Ka Nupepa Kuokoa, Volume LXIV, Number 15, 9 April 1925 — HE HOALOHALOHA NO MRS. REBECCA K. NICHOLAS. [ARTICLE]

HE HOALOHALOHA NO MRS. REBECCA K. NICHOLAS.

Mr. Solomon Hanohano; Aloha oe ame na keiki pa'i nupepa Kuokoa: —E oluolu mai me ka haahaa i kekahi kolamu o kau nupepa pookela no na manao no ko makou makuahine aloha i hala Mrs. Rebecca Keanoaliiahi Nieholaa. Ua hanauia mai oia mai ka puhaku mai o Kaulia Kaliawai ame kana kane Williapi Goodness ma Waiohuli, Kula, Maui, ma ka la 6 o Novemaba, makahiki 1882, a ua haalele mai oia i keia ola honua ana ma ka la 13 o Feberuari, 1025 ma ka Halema'i Puunene, maliope 0 ke okiia ana e na kauka 110 ke kahi ma'i ana i hoomanawanui ai no na makahiki loihi. Ua hoonaauaoia oia ma ka haleleula Vilikina ma Honolulu. ITa mare aku oia ia Ned Nicholas (Make lanuari 31, 1925) ma Wailuku i ka la 10 0 Sepatemaba. Aole kekahi o makou o ka ohana ma kona aoao i ka manawa hope loa ana i honi ai i na ea maleamae 0 keia ola ana, a kikoo mai la ka lima weliweli 0 ka make i kona uhane aloha a waiho iho la i ke kino puanuanu na makou na ka ohana e haawe a hoomoe aku i ka poli o ka honua i ka moe hooilo ame ka ala huli hoi ole. I na hoahele kula 0 na la kamalii, ua hala o Eebecca Goodness Nieholas no ka huli ana i ka naauao ma. kela home a ko kakou Makua lani i hoomakaukau ai no kakou apau. I na ohana ame na hoaloha he nui mai Hawaii Moku 0 Keawe ahiki ia Kauai Manokalanipo, ua pau ka pumehana ana 0 ka home a oukou e kipa ai a luana i na la i hala; pau ka loho ana i kona leo aloha, heahea a hookipa. Aloha no ka makuahine hoomanawanui ia makou, a makou e haawe nei i ke aloha ame ka luuluu no kana mau hana aloha poina ole. Ua uhai aku oia i kana kane aloha Ned Nicholas iloko 0 ka huakai hookahi 0 ka ala huli hoi ole mai. Ua haule aku -kana kano aloha ma ka la 31 o lanuari o keia makahiki a ua piha 'no hoi na pule elua o kona moe hookahi ana ua uhai aku kana lei aloha e moe' pu laua i ka moe lolii ana i ka opu o ka hoiiua. Ke pule nei makou i ka Makua Lani kiekie loa, e apo mai oia i ka uhane 0 ko makou makuahine ame kana kane iloko 0 Kona poli no ka maha man loa. Me na puuwai i piha i ke aloha ame ka luulun, ke waiho nei makou 1 ko laua mau uhane me ka Makua Lani. Me ka mahalo. 0 makou iho no na ohana a laua

i haalele mai ai e kumakena aku me ke aloha. GUY GOODNESS. * HĒLEN GOODNESS, PERUYIAN GOODNESS, ' MINNIE GOODNESS, GUY GOODNESS, REBECCA GOODNESS, KEUBEN GOODNESS, EVA., GOODNESS, WILLIAM GOODNESS, VICTORIA -GOODNESS, JOEL HOLAU NICHOLAS KAMĀLI NICHOLAS, JOEL HOLAI7,