Ka Nupepa Kuokoa, Volume LXIV, Number 10, 5 March 1925 — LILO KE EO O KA HOOKUKU IA ANGELINE PARKER. [ARTICLE]

LILO KE EO O KA HOOKUKU IA ANGELINE PARKER.

O ke paonioni hookuku mawaena o na kaikamahine lehulehu o keia kulanakauhale, no ka mea o lakou e loaa ana ka helu kiekie loa, ma ka hoikeike a ka ahahui Elks, mawaho «a nei o Waiklki, ua kaa ke eo ia Angeline Parker, ke kaikamahine a Stephen P#rk«r, a moopuna hoi a Robert Pwrlter, i noho kapena no ka oihana mamua. Ua kaa ka helu elua o kela paonioni ia Miss Tepa Wise, ke kaikamahine a John H. \Vise, ka luna hooko i ke kanawai hookapu waiona ma Hawaii nei. Oiai o. Clement Wong, ke kakauolelo a £a Makai Nui Trask, ka lunahoohana no Angeline Parker, a 0 John H. Wis« no hoi ka luna hooikaika no kana kaikamahine, ua maopopo loa, ka hookahuaia ana o na puali o ka oihana makai kuloko, me ka puali o na luna oihana federala ma keia paio, ahiki i ke kaa ana o ka lanakila i k apuulu o ka oihana makai kuloko. Iloko o na la mamua aku o ka heluia ana o na baloka o na kaikamahine, ma ka po o ka Poaono iho nei, ua loaa aku ka ike i ka lehulehu, no ka hahani loa o na b«Joka mawaena o Angelina Parker ame Topa Wise; me ka nui o ka hooikaika ana o na hoaloha o kela mau leaikamahine pakahi, e kaa ka lanakila i ka lakou moho. No ka hahani loa o na baloka i heluia ai ma kela po Poaono, ma■waena o Miss Parket ame Miss Wise ua kahea okoa ia o Wise, ame kekahi mea ma ka aoao o Miss Parker, e nana mai i ke ano o ka heluia ana o na baloka, hele no hoi a ka hapalua o ka hora elua o kela po, akahi no a maopopo, ka mea 1 kaa ai iaia ka lanakila.

O ka hopena o keia paio ana ma■waena o na kaikamahine, 0 ia no ka haawiia ana he kaa otomot>ne ia Misa Parker, a he komolima daimana ka i haawiia ia Tepa Wise.

Oiai nae he umi wale no mau makana i hookaawaleia no nia kaikamahine he umi e loaa ana ia lakou na helu kiekie, ua hoololiia kela mau mea i hoike mua ia ai, a haawiia i hookahi makana hou, 1 ke kaikamahine, i kaa ka.helu umileumamakahi, no ke kumu, ua aneane loa kona mau baloka, elike aku me ka mea iaia ka helu umi. 0 keia malalo iho nei na inoa o na kaikamahine i komo ma keia hookuku paonioni, ame ka nui o na baloka i loaa i kela ame keia pakahi: Angeline Parker . 88,900 Tepa Wise 83,410 Pleiades Colburn . ......48,120 Lela Mae Chu ...46,990 Aliee Lung 33,050 Libbip iKeanini .32,040

Henrietta Bertleman 25,640 Lilian Hopkins 24,080 Minerva Patten . . 20,770 Fannv Kauhaihao 19,550 Winona Love .. 19,170