Ka Nupepa Kuokoa, Volume LXIV, Number 15, 9 April 1925 — HE MOOLELO HOONIUA PUUWAI NO KINIA KA KA UI HOOMAHIE A NA IPO ELUA. Ame Ka Mea Huna Iloko o Ke Ola Ana O Na Makua. [ARTICLE]

HE MOOLELO HOONIUA PUUWAI NO KINIA KA KA UI HOOMAHIE A NA IPO ELUA. Ame Ka Mea Huna Iloko o Ke Ola Ana O Na Makua.

No k* pono wale no o Kinia, pela oia i lawe aku ai i kana kaikamahine no na ama mamao, a ua ike maoli aku no hoi oia i ka lamalama o ko Kinia helehelena ma kela huakai a laua no Europa, aka 1 keia huli hoi hou ana mai no Amerika a haawai ou o inia me Aka, ua aneane maoli ē pau na manaolana iloko ona noka hauoli o kana kaikamahine; no ka mea e konoia mai ana oia, e hooikaika aku ma na ano apau, e hoihoi hou īa mai ai kela ano kahiko iloko o Kinia. 0 kela huakai a Evalena Ka o ke kamailio ana mai i ka Madame Lahela ame Kinia no Kaleponi, aole ia no kekahi kumu okoa, aka no kona makemake e loaa he wahi nona malaila, no ka hoolilo ana aku i home nona e noho ai me kana kaikamahine, he home i kaawale loa mai ia Mr§. Valena aku ame kana keiki. Aia ilaila na ululaau o na ano huaai like ole, aia malaila na hiona e loaa ai iaia ame kana kaikamahine ka noho oluolu ana, a mamuli auanei o ko laua hoopuniia e na luhiehu a ka maka e hoohihi ai, e hiki ana ia laua pakahi, ke hoopoina, i na mea i hoehaehaia ai ko laua mau puuwai. XXV—Like Pu me ka Anela. Aole i loaa iki aku i ka Madame Lahela na manao hoohuoi, no ka hoolala ana o Evalena Ka e lawe aku i kana kaikamahine no Kaleponi, ina nei no ka ike mua o kela wahine, ina tia hookauia aku ke kaumaha maluna ona, no kona noonoo ole ae i kekahi mea o kela ano, pela i hoihoi mai ai kona helehelena, ma kela mau la mua o ko lakou noho ana aku ma Nu Ipka. 1 kela ame keia la, me he mea la e pii mau ae ana ke aloha 0 ka Madame Lahela no Kinia, ahiki i kona hooholo okoa ana iho i kona manao, ina nei no ka hoi 0 Kinia a noho ma kekahi wahi, a.laila e hoi pu aku ana no oia a noho ma kela wahi hookahi. me ke kukulu ana i kona home, ma kahi e hiki mau ai tait ke ike aku ia Kinia, pela hoi ke kaikamahine opio, e hele aka ai no kona wahi. t O ke aloha o ka Madame Lahela no keia kaikamahine opio, ua oi aku ia imua o ke aloha o ka makuahine no kana kaikamahine ponoi, mamuli o keia aloha ua hooholo maoli no ua wahine nei, ina no ka hoea mai i kona hopena alaila ua makaukau loa oia e waiho aku i kona mau.waiwai apau no Kinia, ina ia he kumu e hoohauoliia aku ai ka manao o kela kaikamahine. "Auhea oe e Kinia kuu kaikamahine," i pane aku ai ka Madame Lahela ia Kinia ma kekahi la, iaia i ike aku ai i ko Kinia uwe, "mai hoolilo oe i na mea o ka wa i hala, i kumu hoehaeha mau i kou noonoo," ma ke apo ana aku o,kekahi lima ma ka a-i o Kinia, a honi aku la ma kona papalina. "He oiaio, ua kaawale aku kau ipo aloha mai ia oe aku; aka e hoomanao nae oe, owau pu no kekahi i hookaumahaia, mamuli o ke kaawale ana aku o ka'u kane ame ka maua bebe mai ia'u aku; ua hoomanawanui nae au e uumi ia mau kaumaha, ahiki i ko'u lanakila ana, pela no loaa pu ai