o Aunty. Ua pau ko- na maalo hou ana ma ko oukou mau kualono uliuli, ua pau kona lei ana i ka pua o ka ilima, lei haaheo ou e Oahu o Kakuhihewa. Waikiki e, ke kai noho mai i ka iliili, ame ke kai e Kawehewehe e, i ke ani peahi mai me he ipo la; e Kalia e ke kai hone mai i ke one me he hanehane la, ua pau ko ou kou hoopulu ana i ko oukou ma hunakai aloha maluna o ka papa lina onaona o Aunty, ua pau kona maalo hou ana ma ko oukou ma aekai ua pau kona lohe ana i k oukou mau leo nahenahe, aloha i mau wahi i heleia e ka makou me aloha, auwe ka mea manaonao e! Ka huikaulua o ko taona e, ko	mau alanui nani, a ka manao e hoo- hihi ai, eia. aku nei paha o Aunty me oukou kahi haulani ai, a i ole, walea aaa paha i ke konane, me Hiku i ka nahele, ka wahine kui ua lehua o ka waokele. Auwe ke ani mai o Halealii hale e, aole ilaila o aunty ua holo, ua nalo no ka wa pauole. Auwe ke aloha e! E Maui o Kama e, lei haaheo i ka loke lani, me ke kuahiwi o Ha- leakala e ku kilakila nei i ka Ia'i hea iho oe ia Aunty Kaehu Pa- lakiko, ua haalele mai i keia ela ana be mea aloha he hanaumua, Mrs. Kaiawe Helelani Punohu, ua hala ua pau kou ike hou ana iaia, ua pau kou lohe ana i kona leo aloha i ka hea mai ia oe e kuu pokii, a pela hoi oe iaia i ka ha- naumua; ua pau no ka wa mau loa, auwe kakou e! Kauai Manookalanipo e, aina kau- ana i ka malie, ilaila o Aunty i hanaiia ai, ka aina hanau o kona papa aloha i hala mua ma kela ao mau; e ka makani moeahua o Kekaha e, ame ka makani anu he Waipao, e pahola aku olua i ka lono hoolelehauli a hookaumaha ia Unele J. P. Kaapuwai, ame kuu pokii alo- ha, Mrs. Abbie K. Palea, ua hala ko ala o na mea apau he make, ka mea aloha o Aunty Kaiawe Pu- nohu, ua pau no ka wa pau ole. Auwe lihaliha wale! E ka moku o Kahelelani e; aina i ka mole o Lehua, ame ka makani hoohaehae he naulu, e lawe aku oe i ka lono ehaeha, a hookaumaha, o ka noonoo i kuu mau makua aloha Mr. ame Mrs. J. E. Huluaulani, ame o'u mau pokii, Mrs. Emily K. Pa Mrs. Emma H. Kaiwi, Mrs. Hannah K. Niau, ua hala ma kela ao mau o na mea apau ka mea aloha o Aunty Kaiawe, ua pau ko kakou ike hou ana iaia, ua nalo aku oia a haalele mai ia kakou. Auwe ka menemene e! Ua loihi no na la o ka hoomailo ana o ka ma'i maluna ona, malalo no oia o ka malu o ke kauka, a hala iho la ma kona home aloha ma ke kihi o Ilaniwai, Ward St., 917. i haalele mai ai i keia ola ho- nua ana, ka makou mea i aloha nui ia o Aunty Kaiawe Helenani Puno- hu, i ke 58 o kona, mau makahiki me ka minamina nui ia. Imua o kana naau mea aloha, kipa ae ai ka anela menemene ole o ka make, a kaili aku la i ka hanu ola, a niau palanehe aku la i ke ala hoi ole mai, ma ka la 31 o lanurai makahiki 1985. Waiho iho la i. ka ukana luuluu be aloha, na ka ohana, a me kana mau mea aloha, he kane Mr. He- Ielani Punohu i hooneleia i ka mea aloha he wahine, e Uncle Helelani e, puanuanu ka home, ua hala ka hoa pili he wahine ka hoa ohumu humu o ke aumoe, ka hoa olelo o ka po loloa o ka hooilo, ua piliia na wahi apau o Oahu i ka ua, me ka makani, aloha ka noho ana o na la i hala, eia ka o ka wa keia e kaa- wale ai o aunty, a hele aku la oia, haalele mai la ia oe i ka hoapili he kane auwe ka mea poina ole e. Na keiki i hooneleia i ka mea aloha he makuahine, Mr. ame Mrs George Punohu, Mr. amo Mrs. John ny Butler; e kuu mau kaikuaana hoahanau oiaio e, heaha no la keia hala nui, i paweo mai ai a ike ole mai o Aunty ia kakou, a hele hoo- kahi aku la, me ka haalele mai ia kakou, e u, me ke kanikau aloha aku me ka ehaeha. Auwe kakou e. E Miss Alama Butler e, auhea o Aunty i hele aku nei, eia aku ne paha i kahakai i ka lawai 'a limu a i ole e auau kai ana paha. Auwe


