Ka Nupepa Kuokoa, Volume LXIV, Number 15, 9 April 1925 — MAKEMAKE E HOOLIMALIMA O KAAKAUKUKUI AME KUKULUAEO. [ARTICLE]

MAKEMAKE E HOOLIMALIMA O KAAKAUKUKUI AME KUKULUAEO.

Ma ka waiho ana ae o ke komite o na aina aupuni, i noho lunahoomalu ia e Francis Ii Brown, i ka hoike maluna o ka olelo hooholo Helu 8 o ka hale, ame ka olelo hooholo hui Helu 26, e pili ana i ka aina aupuni o ame Kukuluaeo, a kekahi mau oh'ana Hawaii lehulehu e noho mai nei, ua kakauinoaia kela hoike, e ka hapa uuku o ke komite, me ke apono ole o ka hapanui, a ua waihoia ka hoike a ka hapa uuku ma ka papa, ahiki i ka w?yho ana ae o ka ha panui o ke komite i kana hoike. Ma kela hoike a ka hapa uuku 0 ke komite, e hoakaka ana ia, no ka hiki ole i ke komite ke apono 1 na olelo hooholo a elua, ma ko laua ano i waihoia ae ai oloko o ka hale o na lunamakaainana, no kela kumu, i hui pu aku ai ke komite me ke komisina o na aina aupuni, ame ka hope loio kuhina, a kukakuka i na wahi e hoopakeleia ai na pono o ke aupuni, a iloko hoi o ia manawa hookahi, e loaa he kuleana maoli i na Hawaii e noho ai maluna o na aina o ke aupuni. Ma ka manao o ke komite, o ke alahefe pololei loa e hana aku ai o ia no ke kauoha ana i ke komisina o na aina aupuni, e ana i na apana pa-hale ma Kaakaukukui ame Kukuluaeo, alaila waiho aku ma ka hoolimalima, i ka poe koho t kiekie loa malalo o ke kudala, elike me ka manao o ke kanawai no na hoolimalima laula, no ka manawa o umi-kumamalima makahiki. I kulike ai me kela mau hoakaka ae la maloko o ka hoike, i waiho ae ai ke koniiie i kekahi olelo hooholo i kaokoa mai na olelo hooholo mua elua, me ka manaoio o kela komite, ma kela ano "walo no e hiki ai i na kanaka ke noho ma na aina o ke aupuni, aole ma kekahi mau ano e ae. Maloko o na olelo liooholo ihookomoia ae e Anderson ame Lyman, e koi ana ia i ka ahaolelo lahui, e hookomo aku i na aina o Kaakaukul*ui ame Kukuluaeo, iloko o na aina malalo o ke hoopulapula, no ka 'waiho-

ia aku i mau home no na Hawaii e noho ai, Mahope iho o na hoakaka manao ana maluna o kela hoike a ka hapa uuku o ke komiie, i Vula mai ka noho, e waihoia ka hoike ma ka papa, ahiki i ka wa e waiho mai ai ka hapanui o ke komite i kana hoike, ia e hapai hou ia mai ai ka noonoo ana i kela hoike a ka hapa uuku.