ka lanakila ia oe mai na haawina hoehaeha mai." "He keu aku i'o a ka mea ehaeha, ina ua kaawale kau kamaiki mai ia oe aku!" wahi a Kinia me ka hoike okoa ana ae 1 kona manao aloha no ka Madame Lahela. "Ae, ua make ka'u bebe i ka \Va liilii loa, ina no kona ola nei he wahine kanaka makua maoli oia elike me kou mau makahiki. No ka pono o kuu kalkamahine i kaawale mai ia'u aku, pela au i aloha ai ia oe, no ka mea he keiki oe inelei ka makuahine, a he makualiine hoi au 1 nele 1 ke keiki. He moolelo loihi ka i pili i ke kaawale ana o kuu bebe mai iau aku a i kekahi la ma keia hope aku, e hoike piha aku no au i» oe ia moolelo. Nolaila e ike mai oe e Kinia, ua ae ka nui ame ke ko'iko'i o ko'u mau kaumaha mamua o kou, alaila LaheU, me ka «Me n oe a mau m kou aloha no kau kane ame ka bepe ahikH ko laua make ana. nolaila aia no kau mau mea aloha ke kakali mai la ia oe ma ka lani, me ka makaukau mau e hook.pa aku ia oe iloko o kela home maha mao. °Aole pela ke ano o ka mea a'u i aloha aku a 1( ua p.ha o,a me ka epa ame ka hookamani, malia i kekahi la e hooh.h.a.a tne ka ep . okoa. Aole anei ou m kona noonoo £££* maūli oia , a ka kaU mr«a U ka lani. no ka hookipa ana aku ia'u, ke hoea ma, . k °Ua h hoopai» aku ka puuwai o k. Madame Lahela nle kela . Tfinia a ike iho la ua wahine nei, i ke koikoi ma Yo ke kaumaha o ke kaikamahine opio, mamuli o kela l.' ™ Ak - v —• • ° '■° k ' k " " -w u « • 1="'" ™ f • 1"'" Ua make kuu kane, he mea oiaio loa kela, ua r 4U no au i kona aloha no kekahi manawa pokole, ahiki i ka mahle ana mailoko ae o ko'u noonoo, aka ke kakali mai la . ke i a ao no ko'u hoea aku īmua ona. " "No kuu bebe, auwe, aole loa . hiki ia'u ke hoopoina nona!" alaila noke okoa iho 1. ka Madame Lahela i ka uwe, me he mea Ia ua wehe hou ia ae kona puuwa. a hamama, no ka ehaeha i ka hua mailoko aku o kona puhaka. No keia noke loa o ka Madam. Lahela . ka uwe ua kono oko. i. *« o Kinia . hoo-Mi« *£ . na no ke, a home nani maluna. kahi i hookipaU aku a. kana bebe_ «Ade anei, ua oi loa aku ka poma.ka.. loaa . kau bebe, mat an » ae a lilo i wahine kanaka makua ehke me Zu :„o net. hehihehiia mai ai kon. aloha me he .e P o ia. e kekahi ipo ana i haawi pau aku a . kona puuwa. nona? aole.i kapaia kekahi inoa maluna ona. a aole nn hoi oia i make. t r . . . Aole anei ōia i make?" i nUHU mai ai o kinia ma ke ano

puiwa." "Aole kuu bebe i make, a aole no hoi i maopopo ia*u i keia manawa, ina paha ke ola nei no oia, a i ole ua make kahiko paha. Ua aihueia oia mai ia'u aku!" alaila kulou okoa ihō la ke poo o ka Madame Lahela ilalo, me ka hookahe hou ana aku i kona mau waimaka o ke aloha keiki; oiai hoi o Kinia i apo aku ai i kona mau lima i ka Madame Lahela me he mea la o kona makuahine ponoi maoli no ia, no ka hoonana ana mai i kona mau manao ehaeha. No kekahi mau minuke lehulehu, aole e hiki i kela mau wahne a elua ke hoopuka ae i hookahi huaolelo, aka i ke akakuu iki ana mai o ka uwe ana o ka Madame Lahela, pane ae la oia i keia mau olelo: "Ke hoomaopopo mai la oe e