ke hawanawana mai nei na ale o ka moana kai uliuli, aole ilaila ua nalo, aole oe e ike hou ana iaia ua pau no ka wa mau loa. E Mrs. George Punohu Jr. e, auhea o kukuwahine i nalowale iho nei, a haalele mai ia oe, aloha ole maoli no o kuku ia oe, hele aole nana mai ia oe auwe e George e! Ke olelo mai nei ka hanehane. Aole oe e ike hou ana ia kukuwahine, ua pau kou lohe hou ana i kona leo. Ua pau kona hea hou ana mai ia oe. Auwe oe e Aunty hele loa e, hele oa haalele oe i ko luhi he moopuna ua luhiia ua milimiliia ua leiia i ka ua me ka makani, i ka wa pilikia, ua heleia na wahi apau me ko luhi he moo-puna, ua hoomanawanui oe iaia. Auwe ko lokoino i ko lei i luhi ai. Auwe ka minamina e. I ka wa e kau ana kona kino wailua ma kona home aloha, ua ku kiaiia oia e na lala o kona ahahui, o ku nei ma ka inoa, Ahahui Hoonaauao i na Hawaii no lakou ko 'u mahalo piha. E kuu Aunty heleloa o, eia maua kau mau keiki hanauna oiaio, Mr. ame Mrs. Alexander Craig, ua luuluu Hanalei i ka ua nui, kaumaha i ka noe o Alakai, i ka pehi - ia e ka ua loku, a eha maua la i ka eha lima ole a ke aloha. Ua lilo no maua ia oe he mea nui, aole maua e poina i kau mau hana maikai no maua e kuu aunty aloha, a no na hoaloha apau e kipa aku ai i kou home, ua hana oe i ka hana maikai, aole lakou e poina i kau mau hana maikai i hana ai. O Pawaa, Oahu kona wahi i hanauia ai, me kona mau pokii, he nui lakou i hanauia mai ai, e ko lakou mau makua; hookahi i hala mua, a hele aku la kuu Aunty heleloa ia alahele hookahi a haalele iho he mau pokii Mr. ame Mrs. John Piko, Mr. ame Mrs. Kaonohi Piko, Mrs. Kaehu Palakiko, Mrs. Cecilia Valentino, Maria e uwe kumakena aku me ka ehaeha, a kaumaha, auwe luuluu wale. Ma ka home aloha o kuu Aunty heleloa, hoomaikai ia kona kino puanuanu e na alakai o ka Hooma* na Moremona, Sabati la 1, o Feberuari, pau ia, ka i aku ka hua-kai, malalo o ke alakai ana, a ka Ahahui Hoonaauao o na Hawaii ahiki i ka luakini Katolika o Kewalo, mailaila aku i maneleia aku ai kana huakai hope loa no ka ilina o Koula, a hoomoeia aku ke kino puanuanu o kuu Aunty heleloa, i ka opu ana ole o ka honua he lepo, ua pau kana hana ma keia ao, ua kuu ka luhi, ua maha no ka wa mau loa. Ko iho la ka olele a ka Buke Nui e hoi ka lepo i ka lepo, ka palaho i ka palaho, a o kona uhane e hoi aku no ia ma ka poli aloha o kona Haku, a e kali no ke kani o ka pu a ka anela, a e ala mai ko na ilina. E hoomaikaiia aku Kona inoa ihiihi, Amene. Me keia mau manao aloha ke hooki nei maua me ka mahalo nui i ka Lunahooponopono ahonui, me na keiki o kou papapa'i ke aloha nui. O maua no me ka luuluu, MR. & MRS ALEXANDER CRAIG, 2004 North Queen St. Kalihi-kai. PIHAKU'I LOA KA HALEPAA- HAO I NA PAAHAO. Ua pihakui loa ka halepaahao ma Kalihi-kai i na paahao i ne manawa elike me ka John C. Lane hoakaka ka makai kiekie o ke te ritore o ka hoike ia ana ae ma ka Poalima o ka pule aku la i hala a ke moe mai la ka kekahi mau paahao maluna o ka papahele o ka rumi halawai maloko o ka holo loihi o ka halepaahao. kulike me ka ka Makai Kiekie Lane mau mea o ka hoopukaia ana ae he 530 ka nui o na paahao, he 87 o keia huina aia maloko o na halepaahao ma Maui a ma kekahi mau halema'i e lapaauia mai la, o ke koena iho he 444 aia maloko o ka halepaahao naa Kalihi-kai. Ma loko o keia huina he 100 mau paa hao federala, o ke koena iho na ke teritore. O ka heluna kupono e hiki ai e lawa maloko o na rumi paahao he 360, nolaila e hiki koke ana no ka ikeia iho