Ka Nupepa Kuokoa, Volume LXIV, Number 15, 9 April 1925 — E LILO ANA O HAWAII NEI I WAHI MAKAIKAI NUI IA. [ARTICLE]

E LILO ANA O HAWAII NEI I WAHI MAKAIKAI NUI IA.

No ka manao ana e hoolilo aku ia Hawaii nei, i wahi makaikai nui ia e na malihini ma keia mua aku, i oiliili ae ai na lono like ole iloko 0 na la aku la i hala, no ke kukuluia aku o na hokele nunui ma Waikiki, a ma Hilo, Hawaii, i hiki ai ke hookipaia na malihini makaikai, i kela ame keia manawa. I keia kulanakauhale iho nei na lunanui o ka hui mokuahi Matson Navigation Company o Kapalakiko, me ka nana ana i na mokuahi, ame na uwapo o ka hui.. mokuahi liolo pili aina. Ua nanaia aku kela hana ma ka aoao o na lunanui o ka hui mokuahi Matson, e koonei poe, ma ke ano ua makemake kela hui mokuahi o Kapalakiko, e kuai a lilo na, pono ame na kuleana apau o ka hui mokuahi holo pili aina ia lakou, ua hooleia ae nae ka pololei o kela manao, aka ua makemake ka hui, mokuahi Matson, e loaa he mau mahele iloko o ka hui mokualii holo pili aina, a ma kekahi olelo ana ae hoi, e kuleana ka hui -Matson, iloko o ka hui mokuahi holo pili aina. Aole he mea maopopo loa i hookahuaia< i keia manawa e pili ana 1 kela mau hui mokuahi a elua pela hoi na hui hokele, na lakou e kukulu aku ana i na hokele maanei nei, mamuli nae o ka nui o na hokele i kukuluia ma kela ame keia wahi o Amerika, no na malihini e na liui hokele nunui, pela i noonooia aku ai, o Hawaii nei kekahi kikowaena a kela mau hui e kau mai la na maka, e lilo i wahi no ka imL ana i ko lakou mau pomaikai. ]