Kinia i ke kumu o ko'u aloha ia oe, aole ia no kou helehelena wahine u'i a huapala wale no, ka mea nana i hoopa mai i kuu puuwai, aka no kekahi mau kumu e ae no kekahk "I kou manawa i loaa aku ai ia'u ma Wakinekona, ma kela la mua loa, he kaikamahine makua ole, iloko no o kou mau Ja i pau ole ai na pulama ana a ka makua, u'a ume koke ia aku ko'u puuwai nou; no ka mea ua haaleleia oe e kau ipo aloha i ka aina malihini, a ua komohia koke ka manao aloha iloko o'u no ka mea ina nei no ka mau no o ko'u malama i ka'u kaikamahine ponoi, ua like loa kona nui me kou* "Na kela aloha keiki iloko o'u, i kono mai ia'u, e haawi aku i na pulama ana ia oe, a iloko o na la apau o ko'u ola ana, aole i nele ko'u nonoi mau ana i na Lani, e aloha mai i kuu keiki nalowale, a e hoopakele ae iaia mailoko mai o na pilikia ame na poino he nui." "He anela oe i hoounaia mai e na Lani, no ka hoopakele ana ia'u mailoko mai o kela manawa. ITa hele maoli ati a piha i na manao hehena, ina aole oe i hoea ae, me he mea la ua kono okoa ia mai au, e hooko i ka make maluna o"u, o ka mea wale no ia e loaa ai ka maha. Ma kela manawa a'u i wehe aku ai i ka puka o ka rumi maloko o ka hokele, ua paa maoli no kuu manao, e lawelawe ak* i kekahi hana e kailiia ae ai aia hoi, ua hoea mai la oe, he hoopakele i hōouna maoli ia mai e ke Akua, ua paleia ae ka make mai ia'u aku. "Ua hoihoi hou aku la oe ia'u noloko o ka rumi,«ua haaiwi mai i na oleloa'o a hoolana manao, a mai kela manawa mai, i hoolilo ae ai oe ia'u i kaikamahine maikai, i oi aku mamfra o na manawa e ae o ko'u-ola ana; a o ka nui o kou aloha no'u nei, ua loaa ole na huaolelo kupono a'u e hoakaka aku ai imua ou. "Ua lilo kela aloha ou no'u i heleuma natia e kaohi ana ia'u iloko o na auiui ale o keia ola ana, he puuhonua hoi no ko'u mau manao kaumaha apau, a he puu hoomaha no ko'u mau ehaeha he nui. "Iloko o kau mau hana aloha he nui i hana mai ai 110 ko'u pono, ke ike nei au i ke ko'iko'i maoli o ko'u hewa, i ka maliu ole ana aku i kau mau a'o ana, aka ma keia hope aku, ke hooia aku nei au imua ou, e hoao no au ma na ano apau e lilo i kaikamahine hoolohe. "Ua loaa mai ia'u ka ike i keia la, iloko o kou mau £haeha he nui au i auamo ai me ke kunukunu ole, aole oe i hoike ae ma kou mau ano mawaho no ia mau ehaeha, koe wale no ka minoaka oluolu ame ke aloha oiai nae ua hiki ia oe ke uumi me ka hoomanawanui ia mau haawina iloko iho ou, me ka ike ole ia mai e ha'i. "No ka liQikeike ana ae i na manao kui'o iloko o'u, no kau mau hana maikai loa i papahi mai ai maluna o'u ke pule nei au i ke Akua, e kiai mai, a e hoopakele ae i kau kaikamahine nalowale mai na poino mai o keia ola ana." Ua kamailioia ak« kela mau olelo e Kinia me ke kui'o maoli, a ua hookaheia lioi ko laua mau kulu waimaka, o ke aloha kekahi no kekahi, no na minuke lehulehu a i ka mahie ana ae 0 ko laua mau manao ehaeha, pane ae la ka Madame Lahela 1 ka i ana mai: *Ite hauoli loa nei au, ina e lilo i'o au, elike me na. mea apau au i hoakaka mai nei no'u e Kinia, no ka mea e