ua pihaku'i io maoli no ka halepaahao, a no ia piha loa aia na kane ke moe mai la maluna o na papahele o na holo o ka hale paahao. I kulike me ka moolelo o ka hoo-pukaia ana ae ua noi ae ka Makai Kiekie Lane i ka ahaolelo e hookaawaleia ae kekahi huina dala no ke kukulu ana aku i mau hale pakui hou no ka halepaahao, a he mea nui a kupono loa ia e hana koke ia. O ka huina nui o na paahao ke huiia me na paahao ma na halepaahao e ae mawaho aku o Oahu, ua pii niau aku ka heluna iloko o na makahiki elua i hala, elike me ka hoike ma na huahelu malalo nei Jan. 1922, he 303; Dekemaba, 31, 1923, te 389; Dekemaba 31, 1924 he 443; Feb. 19, 1925, he 530. I na mahina haulelau aku la ka he 60 mau Pilipino i hoopa 'iia no na makahiki lehulehu i hoounaia ae i ka halepaahao. Iloko o na la hope ekolu aku la i hala he 75	mau Pake i hoopaaia aku o ka ha- panui o lakou no ka hiki ole o uku i na hoopa 'i dala; o ka hapanui o lakou he poe elemakule a i maamau i ke puhi opiuma, ke ha 'o ka opi- uma ia lakou ma'i mai la ahiki ole ke hele i ka hana. Ma ke kanawai federala ina hiki ole i kekahi i hoopa 'iia ke uku i na dala hoopa 'i e hoopaahaoia oia no 30 la, me ka nana ole i ka huina dala o kona hoopa'i, nolaila o ka hapanui o kela poe he 30 la wale no ko lakou e hoopaaia ai maloko o ka halepaahao, a iloko o na makahiki eono i hala o ka hapanui o kela mau Pake i hoopaaia aku he poe i kuluma na paaia o ka halepaahao i ko lakou mau maka no ka pinepine o ko la- kou mau mauawa i paa ae ui. Ina ka me keia heluna nui iho ke komo mau aku o na paahao iloko o ka halepaahao o ka hale pakui hou i noiia ae ai i ka ahaolelo kahi e hoolawa loa ia ai kahi moe no na paahao, no ia kumu i lilo ai ke noi ana ae i haawina dala hou no ke kukulu aha i hale pakui hou no na paahao. He manao ku- pono loa keia e noi ae ai o i noho ka ahaolelo. EIA MAI KA OIAIO! I ka Nupepa Kuokoa; Aloha ka- ua:—E oluolu mai oe i kekahi wahi kaawale o kou kino, no ka hoike ana ae i ka mea oiaio elike me keia mahope ae nei. Ma Laie, Koolau ko'u wahi i no- ho ai, hoihoiia ae ka'u mau luhi moopuna, hele hookahi moopuna i ko kula, noho elua i ka hale. Ma keia noho ana i ala mai ai na noonoo like ole iloko o kekahi poe e pili ana no'u, a hopuia iho la au a hoopaaia maloko o ka hale- paahao ma Hauula, ma ka la 5 o ka mahina o Augate, 1924, aka hoo- kuu hou ia mai ma ka la 7 o kela mahina no, mamuli o n ahoike a ke kauka i kiiia. Ma na. mea i kamailioia mai ia'u ua nanaia ka ke kino o kuu moo- puna e ke kauka a o kana ike, aole i poino, nolaila ua hoopaa hewa wale ia aku au iloko o ka halepaa- hao, me na kumu pololei ole. Aole o'u makemake e hoike ae i keia mea i ke akea, aka mamuli o kuu ike ana maloko o kekahi nupepa haole o Honolulu nei, i na mea e pili ana no kuu hoopaaia aha iloko o ka halepaahao, pela au i konoia mai ai e hoike oo i ka mea oiaio, No keia manao hoopilikia no ia'u ua hoopaaia aku kuu moopuna ma- loko o ke kula hanalima, o na kai- kamahine, me kona hana ole i ke- kahi hewa, aole ka haalele 1 ke kula, ka aihue, a ano hana e ae paha, nolaila ua hoopaa hewa ia aku oia me na kumu maikai ole elike me na keiki kolohe a paakiki. Owau iho no me ka oiaio, JOHN KAMAI, Keawe St., Kakaako. HALA ME KA MINAMINA NUI IA. Ma ka hapalua o ka hora ewalu o ka po o ka Poakahi o ka pule aku nei i hala i pauaho mai ai o Joseph Nakou Awai, keiki a Mr. ame Mrs. John A. Awai o Haleiwa, Waialua, i keia ola ana, maloko o ka Halema'i Moiwahine, mahope o ke