Ka Nupepa Kuokoa, Volume LXIV, Number 10, 5 March 1925 — MAKE HE KOA I PEPEHI MAOLI IA. [ARTICLE]

MAKE HE KOA I PEPEHI MAOLI IA.

Maloko o ka halema'i o na koa ma Kahauiki ae nei, i pauaho mai ai kekahi haole koa, nona ka inoa o Frank T. i keia ola ana, mar hope iho o ka hoihoiia ana aku 0 kona kino me na poino he nui malok® o kela halema'i, ma ke kakahiaka o ka Poakahi iho nei, a ma ka manao o na aliikoa, ua halawai kela koa me kona hopena, mamuli o ka pepelii maoli ia ana e kekahi poe, me ka manao e powa iaia. Mahope iho o ka hora umi-kuma-malua o ka po Sabati nei, i ike mua ia ai ke kino o kela haole koa, e waiho ana ma ka puka-pa o ke Kula Kamehameha o na keikikane, ia Joseph Barboze, he mea kiaipo, mo kona hoonioni ole aku nae i kela koa. laia nae o ka hoea hou ana mai no kela wahi, ma ka hora ekahi o ka wanaao, ike hou aku la no oia 1 ua koa nei, e moe ana no ma kela wahi mua, nolaila ua hele okoa mai Ia oia e nana i loaa ai ka ike iaia no ke kumu pilikia o kela koa. Ma ka nanaia ana o kona kino e ka Makai Teves, i maopopo ai, ua halawai oia m» ka poino maluna o kona kino, nolaila ua hoihoi loa ia mai oia no ka halema'i o na poino ulia, a mailaila aku! i hoihoi I«a ia ai no kA halema'i o na koa ma Kahauiki. Ma ka manaoia o na aliikoa, ua halawai kela koa me kona hopena poino, mamuli o ka pepehi maoli ia ana e kekahi poe i maopopo Qle, o ke kumu o kela pepehiia ana, no ka powf ana no ia iaia. Aole he dala i loaa aku maluna o ke kino o ke koa i make, koe wale no kana uwaki pakeke, ame kona pepa ae, o ka oihana koa. Ua manaoia, me kekahi mea-eha ku i ka make, i hahauia ai kela koa, ahiki i kona hina ana ilalo, a lawelaweia aku la ka hana powa maluna o kona kino, me ka pupuahulu, a mamuli o keia awiwi loa o ka poe powa, pela i koe ai kana uwaki pakeke.