pono i'o e hoopuniia kou ola ana me na haawina laahia o ke aloha, o ka makuahine oiaio. He oiaio, ua hoike aku au ia oe ma ka hana, ma ka olelo a ma ka manao, i ko'u aloha ma ke ano he makuahine, a ua panai mai hoi oe me ke aloha o ke kaikamahine." "Ua pololei kena mau mea apau au e hoakaka mai la e ka Madame Lahela, koe wale no nae keia t aole loa e hiki ia'u, ke pani aku i ka makalua i hoohakahakaia mamuli © ke kaawale ana o kau kaikamahine mai ia oe aku." "Pela no, aka na eua hoomamaia mai n oko'u mau manao ma ou la, a elike me ka loihi o kou noho mare ole ana, pela no ka loihi o ko'u pili ma« ana aka ma koū aoao, iloko o na la apau o ko kaua ola ana, a ke mare oe, i kau kane, o. ke kumu pah aia e kaawale aku ai ou mai ia'u aku, aka nae aole no au e hoalo ana i ka hele mau ana aku e ike ia oe i na mar nawa apau, elike me kekahi makuahine i kana kaikamahine ponoi." "Ina no hoi palia no kou mare me papa, aohe he hopohopo ana no ko kaua kaawale ma keia hope aku." "O kena manao ou e kuu kaikamahine, ke manao nei au, he hana hiki ole ia ke hookoia, no ka mea i ka make ana aku o ka'u kane, pela hoi ka make ana aku ,o kana wahine, ua pu aku ka maua mau mea aloha i ko maua mau puuwai pa* kahi i ka luakupapau." "Ma ka'u nana aku, me he mea la, aole no i nui loa ko papa aloha no kuu makuahine, no ka mea ina he aloha kekahi iloko ona, ina aole oia e waiho ia'u malalo o ka malama ana a kona kaikuahine, kuu makuahine hanauna," wahi a Kinia me ka piha hoihoi ole no kona makuakane. Mai hoikeike ae oe e kuu kaikamahine i kou mau ano hoihoi ole no kou makuakane, a mai kamailio hoi oe i na olelo kupono ole nona. Ma ka'u mah mea i hakilo aku ai maluna o Mr. Ka, oia kekahi kanaka i loaa ka manao aloha kui'o, eia nae/ aia maluna o kona helehelena na hoailona a kaua e hoohewahewa ole aku ai, oia pu kekahi i halawai me na auiui ale o keia ola ana, ka mea nana i kaili ae i kona mau manaolana; a ina e hiki ana ia oe ke manaoio mai ia'u, alaila e lohe oe i ko'u manao maoli, o kou makuikane kekahi kanaka nui o kona mau ehaeha, i oi aku paha imua o ko kaua." MOKUNA XXVI—Ma Na Aina o ka Hema, Ma kela kamakamailio ana mawaena o na wahine a elua, ua hoolana loa ia mai ko Kinia manao, lamalama hou mai la kona helehelena, a ma kekahi la, i haalele iho ai ka Madam e Lahela me Kinia ma ka laua huakai no Po!orida, a holo aku la hoi o Evalena Ka ma kana huakai no Kaleponi. Ma kela hoea ana aku o Kinia no ka aina malihini, a iaia i ala ae ai ma kek&i kakahiaka kala'e, nana aku la oj.a i>ka

paia lani, aohe wahi ao kaa mai, nana aku la hoi maluna o ka moana wti, he hala'i malie wale no, oiai hoi ka makani hu'ihu'i o ke kakahiaka e halihali mai ana i ke ala kupaoa o na pua ame na lau uliuli o ka waokele. Mahope o kona komo ana iho i kona maii lole a paa, hele holoholo aku la oia mawaho o ka home o kona hoaloha, a iaia i ike aku ai i ka Madame Lahela, i aku la oia i ka pane ana akti: "Nani ka like ole o ka noho ana o ka Hema nei me ko ka Akau, iloko o ka mahina o Novemaba nei, pela no