kaama'i ana no hookahi pule wale no. Maloko o ka opu kona pilikia, a no ke ko 'iko 'i loa o kela pilikia, i kahaia ai oia e Kauka Kilbourne, o ke Kula Kamehameha, oiai he haumana oia no kela kula wa ka hora 4:30, o ka auwina la Poakahi, a haalele koke no ke ola i kona kino, ma ka hapalua o ka hora ewalu o ka po ana iho, Ma ka auwina la ae o ka Poalua i malamaia ai ke anaina haipule e hoolewa maluna o ke kino wailua, maloko o ka home, a ma ka lua-kini 6 ka ekalesia o Waialua ma-lalo o na hooponopono ana a ka Rev. Akaiko Akana, Ua komo pu ae na kumukula o Kamehameha, na hoa kula, ka hui himeni o ke kula ma kela anaina me ka haawiia ana o na ki-pu hoo hanohano no ka mea i hala ma ka ilina, ma ke kiia ana o kekahi mau pu, pela hoi ke puhiia ana o ka o-le. O kela kekahi o na hoolewa nui loa i ikeia ma Waialua, no ka mea ua hoea aku ka hapanui o na haumana o na Kula Kamehameha, pel hoi me na hoaloha lehulehu ma Honolulu aku nei. Ua waiho iho ka mea i hala, mawaho ae o kona mau makua pono he ekolu mau kaikuaana ame elima mau kaikuahine, ala lakou apau ma Waialua kalii i noho ai, a koe koe o Prank Awai, aia oia ma Ame-rika, ame George E, E, Awai, e noho bana nei maloko o ke keena aina aupuni ma Honolulu nei. Ma ka aoao o Mr, ame Mrs. John A. Awai ame ka ohana, ke haawi aku nei lakou, i na hoomaikai ame na mahalo i na ohana, na makamaka ame na hoaloha lehulehu, no na makana pua nani a lakou i hoohiwahiwa iho ai maluna o ke kino wailua o ka lakou mea aloha i hala aku la ma kela ao.	HAINA NANE. Mr. Solomon Hanohano, Aloha oe ame aa keiki o kou papapa'i:— E oluolu mai kou ahonui no ka 'u hai- na nane a ke keiki laeula o Kahuku aina, lewa i ke kai. Ke ku nei ka nane a ua keiki nei o Kahuku, he manu nui bulu melemele kana, e lele mau ana i ka po ame ke ao; he ono kona poo, ono kona ekekeu, ono hoi kona uha, aohe ona puapua, he panapana no nae. Ina he ma- nu keia aia i ka lewa aole oia e loaa aku ana i kuu kipuka kaula ilihau i hilipawaluia aka ina eia oia i ka honua aina kahi i lele pohai ai, o loaa pono aku ana ke poo o u» wahi manu nei i kuu poka kila, a waiho lolo iho na pekekeu o ua eueu hoo- kalakupua nei o ka A. D. 1924. Haina. He UWAKI GULA ame kona po 'i. Wehewehe ana. O ke kino o kela uwaki he melemele apu- ni, o ka hulu hoi ia o ka manu nui a ke keiki o Kahuku. He ono ke poo, ae, he ono ino ne ke poo i ka maka ke ike iho. Aia ke poo e lele ai keia manu. O kona poo oia no kona Ki. Lalau iho ko mau manamanalima i ke Ki a o ke poo hoi, a oniu ae i Ha akau a e mamau ana ua ku, mai oniu hou ae oe. Alaila kaomi ihe oe maluna o ke poo o ke ki, alaila mohala ae la na pekekeu ono o ua manu nui nei hulu melemele. Kauaheahe iho la ke poo o na manu nei i ka lai. O ka pekekeu o ia no ke po'i o ka uwaki i hemo ae la a hamama. Ahuwale iho la ka meahuna a ua eueu nei o ka Kahuku, iloko o ke aniani liilii o Tubelina. Waiho wale iho la na u-ha wawae wai nui, o ua manu hulu nani nei. O na u-ha oia no na manamana oloko o ka uwaki, e ku- hikuhi ana i ka minuke ame ka hora. O ka mea panapana oia no ke kekona, e lele mau ana kona manawa imua, i ka po ame ke ao, ua like me ka manu hulu melemele a ke keiki o Kahuku, i ka lele mau i ka po me ke ao. Ea loaa pono aku la ko poo o ka manu i kuu poka kila, e ke keiki laeula o Kahuku; komo kuu kipuka kaula Ilihau pau pula aohe lau koe. Ke hooki nei au i ka'u wehewe- he ana me Mr. Lunahooponopono ko'u anoai, ame na keiki hoonoho- hua kepau kou aloha nui. Good