Ka Nupepa Kuokoa, Volume LXIV, Number 13, 26 March 1925 — HOIKE HAPAHA O KE KULA SABATI O KALIHI-MOANALUA. [ARTICLE]

HOIKE HAPAHA O KE KULA SABATI O KALIHI-MOANALUA.

I ka Lunahooponopono o ke Kuokoa; Aloha oe:— Ma ke Sabati i hala iho la, Maraki 22, i malama ae a-i ke Kula Sabati o Kalihi ame Moanaloa i kona hoike hapaha me ka nana ole ae i na kuaua eloelo o ia kakahiaka, ma ka manawa i hoomakaia ai na hana hoike ahiki i ka hookuuia ana ua ae lokomaikai mai na lani e hanaia ka hana me k?i holopono, a ua piha no hoi i na manao hauoli ahiki i ka pau ana. He kanahiku-kumamahiku mau haumana i hiki ae ke huiia mo na kumu eono, a koe kekahi mau papa Kula Sabati lehulehu aole i hiki ae, o na lulu nae ua laweia ao no e kekahi o na lala o ia mau papa. Na ka hope Kahu Kula Sabati Nui i lawelawe na hana, elike me ia i hoakakaia ma ka papa kuhikuhi hana o ka la a ma na haawina i hai paanaau ia mai ame na himeni i meleia mai, ua hoike mai na haumana i ko lakou a'o pono ia no kekahi manawa. Ma ke ano nui e hoike ae ua maikai a holomua n<i hana o ia mahele hoomana o ka ekalesia o Kalihi ame Moanalua, a hookahi mea hauoli nui i ka nana aku nia ka maluhia ame ka lokahi maloko o ia ekaleaia. O ka huina dala i loaa mai na Kula Sabati liko ole mai a mai waena mai o ka lulu hui ana a ke anaina he $100.00. Ma ka hora 11 a. m., \ hoomaka ai na hana hoike a hookuuia ma ka hora 1:40 p. m., mahope o kekahi mau manao' paipai ma-i ke Kahu Kula Sabati Nui mai ame ka pule mai ke Kahu Wra. K. Poai mai. MAKAIKAĪ, NEW ORLEANS, Mar. 22.—He umi-kumamakolu poe i make i keia auwina la i ka manawa i hooku'i ai na kaa.ihi o ke alahao Pakipika Hema iloko o ka noe e uhipaapu ana ma kahi kokoke i Riohoe, La He eha o ka poe i make he man haole o ke koena iho he poe Paele.