ma ko'u home ma Vereginia, ua haalele aku au i kela home, i ka manawa a ka ino e haule ana, he ekolu makahiki ae nei i hala." Aia iloko o Kinia na manao hoohihi no keia home nani o | kona hoaloha, he mea oiaio no nae ia, oiai he nani i'o no kela home, hookahi no kumu o ka nani mamuli mai o ka waiwai o ka makuahine hanauna o ka Madame Lahela, ka mea nana i | hooili mai i kela waiwai nui maluna ona. Aia kela home o ka Madame Lahela ma ke Kalana Mariona, ma na wahi kiekie, mawaho aku o ke kulanakauhale e huli pono ana i ka Paka Wela, -a e pili kokoke ana hoi i kekalū lokowai nui, ka lokowai oi aku o ka nani maloko o Polorida, me kekahi aeone Ae mau milelihulehu ka loa, e huli pono aku ana i ke kai. Ua kapaia ka inoa o keia home o ka Madame Lahela ka Vila Keokeo, a i keia home i hookipa aku ai oia i kana malihini opiopio, me ka hana ana aku i na mea apau e hauoli ai kona noho ana malaila. No kekahi mau mahina ko laua noho ana ma kela liome, e makaikai ana mi na wahl kauiana apau o Polorida, a ina aol« kela mau kiko eleele iloko o ko laua ola ana, me he mea la, 0 laua kekahi mau mea hauoli loa ma ka honua nei iloko o kela fnau la. Ma kela noho kokoolua ana aku o kela mau wahine, ua hooi loa ia ae ka pipili o ko laua noonoo, e lilo ai i hana paakiki ka hookaawale ana o kekahi mai kekahi aku. Aia no o Mr. Evalena Ka ma-Kaleponi kahi i hoohala ai i kona manawa eia nae e kakau mau mai ana no oia i kana kaikamahine, me ka hoakaka mai mailoko o kekahi o kana mau lekii, no kona hoea kino mai i Polorida i ka manawa kupono, Me he mea la, i na wahine,elua e noho ana ma ka Vila Keokeo, ua hooi hou ia ae ka nani ame ke kilakila o keh. home, e ko laua mau helehelena nohe&, a ua hiki ole i ka Madame Lahela ke huna aku i kona manao hauoli, no ka ike maoli mai 1 ka ulumahiehie maoli o ka helehelena o kona hoaloha opio, mamuli o keia mau hiona malihini e hoopuni ana iaia. "Ke haupli loa nei au no kou hoohihi i keia home o'u, a ua komohia no hoi ka manao mahalo iloko o'u, no ka waiho ana mai o kuu makuahine hanauna i keia waiwai maluna o'u," i pane aku ai ka Madame Lahela no na olelo mahalo a Kinia no ka nani o Polorida. "He la maikai i'o keia, e waiwai ole ai ko kaua noho ana i kauhale nei," i hoomau hou aku ai no oia i kana kamailio ana. *'Heaha kau hana makemake, e hele anei kaua i ka holokaa, i ka holoholo anei, a i ole i ka holo waapa paha maluna o ke kahawai?", u Akahi no hoi au a hoea mai no kou wahi nei, o ke ake no o ka malihini ea, o ka ike aku i na mea ano hou, a kona mau maka i ike mua ole ai, nolaila e hele kaua i ka holokaa," wahi a Kinia, i kft pau ana o ke kamailio ana mai a ka. Madame Lahela. Me ka hakalia ole, ua haawiia aku la ke kauoha i ke kahukaa no ka hoomakaukau ana mai i ke kaa me na lio eleele elua, a iloko o ka hapalua hora( aia ke kaa ke ku la mamua o ka puka o ka hale, me kekahi Paele, ma k&hi o ke kalaiwa, no ka lawe ana aku i kona mau haku e makaikai ma na apana kuaaina. Hakalia no i ka Madame Lahela ame Kinia, a kau, me ka noho pono ana