bye, good bye, Kahuku Boy, Owau iho ne, KAIKAMAHINE O KA UKA IUIU O AHUALOA, O ka poka kila ka i opaha mai la aohe nae i kaanini ka manu a ka laeula o Kahuku. Iliki hou ia mai L. H. NA ANOAI O KAHUKU. Mr. Lunahooponopono o ka Nu- pepa Kuokoa, Aloha oe a nui:— Ua makemakeia kekahi mau itamu hola i Ka loa e loaa i rumi no kela hoike oiaio, mailuna mai o ke aloha nui o ke Akua, oiai, ua hooku 'iia mai a kekahi makuahine o na keiki lehulehu e kekahi pilikia o ka ma- nawa i hoomaopopo mua ole ia, oiai, kana kane I kele i ka upena lawai 'a no ka pono o ka noho kino ana no ia la, ua pii mai la ke anu a ano hiki maopopo pono ole o ka ua kamailio. Hoomanao iho la oia o pilikia ana oia. Ua hooikaika oia e kamai- lo aku i kekahi o ka laua keiki kane o 6 makahiki ame kona wahi kaikuahine uuku o 3 makahiki, a kii i ka wahine Pilipino ame ke kahi o na moopuna ohana, e bele mai e kokua. Ia minuke, ame ia hora i ika ai aua i ka pilikia o ke laua mama hoomaka mai la laua e lele mai iluna o ka mama me ko laua uwe ana, a hoomaka koke laua e pule i ke Akua, penei: E ke Akua e, e aloha mai oe ia mama, o ka'u pule keia ma ka inoa o Iesu Kristo Amene; a pela no kona wahi Kaikuahine e pule like ai, a i ka pau ana o ka laua pule ana, ua hoomaka laua e kii aku i kela muu inoa maluna, a lohe laua me ke kakali hou ole aku, ua huli hoi mai laua ma kahi o ko laua mama e waiho ana, a kukuli Uua ma kona aoao, ft pepelu na kuli a pule hou no laua elike me ka lua o ka manawa. Ua komo mai Ia laua na mea i kauohaia aku e hele mai a kokua ame. ko laua lohe ana mai i ke laua pule like ana, hai hou ia aku ka lono apuni, ua nui mai na lima aloha kokua, (o ia ka leo pule a na kamaiki i ke Akua no ka mawa). He Akua o Iehova no ka wa po pilikia pokele loa aole oia i hooha- kalia aole no i hoopaneenee aku oiai ua lobe keia poe i biki mai, a ua lohe no oia i ka pule a kana mau keiki. A mawaho ae o laua he wahi bebe mawaho hoa ae o lakou ekolu o lakou, he ekolu hou e ola nei, a he 4 i make he umi ka huina nui oiai, he 12 o na makahiki o ke laua noho mare ana. Eia ma Kahuku Pit, nei kekahi ohana nui Hawaii ponoi e noho nei o ka laua mau keiki a ola nei i aneane e umi, a ua make kekahi Ua hoohuli ka naau o na keiki e ike i ko lakou mau makua he opio- pio no na makua, ma ko lakou pule ohana ana, e pule ana kekahi o lakou a ma ka hoi pakahi ana moe ma ko lakou wahi pakahi e kukuli ana lakou a nonoi aku i ke	Akua no ko lakou moe pakahi ana. Ke hoomaka mai nei aa kamaiki Iseraela ponoi e ike i ke Akua A berahama, o luaka o Iakoba o ka Hale ponoi o Iseraela i ka wa ma Algupika, a hoihoi hou ia e ke Akua i ka aina hemolele o ka aina hooilina i anai loa ia, aole e kau kekahi pohaku maluna o kekahi pohaku. Ko'u manaoio keia e komo mai na ke Akua ma o Elia la iloko na keiki e hoohuli mai i ka naau hoopalaleha o na makua i ke Akua ike ia lehova ke Akua iloko o ka poe apau o na Hoomana like ole, e ke ia Iehova ke Akua, e piha ka honua ia ike, a e kamailio pu me a ma ka huaolelo namu a ma ka lelo m ka malihini, wahi a Isaia XXVIII. II. ame XL;9. o Isaia no. Ua manao au, na lawa kupono eia lilo ana i na kamaiki ko ke Akua manao hoololi mamua to ka poe i oe. Auwe no hoi ke aloha o ke Akua kekahi opio hapa puahau e Maleka me Pilipino, a owili ia malalo o ekahi nau misini i piha ne na Kepani kane ame na wahine i ona mai Honolulu mai me na omole a galani lemuhao i pau i ka inuia, aole i make he mau manuheu liilii wale no, O ka ninau pehea i loaa ai he palekana oiai, he 3 makahiki o keia wahi kamaiki. He mare o na keiki Kepani i hanauia ma Hawaii nei ma nehinei Poaono p. m., i mareia ai ma Laie, he paina nui ka i malamaia iwaena na Kepani i hoohuiia, na aoao elua he poe i kuonoono i Hawaii nei, apopo Poakahi, ua kono hou ia he paina no na Hawaii me na pepa kono, ame na haole, ma ka Hall o Laie p. m., hora i na ia paa mare no i noho a holoholo pu a nui a mare, he paina nui hewahewa o na meaai Hawaii ame haole he nui na hoolilo i ka la o ka mare, hanau make aole nanai o ia mea, he 23 M. H. o keia keiki Kepani pela i holo mama pu ai me ka papa ke kuonoono mamua o na keiki Hawaii molowa helu ekahi i noho wale ia na la opio, ma ka hoonaauaoia ana ma na kula haole, a komo hou ma Honolulu a hoi mai a hana like me ke makuakane, ka makuahine na kaikaina ekolu ame akahi kaikuahine e imi nei i ka naauao o Hawaii nei. Ua holo mama loa ka nohona kuonoono, ka halekuai na kaa Mikini holo pokole lawe ohua a hoohuiia me ka ohana Tanaka o Honolulu a i Kahuku Store Kalaeokahipa nei holo imua na lahui e. J. K. A, KAHUKU BOY, KE HOOMAIKAI NUI Owau o Mrs. Freeland ame ka maua ohana keiki, ke haawi aku nei makou i na hoomaikai, nui loa, i kuu lahui Hawaii ame ka lahui o kuu kane a pela pu me na lahui e ae; no ka oukou mau makana ma ame ke aloha, a i puili pu ma hoi me a'u iloko o na hora ame na la o ka ehaeha. Hanauia kuu kane ma Enelani, i ka makahiki 1861. I ka makahiki 1900, hiki mai oia i Hawaii nei, ia makahiki no, kipa mai Ia eia ma Lahaina nei. Mai ia manawa mai kona noho aloha ana a kupa no hoi kuu ainahanau. Ua noho aloha ia ko maua pili ana me ka maua ohana keiki he nui wale, a pela pu no hoi me ka lehulehu e na lahui like ole. Iloke o keia mau makahiki o kona noho aloha ana, oia ne kekahi kanaka i hilinai piha ia iloko o na oihana he aui wale, a ke aupuni i kau iho ka hanohano maluna o kona mau poohiwi. No kona kupaa oiaio hana i ka pono kaulike, ne ka poa ilalo ame ka poe iluna, pela no kuu kane aloha i hilinaiia ai i hoa kuka iloko o na hui imi waiwai. Pela pu no hoi na Pelekikena ame na Kiaaina o Amerika Huipuia, Te- ritore e Hawaii nei, i kau mai ai i na hookohu komikina, maluna e kua kane aloha, na oihana o ke aupuni he lehulehu wale. Ua hakahaka kona nohona i keia manawa aka, na oukou e na hoaloha e hoopiha iho i pani ma ia wahi. He kane aloha, malama wahine, he makuakane aloha malama keiki, a be hoaloha kokua i ka poe pilikia i hele mai imua ona. I keia la, ua nalo aku oia me kana mau bana maikai e poina ole ia ai. Ua bea mai ka Hakua Lani i kuu kane alo- ha, a o ka haina keia. Nana no i haawi mai, a Nana no i lawe aku. Waiho iho la ia'u me na keiki a maua, me ka ukana luuluu be aloha poina, ele no kuu kaae aloha. Kuu ka lohi ne ka maha nau lea. Amene. MRS. FREELAND. me na keiki. HOOLAHA KUAI O KA LAIKINI AINA AUPUNI. Ma keia ke haawiia aku nei ka hoolaha akea ma ka hora 10:00 a. m., Poakahi Maraki 30, 1925, ma ka puka mamua o ka Hale Kapitala, Honolulu, T, H., malaila e kuai hoo- lilo ia aku ai ma ke kudala akea i ka mea kohe kiekie loa malalo o na manao e ka Pauku 73 e ka Kanawai Kumu o Hawaii, na Pauku 341 ame 349 o na Kanawai Hooponopono Hou ia o Hawaii o 1915 ame ke Kanawai 143 o na Kanawai Aha- olelo o 1917, he Laikini Aina no ka pono, ke kuleana ame ka mana e komo maluna a hookahe mai a lawe aku i ka mahele o na wai Aupuni e loaa mai ana mailoko mai a maloko o ka Ululaau i Hoo- koeia o Pupukea-Paumalu, hui pu