iho iluna o na noho pulu nolunolu, o ka lilo aku la no ia o na .lio eleele na ke kalaiwa ka hana, a ke waiho mai la imua o ke alo © na wahine holo makaikai, na mala alani nunui, me na hua memele e luhe ana ma kela ame keia aoao 0 ke alanui, a komo aku la iloko o kekahi ululaau, kahi e ku ana o na home nani o ka poe waiwai a hanohano, e olelo iho ai na kamahele, ua like kela wahi me ka paredaiso. No ka hora hookahi paha kela holo ana aku o ke kaa, kauoh.i aku la ka Madame Lahela e hoohuli ae i ka holo ana o ke kaa, ma kekahi alanui okoa, ia wa i holo aku ai lakou ma kekahi alanui okoa, a iloko o kela ame keia manawa e hoakaka matl mai ana kela Paele kalaiwa i na mea ano nui o kekahi mau wahi. O ko lakou holo hoi ia ahiki i ka hala ana mai o na mile ekolu, ia wa i ka<s<t!|& aku ai o Kinia i ke kalaiwa e hoomaha 1 na lio: "E ku iki iho kiakou ma keia wahi, no ka haawi ana i manawa no na lio e hoomaha ai, a ia kakou hoi e hoomaha ana, e kāinailio mai oe i ka moolelo o kela wahi e ku mai la na paia kahiko o na hale popopo." O kela wahi a Kinia ma i ku iho ai ko lakou kaa, aia ma kekahi aoao mai e huli pono aku ana i kekahi hale kahiko, i hiole me ka mau no nae o ka.paa ō kekahi aoao. E hoopuoi aha hoi i kela hale kahiko kekahi kahua nui akea, nona na hiona e hoike mai ana no ka haaleleia ana o kela wahi, me ka. makaala ple ia, e ka poe i kuleana ii waiwal "Ma ka'ii nana aku, o keia kekahi o na wahi nani loa mamua, a ke minamina. loā nei au, no ka hana hou ole ia ana o kela hale, a hoomaemaeia hoi kona kahna. Owai ka ona nona kela waiwai e Rube?" i ninau mai ai o Kinia i ke kalaiwa Paele. "O ko makou wahi kahiko keia i noho ai, a ma kekahi olelo ana ae hoi, o keia ke kikowaena o ka ohana hookahi e akoakoa ai i kela manawa kahiko; a he ekolu wale ae nei no ma- . kahiki i hala, i pau ai kela liome i ke ahi, a haaleleia e ka hakuwahine, a hoi aku la oia ma Vereginia « noho ai, ma kekahi home nani i kapaia ka inoa o Ilaniwai." No ka hoopuka ana mai o ka Pael'e i ka inoa Ilaniwai, huli koke aku la o Kinia e nana i ka Mādame Lahela, a i ka ike ana mai o ka Madame Lah6la i ke ano-e o kona hoa, hawanawana aku la iaia i ka i ana aku: "Mai hoopuiwaia kotf noonoo no kela inoa, no ka mea he lehulehu wale na wahi ma ka honua nei i kapaia ma ka inoa Ilaniwai, "a mamua nae o ka pane ana aku o Kinia ua kaa e mai la ma ka aoāo o ka Paele ke kamailio ana! "Ua kapaia ka inoa o keia wahi, o Home Aloha, a ua kupono maoli no kela inoa i kapaia ai, no ka mea maanei e pumehana ai ke aloha, o ka poe e noho ana ma keia home. "O ka ona nona keia waiwai, me kana wahine, a haku hoi o makou, he eha wale no a la.ua mau keiki, he elua mau keikikane a he elua mau kaikamahine, o lakou kekahi mau keiki u'i loa, a o keia wahi iho la ka ilina o -ka poe opiopio e hoohala ai i ko lakou manawa, me kela poe keiki, a o ka ilina oloko o na malapua ame na laauhi|ji, no kela poe e ai, elike