me ka Ululaau "C" i Hookoeia ma na Apana Aina Hookuonoono o Pupukea-Paumalu, Koolauloa, Oahu. E komo ana maloko o ka Laikini e hoopukaia aku ana mamuli o keia kuai na kulana elike me ia mahope ae nei:

A. Aolo e haawi ana ka Laikini i ka pono, ke kuleana a i ole ka mana paha mawaho ae o ka ae ana i ka mea e lilo ai, a i ole i kona mau akena paha e hele maluna o ka aina i oleloia, BO ka lawe ana, ka hookahe ana ame ka hoohana «na aku ame ka imi pomaikai ana i kekahi huina i like aku me ka eiwa-hapa-iwakalua (9/20) o na wai holo maoli, ame na wai e ae e loaa mai ana ma ka pao ana a i ole ma kekahi ano pili akeakamai e ae paha.

B. E mahelehele a e lawe aku ka mea e lilo ai o na wai i oleloia ahiki a maluna o na Aina Hookuonoono o Paumalu wale no elike me ia i hoikeikeia ma ke kii palapala aina kumu o ka aina hookuonoono i oleloia. C. E aponoia na ana auhau i kauia e ka mea e lilo ai no na wai apau i laweia ahiki a hoohanaia e na ona o na aina hookuonoono i oleloia e ke Ko-misina o na Hana o ka Lehulehu.