no hoi me ke ano inau o ka poe opiopio. rt Ke kamailio aku nei au i keia mau mea ia olua, no na hiona a'u i ike ai mamua aku oke kaua huliamahi. Ika pau ana nae o kela kaua, a nohoalii mai ka maluhia maluna o ka aina, huli hoi mai la o Kapena Va!ena, oia kuu haku, me kona mau lima i muumuu, ua make aku kana mau keikikane elua ma na kahua kaua, a hookuuia ae la na Niga mai ka noho kauwa kuapaa ana, mai kela manawa mai, ao!e e hiki i kuu haku wahine, ke hapai hou i kona poo iluna, i kau a mea o ke kaumaha, hoomailo mai la ka ma'i maluna o kona kino, ahiki i ka make ana, a ma ka oleloia, hookahi kuinu o kona make kok« ana, mamuli o ka naha o kona puuwai. "Mahope mai o kela manawa, ua haulehia iho la ka laua kaikamahine hiapo 1 ke aloha no kekahi kanaka opio ana i halawai aku ai ma ka Akau, a mare aku la i kela kanaka i kane nana, me ka hoolohe ole mai i na ku-e ana aku a kona makuakane, oiai ua hoowahawaha loa kuu haku, i na kanaka o ka Akau. "O ka inoa o kela kanaka i mare mai ai i ke kaikamalune hiapo a kuu haku o Palika Poka, a ma ka'u mea i lohe ai nona, oia kekahi o na kanaka keonimana, a he kanaka waiwai pu no hoi oia, nolaila ua kupono no ka mareia ana o kela mau opio, he mau mea waiwai like no laua. "No Miss Pilina hoi, he kaikamahine muli, oia p\i no kekahi kaikamahine lioolohe ole i kona makuakane, no ka mea ua mare aku la oia i kekahi kanaka opio i kane nan*, he !oio ka hana a kela kanaka, i loaa ole nae iaia ka waiwai elike me ke kane a ke kaikuaana. "Elike no me kela make ana o ka haku wahine o makou, pela no i ukali aku ai kana kane mahope o kona meheu no ka luakupapau he elima makahiki ae nei i hala; a no kana kaikamahine muli hoi, ua oki oia mai kana kane mai, a hoi mai la e noho ma keia wahi no ka manawa pokole. "No ka mea ole nana e hoomaopopo aku i ke kukulu hou ana ae i keia home, a e malama aku hoi i na mea apau, ua haalele iho la kela kaikamahine me kana keiki uuku, a hoi aku la e noho ma ko laua wahi hou, ma Ilaniwai, elik« me ka'u i hoakaka mua aku nei. "Ma ka'u mau mea i lohe mai ai, ua hoohala nui o Mr«. Valena ame kana keiki I ko laua manawa ma ke kaahele mai kekahi wahi a i kekahi, me he mea la o kekahi kumu pafift ia o ka hiki ole ana ke kukulu hou ia keia home kahiko, a fet hoomaemaeia aku hoi ke kahua nui e waiho mai nei. MOKUNA XXVll—Halawai Hou me Aka Valena, Aia ke kalaiwa Paele ke noke la i ke kamailio i kana mt« mea apau i ike ai no ka ohana no lakou kela home, me he mea la, ua lilo loa ia i hana hauoli iif!a, a ke hoolohe malie aku la no hoi na lede elua, me ka hoomanawanui ana e uumi i ko laua mau manao ehaeha, ahiki i ka pane okoa ana ak« 0 ka Madame Lahela: "Ua maha paha na lio o kakou e Rube, a ua lohe ae 1a no hoi maua i ka moolelo o keia wahi, nolaila e hoomau aku oe 1 ka holo ana o ke kaa ma keia alanui a hala mai kekahi mau mile, alaila huli hoi hou mai kakou.'" Hookahi nae kumu nui o ka hoeu koke ana aku o ka Madame Lahela i ka Paele e hoomau aku ko lakou holo ana imua, no kona hopohopo, o hoea aku auanei i kekahi wahi o ka moolelo a kela Paele e kamailio mai ai, e hua'iia ae ana kekahi meahuna, ana i hopohopo loa ai, e lilo ana ia i mea hoehaeha aku i ka nooAoo o Kinia, aia nae iloko ona kekahi mana«» ina e loaa ana he manawa kaawale, alaila e niele «kn ana ot* i kela Paele no kekahi mea ano nui loa ana i noonoo ai, ma!fc pela e hoopauia ae ai kona mau manao kanalua no kekahi j mau mea. Hookahi wahi o na mea a ka Paele i kamallio mai ai, i hoopaia aku ka manao o ka Madame Lahela, o ia no na Mea € pili ana i ke kaikamahine muli a ke kapena Valena, ka mane ana o kela kaikamahine i kana kane ame ko laua oki ana ma na kanawai o ka noho mare ana. ' Ua hookahaha pu ia aku kona noonoo, no ka mea ina he kal» kamahine kela na Kapena Valena # alaila pehea la i hele ai kela kaikamahine ma ka inoa Mrs. Valena? Aole i hoike mai kela Paele i ka inoa o ke kane a ke kaikamahine muli a kona mau haku i mare aku ai, a hookaawale hou ia mahope mai, a o la ka ua o Madame Lahela i nalu walt iho ai no iloko ona, malia paha e hoea mai ana i ka manawa e hiki ai iaia ke akaa ae i ka meahuna pili ia Aka Valena ame Kinia Ka. Alawa mai la ka nana ana a ua wahine nei, ma V& Wlēhel*na o Kinia, aole nae ona ike mai i kekahi hiona e Koopmiwiaii» aku ai kona noonoo, elike me kona ano ana e ike la iho, a o ia kana o ka hookamailio ana mai: "Ua hoalaia mai iloko o'u na manao weliweli no k* mdplelo a Rube 1 kamailio mai nei ia kaua! Nani ka ehaeha oka manao, ke hoomanao ae no ka hookaawaleia ana o na mea aloha kekahi mai kekahi aku, mamuli o kela kaua lokoino; aka nae he nui no na mea e ae, e hookaumahaia ai ka manao. la'u e nana aku ana i kela hale kahiko, me he mea la e kau okoa mai ana no na halialia ana no ka piha o kela wahi me na meahuna pohihihi." I ka hooki ana iho 0 ka Madame Lahela i kana kamailio M mai, huli like aku la oia me Kinia ihope nana i kc ku mai o na paia o kela hale, ka home o na kupuna o Aka Valena i noho ai." He keu aku nae a ka mea kupaianaha, iloko ka hoi o ko Kinia makemake mau e lioopoina loa aku 1 ka noonoo hou ana no Aka Valena, aohe wahi mea a kaawale aku, no ka mea iloko o ka manawa ana i moeuhane mua ole ai, elike ae la me keia hoomoe ana aku no na mea e pili ana i kela home kahiko, 0 ka manawa ia e lohe hou aku ai oia 1 na mea pili i kana aloha kahiko. Nana mai la nae o Kinia ma ka helehelena o kona hoa, a 1 aku la: "Owai hoi ia tnea nele ole ke komohia o na ilihia iaia e nana aku ai i kela home kahiko, i hoopihaia me na haawina hoehaeha noonoo he nui. Ke hoomanao nei no anei oe i kekahi mau lalani mele i kakauia e na kanaka haku mele kaulana o kakou? M "Ma kou mau paia laahia e loheia ai ka nu o ka makani, Ka home 0 kuu mau kupuna i hiolo, Ma kou mau malapua 1 paoa i ke ala, Aole e ike hou ia ka nani me ke onaona.* Hoomau aku la no ke kaa i ka holo ana imua ma kela alahul, me ka hoala hou ole ia mai o na kamailio ana no kela home kahiko, aka e kamailio ana 0 Kinia me kona kokoolua, mt na mea okoa wale nei, eia nae aole kela hoihoi a hauoli ma ko laua mau helehelena, elike me ia a laua iihaalele aku ai ka home ma kela huakai makaikai. (Aole i pau.)