D. O na loaa mamuli mai o na ana auhau wai i oleloia, e lilo ia i waihona, e hoohana mua ia no na hoolilo o ka malama ana i ka oihana wai i kukuluia e ka mea e lile ai, a o ke koena aku, ina he mea kekahi o kela ano, e hoohanaia no na hooloihi ana aku o ka oihana i oleloia elike me ia e ikeia ana ke kupono, a no ka palekana o na ululaau i hookoeia, ma ka pa ana ame kekahi mau alahele e ae e hanaia aku ana e ka mea e lilo ai malalo o ke kuhikuhi ana a i ka wa e kauohaia aku ai e ka Papa Mahiai ame Ululaau.

E. E hoohana ka mea e lilo ai ma ka hoohana ana malalo o ka mana o ka Laikini e hoopukaia aku ana mamuli o keia kuai, i kona mau pono ame na kuleana ma ke ano e paleia ae ai elike me ka hiki i kekahi bana hoopoino a hoopilikia pa-ha i ka ulu ana o ka ululaau maluna o ka aina i apoia e ka Laikini i oleloia, a e kiai, iloko o ka manawa o ka laikini i oleloia a e hoopakele i ka ululaau i hookoeia i oleloia

mai ka poe komohewa mai.
E kaa keia kuai malalo o kei»
mau kulana mahope ae nei:
1. Manawa o ka Laikini; 21 ma-
kahiki mai Maraki 30, 1925
aku.

2. Uku Koina haahaa, $100 no ka makahiki, e uku makahiki mua ia.

3. E uku ka mea e lilo ai, ma ka haule ana o ka hamare i na lilo o ka hoolaha ana ame na kaki e ae apau e pili ana mo ka hoomakaukau ana i ka Laikini i oleloia.

No na hoakaka aku i koe e ninau

ae ma ke Keena o ke Komisina

o na Aina Aupuni, Honolulu, kahi

o ke kii palapala aina e hoikeike

ana i na aina i komo maloko o keia

Laikini ame ke ano o ka Laikini

oleloia e waiho nei, a e ikeia ai.

Hanaia ma Honolulu, maloko o ke

Keena o ke Komisina o na Aina

Aupuni, i keia la 25 o Feberuari,

A. D. 1925. C. T. BAILEY,
Komisina o na Aina Aupuni.
6350—Mar. 5, 12.

WILLIAM KEAHI

Mea Kuai Kaa Oto (Ford) no ke
CASTNER GARAGE, LTD.

Ua noho hana mua no ke Aupuni

Amerika Oihana Koa ma Schofield

no na kulana like ole no na makahiki he 14. Mamuli o ko Uoi ikaika o ka hui i hoikeia ae la maluna,

ua waiho aku la i ka hana o ke au-
puni.
He hoopono ma ka hana, me ka

makaukau mau e hooko aku i na

makemake o na makamaka ame na hoaloha. He oluolu na kuka'i olaio

ana.
E loaa no au ma ke kakau Ieka ana

mai, a ma ke kelepona Helu 252;

Castner Garage, Ltd.

6349—1m. Schofield, Oahu.

Nupepa Kuokoa

No ka makahiki (one year)....$2.50

O na Dala ame pa Hoolaha apau e hoouna pololei mai i ka ADVERTISER PUBLISHING CO., LTD., wale no, P, O. Box .3110, Honolulu, T. H.

217 Alanui Moi, ma Waikiki o ke Alanui Alakea; ka Nupepa Advertiser.

Entered at the Post Office at Ho-nolulu, T. H., as Second Class Matter.

SOLOMON HANOHANO, Luna
hooponopono.

CHARLES S. CRANE, Luna Nui